Դավիթ Հարությունյան. արխիվային լուսանկար

Գերխնդիր է հլու–հնազանդ ՍԴ ունենալը. ի՞նչ ենք զոհելու այս ճանապարհին ըստ Հարությունյանի

81
(Թարմացված է 13:36 12.02.2020)
Սահմանադրական դատարանի շուրջ ստեղծված իրավիճակի մասին ՀՀԿ–ն եվրոպական կառույցների հետ քննարկումներ կունենա։

ԵՐԵՎԱՆ, 12 փետրվարի — Sputnik. Գործող իշխանության համար գերխնդիր է հլու–հնազանդ Սահմանադրական դատարան ունենալը, ինչին հասնելու համար հապճեպ, չմտածված քայլեր են արվում։ Լրագրողների հետ զրույցում նման կարծիք հայտնեց ՀՀ արդարադատության նախկին նախարար Դավիթ Հարությունյանը` անդրադառնալով ապրիլի 5–ին հանրաքվեի միջոցով սահմանադրական փոփոխություններ կատարելուն։

«Եվրոպական ինչ–ինչ կառույցներին անդամակցելը ենթադրում է խաղի որոշակի կանոններ, որոնք չպահպանելն այդ կառույցներում սասանելու է մեր հեղինակությունը, սակայն մեր ամենալուրջ խնդիրը դա չէ. երբ մենք գնում ենք հակասահմանադրական ճանապարհով, դա լուրջ խնդիր է մեր ապագայի համար»,–ասաց Հարությունյանը։

Նրա խոսքով` աշխարհում չենք գտնի մեկ դատարան, որի կազմը միանգամից ամբողջությամբ փոխվի, ինչն արվելու է այս դեպքում ՍԴ–ի հետ։ Իսկ դա ազդելու է դատական համակարգի գործունեության վրա, խախտելու է բալանսը։ Հարությունյանը կարծում է, որ եթե Եվրոպական դատարան դիմեն ՍԴ–ի շուրջ ստեղծված իրավիճակի հարցով, ապա հաղթելու շանսերը մեծ են, սակայն այս դեպքում պետությունը ոչ թե պարտվելու է եվրադատարանում, այլ տանուլ է տալու իր ապագան։

Հարությունյանը նշեց նաև` ԱԺ պատգամավորներն ունեն հնարավորություն ՍԴ–ում վիճարկելու սահմանադրական փոփոխությունների հարցը։ Ավելին, չօգտվել այդ իրավունքից, ըստ նրա, ճիշտ չի լինի։

Հարցին` ՀՀ վարչապետ Նիկոլ Փաշինյանն իր ասուլիսի ժամանակ հայտնել էր, որ նախկին իշխանության ներկայացուցիչները գնում են եվրոպական կառույցներին բողոքելու, որ ՍԴ–ի դեմ ճնշումներ են գնում, տեղյա՞կ է Հարությունյանը` ինչի մասին է խոսքը, վերջինս ասաց` տեղյակ չէ, որ քննարկումներ են տեղի ունեցել են, բայց որ կլինեն` գիտի։

Հեշտ չի լինի. ի՞նչ պետք է անի Փաշինյանը, որ մարդիկ մասնակցեն հանրաքվեին

Մեկ այլ հարցի` եթե ՍԴ դատավորները հրաժարականի դիմում ներկայացնեն ու վաղ կենսաթոշակի գնան, ի՞նչ կլինի, Հարությունյանն արձագանքեց` ՍԴ գրեթե բոլոր դատավորներին անձամբ է ճանաչում և չի կարծում, որ նրանցից որևէ մեկը կընկրկի։

Հիշեցնենք` ՀՀ ԱԺ-ն փետրվարի 6-ին արտահերթ նիստում ընդունեց Սահմանադրական փոփոխությունների նախագիծը հանրաքվեի դնելու որոշումը։ Նախագծով առաջարկվում է 2015 թվականի դեկտեմբերի 6-ին փոփոխված Սահմանադրության 213-րդ հոդվածը շարադրել նոր խմբագրությամբ և ներկայացնել այսպես. «Մինչև Սահմանադրության 7-րդ գլխի ուժի մեջ մտնելը նշանակված ՍԴ նախագահի և անդամների պաշտոնավարումը դադարում է»:

ՀՀ նախագահ Արմեն Սարգսյանը փետրվարի 9–ին ստորագրեց նախագիծը։ Հանրաքվեն կանցկացվի ապրիլի 5–ին։

«Ես կառաջարկեի ընդհանրապես ՍԴ–ն վերացնել». ի՞նչ են մտածում քաղաքացիները հանրաքվեի մասին

81
թեգերը:
Հրայր Թովմասյան, Հայաստան, հանրաքվե, Սահմանադրական դատարան, Դավիթ Հարությունյան
Ըստ թեմայի
Բադասյանը հանրաքվեի թեմայով խոսել է Վենետիկի հանձնաժողովի նախագահի հետ
Ինչի համար է հանրաքվեն, և որն է Վահե Գրիգորյանի խաղաքարտը. փաստաբանը բացել է փակագծերը
«Կարևորը մենք ենք ու Ամերիկան». ՍԴ–ի հանրաքվեն, աշխարհի փորձն ու Հայաստանը