Գագիկ Խաչատրյան

Գագիկ Խաչատրյանի փաստաբանական թիմը դիմել է ՄԻՊ-ին. նրանք հրատապ արձագանք են ակնկալում

58
(Թարմացված է 12:42 14.02.2020)
Պաշտպանական թիմը նշում է, որ բժշկական կոնսիլիումն արձանագրել է, որ Գ.Խաչատրյանին անհարժեշտ է կրկնակի վիրահատություն՝ ուղղված ստենոզի շտկմանը, որը հնարավոր չէ իրականացնել ՀՀ-ում:

ԵՐԵՎԱՆ, 14 փետրվարի — Sputnik. ՀՀ ֆինանսների նախկին նախարար Գագիկ Խաչատրյանի փաստաբանական թիմը դիմել է Մարդու իրավունքների պաշտպանին։ Նրանք ակնկալում են հրատապ արձագանք։

Պաշտպան Երեմ Սարգսյանը տեղեկացրեց, որ ներկայացված բողոքում մանրամասն նկարագրվել են այն բոլոր խախտումները, որոնք թույլ են տրվել Գ.Խաչատրյանի նկատմամբ սույն քրեական գործի քննության սկզբից մինչ օրս: 

Ըստ պաշտպանի՝ ի թիվս այլնի, նշվել է, նաև որ Խաչատրյանը 2015 թվականից կանոնավոր կերպով բուժում է ստացել Գերմանիայի Դաշնության Մամբուրգ քաղաքի Օրթոկենտրոն բժշկական կենտրոնում, որտեղ  թվով երեք վիրահատության է ենթարկվել: Վերջին անգամ ծանր և բարդ վիրահատության է ենթարկվել 2018 թվականի սկզբին՝ ողնաշարի հատվածում ինպլանտ է տեղադրվել։ Դրանից հետո նա պետք է պարտադիր հետվիրահատական վերականգնողական բուժում ստանար, որպեսզի խուսափեր վիրահատական բարդություններից և կրկնակի վիրահատության անհրաժեշտությունից։ Սակայն քանի որ ՀՀ-ում քննվող քրեական գործով հեռախոսազանգ է ստացել քննիչից և կանչվել հարցաքննության, անմիջապես դադարեցրել է հետվիրահատական վերականգնողական բուժումը, վերադարձել ու ներկայացել քննիչին, որտեղ Գ.Խաչատրյանի նկատմամբ որպես խափանման միջոց  է կիրառվել երկրից չհեռանալու մասին ստորագրությունը:

Գագիկ Խաչատրյանը հիվանդանոցում է. փաստաբաններն ահազանգում են ապօրինությունների մասին

«Քանի որ Գագիկ Խաչատրյանի առողջական վիճակը վատթարացել է, ուստի վիրահատությունն իրականացրած բժիշկ-պրոֆեսորի կողմից գրավոր տեղեկացվել է, որ նա պարտադիր պետք է շարունակի հետվիրահատական վերականգնողական բուժումը, որպեսզի խուսափի կրկնակի վիրահատության անհրաժեշտությունից: Այդ մասին հայտնել ենք վարույթն իրականացնող մարմնին և միջնորդել ենք Գ.Խաչատրյանին մեկ շաբաթով թույլ տալ մեկնել Համբուրգ և բուժում ստանալ»,–ասված է հայտարարության մեջ:

Փաստաբանի հավաստմամբ` նշված միջնորդության քննարկումը քննիչի կողմից հետաձգվել է այն պատճառաբանությամբ, որ ՀՀ Առողջապահության նախարարին հանձնարարվել է ՀՀ առաջատար մասնագետների մասնակցության բժշկական կոնսիլիում հրավիրել և պարզել, թե արդյոք Խաչատրյանի մոտ առկա է այնպիսի հիվանդություն, որը բուժման կարիք ունի:

Բժշկական կոնսիլիումն արձանագրել է, որ Գ.Խաչատրյանին անհարժեշտ է կրկնակի վիրահատություն՝ ուղղված ստենոզի շտկմանը, որը հնարավոր չէ իրականացնել ՀՀ-ում:

«Բնականաբար, այդ եզրակացությունը ստանալուց հետո վարույթն իրականացնող մարմինը պարտավոր էր լինելու բավարարեր պաշտպանի միջնորդությունը և թույլատրել, որպեսզի Խաչատրյանը կարճաժամկետ մեկնի Գերմանիա և համապատասխան բուժում ստանա։ Վարույթն իրականացնող մարմինն Առողջապահության նախարարության հետ համաձայնեցված կարգով այնպես են արել, որպեսզի դեռևս 04.07.2019թ. տրված կոնսիլիումի եզրակացությունը չտրամադրվի վարույթն իրականացնող մարմնին և այն տրամադրվել է միայն 2 ամիս անց՝ սեպտեմբեր ամսին՝ Գ.Խաչատրյանին կալանավորելուց հետո, դրանից հետո նրան ևս զրկելով վիրահատության ենթարկվելու հնարավորությունից»,–ասված է հայտարարության մեջ:

Քանի որ 2020 թվականի հունվարի 23-ից Գ.Խաչատրյանի պաշտպանական թիմը պարբերաբար գրավոր բողոքներով պահանջել է նրան տեղափոխել բժշկական կենտրոն և ապահովել անհրաժեշտ բուժմամբ, սակայն դրանք անտեսվել են, ուստի փաստաբանական թիմն ի թիվս այլ գործողությունների, նաև բողոք է ներկայացրել ՀՀ մարդու իրավունքների պաշտպանին և մենք հույս ունենք, որ վերջինս կարձանագրի պետական իրավասու մարմինների կողմից թույլ տված այս խախտումները, ինչն ազդակ կլինի, որպեսզի անձանց նկատմամբ այլևս նման խտրական, անօրինական և կամայական  վերաբերմունք չդրսևորվի:

Ռուբեն Հայրապետյանն իր ասածի պատասխանը կզգա ոչ միայն շորերի, այլև մարմնի վրա. Գրիգորյան

Հիշեցնենք` 2014-2016թթ–ին ՀՀ ֆինանսների նախարար եղած Գագիկ Խաչատրյանը մեղադրվում է պաշտոնական գործունեության ընթացքում վատնում կազմակերպելու համար և կալանավորված է շուրջ 6 ամիս: Նա չի ընդունում իրենց առաջադրված մեղադրանքը։

58
թեգերը:
Արման Թաթոյան, ՀՀ ՄԻՊ, փաստաբան, հիվանդանոց, հիվանդ, Գագիկ Խաչատրյան
Ըստ թեմայի
2019–ի քրեական քրոնիկոնը. Սերժ Սարգսյանի դեմ քրգործից մինչև Հրայր Թովմասյան
ԱԱԾ-ն լուրջ տեղեկություններ է հայտնաբերել Գագիկ Խաչատրյանի որդու գործով. «Ժողովուրդ»
Սահմանադրության հանրաքվեն ու ԲՀԿ–ի դիրքորոշումը. Sputnik–ի ռադիոեթերը` ուղիղ
լաստանավ, արխիվային լուսանկար

Վերին Լարսի այլընտրանք. ռուսական ընկերությունը հայկական բիզնեսին լաստանավ է տրամադրել

11
(Թարմացված է 20:45 09.07.2020)
Լաստանավը թույլ կտա տեղափոխել վտանգավոր, ծանր բեռները, ինչի արդյունքում կընդլայնվի հայկական բիզնեսի հնարավորությունները։

ԵՐԵՎԱՆ, 9 հուլիսի – Sputnik, Լաուրա Սարգսյան. Հայ գործարարները Հայաստանից Ռուսաստան գործող միակ երթուղու` Վերին Լարսի այլընտրանք կունենան։ Ռուսական «Կինոտեխ» բաժնետիրական ընկերությունը, համագործակցելով Հայաստանի տրանսպորտային առաքողների միության հետ, պատրաստվում է 2020 թվականի օգոստոսին լաստանավ գործարկել Կովկաս–Փոթի երթուղով։ Sputnik Արմենիայի թղթակցի հետ զրույցում տեղեկությունը հայտնեց միության ղեկավար Եղիշե Հովհաննիսյանը։

2018 թվականի նոյեմբերին հայտնի դարձավ, որ նույն թվականի դեկտեմբերի 1-ից կասեցվելու է Կովկաս–Փոթի–Կովկաս երթուղով լաստանավային գործունեությունը։ «Հարավկովկասյան երկաթուղի» ՓԲԸ–ն հայտնեց, որ որոշումը պայմանավորված է այդ ուղղությամբ բեռնափոխադրումների ծավալների կրճատմամբ։

Ներկայիս լաստանավը նախատեսված է 40 վագոնի համար։

«Լաստանավից կարող են օգտվել բոլորը, այդ թվում` նաև վրաստանցի գործարարները։ Ապրանքներ կան, որոնց տեղափոխումը ԱՊՀ երկրներ ավելի շահավետ է ոչ թե Ադրբեջանի տարածքով, այլ լաստանավով», – ասաց Հովհաննիսյանը։

Նրա խոսքով` արդեն որոշակի պայմանավորվածություններ կան վրաստանցի գործընկերների հետ։ Որպեսզի լաստանավային երթուղին գործի, պետք է երկու ուղղություններով էլ բեռնված լինի։ Հայաստանն ինքնուրույն չի կարող երկու ուղղությամբ բեռնվածություն ապահովել, քանի որ ավելի շատ ներկրում է, քան արտահանում։ Այդ պատճառով ապրանքների հավասարակշռությունը կարող է ապահովել վրացական բիզնեսը։

«Լաստանավը չի կարող Փոթիի նավահանգստից դատարկ մեկնել Կովկաս նավահանգիստ։ Նման բան արդեն եղել է, և մենք տեսել ենք հետևանքները։ Այն պետք է աշխատի երկու ուղղությամբ, որպեսզի շահույթ ապահովի։ Վրաստանի գործընկերները պատրաստ են միանալ», – պարզաբանեց Հովհաննիսյանը։

Հովհաննիսյանի խոսքով` իրենց միությունը միշտ շահագրգռված է եղել, որ լաստանավային երթուղին աշխատի. հանքարդյունաբերական, էներգետիկ և շինարարական ոլորտներին հետաքրքրող վտանգավոր, մեծ և ծանր բեռների մատակարարումը անհնար է ավտոմոբիլային ճանապարհով, այդ պատճառով լաստանավն այդ դեպքում անփոխարինելի է։

Նա հույս ունի, որ լաստանավի գործարկումը նոր խթան կհանդիսանա տնտեսության համար, ինչպես նաև արժանի մրցակցություն կապահովի Վերին Լարսին։

«Լարսի թողունակությունը սահմանափակ է և չի կարող ապահովել բեռների այն հոսքը, որը զարգանալու հեռանկարներ ունի», – ասաց Հովհաննիսյանը։

Գործարկվող լաստանավը միանշանակ կընդլայնի հայկական բիզնեսի հնարավորությունները։ Սակայն Հովհաննիսյանը կարծում է, որ անկախ ամեն ինչից լաստանավը պետք է պետական լինի։ Դա թույլ կտա երթուղին հուսալի «կամուրջ» հանդիսանա Հայաստանի և ԵՍՏՄ երկրների միջև տնտեսական կապերի հետագա զարգացման և ամրապնդման համար։

Նշենք, որ 2018 թվականին Հայաստանի իշխանությունը ծրագրում էր լաստանավ գնել։ Այն ժամանակ առավել հավանական էր համարվում 1976 թվականի լաստանավը, որի արժեքը 1.8-2.2 միլիոն դոլար է։ Սակայն լաստանավը խափանումներով էր աշխատում և հաճախակի վերանորոգման կարիք ուներ։ Նոր լաստանավը Հայաստանի համար կլորիկ գումար կարժենար` 10-12 միլիոն դոլար։

11
թեգերը:
Վերին Լարս, Եղիշե Հովհաննիսյան, Փոթի, լաստանավ, Վրաստանի Հանրապետություն, Հայաստան
Ըստ թեմայի
Հայաստանցիներն առանց վիզայի կարող են 63 երկիր այցելել. հրապարակվել է անձնագրային ինդեքսը
Հայաստանն «անբավարար» ստացավ, կամ ինչու է Վրաստանը երկար ժամանակով փակել դռները մեր առաջ
Հայկական բեռնատարներն այլևս Վերին Լարսում չե՞ն մնա. Վրաստանը լուծում է առաջարկում
Պոլիկլինիկա

Երևանի քաղաքապետարանը 100 միլիոն դրամ կհատկացնի COVID-19-ի դեմ պայքարող բուժաշխատողներին

8
(Թարմացված է 20:42 09.07.2020)
Պարգևատրումներից կօգտվի նաև համայնքային պոլիկլինիկաների բուժանձնակազմը։

ԵՐԵՎԱՆ, 9 հուլիսի - Sputnik. Երևանի քաղաքապետ Հայկ Մարությանի որոշմամբ՝ քաղաքապետարանի պարգևատրման ֆոնդից 100 միլիոն դրամ կհատկացվի համայքային ենթակայության բուժհաստատությունների աշխատակիցներին, որոնք ներգրավված են կորոնավիրուսային համավարակի դեմ պայքարում: Այս մասին Facebook-ի իր էջում հայտնել է քաղաքապետարանի մամուլի խոսնակ Հակոբ Կարապետյանը։

«Կպարգևատրվեն Երևանի համայնքային բուժաշխատողները, այդ թվում նաև պոլիկլինիկաների բուժանձնակազմը», - գրել է նա։

Հիշեցնենք՝ հուլիսի 9-ի դրությամբ Հայատանում կորոնավիրուսով վարակվածների թիվը հասել է 30 346–ի։ Բուժվել են 18 000–ը, մահացել՝ 535–ը: Այս պահին փաստացի բուժում է ստանում 11 641 պացիենտ, ընդհանուր առմամբ կատարվել է 129 166 թեստավորում:

8
թեգերը:
Հայկ Մարության, Հակոբ Կարապետյան, պոլիկլինիկա, պարգևատրում, պարգևավճար, Երևանի քաղաքապետարան, կորոնավիրուս, Հայաստան
թեմա:
Կորոնավիրուսը Հայաստանում և Արցախում
Ըստ թեմայի
Կորոնավիրուսը նոր թափ է հավաքում. ԱՀԿ–ն հետաքրքրվել է Сovid-19–ի ռուսական պատվաստանյութով
Կայուն, բայց ծանր. Թորոսյանը խոսեց Հայաստանում կորոնավիրուսային իրավիճակից
Կորոնավիրուսը հասավ Գյումրու ծերանոց. 151 շահառուից 55-ի թեստի պաատասխանը դրական է
Հայաստանցի վարորդի մոտ կորոնավիրուս են հայտնաբերել Վրաստանում