Deep Town խաղի հիմնադիրները

Հայկական բջջային խաղը 8 միլիոն մարդ է խաղում. «Խոր քաղաքը» գրավել է նաև թուրքերին

1138
(Թարմացված է 14:40 17.02.2020)
Գևորգ Կոպալյանն ու Ավետիս Զախարյանն իրենց թիմով ինն ամիս ստեղծում էին Deep Town խաղը։ Նրանց աշխատանքն ընկերությանն այնպիսի հսկայական հաջողություն բերեց, որի մասին միայն երազել կարող էին։

Ժաննա Պողոսյան, Sputnik Արմենիա

Իզուր չէ, որ փոքր Հայաստանը մեծ նշանակություն է տալիս ՏՏ ոլորտին, չէ՞ որ այս դարում երկրի չափերն ամենևին էլ դեր չեն խաղում։ Օրինակ, մեր մասնագետների ստեղծած բջջային հեռախոսների համար նախատեսված խաղը կարող են խաղալ բազմաթիվ մարդիկ, որոնց թիվը գրեթե եռակի անգամ գերազանցում է Հայաստանի բնակչությունը։

Google-ը վիդեոխաղեր ստեղծելու համար... վիդեոխաղ է ստեղծել. տեսանյութ

Եվ այս օրինակը լրիվ իրատեսական է. Deep Town (բառացի` «Խոր քաղաք») գիտաֆանտաստիկ խաղը, որը ստեղծվել է Երևանում 2017 թվականին, խաղում է 8 մլն մարդ ամբողջ աշխարհում։ Այն ամեն օր ներբեռնում են միջինը 12 հազար անգամ։ Խաղը ստեղծել է Rockbite Games հայկական ընկերությունը։ Ընկերության հիմնադիրներ` 33–ամյա Ավետիս Զախարյանն ու Գևորգ Կոպալյանը, իրենց ամենահաջողված խաղի ստեղծումից 4 տարի անց անգամ դրա մասին փայլող աչքերով են պատմում։

Компания по разработке мобильных игр Rockbite Games
© Sputnik / Janna Poghosyan
Rockbite Games հայկական ընկերության գրասենյակը

 «Deep Town–ից առաջ մենք մոտ երեք տասնյակ խաղ ենք ստեղծել, բայց դրանցից ոչ մեկը «չգնաց»։ Այդ խաղերով մենք այնքան քիչ գումար աշխատեցինք, որ ստիպված էինք վարձակալել շատ փոքր գրասենյակ, որի պատուհանները ոչ թե փողոց էին նայում, այլ այդ շենքի նախասրահին։ Սակայն Deep Town–ի շնորհիվ մենք մեկ օրում 70 հազար դոլար աշխատեցինք»,–ժպիտով պատմում է Ավետիս Զախարյանը։

Сооснователи Rockbite Games Аветис Захарян (сзади) и Геворк Копалян
© Sputnik / Janna Poghosyan
Deep Town խաղի հեղինակներ Գևորգ Կոպալյանն ու Ավետիս Զախարյանը

«Հաղորդագրությունից հետո մի քանի ժամում խաղը ներբեռնել էին 100 հազար անգամ։ Մենք կարծում էինք, որ սա գագաթնակետն է և շուտով թվերը կընկնեն, բայց ոչ։ Մարդիկ շարունակում էին ներբեռնել խաղը, Deep Town–ը նույնիսկ համաշխարհային թոփերում հայտնվեց։ Մենք վաստակած գումարով նոր, ավելի մեծ գրասենյակ վարձակալեցինք, այն մեր ճաշակով ձևավորեցինք, նոր աշխատողներ և դիզայներներ ընդունեցինք», – հավելում է Գևորգ Կոպալյանը։

Компания по разработке мобильных игр Rockbite Games
© Sputnik / Janna Poghosyan
Rockbite Games հայկական ընկերության գրասենյակը

Deep Town խաղի ֆենոմենը նրա կլանող պատմությունն ու յուրօրինակ մթնոլորտն է։ Խաղացողը հանդես է գալիս ռոբոտի դերում, որի գլխին լամպ է վառվում։ Միլիոնավոր տարիներ անց ռոբոտը հայտնվում է Երկիր մոլորակի վրա։ Այն մոլորակը, որը մենք գիտենք, արդեն վաղուց գոյություն չունի. մարդկությունը վերացել է երկրի երեսից, ամեն ինչ ավերակների մեջ է։ Ռոբոտը պետք է պեղումներ իրականացնի, տարբեր առարկաներ հայտնաբերի և նոր աշխարհ ստեղծի։

Հայաստանը՝ տեսախաղում. ԱԳՆ-ն հաղթողին հատուկ մրցանակ է խոստանում

Սկզբում խաղացողը չի հասկանում, որ հայտնվել է Երկիր մոլորակի վրա միլիոնավոր տարիներ անց։ Առաջին պեղումների ընթացքում նա հին եգիպտական և միջնադարյան գտածոներ է հայտնաբերում։ Սակայն շատ շուտով նա սմարթֆոն է գտնում, և խաղն այդ պահից ավելի հետաքրքիր է դառնում։

Компания по разработке мобильных игр Rockbite Games
© Sputnik / Janna Poghosyan
Rockbite Games հայկական ընկերության գրասենյակը

«Մենք ուղիղ 9 ամիս աշխատել ենք Deep Town–ի վրա, դա բոլոր առումներով մեր «երեխան է»։ Խաղի մասին հայտարարելուց առաջ մեր ֆինանսական հնարավորությունները գրեթե ամբողջովին սպառվել էին, մնացած գումարով մենք կարող էինք ընդամենը 8 օր գոյատևել։ Ինչ ասեմ, մենք շատ էինք վախենում. նույնիսկ դեպրեսիայի մեջ ընկանք։ Բայց խաղի մեջ այնքան հոգի էինք ներդրել, և առաջին հերթին այն հետաքրքիր դարձրել մեզ համար, որ ամեն ինչ ստացվեց», – ասում է Ավետիսը։

Խաղի ստեղծողները «գաղտնագրել են» հայերեն տառեր և բառեր. պեղումների ժամանակ ռոբոտը միստիկ խորհրդանիշներ է գտնում, որոնք իրականում հայկական այբուբենի շրջած տառեր են։ Նույնիսկ լեզվի կրողների համար է բավական դժվար դրանցից բառեր կազմելը։ Սակայն օգտատերերը ստիպված կլինեն ջանք գործադրել` պարզելու համար, թե ով և որտեղ է ստեղծել իրենց սիրելի խաղը։ Որոնողական համակարգին դիմելով` կարելի է գտնել միայն խաղի ստեղծման պատմությունն ու այն ստեղծած ընկերության անվանումը։

Компания по разработке мобильных игр Rockbite Games
© Sputnik / Janna Poghosyan
Rockbite Games հայկական ընկերության գրասենյակը

Գևորգն ու Ավետիսը խոստովանում են, որ հատուկ չեն բացահայտում խաղի «հայկական» արմատները, որպեսզի խուսափեն ադրբեջանցի օգտատերերի ատելությունից և վատ մեկնաբանություններից։

«Մենք արդեն նման փորձ ունեցել ենք, երբ հարևանները «կեղտ են շպրտել» մեր խաղի վրա։ Սակայն խաղը շատ հայտնի է Թուրքիայում։ Թուրքերը նույնիսկ մեզ հատուկ խնդրել էին այն թուրքերեն թարգմանել, ինչն էլ մենք արեցինք», – պատմում է Գևորգը։

Ի սկզբանե Deep Town–ը ստեղծվել է անգլերենով, այնուհետև թարգմանվել հայերեն։ Այսօր խաղը հնարավոր է ներբեռնել 9 լեզվով, այդ թվում` ռուսերեն, թուրքերեն, չինարեն։ Բոլորից շատ այն խաղում են ԱՄՆ–ում, Ֆրանսիայում, Գերմանիայում, Մեծ Բրիտանիայում և Ռուսաստանում։ Հայաստանում ևս այս խաղը սիրահարներ ունի։

Компания по разработке мобильных игр Rockbite Games
© Sputnik / Janna Poghosyan
Rockbite Games հայկական ընկերության գրասենյակը

«Այն օրը, երբ հայտարարեցինք Deep Town–ի մեկնարկի մասին, այն դարձավ Հայաստանի ամենաշատ ներբեռնվող հավելվածը։ Երբեմն նկատում ենք, որ այն խաղում են տրանսպորտում կամ սրճարանում։ Եվ գիտենք, օրինակ, որ եթե ինչ–որ մեկը Հայաստանի դպրոցներից մեկում ներբեռնում է Deep Town խաղը և սկսում այն խաղալ, իսկական «համաճարակ» է սկսվում այդ դպրոցում` բոլորը «նստում են» այդ խաղի վրա»,–ժպտալով ասում է Ավետիսը։

Սերիալները խաղի կվերածվեն. Netflix-ը հայտնել է` որ ֆիլմն է առաջինը «խաղացնելու». տեսանյութ

Ավետիսն ու Գևորգը խաղեր ստեղծելու մասին երազում էին դեռ դպրոցական նստարանից։ Տղաները նույն դպրոցում են սովորել, նույն համալսարանում և միշտ հետաքրքրվել են խաղերով։

Ուսումն ավարտելուց հետո երկուսն էլ աշխատելիս են եղել Հայաստանի առաջատար ՏՏ ընկերություններում։ Սակայն 2013 թվականին որոշել են ամեն ինչ թողնել վաղեմի երազանքն իրականություն դարձնելու ու սեփական խաղերը ստեղծելու համար։ Այդ ժամանակ էլ հենց ստեղծվել է Rockbite Games ընկերությունը։

Компания по разработке мобильных игр Rockbite Games
© Sputnik / Janna Poghosyan
Rockbite Games հայկական ընկերության գրասենյակը

«Այսօր մենք աշխատում ենք նույնքան մեծ և կարևոր մի նախագծի վրա, ինչպիսին Deep Town–ն էր։ Ստեղծում ենք Sandship (Անապատի նավ) խաղը։ Եթե Deep Town–ի հայտնվելուն սպասում էին ամենաշատը 1000 մարդ, ապա մեր նոր խաղին այսօր սպասում են մի քանի տասնյակ հազարավոր գեյմերներ ամբողջ աշխարհում։ Մեկ ամսից խաղը հասանելի կլինի, և մենք անհամբեր սպասում ենք, որ տեսնենք մեր աշխատանքի արդյունքները», – պատմում է Ավետիսը։

Թմրամո՞լ են, թե՞ խաղամոլ. տարածված խաղը համեմատել են թմրանյութային կախվածության հետ

Rockbite Games ընկերությունը բջջային հեռախոսների համար նախատեսված խաղեր ստեղծող հայկական առաջատար ընկերություններից է։ Երկրում գեյմերների և խաղեր ստեղծողների միությունը բավական մեծ է։

Компания по разработке мобильных игр Rockbite Games
© Sputnik / Janna Poghosyan
Rockbite Games հայկական ընկերության գրասենյակը

Շուտով նրանք բոլորը կհավաքվեն մեկ տանիքի տակ. Երևանում ապրիլի 18-ին և 19-ին առաջին անգամ կանցկացվի տեսախաղերի թեմայով Game Conference Armenia անվանումը կրող մեծ կոնֆերանսը։

1138
թեգերը:
Խաղ, Հայաստան, հայեր, հայ, գեյմեր, Deep Town խաղ
Ըստ թեմայի
«Ես լավն եմ, եկեք խաղանք». ֆրանսահայը Գյումրիում ստարտափ է բացել գեյմեր երեխաների համար
Բանակը դիմել է գեյմերների օգնությանը
Հայաստանում էլ սթրիմերներ կան, կամ ինչու է նախարարը զբաղվել YouTube-գեյմերների գործերով
Ոստիկանության ուժեղացված ծառայություն Դավիթաշենում

Ոստիկանությունը շարունակում է ուժեղացված հսկողությունը. հերթը Դավթաշենինն է

36
(Թարմացված է 11:24 29.05.2020)
Փողոցում արևածաղկի սերմ ուտող պապիկները ոստիկանի նկատողությունից հետո պահեցին արևածաղկի տոպրակն ու իրարից հեռու նստեցին:

ԵՐԵՎԱՆ, 29 մայիսի – Sputnik. Այսօր առավոտից ոստիկանությունն ուժեղացված հսկողություն է իրականացնում Երևանի Դավթաշեն վարչական շրջանում:

Ոստիկանները ստուգում են ինչպես բաց տարածքներում քաղաքացիների մոտ դիմակների առկայությունը, այնպես էլ փակ տարածքներում, տրանսպորտում ու ավտոմեքենաներում դրանց պարտադիր կրումը: Ոստիկանությունը տեսանյութ է հրապարակել Facebook-ում։

Ոստիկանության Երևան քաղաքի վարչության հասարակական կարգի ապահովման բաժնի պետի տեղակալ, մայոր Գեղամ Բաղրամյանը, մեկնաբանելով ուժեղացված հսկողության նպատակը, նշեց, որ ոստիկանության աշխատակիցների նպատակը քաղաքացիներին տուգանելը չէ:

«Հետևում ենք, թե ինչքանով են հետևում մեր համաքաղաքացիները պարետի որոշմանն ու կատարում դրա պահանջները: Ասեմ, որ ոստիկանությունն ի սկզբանե տրամադրված չէ քաղաքացիներին վարչական պատասխանատվության ենթարկելու»,- ասաց նա:

Ոստիկանության մայորը հայտնեց, որ Դավթաշենում արդեն երրորդ անգամ է ուժեղացված հսկողություն իրականացվում: Նրա խոսքով` առաջին հսկողության համեմատ տարբերությունը մեծ է, այժմ քաղաքացիների 90%-ը դիմակներ ունեն:

Տեսանյութում երևում է, որ ոստիկանները մոտենում են քաղաքացիներին, հարցնում` դիմակ ունեն, թե ոչ:

Փողոցի նստարանին նստած, արևածաղկի սերմ ուտող տարեց տղամարդիկ ոստիկանության մայորից նկատողություն ստացան ոչ միայն սոցիալական հեռավորություն չպահելու, այլև փողոցն աղտոտելու համար: Ոստիկանի հորդորից հետո տղամարդիկ նստեցին իրարից ավելի հեռու ու պահեցին արևածաղկի սերմով լցված տոպրակը:

Ինչքան կծախսի մեկ ընտանիքը դիմակների համար

Տեսանյութում հարցված քաղաքացիներից միայն 14-ամյա պատանու մոտ դիմակ չհայտնաբերվեց: Ոստիկանները նկատողություն արեցին, բայց չտուգանեցին, քանի որ անչափահաս էր:

Հիշեցնենք` ՀՀ վարչապետ Նիկոլ Փաշինյանն ավելի վաղ ասել էր, որ Հայաստանում հաստատվել է կորոնավիրուսի համաճարակի բավականին ծանր իրավիճակ, ուսումնասիրության արդյունքում հանգել են այն եզրակացության, որ պարետատան հաստատած կանոններն արդյունավետ են, խնդիրը դրանց պահպանելու մեջ է: Նա հայտնել էր նաև, որ Հայաստանում խստացված վերահսկողություն է հաստատվելու, մայիսի 26-ից իրականացվելու են խիստ «ռեյդեր»:

Նոր թրենդային աքսեսուար. թանգարանները հայտնի կտավներով դիմակներ կպատրաստեն

36
թեգերը:
Ոստիկանություն, Երևան, կորոնավիրուս, Հայաստան
Ըստ թեմայի
«Ես դիմակաֆոբ եմ»․ ինչպես են քաղաքացիներն ու մասնագետները վերաբերվում դիմակ կրելուն
Չհիմնավորված բարձր գներ. ո՞վ է մեղավոր դիմակների թանկացման համար
Ինչպես ստուգել` դիմակն իսկական է, թե «կեղծ». քաղաքացիները՝ «կորոնապաշտպանության» մասին
հիվանդանոց

Մեկ օրում` 7 մահ. Հայաստանում կորոնավիրուսի հերթական զոհերից մեկը 42 տարեկան է

159
(Թարմացված է 11:39 29.05.2020)
Կորոնավիրուսի հետևանքով մահացածներից ամենաերիտասարդը կին է, ամենատարեցը` տղամարդ։ Կանանցից մեկը խրոնիկկական հիվանդություն չի ունեցել։

ԵՐԵՎԱՆ, 29 մայիսի – Sputnik. Վերջին մեկ օրում Հայաստանում կորոնավիրուսով վարակվածներից 7–ը մահացել են։ ՀՀ առողջապահության նախարարությունը հայտնում է, որ նրանցից 7-ը տղամարդ են, 3-ը կին։

«Մահացած պացիենտները եղել են 72 (տղամարդ), 42 (կին), 59 (տղամարդ), 66 (տղամարդ), 65 (կին), 64 (տղամարդ), 56 (կին) տարեկան: Վերջինից բացի, մնացած բոլորն ունեցել են ուղեկցող խրոնիկական հիվանդություններ»,– նշված է հաղորդագրության մեջ:

Նախորդ օրը արձանագրվել է մահվան 1 դեպք, երբ մահը վրա է հասել այլ հիվանդության պատճառով:

Հայաստանում կորոնավիրուսով վարակվածների թիվը մեկ օրում ավելացել է 460-ով և հասել 8676–ի։

Կորոնավիրուսով հիվանդների համար ինտենսիվ թերապիայի տեղերը կարող են չբավարարել. Թորոսյան

159
թեգերը:
տղամարդ, Կին, Մահ, կորոնավիրուս, Հայաստան
թեմա:
Կորոնավիրուսը Հայաստանում և Արցախում
Ըստ թեմայի
Հունիսի վերջին կորոնավիրուսով վարակվածների թիվը կես միլիոնի չի հասնի. Արսեն Թորոսյան
Վիրուսի թողած «ժառանգությունը». ինչ հետևանքներ կունենա կորոնավիրուսը երիտասարդների վրա
«Մենք ձեր կողքին ենք»․ Վրաստանը կօգնի Հայաստանին կորոնավիրուսի դեմ պայքարում, եթե դիմեն
ՀՀ առողջապահության նախարարությունը կորոնավիրուսի ախտորոշման համար 2000 նոր սարք կգնի
Արայիկ Հարությունյան

Ուժով հարցի լուծման ճանապա՞րհն ես ընտրել, պարոն Ալիև, մենք պատրաստ ենք. Արցախի նախագահ

31
(Թարմացված է 11:44 29.05.2020)
Արցախի նախագահն իր ելույթում հայտնել է, որ Արցախը դեմ չէ խաղաղ բանակցությունների փուլային տարբերակին, բայց և նշել է, թե ինչ առաջնային պայմաններ պետք է քննարկվեն այդ դեպքում:

ԵՐԵՎԱՆ, 29 մայիսի - Sputnik. Արցախի նախագահ Արայիկ Հարությունյանն ուղիղ եթերում արցախցիներին ուղղված իր ուղերձում անդրադարձավ Ադրբեջանի նախագահ Իլհամ Ալիևի մայիսի 28-ի ելույթին՝ նշելով, որ դա քաղաքական գործչին վայել ելույթ չէր:

«Մանավանդ այս հայտարարությունը՝ «աշխարհում ուժի գործոնն առաջնային պլան է մղվում»: Այսինքն՝ ուժով հարցի լուծման ճանապարհն ես ընտրե՞լ, պարոն Ալիև, մենք պատրաստ ենք, և ուզում եմ վստահեցնել, որ արդյունքը մեզ համար պարզ է: Այն, ինչ ունեցել եք 1994թ-ին, կունենաք նաև այսօր: Մեզ հետ ուժի լեզվով չփորձեք երբևէ խոսել»,- հեռակա կարգով դիմելով Ալիևին՝ ասաց Հարությունյանը:

Արցախի նախագահն իր ելույթում խոսեց նաև Ալիևի մեկ այլ արտահայտության մասին, թե․ «մեր հին քաղաք Երևանը տվել են Հայաստանին, դա չի կարելի ներել»:

Հարությունյանն Ալիևին առաջարկեց փորձել շտկել «պատմական անճշտությունները», եթե այդպես է կարծում, բայց և զգուշացրեց` դա Ադրբեջանի համար լինելու է կործանարար:

«Համագործակցելու եմ բոլորի հետ անխտիր»․ Արայիկ Հարությունյան

«Ուժի լեզվով երբևէ չհամարձակվեք խոսել մեզ հետ: Մենք պատրաստ ենք խաղաղ ճանապարհով, բանակցության միջոցով հարցի խաղաղ լուծմանը, և այն հայտարարությունը, որը դու արել ես, թե՝ «միայն փուլային տարբերակով կարող է լուծվել», իհարկե, փուլային կարող է լուծվել, բայց միայն մի տարբերակով՝ առաջին հերթին՝ ինքնորոշման իրավունքի ճանաչում, երկրորդ՝ մեր անվտանգության երաշխիքների ընդունում, որից հետո միայն ՝ բանակցություններ: Այլ տարբերակ չի լինելու»,-նշեց Հարությունյանը:

Արայիկ Հարությունյանը Մայիլյանին արտգործնախարար է նշանակել, Բաբայանին` ԱԱԽ քարտուղար

Մայիսի 28-ին Ադրբեջանի Ղարադաղի շրջանում բնակելի համալիրի բացման արարողության ժամանակ Ադրբեջանի նախագահ Իլհամ Ալիևն իր ճառում դարձյալ խոստացել է վերականգնել Ադրբեջանի տարածքային ամբողջականությունը՝ նշելով որ դրա համար կարևոր գործոնն իր երկրի ռամական հզորությունն է:

Իսկ որպես ուժի կիրառման օրինակ Ալիևը հիշատակել է 2016թ-ի ապրիլյան պատերազմը:

31
թեգերը:
Արցախի նախագահ Արայիկ Հարությունյան, Պատերազմ, Իլհամ Ալիև, Արցախ, Ադրբեջան, Հայաստան
Ըստ թեմայի
Ադրբեջանցիները կրկին ակտիվացել են. կրակոցների թիվը սահմանին ավելացել է
«Կոչ ենք անում բանակցել»․ Զախարովան՝ սահմանային միջադեպերի մասին
Պետական սահմանին ծառայությունը միշտ էլ բարդ է. Դավթյանը շնորհավորել է ռուս սահմանապահներին
Նոյեմբերյանում ադրբեջանական կրակոցներից վնասվել են սահմանամերձ գյուղի տները