Հայաստանը քայլերթով շնորհակալություն հայտնեց Սիրիային Ցեղասպանության ճանաչման համար

Շուքրան, Սիրիա․ Հայաստանը քայլերթով շնորհակալություն հայտնեց Ցեղասպանության ճանաչման համար

237
(Թարմացված է 18:16 16.02.2020)
Սիրիան աշխարհի 38-րդ երկիրն է, որը ճանաչեց 1915 թվականին Օսմանյան կայսրությունում իրագործված հայերի կոտորածը։

ԵՐԵՎԱՆ, 16 փետրվարի — Sputnik, Ժաննա Պողոսյան․ Այսօր Երևանի կենտրոնը գունավորվել էր․մի քանի տասնյակ մարդիկ քայլերթ էին իրականացնում՝ ծածանելով տարբեր երկրների դրոշներ։ Յուրաքանչյուր հայ Երևանում իրար կողքի տեսնելով Ռուսաստանի, Ֆրանսիայի, Բելգիայի, Հունաստանի ու Լիբանանի դրոշները կարող էր գլխի ընկնել, որ այդ երկրներին այս պահին միավորողը Հայաստանի հետ նրանց բարեկամությունն է և Հայոց ցեղասպանությունը նրանց կողմից ճանաչելու փաստը։

Шествие благодарности Сирии за признание Геноцида армян (16 февраля 2020). Еревaн
© Sputnik / Janna Poghosyan
Հայաստանը քայլերթով շնորհակալություն հայտնեց Սիրիային Ցեղասպանության ճանաչման համար

Այսօր ցեղասպանությունը ճանաչած 37 երկրների դրոշների շարքում հայտնվել էր նաև Սիրիայի կարմիր-սև-սպիտակը։ Այս տարվա փետրվարի 13-ին Սիրիայի խորհրդարանն ընդունել է Հայոց ցեղասպանությունը ճանաչող և դատապարտող բանաձև։ Քայլերթի «նորեկ» դրոշակը միանգամից աչքի է զարնում, այն բռնել են Հայաստանի եռագույնից անմիջապես հետո, ու հենց դրա շուրջ են հավաքվել պաստառներով մարդիկ։ Պաստառներից շատերի վրա Սիրիայի Նախագահ Բաշար Ասադի նկարն է։

Барабанщики у посольства во время шествия благодарности Сирии за признание Геноцида армян (16 февраля 2020). Еревaн
© Sputnik / Janna Poghosyan
Հայաստանը քայլերթով շնորհակալություն հայտնեց Սիրիային Ցեղասպանության ճանաչման համար

Ակցիան մասնակիցներն անվանել են «երախտագիտության քայլերթ» ու պարբերաբար վանկարկում են «շուքրան, Սիրիա» (արաբերեն`շնորհակալություն)։ Դրոշներով մասնակիցները` երաժիշտների ուղեկցությամբ, քայլում են Երևանի կենտրոնական փողոցներով ու կանգ առաջ Հայաստանում Սիրիայի դեսպանատան մոտ։ Դեսպանատան դռները բացել են, որպեսզի բոլոր նրանք, ովքեր ուզում են շնորհակալություն հայտնել, ներս մտնեն, ու բոլորը ներս մտան։ Աշխատակիցները միանգամից բարձրախոսի հարցը լուծեցին։ Հավանաբար, նման միջոցառումներ հաճախ չեն լինում այստեղ, քանի որ բարձրախոսի գնապիտակն անգամ չէին հասցրել պոկել։

Միջոցառումը սկսվում է Հայաստանի ու Սիրիայի օրհներգներով։ Ներկաների մեծ մասը երկու օրհնգերն էլ երգում է։ Նրանց շարքում շատ են սիրիահայերը, որոնց համար այն փաստը, որ իրենց երկրորդ հայրենիքը ճանաչել է Ցեղասպանությունը, ասես մեծ տոն լինի։ Օրհներգները լսելուց հետո հավաքվածները մեկ րոպե լռությամբ հարգանքի տուրք են մատուցում 1915 թվականի ջարդերի 1,5 միլիոն զոհերի ու 2011 թվականից մինչ այսօր սիրիական քաղաքացիական պատերազմի ընթացքում սպանված զինծառայողների հիշատակին։

Երախտագիտության խոսք են ասում ՀՅԴ ԳՄ անդամ Արծվիկ Մինասյանն  ու Հնչակյան կուսակցության անդամ Վազգեն Մեսրոպյանը։ Երկուսն էլ ընդգծում են, որ 21-րդ դարի Թուրքիան չի փոխել իր ձեռագիրն ու հիմա էլ Սիրիայի տարածքում է սպանում խաղաղ բնակչությանը։

Арцвик Минасян, представитель партии Дашнакцутюн, в посольстве Сирии (16 февраля 2020). Еревaн
© Sputnik / Janna Poghosyan
ՀՅԴ ԳՄ անդամ Արծվիկ Մինասյան

«Միայն 1915 թվականի Հայոց ցեղասպանությունը ճանաչելով կարելի է կանգնեցնել Թուրքիային, որն Օսմանյան կայսրության  անմիջական ժառանգորդն է ու զերծ պահել հետագա սարսափելի գործողություններից։  Այս քայլով Սիրիան ապացուցեց, որ մեր երկրների բարեկամությունը շատ ամուր է։ Ցեղասպանությունից փրկված բազում հայեր Սիրիայում են ապաստան գտել։ Իսկ հիմա, երբ Սիրիան ծանր ժամանակներ է ապրում, Հայաստանը տուն է դարձել ոչ միայն սիրիահայերի, այլև բազում սիրիացիների համար», - նշեց Արծվիկ Մինասյանը։

«Թուրքիայի ձեռքը բռնել է պետք». քրդական համայնքը բողոքի երթ է կազմակերպել. լուսանկարներ

Հայաստանում Սիրիայի դեսպան Մոհամմեդ Հաջ Իբրահիմն խոսքը սկսեց հայերեն բարևելով, ինչին դահլիճը ծափահարություններով արձագանքեց։ Նա ասեց, որ հավաքված հայերն իր քույրերն ու եղբայրներն են, որից հետո նորից ծափահարություններ հնչեցին։

«Հայոց ցեղասպանությունը եղել է Արևմտյան Հայաստանի տարածքում, կոտորածը հասել է մինչև Սիրիայի հողեր։ Ճանաչելով Հայոց ցեղասպանությունը` Սիրիան իր ներդրումն է անում պատմական իրականությունն ընդունելու հարցում», - նշեց դեսպանը։

Посол Сирии в Армении Могаммед Хадж Ибрагим (16 февраля 2020). Еревaн
© Sputnik / Janna Poghosyan
Հայաստանում Սիրիայի դեսպան Մոհամմեդ Հաջ Իբրահիմ

Մոհամմեդ Հաջ Իբրահիմը նաև շնորհակալություն հայտնեց Հայաստանի կառավարությանը քաղաքացիական պատերազմի ժամանակ Սիրիային աջակցելու, այդ թվում նաև՝ մարդասիրական առաքելության իրականացնելու համար։

Սիրիայի խորհրդարանը փետրվարի 13–ին միաձայն ընդունեց Հայոց ցեղասպանությունը ճանաչող և դատապարտող բանաձև։ 20-րդ դարում Օսմանյան կայսրության կողմից Հայոց ցեղասպանության և Սիրիայի ժողովրդի այլ ներկայացուցիչների ցեղասպանության ճանաչումն ու դատապարտումը հաստատող բանաձևը ներկայացրել էր Սիրիա-Հայաստան խորհրդարանական բարեկամության հանձնախումբը։

237
թեգերը:
Հայ Յեղափոխական Դաշնակցություն (ՀՅԴ), Արծվիկ Մինասյան, Դեսպան, Հայոց ցեղասպանություն, Սիրիա
Ըստ թեմայի
Ի՞նչ կա դրա մեջ, ցեղասպանությունը ճանաչելը նաև քաղաքական քայլ էր. Աբաս Ջումա
Ծանրակշիռ ավանդ. ՀՀ ԱԳՆ–ն արձագանքել է Սիրիայի խորհրդարանի որոշմանը
Պետրոսյան. «Մեր տարածաշրջանում Թուրքիայի ախորժակը կարող է զսպել միայն Ռուսաստանը»
Արխիվային լուսանկար

Վտանգավոր է առողջության համար․ ո՞ւմ է հակացուցված նեղ հագուստը

47
(Թարմացված է 21:39 19.09.2020)
Բարձր գոտիով ջինսեր, նեղ բլուզներ կամ պատյան-շրջազգեստներ ընտրելիս պետք է հիշել, որ դրանք վնաս են հասցնում առողջությանը։

ԵՐԵՎԱՆ, 16 սեպտեմբերի – Sputnik. Մարմինը չափազանց սեղմ գրկող հագուստը որոշ հիվանդությունների դեպքում ոչ միայն անհարմար է, այլև՝ հակացուցված, ռադիո Sputnik-ին տված հարցազրույցում ասել է աղեստամոքսաբան Նուրիա Դիանովան։

Մասնագետի կարծիքով, վտանգ կարող են ներկայացնել բարձր գոտիով ջինսերը։ Չնայած այդպիսի տաբատները շահեկան կերպով ընդգծում են կազմվածքը, սակայն աղեստամոքսային համակարգի հիվանդությունների դեպքում դրանք չի կարելի կրել։ Սուր գաստրիտի դեպքում այդպիսի ջինսերը կարող են ավելի ուժեղացնել ցավերը։

«Գաստրիտը գոտկատեղի հատվածում է, իսկ «բարձրահասակ» ջինսերը սեղմում են մարմնի հենց այդ հատվածը։ Քայլելիս դա առանձնապես չի զգացվում, բայց հենց նստում ենք՝ այդ հատվածը սեղմվում է, ներորովայնային ճնշումն ավելանում է, հետևաբար՝ ճնշում է գործադրվում ստամոքսի վրա։ Եթե այդ պահին մարդը գաստրիտի սրացում ունի, ցավերը կարող են սաստկանալ»,-բացատրել է Դիանովան։

Նա ավելացրել է, որ եթե առկա է ռեֆլյուքսային հիվանդություն, ապա բարձր գոտիով ջինսերը հակացուցված են․ ճնշումը մարդու մոտ ուժգին այրոց է առաջացնում։

Բեռնաթափման օրեր. ինչպես մեկ օրում մաքրել օրգանիզմը և նիհարել

Եվ խոսքը միայն ջինսերի մասին չէ․ ցանկացած նեղ հագուստ, ինչպես նաև ձիգ կապված գոտին կարող են անհարմարություն առաջացնել նման հիվանդություններյ ղեպքում։

Ինչպես նշել է Դիանովան՝ էրոզիայի, խոցերի և ռեֆլյուքսային հիվանդության դեպքում խորհուրդ է տրվում հրաժարվել ձիգ գոտիներից և նեղ հագուստից։ Կորսետները, շատ նեղ բլուզները, պատյան-շրջազգեստները, տղամարդկանց դեպքում՝ slim-size հագուստը որովայնի շարժման համար տեղ չեն թողնում։

47
թեգերը:
բժիշկ, հիվանդություն, հագուստ
Ըստ թեմայի
«Ամուսնուս խնդրել եմ ինձ համար հագուստ չգնել». անկեղծ զրույց Լուսինե Բադալյանի հետ
Հիշողությունը պետք է ոչ միայն մարզել, այլև ճիշտ սնել․ 5 մթերք, որոնք կօգնեն լավացնել միտքը
Ձմերուկի օգուտն ու վնասը. ում խորհուրդ չի տրվում օգտագործել այն
Երևան. արխիվային լուսանկար

«Հին Երևանի» մի մասն այս տարի կբացվի, մնացածի հարցը բարդ է. բնակիչները շատ փող են ուզում

86
(Թարմացված է 22:00 19.09.2020)
«Հին Երևան» նախագծի հեղինակ Լևոն Վարդանյանը Sputnik Արմենիային պատմել է, թե ինչ ընթացքի մեջ է արդեն 15 տարի շարունակվող ծրագիրը։ Ճարտարապետը հայտնել է նաև, թե ինչ խնդիրներ կան ծրագրում բնակիչների, ներդրողների ու նաև քանդված հուշարձանների քարերի հետ կապված։

ԵՐԵՎԱՆ, 19 սեպտեմբերի– Sputnik Արմենիա. «Հին Երևան» ճարտարապետական նախագծի Արամի և Բյուզանդի փողոցների հատվածն առաջիկայում կբացվի։ Տեղեկությունը Sputnik Արմենիային հայտնեց նախագծի հեղինակ Լևոն Վարդանյանը։

«Արամի և Բյուզանդի փողոցների կառուցապատման աշխատանքներն այս տարի կավարտվեն։ Այն հատվածներում, որտեղ շինարարությունն ընթանում էր, մնացել է միայն կենտրոնական ծածկը, և բակի կողմից կան փայտե պատշգամբներ, որոնց վրա դեռ աշխատանք կա անելու։ Դեռ ավարտին չեն հասցրել նաև հետիոտնային տարածքների, մայթերի աշխատանքները։ Բայց դրանք այս տարի կավարտենք»,– ասաց Վարդանյանը։

Օրինակ` Միրզոյան եղբայրների պատմական շենքն այս տարի կբացվի, բայց դալանը, որով հետիոտները կկարողանան մտնել երևանյան փոքրիկ բակը, դեռ փակ կմնա։

Ինչ վերաբերում է նախագծի մնացած հատվածներին, այստեղ, Լևոն Վարդանյանի խոսքով, աշխատանքներն իրացման լուրջ խնդրին են բախվել ու դեռ հայտնի չէ, թե այդ հարցը երբ կլուծվի։

Հին Երևանը՝ միայն առաջին հարկում. 2800 տարվա կորսված պատմությունը

«Մեր ժողովրդին գիտեք, էլի, նենց թվեր են ասում։ Վերջիվերջո, ամեն մի ապրանք իր գինն ունի։ Բայց նրանք ֆանտաստիկ գներ են ասում 1քմ–ի համար»,– ասաց Վարդանյանը։

Վարդանյանի հաշվարկով` եթե ամեն բան հարթ ընթանա, ապա 2 տարի անց կբացվի նաև Աբովյան– Քոչինյան հատվածը։ Իրացման տեսակետից` ամենաբարդը Քոչինյանից Կողբացի հատվածի հարցն է։

Բնակիչների հետ բանակցությունները նրանց տարածքների իրացման շուրջ` շարունակվում են, բայց ճարտարապետը հույս ունի, որ հաջորդ տարի շինարարությունը կմեկնարկի նաև այդ տարածքներում։

«Մոտ 60 տոկոսն է մինչև էսօր իրացված, կա իրացվելիք 30 տոկոս, որտեղ բարդություններ կան։ Բնակիչների հետ աշխատանքներ են սկսվել, որոնք դեռ չգիտենք` ինչով կավարտվեն։ Մենք սպասում ենք, որ գոնե մի ինչ–որ տարածք մաքուր լինի, որ կարողանանք շինարարական աշխատանքներ սկսել»,– ասաց Վարդանյանը։

Չիրացվածության հետևանքով, ըստ ճարտարապետի, առաջանում է նաև երկրորդ խնդիրը` կապված կառուցվող ու վերակառուցվող շենքերի ֆունկցիոնալ նշանակության հետ։ Տարիներով ձգձգումներն անորոշություններ են առաջացնում նաև հենց ներդրումային ծրագրերում։

«Եթե պատվիրատուն մի քանի տարի սպասում է, որ իրացման աշխատանքները վերջանան, ինքը սկսի շինարարությունը, ինքն ինչպե՞ս կարող է այդպիսի անորոշ ժամանակահատվածում որևէ կոնկրետ ֆունկցիայի մասին խոսել։ Այնտեղ կոնկրետ կտոր կա նախկին Աստաֆյան ֆողոցում (ներկայում` Աբովյան,–խմբ.), որ հստակ գիտենք` հյուրանոց է լինեու։ Բայց, օրինակ, եկամտաբեր տները, որոնք, գիտեք` վերևը բնակելի են, ներքևը` հասարակական նշանակության, փորձում ենք իրենց նախկին ֆունկցիային համապատասխան հոթել-ապարտամենտ սկզբունքով տուրիստներին վարձակալության տալու համար տարածքներ կառուցել։ Թեև կոնկրետ ֆունկցիաներ դեռևս գոյություն չունեն»,– ասաց Վարդանյանը։

«Հին Երևան» նախագծի հեղինակ Լևոն Վարդանյանը նշում է, որ կառուցապատման ենթակա ամբողջ տարածքում 3 տեսակի հուշարձաններ կան` տեղում պահպանվող, տեղափոխվող և վերաստեղծվող։

Ռուսերեն ու գերմաներեն հայհոյող և հայերեն խոսող «գուշակ» թութակը. կյանքը հին Երևանում

Տեղափոխվող հուշարձաններն ամենավատ վիճակում են։ Վարդանյանը պատմում է, որ երբ ինքը սկսեց զբաղվել ծրագրով, տեղափոխման նպատակով քանդված հուշարձանների համարակալված քարերի մի մասն արդեն ավիրված էր։

«Քանդված բոլոր շենքերի քարերի տեղերը գիտեմ, թե որտեղ են։ Բայց մինչև այդ քարերը չբերենք, չփռենք, նորից չսկսենք վերստեղծել այդ շենքերը, քարերի վիճակի մասին չենք կարող վերջնական բան ասել, որովհետև տեղեր կան, որ ուղղակի կույտերով «սամասվալ արած» է»,– ասաց նա` հավելելով, որ կորած ու ավիրված քարերի փոխարեն հետագայում` շենքի վերաստեղծման ժամանակ, ստիպված են լինելու նոր քարեր բերել ու լրացնել։

Վարդանյանը նշում է, որ այն պահից, ինչ ինքն է ղեկավարում ծրագիրը, ապամոնտաժվել է միայն մեկ հուշարձան` Պուշկինի փողոցում գտնվող Աֆրիկյանների եկամտաբեր տան շենքը։

«Ես, հասկանալով, թե ինչ պետք է լինի, գնացել, կանգնել եմ Աֆրիկյանների տան աշխատանքների գլխին, բերել եմ ապամոնտաժողներին, նրանք ապամոնտաժել են։ Այնտեղ մենք ունենք Աֆրիկյանների շենքի ճակատային մասին բոլոր քարերը` 100 տոկոսով, առանց վնասելու»,– ասում է նա։

Երևանի կենտրոնում «Հին Երևան» պատմաճարտարապետական միջավայր ստեղծելու մասին առաջին անգամ սկսեցին խոսել 2005թ–ին։ Հենց այդ տարիներին էլ Երևանի կենտրոնական թաղամասերը` Փավստոս Բյուզանդի, Եզնիկ Կողբացու, Արամի փողոցների շենքերն ու տները հանրային գերակա շահ հռչակվեցին։

Նախագիծը նախատեսված է իրականացնել շուրջ 2.2 հեկտարի վրա։

Նոր Երևանը՝ հին երևանցիների աչքերով

86
թեգերը:
Երևան, «Հին Երևան» նախագիծ
Ըստ թեմայի
Հայաստանի կառավարությունը հողատարածք է հատկացրել «Հին Երևան» նախագծի համար
«Հին Երևանի»` խախտումներով շինարարություն իրականացնելու դեպքով քրգործ է հարուցվել
Ինչու է Փաշինյանը շարունակում նախկինների հակասական նախագծերը, կամ ինչ եղավ «Հին Երևանը»
Սուրեն Պարսյան

Զուտ օպերատոր փոխելով հնարավոր չէ զարգացնել Հայաստանի ֆոնդային բորսան. տնտեսագետ

0
(Թարմացված է 21:45 19.09.2020)
ՀՅԴ Բյուրոյի տնտեսական հետազոտությունների գրասենյակի պատասխանատու Սուրեն Պարսյանը Sputnik Արմենիայի եթերում անդրադարձել է Հայաստանի ֆոնդային բորսայի հետ կապված վերջին գործարքին։
Պարսյան. «Ֆոնդային բորսայի հարցում ԿԲ–ն օգտվում է կառավարության պատրաստ չլինելու հանգամանքից»

Տեղեկատվության համաձայն` Վարշավայի ֆոնդային բորսան ՀՀ Կենտրոնական բանկի հետ ստորագրել է պայմանաթերթ` ՀՀ ԿԲ–ից Հայաստանի ֆոնդային բորսայի 65 տոկոսը ձեռք բերելու շուրջ բանակցությունների վերաբերյալ։

Սուրեն Պարսյանի տեղեկացմամբ`Հայաստանի ֆոնդային բորսան հիմնադրվել է 2001 թվականին, որի միակ սեփականատերը ԿԲ–ն էր, այնուհետև 2009 թվականին սկանդինավյան «Նազդաք OMX»–ը ձեռք բերեց մեր ֆոնդային բորսայի 100 տոկոս բաժնետոմսերը` դառնալով միակ սեփականատերը։ Այդ ժամանակ խոսվում էր, որ դրսից օպերատոր բերելով` մեր ֆոնդային բորսան կզարգանա, ֆինանսական գործիքները տնտեսությանն ավելի հասանելի կդառնան, մենք ոչ թե վարկ ձեռք կբերենք բիզնես սկսելու համար, այլ կդիմենք ֆոնդային բորսաներին։

«Տրվեցին բավականին մեծ խոստումներ, կային նույնքան մեծ ակնկալիքներ, նույնիսկ մեր բորսան վերանվանվեց` կոչվելով «Նազդաք Արմենիա», որպեսզի համաշխարհային բրենդը կայանար նաև Հայաստանում։ Հատկանշական է, որ «Նազդաք AMX-ը» կենտրոնական դեպոզիտարիայի 100 տոկոսի բաժնետերն է, նրա կողմից է ղեկավարվում պարտադիր կուտակային կենսաթոշակային համակարգի մասնակիցների հաշիվները, սակայն պետք է նշեմ, որ սկանդինավյան օպերատորը Հայաստանից դուրս եկավ, իսկ «Նազդաք AMX–ը» կրկին վերանվանվեց Հայաստանի ֆոնդային բորսա»,– նշում է տնտեսագետը։

Նրա խոսքով` ԿԲ–ն նորից որոշել է վաճառել ֆոնդային բորսան, և այդ քայլի վրա զգալի ազդեցություն են թողել անցյալ տարվա բիզնեսի ցուցանիշները, որոնց համաձայն մեր երկիրը բավականին վատ դիրքեր ունի`ելնելով ֆոնդային բորսայում բաժնետիրական ընկերությունների վաճառքի ցուցանիշներից։ Ըստ այդմ` մեր ֆոնդային բորսայում երկու տասնյակ ընկերություններ են իրացնում կամ վաճառում իրենց արժեթղթերը, մինչդեռ հարևան Վրաստանի ֆոնդային բորսայում այդպիսի ընկերությունների քանակը հասնում է մի քանի հարյուրի։

ՀՀ կառավարությունը որդեգրել է վարկը վարկով մարելու գործելակերպը. Պարսյանը` ճգնաժամի մասին

«Վերջին 10 տարիների ընթացքում սկանդինավյան «Նազդաք OMX-ի» գործունեությունն էական փոփոխություն չի բերել մեր ֆոնդային բորսայում։ Հիմա բերում են նոր օպերատոր, ԿԲ–ն սրանով փորձում է կառավարությանը ցույց տալ, որ տեսեք, մենք փորձում ենք օգնել գործադիրին բիզնեսի ցուցանիշները բարելավելու ուղղությամբ և հերթական գործարքն ենք իրականացնում։ ԿԲ–ն ըստ էության օգտվում է կառավարության ոչ պատրաստ լինելու հանգամանքից, որտեղ ուղղակի չեն տիրապետում ո՛չ անցյալին, ո՛չ ներկային, ուստի ԿԲ–ի բոլոր ծրագրերն ընդունում են հալած յուղի տեղ, այսինքն` ընդունում են այն ամենը, ինչ առաջարկում է ԿԲ–ն»,– նշում է տնտեսագետը։

Սուրեն Պարսյանի գնահատմամբ` արդյունքում դարձյալ կունենանք օպերատոր, որին բավականին մեծ խոստումներով կբերեն Հայաստան և նա նույնպես ինչ–որ կերպ կձախողվի իր աշխատանքներում` հիմք ստեղծելով նոր օպերատոր փնտրելու համար, մինչդեռ զուտ օպերատոր փոխելով հնարավոր չէ զարգացնել ֆոնդային բորսան։

Ըստ Պարսյանի` մեր ԿԲ–ն շահագրգռված չէ, որ մեզ մոտ ֆոնդային կամ ֆինանսական կապիտալի համակարգը զարգանա, որովհետև եթե գումարները գնան այնտեղ, ապա մեր բանկերը կզրկվեն ավանդներից, մատչելի գումարներից։ Այդ դեպքում մարդիկ ոչ թե գումարը բանկում կթողնեն որպես ավանդ, այլ այդ գումարով ձեռք կբերեն բաժնետոմսեր և բանկերին դուրս կթողնեն խաղից։

Մասնագետները նշում են, որ Հայաստանի ֆոնդային բորսան չի զարգանա ԿԲ–ի վերահսկողության ներքո, հետևաբար անհրաժեշտ է փոխել գործող մոդելը։

0
թեգերը:
բիզնես, Կենտրոնական բանկ (ԿԲ), Ֆոնդային բորսա
Ըստ թեմայի
Նախատեսվածից շատ ծախսեր են արվել. տնտեսագետը՝ պետբյուջեի սխալ պլանավորման մասին
«Մեր տնտեսությունը և բնակչությունը պետք է պատրաստվեն տնտեսական մեծ անկման». Պարսյան
Կապիտալ ծախսերը դարձյալ թերակատարվել են. ԿԲ–ն հաստատում է խնդրի առկայությունը