Ավտոմեքենաներ

2019 թ–ին ավտոմեքենա վաճառած ֆիզիկական անձանց համար ժամկետ է սահմանվել. տեսանյութ

1146
(Թարմացված է 14:32 13.02.2020)
Անցած տարվա ընթացքում ավտոմեքենա օտարած ֆիզիկական անձինք պետք է եկամտային հարկի տարեկան հաշվարկ ներկայացնեն

ԵՐԵՎԱՆ, 12 փետրվարի – Sputnik. 2019 թվականի ընթացքում ավտոմեքենա օտարած ֆիզիկական անձինք մինչև ապրիլի 20-ը ներառյալ պարտավոր են ներկայացնել 2019 թվականի եկամտային հարկի տարեկան հաշվարկ և վճարել եկամտային հարկ:

Պետական եկամուտների կոմիտեն տեղեկացնում է, որ օրենսդրության համաձայն՝ (2019 թվականի հունիսի 25-ին Ազգային ժողովի կողմից ընդունված ՀՕ-68-Ն օրենք) այն ֆիզիկական անձինք, որոնք 2019 թվականի հունիսի 29-ից հետո այլ ֆիզիկական անձանց օտարել են 365 օրվա ընթացքում ձեռք բերված ավտոմեքենա կամ ավտոմեքենաներ (այդ թվում՝ առաջին դեպքով), պարտավոր են մինչև գործարքին հաջորդող տարվա ապրիլի 20-ը հարկային մարմին ներկայացնել եկամտային հարկի տարեկան հաշվարկ և վճարել եկամտային հարկը՝ օտարված ավտոմեքենայի պայմանագրային արժեքի 1% -ի չափով, բայց ոչ պակաս, քան ավտոմեքենայի շարժիչի յուրաքանչյուր ձիաուժ հզորության համար 150 դրամ, իսկ շարժիչի հզորությունը կիլովատերով արտահայտված լինելու դեպքում՝ համապատասխան հզորության նկատմամբ կիրառվում է 1.36 գործակիցը։

Օրինակ 1

Ֆիզիկական անձը 2019 թվականի հոկտեմբերին օտարել է 2018 թվականի դեկտեմբերին ձեռք բերված ավտոմեքենա, որի պայմանագրային արժեքը 4.000.000 դրամ է, իսկ շարժիչի հզորությունը` 250 ձիաուժ: Քանի որ 4.000.000-ի 1%-ը 40.000 դրամ է, իսկ 250 ձիաուժ հզորության և 150 դրամի բազմապատիկը 37.500 դրամ, հետևաբար գործարքը ենթակա է հարկման պայմանագրային արժեքի 1%-ի չափով, այսինքն` եկամտային հարկը կկազմի 40.000 դրամ:

Օրինակ 2

Դիտարկենք այլ տարբերակ: Ֆիզիկական անձը 2019 թվականի հուլիսին օտարել է 2018 թվականի սեպտեմբերին ձեռք բերված ավտոմեքենա, որի պայմանագրային արժեքը 2.500.000 դրամ է, իսկ շարժիչի հզորությունը` 170 ձիաուժ: Քանի որ 2.500.000-ի 1%-ը 25.000 դրամ է, իսկ 170 ձիաուժ հզորության և 150 դրամի բազմապատիկը` 25.500 դրամ, հետևաբար գործարքը ենթակա է հարկման ըստ շարժիչի հզորության, այսինքն` եկամտային հարկը կկազմի 25.500 դրամ:

Նվիրատվության գործարքը նույնպես համարվում է օտարում, որի մասով առաջանում է եկամտային հարկ հաշվարկելու և վճարելու պարտավորություն։

«Քույրիկ ջան, ոնց որ հոգեբան լինես». արցունքաբեր գազով «զինված» տաքսու վարորդ Թամարան

Օրինակ 3

Ֆիզիկական անձը 2019 թվականի սեպտեմբերին նվիրատվության պայմանագրի հիման վրա օտարել է ավտոմեքենա: Տվյալ դեպքում ավտոմեքենայի պայմանագրային արժեքը 0 դրամ է, իսկ շարժիչի հզորությունը` 220 ձիաուժ, հետևաբար գործարքը ենթակա է հարկման 220 ձիաուժ հզորության և 150 դրամի բազմապատիկի չափով, այսինքն` եկամտային հարկը կկազմի 33,000 դրամ:

Եկամտային հարկի դրույքաչափը կիրառվում է նաև 2018թ. հուլիսի 1-ից մինչև 2019թ. հունիսի 29-ը օտարված ձեռնարկատիրական գործունեության առարկա համարվող երկրորդ և ավելի մեքենայի դեպքում (ՀՀ հարկային օրենսգրքի 147-րդ հոդվածի 1-ին մասի 16-րդ կետ` մինչև 29.06.2019թ. գործող խմբագրությամբ):

Օրինակ 4

Ֆիզիկական անձը 2019 թվականի հունվարին և փետրվարին ձեռք բերված երկու ավտոմեքենան օտարել է մարտին և ապրիլին: Այս դեպքում միայն երկրորդ` ապրիլին օտարված ավտոմեքենայի գործարքն է համարվում հարկվող: Եկամտային հարկը կհաշվարկվի նույն սկզբունքով` պայմանագրային արժեքի 1%, բայց ոչ պակաս ավտոմեքենայի շարժիչի յուրաքանչյուր ձիաուժ հզորության համար 150 դրամից:

Ինչպես վճարել եկամտային հարկը

2019 թվականի ընթացքում հարկվող գործարք իրականացրած ֆիզիկական անձինք մինչև 2020 թվականի ապրիլի 20-ը ներառյալ պարտավոր են բացառապես էլեկտրոնային եղանակով հարկային մարմին ներկայացնել 2019 թվականի եկամտային հարկի տարեկան հաշվարկ և վճարել եկամտային հարկը: Քաղաքացին պետք է հարկային մարմնից ստանա հարկ վճարողի հաշվառման համար և կնքի հաշվետվությունները էլեկտրոնային եղանակով ներկայացնելու պայմանագիր՝ այցելելով հարկային մարմնի ցանկացած սպասարկման բաժին, կամ առցանց եղանակով՝ մուտք գործելով ՀՀ պետական եկամուտների կոմիտեի հաշվետվությունների ներկայացման էլեկտրոնային համակարգ հետևյալ հղումով:

Հայտնի է` արդեն քանի վարորդ է 2 տարով զրկվել վարելու իրավունքից. տեսանյութ

Քաղաքացին եկամտային հարկը պետք է վճարի բանկային ծառայության միջոցով՝ 900008000490 միասնական հաշվին, պարտադիր նշելով ֆիզիկական անձի անուն, ազգանունը և հարկ վճարողի հաշվառման համարը (ՀՎՀՀ)։

Մինչև ապրիլի 20-ը եկամտային հարկի հաշվարկ չներկայացնելու դեպքում Հարկային օրենսգրքի 398-րդ հոդվածի համաձայն կկազմվի արձանագրություն և կտեղադրվի հրապարակային ծանուցումների պաշտոնական կայքում: Այսպիսով հարկ վճարողը հնարավորություն կունենա ծանոթանալու արձանագրությանը և ներկայացնելու բացատրություններ։ Արձանագրությունը հիմք կհանդիսանա չկատարված հարկային պարտավորության մասով գանձման վարչական վարույթ իրականացնելու համար։

1146
թեգերը:
Պետական եկամուտների կոմիտե (ՊԵԿ), վարորդ, ավտոմեքենա, Հայաստան
Ըստ թեմայի
«Հիմա մի քիչ զգույշ ենք քշում». ՀՀ քաղաքացիները՝ բալային համակարգի մասին. տեսանյութ
Ինչ է տվել Վրաստանին բալային համակարգը. հարևանները խոստանում են տրամադրել իրենց փորձը
Բալային համակարգը նորից է վերանայվում. «Իմ քայլն» առաջարկում է մեղմացնել կետերից մեկը
ՀՀ քաղաքացին տուգանվելու մատերիալ չէ. Փաշինյանը` բալային նոր համակարգի մասին
Դավիթ Գալստյան

Մեղադրանք է առաջադրվել Դավիթ Տոնոյանի նախկին խորհրդականին

41
(Թարմացված է 16:14 19.01.2021)
Դավիթ Գալստյանին մեղադրանք է առաջադրվել խոշոր չափերով յուրացման համար, նա անցնում է չորս քրեական գործերով

ԵՐԵՎԱՆ, 19 հունվարի – Sputnik. ՀՀ պաշտպանության նախկին նախարար Դավիթ Տոնոյանի նախկին խորհրդական, գործարար Դավիթ Գալստյանը որպես մեղադրյալ է ներգրավվել Ազգային անվտանգության ծառայությունում քննվող քրեական գործերից մեկով։ Տեղեկությունը «Սիվիլնեթին» են հայտնել Ազգային անվտանգության ծառայությունից՝ պատասխանելով գրավոր հարցմանը։ 

Վերջինս տիրապետում է մի քանի ընկերությունների, որոնք մասնագիտանում են զենքի առևտրում։ Գալստյանի հետ կապված կառույցները հայկական բանակի հիմնական մատակարարներից են։ Նրան է պատկանում նաև «Նեյտրոն» ՀԿ-ն, որը զբաղվում է Երևանում Կալաշնիկովի ինքնաձիգների հավաքմամբ։

ԱԱԾ–ից հայտնել են, որ Գալստյանին մեղադրանք է առաջադրվել պաշտպանության նախարարության մի խումբ պաշտոնատար անձանց հետ առանձնապես խոշոր չափերի բյուջետային միջոցներ յուրացնելու համար: Միջոցները նախատեսված են եղել պաշտպանական գնումների համար։

Ընդհանուր առմամբ հարուցվել է չորս քրեական գործ, որոնք վերաբերում են պաշտպանության նախարարության և գլխավոր շտաբի պաշտոնյաների կողմից պատշաճ լիազորությունների չարաշահմանը, ծառայության նկատմամբ անփույթ վերաբերմունքին և առանձնապես խոշոր չափերով միջոցների հափշտակմանը:

ԱԱԾ-ից հրաժարվել են պատասխանել այն հարցին, թե արդյոք Գալստյանին արգելված է լքել երկրի տարածքը։ Գերատեսչությունը վկայակոչել է հետաքննության գաղտնիքը։

41
թեգերը:
ՀՀ ազգային անվտանգության ծառայություն. ԱԱԾ, Հայաստան
ճանապարհային ոստիկաններ, արխիվային լուսանկար

Տեխզննման կտրոնները պետք չեն լինի․ ոստիկանությունն «ընթացքում» է ստուգելու մեքենաները

21
(Թարմացված է 15:57 19.01.2021)
Փոխվում է ավտոմեքենաների տեխզննման հաճախականությունը․ նոր մեքենաները զննում կանցնեն թողարկման 4–րդ տարում, մինչև 10 տարվա արտադրության մեքենաները` երկու տարին մեկ։

ԵՐԵՎԱՆ, 19 հունվարի – Sputnik. Հայաստանի իշխանությունը մտադիր է հրաժարվել մեքենայի դիմապակու վրա փակցվող տեխզննման կտրոններից և վերահսկողությունն իրականացնել էլեկտրոնային տարբերակով։ ՀՀ տարածքային կառավարման ու ենթակառուցվածքների փոխնախարար Արմեն Սիմոնյանն առաջարկվող փոփոխություններն այսօր ներկայացրեց Ազգային ժողովում։

Սիմոնյանի խոսքով՝ փոփոխությունները պայմանավորված են երկրի միջազգային պարտավորություններով։

«Առաջարկվում է վերահսկողությունն իրականացնել էլեկտրոնային շտեմարանի արատորոշման քարտի միջոցով։ Քարտը էլեկտրոնային տարբերակով է լրացվում ու պահվում տվյալների բազայում», - ասաց Սիմոնյանը։

Նրա խոսքով՝ այդ դեպքում ճանապարհային ոստիկանությունը կկարողանա էլեկտրոնային տարբերակով ստուգել մեքենաներն ու չկանգնեցնել դրանք։

Փոխվելու է նաև տեխզննում անցկացնելու հաճախականությունը։ Առաջարկվում է առաջին տեխզննությունն անցկացնել ավտոմեքենայի թողարկման չորրորդ տարում, մինչև 10 տարվա արտադրության մեքենաների դեպքում` երկու տարին մեկ, իսկ տասից բարձր մեքենաների դեպքում` տարեկան մեկ անգամ։

Հանրային ուղևորափոխադրման համար նախատեսված մեքենաները մինչև 10 տարի շահագործվելը պետք է տեխզննում անցնեն տարին մեկ անգամ, իսկ 10 տարի շահագործումից հետո` տարեկան երկու անգամ։

Ընդհանուր առմամբ հանրապետությունում շուրջ 50 տեխզննման կայան կա։

Նշենք, որ ճանապարհային ոստիկանության տվյալներով՝ Հայաստանում տարեկան 72-73 հազար վթար է տեղի ունենում։ 2019 թվականին ավտովթարի զոհ է դարձել 343 մարդ։ Տարբեր գնահատականների համաձայն՝ վթարների մոտ 30%-ի պատճառը մեքենայի անսարքությունն է։

«Բալային համակարգը կմնա թղթի վրա». «Վարորդի ընկեր» ՀԿ նախագահն ասել է` ինչու

 

21
թեգերը:
ավտոմեքենա, վարորդ, Հայաստան
Ըստ թեմայի
Հայերին էլ է վերաբերում. ՌԴ–ում փոխվում է վարորդական վկայական ստանալու կարգը
Վթար Երևանում. «Infinity»–ի վարորդն ու ուղևորը 15 տարեկան են
Քանի՞ վարորդ է 2020 թվականին 6 ամսով զրկվել մեքենա վարելու իրավունքից. «Հայկական ժամանակ»
Վյաչեսլավ Վոլոդինը

Նավալնին օգտվում է արևմտյան հատուկ ծառայություններից․ Վոլոդինն` «ուղարկած մարդու» մասին

0
Եվրամիությունը նախ պետք է ինքն իրենից սկսի․դադարեք մարդկանց վրա ռետինե փամփուշտներով կրակել, թունավորել նրանց գազով, ձմռանը մարդկանց վրա ջուր լցնել։ Նման խորհուրդներ է տվել Վյաչեսլավ Վոլոդինը Նավալնուն պաշտպանող արևմտյան քաղաքական գործիչներին։

ԵՐԵՎԱՆ, 19 հունվարի - Sputnik. Պետդումայի նախագահ Վյաչեսլավ Վոլոդինը հայտնել է, որ ընդդիմադիր գործիչ Ալեքսեյ Նավալնու բոլոր գործողությունների հետևում օտար պետություններն են, «հայրենիքը դավաճանած» նման մարդիկ ռուսական իշխանության մարմիններում տեղ չունեն։

«Այսօր որպես միջամտության գործիք արևմտյան հատուկ ծառայությունները, Պետական դեպարտամենտն օգտագործում են Նավալնուն։ Բոլորը պետք է հասկանան՝ նրա արած ամեն քայլի հետևում օտար պետություններ են կանգնած։ Մեր խնդիրն է թույլ չտալ օտար միջամտությունը, ով էլ այստեղ քաղաքականություն վարի, պետք է երկիրը պաշտպանի», - ասել է Վոլոդինը Պետդումայի լիակազմ նիստում։

Վոլոդինը  հավելել է, որ եթե մարդ դավաճանում է երկիրը, եթե նա օտար ֆինանսավորում է ստանում, նա իշխանության ոչ մի օրգանում անելիք չունի։

Նա կոչ է արել եվրոպացի գործընկերներին «իրենցից սկսել», երբ Արևմուտքում սկսում են քննադատել այս կամ այն երկրների իշխանության գործողությունները։

«Նույնը վերաբերում է Գերմանիայից մեզ մոտ ուղարկված մարդու վերաբերյալ նրանց հայտարարությանը։ Մենք այստեղ նախապես համակարգված գործողություններ ենք տեսնում։ Իսկ Եվրամիությունը պետք է ինքն իրենից սկսի։ Դադարեք մարդկանց վրա ռետինե փամփուշտներով կրակել, թունավորել նրանց գազով, ձմռանը մարդկանց վրա ջուր լցնել։ Այդ ամենը հիշեցնում է Երկրորդ համաշխարհային պատերազմի կտտանքները։ Վերջիվերջո, վերականգնեք ձեր երկրներում մարդու իրավունքների օրինականությունը, եթե ուզում եք, որ ինչ-որ մեկը լսի ձեզ։ Եթե ուզում եք պահպանել ներկայիս միջազգային կարգն ու կայունությունը», - ասել է Վոլոդինը։

Նավալնուն ձերբակալել են Մոսկվայի «Շերեմետևո» օդանավակայանում. տեսանյութ

Հիշեցնենք՝ հունվարի 17-ին ռուսաստանցի քաղաքական գործիչ և բլոգեր Ալեքսեյ Նավալնին Գերմանիայից Ռուսաստան է վերադարձել։ Ռուսաստանի Դաշնության ՊԿԴԾ օպերատիվ վարչության Մոսկվայի հետախուզության բաժնի աշխատակիցները «Շերեմետևո» օդանավակայանում ձերբակալել են Ալեքսեյ Նավալնուն, որը պայմանական ազատազրկման ժամկետը բազմիցս խախտելու համար հետախուզվում էր 2020 թվականի դեկտեմբերի 29–ից։ Նավալնու հետագա խափանման միջոցը կորոշի դատարանը, մինչ այդ նա կմնա կալանքի տակ։

Հիշեցնենք` Նավալնուն հիվանդանոց էին տեղափոխել 2020 թվականի օգոստոսի 20-ին Օմսկում, երբ նրա ինքնազգացողությունը վատացել էր Տոմսկից Մոսկվա թռչող ինքնաթիռում։ Զննումից հետո Օմսկի հիվանդանոցի բժիշկները որպես հիմնական ախտորոշում նշել էին նյութափոխանակության խանգարումը, որն արյան մեջ շաքարի մակարդակի կտրուկ անկում էր առաջացրել։

Ավելի ուշ ընդդիմադիր գործչին ինքնաթիռով տեղափոխեցին Գերմանիա։ ԳԴՀ կառավարությունը, հղում անելով ռազմական բժիշկներին, հայտարարեց, որ Նավալնուն թունավորել են «Նովիչոկ» թունավոր նյութերի շարքին պատկանող սուբստանցիայով։ Կրեմլում այդ կապակցությամբ հայտարարեցին, որ Բեռլինը Մոսկվային չի տեղեկացրել Նավալնու՝ «Նովիչոկով» թունավորված լինելու իր եզրակացությունների մասին, Ռուսաստանը նման տվյալներ չունի:

Մինչ այդ Նավալնու դեմ երկու պայմանական ազատազրկման դատավճիռ էր կայացվել՝ 16 մլն ռուբլի վատնելու և ավելի քան 30 մլն ռուբլի յուրացնելու գործերով:

0
թեգերը:
Վյաչեսլավ Վոլոդին, Եվրոպա, Ռուսաստան, Ալեքսեյ Նավալնի