Նիկոլ Փաշինյան, արխիվային լուսանկար

Աննախադեպ քարոզարշավ. «այո» կա, «ոչ» չկա, բոյկոտողներն էլ ինչ ուզեն կքարոզեն

505
Առաջիկա 50 օրերին ՀՀ քաղաքացիներին հետաքրքիր իրադարձություններ են սպասում։ Իշխանությունն «այո» է քարոզելու, ընդդիմությունը խոստացել է «չխառնվել», ԿԸՀ–ն էլ սպասում է քաղաքացիների դիմումներին։

ԵՐԵՎԱՆ, 17 փետրվարի — Sputnik, Նելլի Դանիելյան. Սահմանադրական փոփոխությունների քարոզարշավն այսօրվանից պաշտոնապես մեկնարկեց. փետրվարի 17-ից մինչև ապրիլի 3-ի ժամը 24։00–ն Հայաստանն ապրելու է հանրաքվեի քարոզչության ռիթմով։

Նախընտրական քարոզարշավը, սակայն, մեկնարկեց Հայաստանի համար աննախադեպ ու անհասկանալի պայմաններում։ Բանն այն է, որ ԿԸՀ–ում առայժմ պաշտոնապես գրանցվել է միայն «Այո»–ի քարոզչության կողմը` ԱԺ «Իմ քայլը» խմբակցության 44 պատգամավորներով։ «Ոչ»–ի կողմ առայժմ չկա։ Կան նաև քաղաքական ուժեր, որոնք հայտարարել են, որ հանրաքվեն չեն ընդունում, բայց չեն էլ ասել` որևէ ձևաչափով մասնակցելու են քարոզարշավին, թե ոչ։

Ստեղծված իրավիճակում, փաստորեն, ՀՀ ընտրողները շուրջ 50 օր դատապարտված են միայն «այո» լսելու ու տեսնելու։

«Ոչ»–ի քարոզչական շտաբ ձևավորելու համար ԱԺ պատգամավորներին օրենքով հատկացված ժամանակն այսօր սպառվել է։ ԿԸՀ քարտուղար Արմեն Սմբատյանը Sputnik Արմենիային հայտնեց, որ պատգամավորները նման նախաձեռնությամբ ԿԸՀ չեն դիմել։

Ուստի «Ոչ»–ի շտաբ ունենալու միակ հույսը մնում է ՀՀ քաղաքացիների վրա։ Նրանք մինչև քարոզարշավի ավարտը դեռ բավականաչափ ժամանակ ունեն միավորվելու ու գրանցվելու։

«Վաղվանից սկսած ցանկացած 50 քաղաքացիների խումբ կարող է գրանցվել որպես «Ոչ»–ի շտաբ և իրականացնել քարոզչություն։ «Հանրաքվեի մասին» օրենքն ու Ընտրական օրենսգիրքը տալիս են որոշակի հանրային ռեսուրսների սպառման հնարավորություններ։ Եթե «Ոչ»–ի քարոզչության կողմ գրանցվի, ապա գրանցման պահից սկսած կարող է օգտվել օրենքով սահմանված հանրային ռեսուրսներից»,– ասաց Սմբատյանը։

Հանրային ռեսուրսներն են Հանրային հեռուստատեսությամբ ու ռադիոյով քարոզչության համար տրամադրվող անվճար եթերաժամերը, 5 քմ–ից ավելի վահանակներ ու պաստառներ փակցնելու իրավունքը և ընտրողների հետ հանդիպումներ կազմակերպելու համար անվճար տրամադրվող դահլիճները։

Փաստորեն, գործող իշխանությունների նախաձեռնած սահմանադրական փոփոխությանը քաղաքական ու քաղաքացիական որևէ ուժ առայժմ պաշտոնապես «ոչ» չի ասել։

Փոխարենը խորհրդարանական ընդդիմությունը հայտարարել է, որ չի մասնակցելու հանրաքվեին. «Բարգավաճ Հայաստանն» այդ գործընթացն իրավական տեսանկյունից խոցելի է համարում, իսկ «Լուսավոր Հայաստանն» ապօրինի է համարում հանրաքվեն։

Արտախորհրդարանական հիմնական քաղաքական ուժերից ՀՀԿ–ն ևս արդեն հայտարարել է, որ հանրաքվեի քարոզարշավին որևէ ձևով չի մասնակցելու։ Իսկ ՀՅԴ–ն ընդհանրապես հորդորում է անտեսել հանրաքվեն։

Բոյկոտը` բոյկոտ, բայց քարոզելու իրավունքը դրանով չի սահմանափակվում։ Անգամ հանրաքվեն բոյկոտած քաղաքական ուժերն ու գործիչները կարող են հանգիստ «ոչ» քարոզել, բայց առանց հանրային ռեսուրսներից օգտվելու։

Բոյկոտի կողմը չի կարող նաև ընտրական հանձնաժողովներում անդամներ ունենալ։ Մինչդեռ «Ոչ»–ի կողմին օրենքը յուրաքանչյուր տեղամասային հանձնաժողովում 2-ական անդամներ ունենալու իրավունք է տալիս։

«Հանձնաժողովները կձևավորվեն մինչև մարտի 1-ը։ Եթե մինչև այդ «Ոչ»–ի կողմ չգրանցվի, ապա հանձնաժողովների թափուր տեղերը կհամալրվեն տարածքային ընտրական հանձնաժողովների կողմից»,– մեկնաբանեց ԿԸՀ քարտուղարը։

Ի դեպ, հետաքրքրական է, որ ՀՀ ընտրական օրենսդրությունը պաշտոնապես «բոյկոտի կողմ» հասկացություն չի սահմանում։ Ասել է թե այս գաղափարը քարոզողների նախընտրական գործունեությունը մնալու է օրենքից դուրս։

Հիշեցնենք` ՀՀ ԱԺ-ն փետրվարի 6-ին արտահերթ նիստում ընդունեց Սահմանադրական փոփոխությունների նախագիծը հանրաքվեի դնելու որոշումը։ Նախագծով առաջարկվում է 2015 թվականի դեկտեմբերի 6-ին փոփոխված Սահմանադրության 213-րդ հոդվածը շարադրել նոր խմբագրությամբ և ներկայացնել այսպես. «Մինչև Սահմանադրության 7-րդ գլխի ուժի մեջ մտնելը նշանակված ՍԴ նախագահի և անդամների պաշտոնավարումը դադարում է»:

Սահմանադրության 7-րդ գլուխն ուժի մեջ է մտել 2018-ի ապրիլի 9-ին։ Դրանից հետո ՍԴ դատավոր են ընտրվել միայն Արմեն Դիլանյանն ու Վահե Գրիգորյանը: ՍԴ մնացած 7 անդամները, այդ թվում` ՍԴ նախագահ Հրայր Թովմասյանն ընտրվել են մինչև 2018թ-ի ապրիլի 9-ը:

Ե՛վ մտահոգ են, և՛ աջակցում են. ԵԽ քարտուղարն անդրադարձել է հայաստանյան զարգացումներին

Հետևաբար, հանրաքվեի դրված փոփոխությամբ, ՀՀ քաղաքացիներն, ըստ էության որոշում են ՍԴ 7 անդամների` Հրայր Թովմասյանի, Ալվինա Գյուլումյանի, Արայիկ Թունյանի, Հրանտ Նազարյանի, Արևիկ Պետրոսյանի, Աշոտ Խաչատրյանի ու Ֆելիքս Թոխյանի պաշտոնանկությունների հարցը։

Եթե Սահմանադրական փոփոխությունն ընդունվի, նրանք պաշտոնանկ կարվեն ու նրանց փոխարեն ԱԺ–ը կընտրի ՍԴ նոր անդամների` ըստ հերթականության` ՀՀ կառավարության, ՀՀ նախագահի, Դատավորների ընդհանուր ժողովի առաջարկած թեկնածուներից։

Հանրաքվեն նշանակված է ապրիլի 5–ին։ Քարոզարշավը կավարտվի ապրիլի 3-ին, ժամը 24։00–ին։

Հրայր Թովմասյանը հրաժարական կտա՞ մինչև հանրաքվեն. պատասխանում է ՍԴ նախագահի խորհրդականը

505
թեգերը:
քարոզարշավ, սահմանադրություն, Հայաստան
Ըստ թեմայի
Գերխնդիր է հլու–հնազանդ ՍԴ ունենալը. ի՞նչ ենք զոհելու այս ճանապարհին ըստ Հարությունյանի
Նախկին նախարարը չի մասնակցելու «Այո»–ի կամ «Ոչ»–ի քարոզչությանը. ինչո՞ւ
Հայաստանի ներկայիս կոռումպացված պաշտոնյաները նախորդներից վտանգավոր են. Փաշինյան
Анна Нагдалян

Գյուղերի հանցավոր թիրախավորումը միջազգային հումանիտար իրավունքի խախտում է. Նաղդալյան

0
ԱԳՆ խոսնակը հանդես է եկել հայտարարությամբ` անդրադառնալով ադրբեջանական զինված ուժերի գործողություններին։

ԵՐԵՎԱՆ, 13 հուլիսի - Sputnik. Ադրբեջանը պետք է անվերապահորեն դադարեցնի հայ–ադրբեջանական սահմանին  գործողությունները. Facebook սոցիալական ցանի իր էջում գրել է ՀՀ ԱԳՆ խոսնակ Աննա Նաղդալյանը։

«Խստորեն դատապարտում ենք Ադրբեջանի շարունակական փորձերը պահպանելու լարվածությունը հայ-ադրբեջանական սահմանի հյուսիս-արևելյան ուղղությամբ և այդ նպատակով Տավուշի մարզի Չինարի և Այգեպար գյուղերի քաղաքացիական ենթակառուցվածքների և բնակչության հանցավոր թիրախավորումը։ Սա միջազգային հումանիտար իրավունքի բացահայտ խախտում է»,–գրել է Նաղդալյանը։

Նրա խոսքով` Ադրբեջանը պետք է ձեռնարկի անհրաժեշտ քայլեր կանխելու հետագա լարվածությունը, որի հետևանքների համար կրում է ողջ պատասխանատվությունը:

Հիշեցնենք, որ երեկ` հուլիսի 12–ին, ժամը 12:30-ի սահմաններում, Ադրբեջանի զինված ուժերի զինծառայողները УАЗ մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձեր են կատարել: Հայկական կողմի նախազգուշացումից հետո Ադրբեջանի զինծառայողները, թողնելով УАЗ մակնիշի ավտոմեքենան, վերադարձել են իրենց դիրք:

Ժամը 13:45-ին Ադրբեջանի զինված ուժերի զինծառայողները կրկնել են հայկական զինված ուժերի սահմանային դիրքը գրավելու փորձը, կիրառելով հրետանային կրակ, սակայն ճնշվել են հայկական կողմից և կորուստներ տալով` հետ շպրտվել:

Ավելի ուշ հայտնի դարձավ, որ ադրբեջանական կողմը վերսկսել է Տավուշի դիրքերի ուղղությամբ հրետակոծությունը: ՀՀ ՊՆ խոսնակ Շուշան Ստեփանյանն այսօր վաղ առավոտյան հայտնեց, որ երկու-երեք ժամվա դադարից հետո առավոտյան հակառակորդը վերսկսել է սադրիչ գործողությունները՝ շարունակելով հրետակոծել հայկական դիքերի ուղղությամբ։

0
թեգերը:
Արտաքին գործերի նախարարություն (ԱԳՆ), Աննա Նաղդալյան, հրետակոծություն, դիրքեր, Սահման, Տավուշ, Հայաստան, հայ-ադրբեջանական, Ադրբեջան
Գագիկ Ծառուկյան

Ստեղծված իրավիճակում ներքաղաքական բոլոր հարցերը դառնում են երկրորդական. Ծառուկյանի կոչը

26
(Թարմացված է 21:35 13.07.2020)
Գագիկ Ծառուկյանը կոչով դիմել է իր թիմակիցներին, որ հաշվի առնեն ստեղծված պատերազմական իրավիճակը։

ԵՐԵՎԱՆ, 13 հուլիսի – Sputnik. Ստեղծված պատերազմական իրավիճակում ներքաղաքական բոլոր հարցերը դառնում են այլևս երկրորդական։ Նման հանձնարարական է տվել իր թիմին «Բարգավաճ Հայաստան» կուսակցության նախագահ Գագիկ Ծառուկյանը, Facebook սոցցանցի իր էջում գրառմամբ հայտնում է ԲՀԿ առաջնորդի մամուլի խոսնակ, ԲՀԿ–ական պատգամավոր Իվետա Տոնոյանը։

«Բոլորիս գերխնդիրը մեկն է՝ լինել միասնական, լինել պետության կողքին և համատեղ ջանքերով դիմակայել թշնամու ոտնձգություններին և արժանի հակահարված հասցնել նրան»,–ասել է Ծառուկյանը։

ԲՀԿ ղեկավարի խոսքով` այսօր, երբ Ադրբեջանի ռազմաքաղաքական ղեկավարությունը կրկին անցել է ակնհայտ սադրանքների, երբ հայ-ադրբեջանական պետական սահմանին իրավիճակը լարված է, երբ երկրի անվտանգության հարցը վեր է ամեն ինչից, յուրաքանչյուրիս պարտքն է միավորել բոլոր ջանքերը հանուն մեր երկրի ու ժողովրդի պաշտպանության, հանուն արտաքին թշնամու դեմ պայքարի:

Հիշեցնենք, որ երեկ` հուլիսի 12–ին, ժամը 12:30-ի սահմաններում, Ադրբեջանի զինված ուժերի զինծառայողները УАЗ մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձեր են կատարել: Հայկական կողմի նախազգուշացումից հետո Ադրբեջանի զինծառայողները, թողնելով УАЗ մակնիշի ավտոմեքենան, վերադարձել են իրենց դիրք:

Ղազախստանը Հայաստանին և Ադրբեջանին կոչ է արել  հրաժարվել ուժի կիրառումից

Ժամը 13:45-ին Ադրբեջանի զինված ուժերի զինծառայողները կրկնել են հայկական զինված ուժերի սահմանային դիրքը գրավելու փորձը, կիրառելով հրետանային կրակ, սակայն ճնշվել են հայկական կողմից և կորուստներ տալով` հետ շպրտվել:

Մինսկի խումբը հայտարարություն է տարածել

Ավելի ուշ հայտնի դարձավ, որ ադրբեջանական կողմը վերսկսել է Տավուշի դիրքերի ուղղությամբ հրետակոծությունը: ՀՀ ՊՆ խոսնակ Շուշան Ստեփանյանն այսօր վաղ առավոտյան հայտնեց, որ երկու-երեք ժամվա դադարից հետո առավոտյան հակառակորդը վերսկսել է սադրիչ գործողությունները՝ շարունակելով հրետակոծել հայկական դիքերի ուղղությամբ։

26
թեգերը:
Բարգավաճ Հայաստան կուսակցություն (ԲՀԿ), Գագիկ Ծառուկյան, դիրքեր, հրետակոծություն, Տավուշ, Հայաստան, Ադրբեջան
Ըստ թեմայի
ՄԻՊ-ը նոր զեկույց կուղարկի միջազգային կառույցներին՝ Չինարիից ստացած նոր փաստերով
Արցախի ԱԳՆ–ն համանախագահներին կոչ է անում գնահատական տալ Ադրբեջանի գործողություններին
Ղազախստանը Հայաստանին և Ադրբեջանին կոչ է արել  հրաժարվել ուժի կիրառումից