Արման Թաթոյանն ու Նիկոլ Փաշինյանը (արխիվային լուսանկար)

Դատավորները քիչ են, դատարանները` գերծանրաբեռնված. Թաթոյանը` ՀՀ դատական համակարգի մասին

49
(Թարմացված է 13:40 25.02.2020)
Մարդու իրավունքների պաշտպանն Ազգային ժողովում ներկայացրել է իրենց կառույցի ուսումնասիրությունները։

ԵՐԵՎԱՆ, 25 փետրվարի – Sputnik. Դատական համակարգի աշխատանքի արդյունավետության տեսանկյունից Հայաստանն աշխարհում շատ վատ վիճակում է։ Այսօր ԱԺ-ում կազմակերպված ««ՀՀ դատական օրենսգիրք» սահմանադրական օրենքում փոփոխություններ և լրացումներ կատարելու մասին» և հարակից օրենքների նախագծերի փաթեթի քննարկում» թեմայով խորհրդարանական լսումների ժամանակ իր ելույթում այս կարծիքը հայտնեց Հայաստանի մարդու իրավունքների պաշտպան Արման Թաթոյանը։

Ըստ նրա` խնդիրը պայմանավորված է այն հանգամանքով, որ դատարաններն աշխատում են գերծանրաբեռնված, դատավորների թիվը ակնհայտորեն ցածր է անհրաժեշտ թվից։

«Տարիներ շարունակ քաղաքացիները ՄԻՊ-ին հասցեագրած իրենց բազմաթիվ բողոքներում բարձրացրել են իրենց գործերի քննությունը ողջամիտ ժամկետում չիրականացնելու և դրա համար պատասխանատվության մեխանիզմների նախատեսված չլինելու հարցը։ Բողոքների մեծ մասը վերաբերում է նրան, որ դատարաններում գործերի քննությունը տարիներ է տևում»,- ասաց Թաթոյանը։

ՄԻՊ–ի կատարած ուսումնասիրությամբ պարզվել է, որ գործերից մեկով գործի դատաքննությունը շարունակ հետաձգվել է, ու շուրջ 50 դատական նիստ առհասարակ չի կայացել։ Մեկ այլ գործով քննությունն արդեն 8 տարի շարունակվում է ու դեռ չի էլ ավարտվել։

«Միայն 7 դատավորների մոտ նման գործերի թիվը հասնում է 1123-ի»,- ասաց Թաթոյանը՝ վկայակոչելով ԲԴԽ-ի պաշտոնական վիճակագրությունը։

Արդյունքում այս գործերն ի վերջո ՀՀ դատական ատյանները սպառելուց հետո հասնում են ՄԻԵԴ, որտեղ արձանագրվում է եվրոպական կոնվենցիայի խախտում։

«Արդար դատավարության ու հիմնարար ազատությունների» եվրոպական կոնվենցիայի վավերացումից հետո, ըստ Թաթոյանի, Հայաստանի դեմ կայացված վճիռների 40%-ը վերաբերել է կոնվենցիայի 6-րդ հոդվածի՝ արդար դատավարության իրավունքի խախտում, որի բաղադրիչ է նաև ողջամիտ ժամկետի պահպանման իրավունքը։

Այս առումով Թաթոյանը ողջունում է առաջարկվող նոր օրենքի նախագծում ողջամիտ ժամկետի եզրույթի ամրագրման նախաձեռնությունը։

Գերխնդիր է հլու–հնազանդ ՍԴ ունենալը. ի՞նչ ենք զոհելու այս ճանապարհին ըստ Հարությունյանի

49
թեգերը:
Դատավոր, Դատարան, Արման Թաթոյան, Հայաստան
Ըստ թեմայի
Հրայր Թովմասյանը դատի է տվել Նիկոլ Փաշինյանին
Վճիռն աննախադեպ է. եվրոպական դատարանն 1-ին անգամ ամրագրել է` ՀՀ քաղաքացին տանջամահ է արվել
Մեսրոբյան. «Դատարանների հանձնումը ժողովրդի քմահաճույքին լավ հանգրվանի չի բերի»
Էջմիածնի Մայր տաճար

«Հաղթության նշան». Էջմիածնի Մայր տաճարի դռներն առաջիկայում կբացվեն հավատացյալների առաջ

6
(Թարմացված է 16:18 15.07.2020)
Տեր Վահրամ քահանա Մելիքյանը սա հաղթական նշան է համարում՝ Սուրբ Էջմիածնի օրհնությունը մաղթելով հայրենիքի պաշտպան զինվորներին:

ԵՐԵՎԱՆ, 15 հուլիսի — Sputnik. Մայր աթոռի տեղեկատվական համակարգի ղեկավար Տեր Վահրամ քահանա Մելիքյանը facebook-ում հավտացյալներին լավ լուր է հայտնել՝ այն բնորոշելով որպես «Հաղթության նշան»:

Реставрация купола Эчмиадзинского монастыря
Էջմիածնի Մայր տաճարի գմբեթի վերանորոգումը

«Վար են բերվում Մայր Տաճարի գմբեթը կաղապարող շինարարական կապանքները։

Սուրբ Էջմիածնի օրհնությունը թող միշտ մեր զինվոր եղբայրների հետ լինի»,- գրել է հոգևորականը ու նաև տաճարի վերանորոգման աշխատանքների ավարտը վկայող լուսանկարներ հրապարակել։

Ուշագրավ բացահայտումներ` Էջմիածնի վերականգնվող Մայր տաճարում. ինչո՞վ կզարմացնի Մայր Աթոռը

Հիշեցնենք՝ Տաճարի վերականգնման աշխատանքները մեկնարկել էին 2017թ-ին: Բայց մինչ այդ, շուրջ 7 տարի՝ 2012–ից մինչ 2017–ը` մինչ բուն շինարարական աշխատանքների մեկնարկը, մասնագետները ճարտարապետական լուրջ հետազոտություններ են կատարել ու նաև որոշ հետաքրքիր բացահայտումներ արել:

6
թեգերը:
Եկեղեցի, Մայր Աթոռ Սուրբ Էջմիածին, Էջմիածին
Ըստ թեմայի
Հայտնի է՝ երբ կվերատեղադրվի Էջմիածնի Մայր տաճարի գմբեթի խաչը
Հայաստանը միացավ Կրոնական ազատության միջազգային դաշինքին. ԱԳՆ
Հայ առաքելական եկեղեցին դատապարտում է Սուրբ Սոֆիայի տաճարը մզկիթի վերածելու որոշումը
Սահման, արխիվային լուսանկար

Թիրախավորված կրակոցներ չեն արձանագրվել. նոր մանրամասներ՝ սահմանային իրավիճակի մասին

14
(Թարմացված է 16:18 15.07.2020)
ՊՆ խոսնակը կոչ է անում ուշադրություն չդարձնել ՀՀ ԶՈՒ մասին պարբերաբար ապատեղեկատվություն տարածող ադրբեջանական քարոզչական հրապարակումներին։

ԵՐԵՎԱՆ, 15 հուլիսի - Sputnik. ՀՀ ՊՆ խոսնակ Շուշան Ստեփանյանը տեղեկացնում է, որ այս պահի դրությամբ հայ-ադրբեջանական սահմանին հիմնականում պահպանվում է հրադադարը։

Ինչպես է անցել գիշերը հայ-ադրբեջանական սահմանին. ՊՆ խոսնակը մանրամասներ է հայտնել

«Միջադեպեր և թիրախավորված կրակոցներ չեն արձանագրվել։ Իրավիճակը սահմանի ամբողջ երկայնքով ՀՀ ԶՈՒ ստորաբաժանումների լիակատար վերահսկողության ներքո է»,– Facebook սոցցանցի իր էջում գրել է Ստեփանյանը։

Նա կոչ է անում ուշադրություն չդարձնել ՀՀ ԶՈՒ մասին պարբերաբար ապատեղեկատվություն տարածող ադրբեջանական քարոզչական հրապարակումներին։

Հիշեցնենք` հուլիսի 12–ից իրավիճակը սրվել է հայ–ադրբեջանական սահմանի Տավուշի հատվածում։ Հուլիսի 12–ին` ժամը 12:30-ի սահմանում, Ադրբեջանի զինված ուժերի զինծառայողները ՈւԱԶ մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձեր են կատարել: Հայկական կողմի նախազգուշացումից հետո նրանք, թողնելով ավտոմեքենան, վերադարձել են իրենց դիրքեր:

Ինչպես է Ադրբեջանը հարվածներ հասցրել հայկական գյուղերին. տեսանյութեր

Դրանից հետո ադրբեջանական ԶՈՒ-ն պարբերաբար կրակ է արձակում ինչպես հայ դիրքապահների, այնպես էլ գյուղերի ուղղությամբ, ինչի հետևանքով հայկական կողմն ունի 4 զոհ և 10 վիրավոր։ Ադրբեջանը պաշտոնապես հայտարարել է 11 զոհի մասին, նրանց թվում է գեներալ-մայոր Փոլադ Հաշիմովը։

14
թեգերը:
Շուշան Ստեփանյան, կրակոց, հայ-ադրբեջանական, Ադրբեջան, Հայաստան
թեմա:
Հայ–ադրբեջանական սահմանին տիրող իրավիճակը
Ըստ թեմայի
Կիպրոսի ԱԳ նախարարը դատապարտել է ՀՀ-ի նկատմամբ ադրբեջանական ագրեսիան
ԱՄՆ Կոնգրեսը կքննարկի Ադրբեջանին պաշտպանական սպառազինություններ չտրամադրելու հարցը
Ինչ զինատեսակներ է կիրառում Ադրբեջանի ԶՈՒ-ն․ Հովհաննիսյանը մանրամասներ հայտնեց
Մարտերում «զոհվածը» տարկետում ունի. ՊՆ-ն հերքել է ադրբեջանական լուրերը