Էդմոն Մարուքյան. արխիվային լուսանկար

«Այ գյադա, շուտով գնդակները որոտալու են». Մարուքյանը դիմել է դատախազություն

175
(Թարմացված է 12:37 11.02.2020)
ԱԺ «Լուսավոր Հայաստան» խմբակցության ղեկավար Էդմոն Մարուքյանը մտահոգ է իրեն ուղղված նամակներից։

ԵՐԵՎԱՆ, 11 փետրվարի — Sputnik. ԱԺ «Լուսավոր Հայաստան» խմբակցության ղեկավար Էդմոն Մարուքյանը դատախազություն է դիմել իրեն ուղղված սպառնալիքների համար։ Մարուքյանը լրագրողների հետ զրույցում հայտնեց, որ Ազգային ժողովի` փետրվարի 6–ի արտահերթ նիստից հետո նա սպառնալիքներ է ստացել ու ստանում։

«Խորհրդարանի հայտնի նիստից հետո ատելության գեներացիա է տեղի ունենում, ինչի հետևանքով ես և իմ կուսակիցները նամակներ ենք ստանում` սպառնալիքներով։ Այդ մասին ես հրապարակային գրառում էի արել, սակայն որևէ իրավական մարմին կապ չի հաստատել ինձ հետ` ճշտելու, թե ինչի մասին է խոսքը։ Այսինքն` սա նորմալ երևույթ է, երբ կարող են սպառնալ ինձ»,–ասաց Մարուքյանը։

Նրա խոսքով, օրինակ, իրեն գրել են, թե` «զգուշացնում եմ, այ գյադա, շուտով գնդակները որոտալու են»։ Մարուքյանը վստահեցնում է` իրեն սպառնացողներն ամենևին էլ ֆեյքեր չեն` սոցցանցերի իրական օգտատերեր են։

«Կարևորը մենք ենք ու Ամերիկան». ՍԴ–ի հանրաքվեն, աշխարհի փորձն ու Հայաստանը

«Մենք պարա՞պ ենք, որ ֆեյքերով զբաղվենք։ Իսկ ինչի՞ն են սպասում իրավապահները. սպասում են մեկին գնդակահարեն, որ հետո տաք հետքերով գնան, գտնե՞ն»,–ասաց Մարուքյանը։

Նշենք, որ փետրվարի 8–ին Մարուքյանը Facebооk սոցցանցի իր էջում գրառում էր արել` ասելով, որ հայտնի նիստից հետո նամակներով սպառնալիքներ է ստանում գնդակներ որոտալու մասին։

Հայտնի է հանրաքվեի օրը. ՀՀ նախագահը ստորագրեց աղմկահարույց նախագիծը

Հիշեցնենք, որ փետրվարի 6–ին ԱԺ–ն որոշում կայացրեց սահմանադրական բարեփոխումների գնալ` հանրաքվե անելով։ Այդ օրն իր ելույթում Մարուքյանը, մասնավորապես, դիմելով վարչապետին, ասել էր` «սա ճանապարհ չի, տարբերակ չի, այս մոտեցումները մեզ վատ տեղ են տանում»։

«Ես կառաջարկեի ընդհանրապես ՍԴ–ն վերացնել». ի՞նչ են մտածում քաղաքացիները հանրաքվեի մասին

175
թեգերը:
ՀՀ դատախազություն, հանրաքվե, Էդմոն Մարուքյան, «Լուսավոր Հայաստան» կուսակցություն, ԱԺ
Ըստ թեմայի
«Դուրս գանք փողոց, կմտածեն, որ իմ ուսապարկը տանողն եք». Մարուքյանը խայթեց Ռուբինյանին
Կրակում է ինքն իր ոտքին. Մարուքյանը կարծում է` իշխանությունն ընտրել է հանրաքվեի տարբերակը
«Սպառնալիքներ եմ ստանում». Էդմոն Մարուքյանն ահազանգում է