Հաշմանդամի սայլակ. արխիվային լուսանկար

«Իմ քայլն» առաջարկում է նպաստ վճարել հաշմանդամություն ունեցող երեխաների ծնողներին

176
(Թարմացված է 14:44 11.02.2020)
Օրինագծի հաստատումից հետո Հայաստանի Հանրապետության առավել խոցելի 433 ընտանիք խնամակալության նպաստ կստանան։

ԵՐԵՎԱՆ, 11 փետրվարի – Sputnik. Հայաստանում 3-րդ աստիճանի սահմանափակում ունեցող հաշմանդամ և հոգեկան խանգարում ունեցող մինչև 14 տարեկան անչափահաս երխաների խնամատարներին նպաստ կտրամադրվի։ «Պետական նպաստների մասին» ՀՀ օրենքում համապատասխան լրացումների նախագիծն այսօր ԱԺ նիստում ներկայացրեց «Իմ քայլը» խմբակցության պատգամավոր Նարեկ Զեյնալյանը:

«Առաջարկվում է օրենքում ավելացնել «խնամակալության նպաստ» հասկացությունը: Եվ այն մարդկանց, որոնց խնամակալության տակ կան անձինք, ովքեր կարիք ունեն շուրջօրյա խնամքի, նրանց նկատմամբ սահմանել նպաստ»,-ասաց նա:

Պատգամավորը հայտնեց, որ նախագծի սկզբնական տարբերակում, որը դեկտեմբերին ներկայացվել էր կառավարությանը, շահառուների շրջանակն ավելի լայն է եղել, բայց քննարկումների արդյունքում այն նեղացվել է և վերջնական նախագծում թողնվել է միայն ամենախոցելի խումբը:

«Կառավարության եզրակացությունը հակասում է հաշմանդամ երեխաների լավագույն շահին». Էդուարդ Իսրայելյան

Զեյնալյանի խոսքով` այժմ օրինագիծը վերաբերում է միայն ծնողական խնամքից զուրկ մնացած և հոգեկան խնդիրներ ունեցող երեխաներին ու նրանց խնամակալներին, որոնց թիվը Հայաստանում ներկա պահին 433 է:

ՀՀ աշխատանքի և սոցիալական հարցերի փոխնախարար Ժաննա Անդրեասյանն էլ հայտնեց, որ կառավարությունը նախագծի վերջնական տարբերակին դեմ չէ, թեև այն որոշակի ծանրաբեռնվածության ավելացում է ենթադրում պետական բյուջեի վրա։ Բայց, մյուս կողմից, այն համահունչ է կառավարության քաղաքականությանը։

«Ծրագրի իրականացմանը կուղղվեն հավելյալ միջոցներ, բայց դրանք հանդիսանում են մարդու իրավունքներից բխող և մարդու կյանքի որակը փոխող: Մինչև 14 տարեկան երեխաների խնամակալներին որոշակի աջակցության տրամադրումը համահունչ է կառավարության քաղաքականությանը»,-ասաց նա:

Խնամակալության նպաստի իրավունքի օրենքի ընդունման դեպքում նպաստ կստանան 3-րդ աստիճանի սահմանափակում ունեցող հաշմանդամ ճանաչված մինչև 14 տարեկան, ինչպես նաև հոգեկան խանգարման հետևանքով դատարանով անգործունակ ճանաչված մինչև 14 տարեկան երեխաների ծնողները։

Զոհված ու հաշմանդամ դարձած զինծառայողների ընտանիքներից քանի՞սն են հատուցում ստացել

Նշենք, որ օրինագիծն ԱԺ–ում քննարկվում է առաջին ընթերցմամբ։

2019թ–ի դեկտեմբերի 12-ին կառավարության նիստում նախագծի քննարկման ժամանակ գործադիրն առաջարկել էր հստակեցնել շահառուների շրջանակը, իրականացնել համապատասխան հաշվարկներ, որոնք թույլ կտան հասկանալու պետական բյուջեից տրամադրվելիք միջոցների չափը։

Կառավարությունը չէր բացառել, որ երեխայի խնամքի հարցում նյութական խթանի ներդրման դեպքում հնարավոր են չարաշահումներ, ուստի նման իրավիճակներից խուսափելու համար որոշել նախագծում հստակ նշել նպաստի իրավունք ստացողներին առաջադրվող պահանջները։

176
թեգերը:
օրինագիծ, ՀՀ Ազգային ժողով, Նպաստ, հաշմանդամ
Ըստ թեմայի
Նիկոլ Փաշինյանը խոսեց հաշմանդամություն ունեցող մարդկանց խնդիրներից
Հեծանիվ չեն հորինել, բայց... Հայաստանում սկսել են հաշմանդամների սայլակներ արտադրել
Հաշմանդամություն ունեցող հայուհու ձեռքբերումը պետք է վարակիչ լինի բոլորի համար. Թաթոյան
Հաշմանդամության կարգ տալու համար կաշառք վերցնելու պահին պաշտոնյա է բռնվել. ԱԱԾ տեսանյութը
Արծվիկ Մինասյան

Վաղը կհայտարարվի վարչապետի միասնական թեկնածուի անունը

135
(Թարմացված է 21:14 02.12.2020)
Դեկտեմբերի 3-ին՝ ժամը 18:00-ից ընդդիմությունը կփակի Երևանի ոչ կենտրոնական փողոցները: Իսկ դեկտեմբերի 5-ին՝ ժամը 15:00-ին, Ազատության հրապարակում հրավիրվում է համապետական հանրահավաք:

ԵՐԵՎԱՆ, 2 դեկտեմբերի - Sputnik. Ընդդիմադիր 16 կուսակցությունները վաղը կներկայացնեն վարչապետի միասնական թեկնածուի անունը: Այս մասին այսօր կազմակերպված հանրահավաքի ժամանակ լրագրողներին հայտնեց ՀՅԴ Հայաստանի ԳՄ անդամ Արծվիկ Մինասյանը:

Նա չցանկացավ բացել փակագծերը, բայց նշեց, որ ընդդիմության հետագա քայլերի ու անելիքների մասին ևս կհայտարարվի առաջիկա համազգային մեծ հանրահավաքի ժամանակ:

«Չեմ ուզում շատ փակագծեր բացել, բայց ուզում եմ, որ մեր ժողովուրդն իմանա, որ այն սպասելիքները, որոնք ինքը ներկայացրել է՝ կապված այն ապագա զարգացումների հետ, թե՛ ընդդիմադիր կուակցությունների սկսածն ավելի մեծ համազգային շարժման վերածելու, թե՛ միասնական թեկնածուի, թե նաև ճանապարհային քարտեզն ու նոր ձևավորվելիք անցումային կամ հակաճգնաժամային ծրագրերի հետ, նոր հայտարարություն կլինի և առաջիկա օրերին մեծ հանրահավաքի ընթացքում կներկայացվի»,- ասաց Մինասյանը:

Հիշեցնենք՝ ընդդիմության այսօրվա բողոքի ակցիայի ժամանակ հայտարարվեց, որ վաղը՝ ժամը 18:00-ից, ապակենտրոնացված սկզբունքով կփակվեն Երևանի տարբեր փողոցներ՝ որպես անհնազանդության ակցիաներ՝ Փաշինյանի հրաժարականի պահանջով:

Ընդդիմությունը կոչ է անում փակել Երևանի փողոցները

Իսկ դեկտեմբերի 5-ին՝ ժամը 15:00-ին, Ազատության հրապարակում հրավիրվում է համապետական հանրահավաք:

Հիշեցնենք՝ նոյեմբերի 9-ին արցախյան ռազմաճակատներում հրադադարի վերաբերյալ եռակողմ հայտարարության ստորագրումից հետո Փաշինյանի ու կառավարության հրաժարականի պահանջով Հայաստանում բողոքի ակցիաներ են սկսվել։

135
թեգերը:
Հրաժարական, ընդդիմություն, Արծվիկ Մինասյան
թեմա:
Իրադրությունը Հայաստանում և Արցախում հայտարարության ստորագրումից հետո
Ըստ թեմայի
Փաշինյանը պետական դավաճան է, նա հանձնել է մեր կյանքի գնով պահված դիրքերը. զինվորականներ
Ինչու Փաշինյանը հրաժարական չի տալիս, կամ վարչապետի ինքնապաշտպանվելու տարբերակը
Համացանցում Փաշինյանի հրաժարականի պահանջով ստորագրահավաք է սկսվել
ԱԳ նախարար Արա Այվազյանն ընդունել է ԿԽՄԿ պատվիրակությանը

ԿԽՄԿ պատվիրակության հետ քննարկվել են գերիների, անհայտ կորածների, դիերի փոխանակման հարցերը

21
(Թարմացված է 20:53 02.12.2020)
Կողմերը վերահաստատել են իրենց պատրաստակամությունը՝ համատեղելու ջանքերը այդ խնդիրներին հրատապ ու լիարժեք լուծում տալու գործում:

ԵՐԵՎԱՆ, 2 դեկտեմբերի - Sputnik. ԱԳ նախարար Արա Այվազյանն ընդունել է Միջազգային կարմիր խաչի պատվիրակությանը՝ Եվրոպայում և Կենտրոնական Ասիայում ԿԽՄԿ տարածաշրջանային ղեկավար Մարտին Շյուպին, Հայաստանում իր առաքելությունն ավարտող ԿԽՄԿ պատվիրակության ղեկավար Քլեր Մեյթրոյին, նրան փոխարինող, նորանշանակ ղեկավար Թիերի Ռիբոյին և Ճգնաժամային գործառնությունների ղեկավար Պասկալ Հունդին։

Ինչպես հայտնում է ՀՀ ԱԳ նախարարության պաշտոնական կայքը, հանդիպման առանցքում են եղել Ադրբեջանում գտնվող գերիների և պատանդների վերադարձի, անհայտ կորածների որոնողական աշխատանքների, դիերի փոխանակման հարցերը: Կողմերը վերահաստատել են իրենց պատրաստակամությունը՝ համատեղելու ջանքերը այդ խնդիրներին հրատապ ու լիարժեք լուծում տալու գործում:

ՀՀ ԱԳ նախարարն իր մտահոգությունն է հայտնել Ադրբեջանի ԶՈւ կողմից հայ գերիների և խաղաղ բնակչության հանդեպ անմարդկային և նվաստացուցիչ վերաբերմունքի, խոշտանգումների և հաշվեհարդարի բազմաթիվ դեպքերի վերաբերյալ:

Միջազգային կազմակերպությունն արձանագրել է, որ Ադրբեջանը բազմաթիվ հայ զինվորներ է գերեվարել

Անդրադարձ է կատարվել նաև Արցախում ադրբեջանական ագրեսիայի հետևանքով առաջացած հումանիտար ճգնաժամի հաղթահարման հարցերին, մասնավորապես՝ պատերազմից տուժած արցախահայության աջակցության, ենթակառուցվածքների վերականգնման, Արցախ վերադարձող տեղահանված բնակչությանը հրատապ օգնության հարցերին:

Հիշեցնենք, որ Արցախի մարդու իրավունքների պաշտպան Արտակ Բեգլարյանը դեկտեմբերի 2-ին հայտնեց, որ պաշտպանի աշխատակազմի գտած տեսանյութերից արդեն կարողացել են առանձնացնել գրեթե 60 ռազմագերի, որոնցից միայն փոքր մասի ինքնությունը դեռ չեն կարողացել պարզել: Առանձին փաստահավաք գործունեություն են իրականացնում նաև ներկալված ու բռնի անհետացած քաղաքացիական անձանց մասով, որոնց թիվը հասնում է շուրջ 40-ի: 

21
թեգերը:
գերի, Կարմիր խաչ, Արտաքին գործերի նախարարություն (ԱԳՆ), Արա Այվազյան
Ըստ թեմայի
Փաշինյանը գերիների ու անհետ կորածների մասին խոսեց ՀԱՊԿ երկրների ղեկավարների հանդիպմանը
Տիգրան Ավինյանը հանդիպել է ՌԴ դեսպան Կոպիրկինին. քննարկվել է նաև գերիների վերադարձի հարցը
Պետք է ամեն ինչ անել գերիների ու դիերի փոխանակումն արագացնելու համար. Ավինյան
Նիկոլ Փաշինյան

Ռազմական գործում մեծամիտ լինելն անթույլատրելի է, կամ ո՞րն է հայերի կորուստների պատճառը

104
Եթե ռուսական արտադրության Ս-300 զենիթահրթիռային համալիրները մասնակցել են մարտական գործողություններին ու տուժել են ՀՕՊ համակարգի թերությունների պատճառով, ապա ավելի վաղ հիշատակված $40 միլիոն արժողությամբ Swathi հնդկական ռադարները ակտիվության ոչ մի հետք չեն թողել։

Ալեքսանդր Խրոլենկո, ռազմական վերլուծաբան

Լեռնային Ղարաբաղում մարտական գործողությունների ընթացքում փորձագետների շրջանում ու մեդիատարածքում վիճաբանություններ էին ընթանում հայկական կողմի ունեցած ռուսական արտադրության զենքի արդյունավետության մասին։ Sputnik-ը փորձել է հասկանալ՝ խնդիրը զե՞նքն է, թե՞ անձնակազմի պատրաստվածություն ու պաշտպանության կազմակերպումը։

Այսօր առանձին փորձեր են արվում արդարացնել հայկական կողմի պարտությունը ռուսական արտադրության «անօգուտ» Սու-30ՍՄ կործանիչներով, Ս-300 «կույր» զենիթահրթիռային համալիրներով, «անարդյունավետ» ՌԵՊ համալիրներով ու «սխալ համակարգի» տանկերով։ Կարծես հայկական կողմը երբեք երրորդ երկրների արտադրության զենք չի գնել (օրինակ՝ հնդկական Swathi ռադարները), իսկ ադրբեջանական կողմը զինված էր բացառապես իսրայելական ու թուրքական նմուշներով («Բայրաքթարի» տիպի), որոնք և վճռել են «մեծ բեկումը»։ Այստեղից փորձում են հետևություն անել, թե այլ երկրները, իբր Ղարաբաղի օրինակն աչքի առաջ ունենալով, կվերանայեն ռուսական զենք գնելու իրենց որոշումը։ Նման մտորումները քողարկում են ռազմաքաղաքական ղեկավարության ռազմավարական բացթողումներն ու սպառազինության համաշխարհային շուկայում խիստ մրցակցային պայքարը։ Ավելի լավ է իրականություն վերադառնալ։

Միայն զինվորի խիզախությամբ հաղթանակի չեն հասնում. Հայաստանի ռազմական սխալները Ղարաբաղում

Մոսկվան մի քանի ռազմական վարկ է տրամադրել Հայաստանին։ Շարունակությունը հայկական կողմի գործն էր։ Եթե ռուսական արտադրության Ս-300 զենիթահրթիռային համալիրները մասնակցել են Ղարաբաղում մարտական գործողություններին ու տուժել են ՀՕՊ համակարգի թերությունների պատճառով, ապա ավելի վաղ հիշատակված $40 միլիոն արժողությամբ Swathi հնդկական ռադարները ակտիվության ոչ մի հետք չեն թողել։ Բայց կարող էին գովազդային համառոտ նկարագրության համաձայն՝ հայտնաբերել ականանետային կրակոցները մինչև 20 կիլոմետր հեռավորության վրա, հրետանու կրակը՝ մինչև 30 կմ, իսկ հրթիռի կրակը՝ մինչև 40 կմ (յուրաքանչյուր սարք կարծես թե կարող է միաժամանակ մինչև յոթ թիրախ որսալ)։ Հնարավոր է՝ հաշվարկները չեն հասցրել յուրացնել նոր ռադարները։ Հայ մասնագետների ուսուցումը կարող էր լինել վճռորոշ օղակը նաև ռուսական արտադրության մարտական տեխնիկայի շահագործման հարցում։ Բնականաբար, ռազմական գործում անկազմակերպ ու մեծամիտ լինելն անթույլատրելի է։

Կորուստներ ու ավարներ

Դեկտեմբերի մեկին Ադրբեջանի նախագահ Իլհամ Ալիևը ազգին ուղերձով դիմելիս մանրամասն ներկայացրել է Լեռնային Ղարաբաղում հայկական կողմի մարտական տեխնիկայի կորուստները։ Երկար ցուցակում էին հարյուրավոր զենքեր, որոնք ոչնչացվել ու որպես ավար են վերցվել։ Ադրբեջանի նախագահը հիշատակեց նաև հրթիռային համալիրներ, համազարկային կրակի ռեակտիվ համակարգեր, տանկեր ու ռադիոէլեկտրոնային պայքարի միջոցներ։

Կարելի է տարբեր կերպ նայել այդ թվերին ու այն փաստին, որ «ստվերում» են մնում ադրբեջանական բանակի կորուստները (հաստատ զգալի), սակայն ստեղծված իրավիճակում (յոթ շրջանների վերադարձի դեպքում) Ադրբեջանի նախագահը հակառակորդի կորուստները կտրուկ չափազանցնելու կարիք չունի։ Օրինաչափ հարց է առաջանում Ղարաբաղում 44 օր տևած մարտերի ընթացքում հայկական խմբավորման ռազմական կազմակերպվածության մակարդակի մասին։

Հայկական զորքերի վերացված տեխնիկայի մեծ քանակը կարելի է բացատրել մարտական հակազդեցության դաժանությամբ, սակայն թվերը զարմացնում են․ լքված 79 տանկ, 47 հետևակի մարտական մեքենա, 104 հրետանի (հրանոթներ ու ականանետներ), 5 «Շիլկա» զենիթային սարք, 93 հատուկ մեքենա, 270 բեռնատար մեքենա (հնարավոր է՝ Բաքվում ցուցադրեն այդ ավարները որպես երկրի ղեկավարի խոսքերի ապացույց)։ Մինչդեռ միայն 79 մարտունակ տանկը երկուսուկես տանկային գումարտակ է (մեծ առավելություն է և՛ հարձակման, և պաշտպանության դեպքում)։ Կարծում եմ՝ հայկական կողմի անհավանական «շռայլությունը» կարող է երկու պատճառ ունենալ․ մարտական տեխնիկան լքվել է անկազմակերպ՝ տարերային նահանջի ժամանակ, կամ վառելիք չի եղել (թիկունքային ապահովման խնդիրներ են եղել), ու մեքենաները պարզապես չեն կարողացել առաջ շարժվել։

Արցախյան սրացումը և ռուսական գործոնը Կովկասում

Ամեն դեպքում պետք է կազմակերպչական եզրակացություններ անել, սակայն դա արդեն Հայաստանի գլխավոր շտաբի ու ռազմաքաղաքական ղեկավարության իրավասությունների շրջանակում է։

104
թեգերը:
Ռուսաստան, Զենք, Պատերազմ, Լեռնային Ղարաբաղ
Ըստ թեմայի
Որտեղի՞ց է առաջացել Ղարաբաղում թուրքական ԱԹՍ-ների արդյունավետության մասին միֆը
Ռուսական զենքը կարողանում է անշեղորեն խոցել. 2020 թվականի նախնական արդյունքները
Սիրիացի թուրքոմանները ԼՂ–ում. «ուղևորություն» դեպի պատերա՞զմ, թե՞ մեծ վերաբնակեցում