Beeline

Ինչ կլինի, եթե Ucom–ը գնի Beeline ընկերությունը. ՏՄՊՊՀ–ն դեռ վերլուծություններ է անում

262
(Թարմացված է 13:00 13.02.2020)
Եթե Ucom–ը գնի Beeline ընկերությունը, ապա հնարավոր է` պետությունը վաճառքի գործարքի հետ կապված որոշակի պայմաններ թելադրի։

ԵՐԵՎԱՆ, 13 փետրվարի — Sputnik. ՀՀ տնտեսական մրցակցության պաշտպանության պետական հանձնաժողովի նախագահ Գեղամ Գևորգյանը կառավարության այսօրվա նիստից հետո լրագրողների հետ զրույցում ասաց, որ եթե Ucom–ը գնի Beeline ընկերությունը, ապա շուկայում Ucom–ի գերիշխող դիրքն ավելի կմեծանա։

«Այժմ մենք ուսումնասիրություն ենք կատարում հասկանալու` շուկաներում ինչ է կատարվում։ Բոլոր շուկաները` ինտերնետ ծառայություն, բջջային հեռախոսակապ, առանձին–առանձին ուսումնասիրվելու են։ Եթե տեսնենք, որ տնտեսական մրցակցության առումով խնդիրներ կառաջանան շուկայում Ucom–ի կողմից Beeline–ի գնման արդյունքում, ապա համապատասխան քայլերի կդիմենք»,–ասաց Գևորգյանը։

Նրա խոսքով` հնարավոր է ինչ–ինչ պայմաններով գործարք լինի, այսինքն` պետությունը որոշակի պայմաններ թելադրի գործարքի հետ կապված։ Գործարքի պայմաններից մեկը, ըստ Գևորգյանի, կարող է լինել այն, որ հնարավորություն տան երրորդ օպերատոր մտնի հայկական շուկա: Այժմ, ըստ ՏՄՊՊՀ–ի նախագահի, վերլուծում են ընկերությունների վերջին հաշվետվությունները, վերջնական որոշում դեռ չկա։

Ճակատագրի հեգնանք. ո՞վ է մեղավոր, որ Հայաստանում բժշկական դիմակներ չկան

Հարցին, թե արդյոք երկու ընկերությունները հիմնավորո՞ւմ են, թե միավորումն ինչով է պայմանավորված, Գևորգյանը պատասխանեց. «Ըստ ընկերությունների` միավորումը կապված է ծախսերի կրճատման հետ։ Ասում են` ցանկանում են միավորել ուժերը, որպեսզի կարողանան շուկային դիմակայել»։

Հիշեցնենք` 2019 թվականի դեկտեմբերի 30-ին հայտնի դարձավ, որ Ucom-ը դիմել է Հանրային ծառայությունները կարգավորող հանձնաժողով` «Վեոն Արմենիա» ընկերությունը (ապրանքանիշը «Beeline») գնելու նպատակով:

Ի դեպ, ընկերությունների միավորման դեպքում հաշվի է առնվելու անգամ ԱԱԾ կարծիքն այդ հարցի շուրջ, ինչը նախատեսված է օրենքով։

Աննախադեպ գնանկում ձվի շուկայում. ինչո՞ւ են ձուն 20-25 դրամով վաճառում

262
թեգերը:
Գեղամ Գևորգյան, UCom ընկերությունը, Beeline Armenia
Ըստ թեմայի
«Բիլայնը» Ucom–ին վաճառելուց առաջ հաշվի կառնվի ԱԱԾ կարծիքը
Կառավարությունը ՀՀԿ–ին և ՀՅԴ–ին մոտ 5 մլն-ական դրամ գումար կտա
Արմեն Սարգսյանն Ադրբեջանի նավթային բիզնեսում «փայ» ունի՞. ԱԱԾ պատասխանը
«Զվարթնոց» օդանավակայան

Նոր կանոններ կգործեն օդային ճանապարհով Հայաստան եկողների համար

134
(Թարմացված է 23:01 14.08.2020)
Հայաստան մուտք գործելուց հետո 14-օրյա ինքնամեկուսացման պահանջը շարունակում է ուժի մեջ մնալ։ Կան նաև այլ պահանջներ։

ԵՐԵՎԱՆ, 14 օգոստոսի — Sputnik. ՀՀ Զբոսաշրջության կոմիտեն տեղեկացրել է, թե օդային ճանապարհով Հայաստան եկողների համար ինչ ընթացակարգեր են գործելու։

Օգոստոսի 12-ին կառավարությունը որոշեց Հայաստանում հայտարարված արտակարգ դրությունը երկարացնել ևս մեկ ամսով։ Սակայն արտակարգ դրության ռեժիմում մեղմացումներ են եղել, որոնցից մեկն էլ օտարերկրացիների առջև ՀՀ օդային սահմանը բացելն է։

«Օդային ուղիներով ՀՀ տարածք մուտք գործելուց հետո անհապաղ կատարվում է բժշկական զննություն վարակի առկայության կամ վարակի ախտանիշների բացահայտման նպատակով։ Զննություն անցնելուց հետո ՀՀ մուտք գործող անձը ենթակա է ինքնամեկուսացման 14-օրյա ժամկետով, եթե ախտանիշներով պայմանավորված վերջինիս նկատմամբ չի կիրառվում հոսպիտալացում կամ այլ սահմանափակող միջոցառում»,–նշված է կոմիտեի Facebook սոցցանցում տեղադրված հաղորդագրության մեջ։

Բացի այդ, ինքնամեկուսացման մեջ գտնվող անձը կարող է ինքնակամ, վճարովի հիմունքներով անցնել կորոնավիրուսի ախտորոշման ՊՇՌ հետազոտություն: Ընդ որում, մեկուսացման ընթացքում ՊՇՌ թեստավորման համար անհրաժեշտ նմուշառումը պետք է իրականացվի բացառապես անձի ինքնամեկուսացման վայրում համապատասխան լաբորատորիաների մասնագետների այցի միջոցով։ ՊՇՌ հետազոտության բացասական պատասխանի դեպքում անձը դուրս է գալիս ինքնամեկուսացումից:

ՊՇՌ հետազոտությունը իրականացվում է գրեթե բոլոր մասնավոր բժշկական կենտրոններում։

Արտակարգ դրություն. ինչն է թույլատրվում օգոստոսի 13-ից

Հիշեցնենք` կորոնավիրուսի համավարակի պատճառով մարտի 16–ից Հայաստանում արտակարգ դրություն է, որն արդեն մի քանի անգամ երկարաձգվել է։ Երկարաձգված արտակարգ դրության պայմանները որոշակի փոփոխությունների են ենթարկվել և սահմանվել են պարտադիր պահանջներ։

 

134
թեգերը:
ուղևոր, «Զվարթնոց» օդանավակայան, Արտակարգ դրություն, կարանտին, կորոնավիրուս, չվերթ, թռիչք
Ըստ թեմայի
Արցախում ևս արտակարգ դրությունը երկարաձգվեց մեկ ամսով. ինչ փոփոխություններ են արվել
Փողոցային գործողությունները կակտիվանա՞ն. Հովսեփյանը` արտակարգ դրության մեղմացումների մասին
Երգիչները կերգեն, սահմանները կբացվեն. պարետը ներկայացրեց արտակարգ դրության նոր պայմանները
Սուրեն Պապիկյան

Սուրեն Պապիկյանը կմեկնի արձակուրդ

13
(Թարմացված է 22:47 14.08.2020)
Մինչ Սուրեն Պապիկյանը կլինի արձակուրդում, տարածքային կառավարման և ենթակառուցվածքների նախարարին կփոխարինի նրա տեղակալը։

ԵՐԵՎԱՆ, 14 օգոստոսի — Sputnik. ՀՀ վարչապետ Նիկոլ Փաշինյանի որոշմամբ՝ ՀՀ տարածքային կառավարման ենթակառուցվածքների նախարար Սուրեն Պապիկյանը կմեկնի արձակուրդ:

«Հայաստանի Հանրապետության տարածքային կառավարման և ենթակառուցվածքների նախարար Սուրեն Պապիկյանին տրամադրել 2020-2021 թվականների աշխատանքային տարվա ամենամյա նվազագույն արձակուրդի մասը՝ 2020 թվականի օգոստոսի 24-ից սեպտեմբերի 4-ը ներառյալ»,–նշված է որոշման մեջ։

Փաշինյանի որոշմամբ` Սուրեն Պապիկյանի արձակուրդում գտնվելու ընթացքում ՀՀ տարածքային կառավարման և ենթակառուցվածքների նախարարին կփոխարինի ՀՀ տարածքային կառավարման և ենթակառուցվածքների նախարարի տեղակալ Վաչե Տերտերյանը:

Հիշեցնենք, որ Sputnik Արմենիան անդրադարձել էր ՀՀ պաշտոնյաների արձակուրդներին։ Մասնավորապես, գրել էինք, որ նախագահ Արմեն Սարգսյանը չի ծրագրում մեկնել արձակուրդ:

ՀՀ վարչապետ Նիկոլ Փաշինյանի` արձակուրդ գնալու որոշում էլ չկա։ Փոխվարչապետ և արտակարգ դրության պարետ Տիգրան Ավինյանը նույնպես դեռ չի պլանավորում հանգստանալ։

13
թեգերը:
Նիկոլ Փաշինյան, Նախարար, Արձակուրդ, Սուրեն Պապիկյան
Ըստ թեմայի
Հրայր Թովմասյանն արձակուրդ է գնացել
Երևանի քաղաքապետն արձակուրդ է գնում. խոսնակը հայտնել է, թե որտեղ է լինելու Մարությանը
Հայաստանի արտակարգ ամառն ու պաշտոնյաների ձախողված արձակուրդը. ո՞վ է ամենաշատը «հոգնել»

Եվրամիությունը ԱՄՆ–ին դեմարշ է հղել. ո՞րն է անհամաձայնության պատճառը

0
(Թարմացված է 00:49 15.08.2020)
Ի՞նչ են ուզում ցույց տալ եվրոպացիները, կկառուցվի արդյո՞ք ռուսական գազատարը`դիտեք տեսանյութում։

ԵՄ–ն ԱՄՆ–ին դեմարշ է հղել նոր պատժամիջոցների պատճառով, որոնք նրանք մտադիր են կիրառել «Հյուսիսային հոսք 2»–ի պատճառով։  Իրենց դժգոհությունն են հայտնել ԵՄ 27 անդամ երկրներից 24-ը։ Տեղեկությունը հայտնել է Welt գերմանական պարբերականը։ Ամերիկացիների դեմ հանդես են եկել նաև այն պետությունները, որոնք նախկինում չէին հանդգնում դա անել։ Ռուս քաղաքագետներն այստեղ Վաշինգտոնին ուղղված ակնարկ են տեսնում։

Եվրոպական երկրներն ԱՄՆ–ին իրենց բողոքն են արտահայտել «Հյուսիսային հոսք 2»–ի դեմ նրանց կողմից կիրառվող նոր պատժամիջոցների հետ կապված։

ԵՄ–ի պատվիրակության և Պետդեպի տեսակոնֆերանսի ժամանակ դեմարշին 24 երկիր է միացել։ Բողոքի նոտա չեն հղել ընդամենը ԵՄ 3 պետություն, սակայն դեռ հայտնի չէ` որոնք են դրանք։

Ավելի վաղ եվրահանձնակատար Կադրի Սիմսոնը հայտարարել էր, որ ԱՄՆ պատժամիջոցները խախտում են միջազգային իրավունքը։

 «Գործունեությունը, որը համապատասխանում է ԵՄ օրենքներին և միջազգային իրավունքին, և որն իրականացնում են եվրոպական ձեռնարկությունները, օրինական է։ Այդ պատճառով պատժամիջոցների կիրառումն այդ գործունեության նկատմամբ կասկածելի է»,–ասել է Սիմսոնը։

Ռուսաստանյան քաղաքագետները կարծում են, որ այս դեմարշը Վաշինգտոնին ուղղված ազդակ է, որ ԵՄ–ն մտադիր չէ հարմարվել ԱՄՆ-ի շահերին։

«Նույնիսկ զարմանալի է, որ այն երկրները, որոնք սովորաբար նախագծին դեմ են արտահայտվում (Լեհաստանը, Մերձբալթյան երկրները, Ռումինիան և Խորվաթիան), այս անգամ նման բան չարեցին։ Ամենայն հավանականությամբ, Գերմանիան և ԵՄ–ն ճնշում էին գործադրել` առաջնորդվելով նրանով, որ եվրոպական խոշոր երկրները և նույնիսկ ոչ այնքան խոշորները, ինչպեսին Ավստրիան է, չեն ցանկանում կախվածության մեջ լինել ամերիկյան թանկարժեք հեղուկ գազից  և, քաղաքական նկատառումներից ելնելով, չեն ուզում խզել կապերը Ռուսաստանի հետ»,– ասել է քաղաքագետ, ՌՊՀՀ–ի դոցենտ Վադիմ Տրուխաչյովը։

«Եվրոպան այլ շահեր ունի». Ավստրիան քննադատել է «Հյուսիսային հոսք–2»–ի պատժամիջոցները

Ռուսական գազատարի նկատմամբ ԱՄՆ–ն պատժամիջոցներ էր կիրառել 2019 թվականի վերջին։ Իսկ այս ամառ ամերիկացիները լրացուցիչ սահմանափակումներ կիրառեցին «Հյուսիսային հոսք 2»–ի նկատմամբ։

Պատժամիջոցներն անդրադարձան եվրոպական ընկերությունների վրա, որոնք մասնակցել են ռուսական նախագծի իրականացմանը։

Ռուսաստանը հայտարարեց, որ կարող է իր ուժերով ավարտին հասցնել «Հյուսիսային հոսք 2»–ը, ինչում կօգնի Nord Stream 2 AG ընկերությունը։

ՌԴ արտգործնախարար Սերգեյ Լավրովը հայտնեց, որ դա տեղի կունենա առաջիկայում։

Պատժամիջոցները չեն խանգարի ավարտել «Հյուսիսային հոսք–2»–ի շինարարությունը. Նովակ

 «Մենք գնահատում ենք Բեռլինի սկզբունքային դիրքորոշումն այս բացառապես կոմերցիոն նախաձեռնության վերաբերյալ, որը կօգնի դիվերսիֆիկացնել բնական գազի մատակարարումների երթուղին և ամրապնդել Եվրոպայի էներգետիկ անվտանգությունն այն գնահատականների հիման վրա, որոնք տալիս են եվրոպական երկրները, այլ ոչ այն գնահատականների, որոնք արվում են օվկիանոսի մյուս կողմից»,–ասել է Լավրովը։

«Հյուսիսային հոսք 2»–ը նախատեսում է Ռուսաստանի ափերից Բալթիկ ծովով մինչև Գերմանիա գազատարի երկու գիծ կառուցել։ Գազատարը նախատեսվում է գործարկել մինչև տարեվերջ։

0
թեգերը:
Սերգեյ Լավրով, Գերմանիա, Ռուսաստան, Եվրոպա, ԱՄՆ, «Հյուսիսային հոսք» նախագիծ