Հայկ Մարությանն ու կինը

Հայկ Մարությանը բացատրել է` ինչու է իրեն օգնում կինը

108
(Թարմացված է 16:47 11.02.2020)
Երևանի քաղաքապետ Հայկ Մարությանը վստահեցրեց` կինը չի աշխատում քաղաքապետարանում, այլ օգնում է իրենց և դա անում է անվճար։

ԵՐԵՎԱՆ, 11 փետրվարի — Sputnik. Երևանի քաղաքապետ Հայկ Մարությանն այսօր լրագրողներին ասաց, որ իր կինը ոչ թե աշխատում է քաղաքապետարանում, այլ օգնում է մի շարք հարցերում։

Օրերս ԶԼՄ–ները գրել էին, որ Մարությանի կինը վերածվել է խորհրդականի, և նրան հաճախ կարելի է տեսնել քաղաքապետարանում։ Ըստ լուրերի` Մարությանի կինը նաև նշանակումների և ազատումների հարցում է միջամտում, ինչը դուր չի գալիս ավագանու անդամներին։ Ավելին, ըստ հրապարակումների, ավագանին այդ թեմայով քննարկում է կազմակերպել Մարությանի հետ։

«ՀՀ–ում ոչ մեկը և՛ օրենքով, և՛ դե ֆակտո չի կարող խառնվել Երևանի քաղաքապետարանի նշանակումների հարցով։ Թե՛ իմ կինը, թե՛ իմ ընկերներն օգնում են ինձ, որ կարողանանք մեր բոլոր խոստումները կատարենք։ Նրանք օգնում են ինչով կարող են»,–ասաց Մարությանը։

Հարցին, թե կնոջ հարցով նիստ եղե՞լ է, Մարությանը պատասխանեց, որ նիստերի մասին չի կարող ոչինչ ասել, քանի որ կան բաց նիստեր, որոնց մասին հանրությունը տեղյակ է լինում, և կան փակ նիստեր։

Մարությանը դադարել է «Երկուս և կես» ՍՊԸ-ի տնօրենը լինել պաշտոնը ստանձնելուց 3 օր առաջ

Մարությանը միայն հիշեցրեց, որ իր կինն ու ընկերները զրոյից ծրագիր են գրել, որպեսզի 5.3 մլն եվրոյի դրամաշնորհ բերվի Հայաստան։ Ընդ որում` վտանգավոր թափոններին առնչվող ծրագիրը հաղթող է ճանաչվել։ Երևանի քաղաքապետը հայտնեց` միայն իր կինը չէ, որ օգնում է իրենց, այլ մի շարք արվեստագետներ, դիզայներներ, ինժեներներ են օգնում, և դա անում են անվճար։

Դիտարկմանը, թե ավագանու որոշ անդամներին դա դուր չի գալիս, Մարությանը պատասխանեց` ուրեմն նման մարդիկ խնդիրներ ունեն Երևանի հետ։

Հայկոն ու Մկոն հանդիպել են. Մարությանը լուսանկարներ է հրապարակել

108
թեգերը:
քաղաքապետարան, Կին, Հայկ Մարության, Հայաստան
Ըստ թեմայի
Այգիներ, մանկապարտեզներ, շենքեր են յուրացրել. Լոռու մարզպետը բացահայտումներ է խոստանում
Խալաթներ, դիմակներ, բախիլներ. Գյումրին կօգնի Չինաստանի իր քույր քաղաքին
Դուռը կամաց փակեք. գիտե՞նք, թե ում ենք վստահում մեր կյանքը