Զոհրաբ Մնացականյան. արխիվային լուսանկար

Զոհրաբ Մնացականյանը հանդիպել է ԵԱՀԿ քարտուղարին. անդրադարձել են նաև ԼՂ հիմնահարցին

44
(Թարմացված է 12:04 15.02.2020)
Զոհրաբ Մնացականյանը ԵԱՀԿ քարտուղարի հետ հանդիպման ժամանակ ընդգծել է ԼՂ հիմնահարցի խաղաղ գործընթացում Արցախի իշխանությունների ուղիղ ներգրավվածության կարևորությունը։

ԵՐԵՎԱՆ, 15 փետրվարի – Sputnik. ՀՀ արտաքին գործերի նախարարությունը հայտնում է, որ Մյունխենյան անվտանգության համաժողովի շրջանակներում ԱԳ նախարար Զոհրաբ Մնացականյանը հանդիպել է Եվրոպայում անվտանգության և համագործակցության կազմակերպության գլխավոր քարտուղար Թոմաս Գրեմինգերին:

«Մնացականյանը և Գրեմինգերն անդրադարձել են Լեռնային Ղարաբաղի խաղաղ կարգավորման գործընթացին և այս շրջանակում տեղի ունեցած վերջին հանդիպումներին: Մնացականյանն ընդգծել է խաղաղ գործընթացում Արցախի իշխանությունների ուղիղ ներգրավվածության կարևորությունը, հատկապես այն հարցերում, որոնք վերաբերում են Արցախի անվտանգությանը և կարգավիճակին»,–հայտնում է ԱԳՆ–ն։

Առաջընթաց կա «փոքր քայլերի» հարցում. ՌԴ ԱԳՆ–ն` ղարաբաղյան կարգավորման մասին

Երկուստեք ընդգծվել է խաղաղությանը նպաստող միջավայրի ամրապնդման, և ժողովուրդներին խաղաղության նախապատրաստելուն ուղղված հաջորդական քայլերի և այս շրջանակում ԵԱՀԿ դերակատարման կարևորությունը։

Բացի այդ, Մնացականյանն ասել է նաև, որ Հայաստանը մեծապես կարևորում է ԵԱՀԿ գործադիր մարմինների հետ հաստատված արդյունավետ գործընկերության ամրապնդումը և ընդլայնումը՝ թիրախային նորանոր ծրագրերի և նախաձեռնությունների խթանման միջոցով; Այս տեսակետից քննարկվել են «Հայաստանի հետ համագործակցության» ԵԱՀԿ ծրագրի շրջանակներում համագործակցությունը և այն առավել արդյունավետ դարձնելու ուղիները։

44
թեգերը:
Արցախ, Ղարաբաղյան հակամարտություն, Լեռնային Ղարաբաղ, Զոհրաբ Մնացականյան
թեմա:
Ղարաբաղյան հակամարտություն (323)
Ըստ թեմայի
Փոխզիջման հնարավորություններ կան. Լավրովը` Ղարաբաղյան հակամարտության մասին
Արցախյան բանակցային գործընթացի մասին հարցը զայրացրեց Սերժ Սարգսյանին
11 ժամ տևած բանակցություններ. ի՞նչ կտա արցախյան գործընթացին Ժնևի հանդիպումը