Էդմոն Մարուքյան

«Սպառնալիքներ եմ ստանում». Էդմոն Մարուքյանն ահազանգում է

268
(Թարմացված է 12:27 09.02.2020)
Էդմոն Մարուքյանի ելույթը շատերին էր տպավորել, անկախ քաղաքական կողմնորոշումից, մարդիկ նրա ելույթում ճշմարտություն են տեսել։

ԵՐԵՎԱՆ, 9 փետրվարի — Sputnik. ՀՀ ԱԺ «Լուսավոր Հայաստան» խմբակցության ղեկավար Էդմոն Մարուքյանը ֆեյսբուքյան իր էջում գրել է, որ հայտնի նիստից հետո նամակներով իրեն սպառնում են։

«Հայտնի նիստից հետո նամակներով սպառնալիքներ եմ ստանում գնդակներ որոտալու մասին...»,– նշել է նա։

Մեկնաբանություններում Մարուքյանը պատասխանելով հետևորդների հարցերին` նշել է, որ երկուշաբթի օրը հաղորդում է տալու ոստիկանությունում, բայց այս կերպ ահազանգում է, որպեսզի մարդիկ իմանան, թե ինչ ատելության մթնոլորտ է տիրում։

Հիշեցնենք, որ սահմանադրական փոփոխությունների հարցով հրավիրված արտահերթ նիստին, մեկնաբանելով վարչապետ Նիկոլ Փաշինյանի ելույթը, որում վարչապետը, ըստ Մարուքյանի, սպառնում է բոլոր նրանց, ովքեր կհամարձակվեն դեմ լինել կամ իրավական ճանապարհով բողոքարկել նախագիծը, պատգամավորը հայտարարեց, որ բազմաթիվ ընթացակարգային խախտումներ կան, և նախագիծը չի կարող գնալ հանրաքվեի։

Նշենք, որ «Լուսավոր Հայաստան» խմբակցությունը դեմ քվեարկեց որոշման նախագիծը հանրաքվեի դնելու հարցին։

Փաշինյանին հիմա էլ նախագահ Սարգսյանի գրիչն է պետք. որքա՞ն գումար կծախսվի հանրաքվեի վրա

268
թեգերը:
Facebook, սպառնալիք, Նիկոլ Փաշինյան, ԱԺ, հանրաքվե, Էդմոն Մարուքյան
թեմա:
ՍԴ նախագահ Հրայր Թովմասյանին պաշտոնանկ անելու գործընթացը (104)
Ըստ թեմայի
«Այս օրերին ԱԺ-ում անկազմակերպ և խուճապային իրավիճակ էր». Սամսոնյան
Արմեն Սարգսյանը կարծիք ունի, բայց չի կարող արտահայտել. նախագահը հիշել է հին կատակը
Հանրաքվե անցկացնելու նախագիծը փոխանցվել է Սարգսյանին
Նիկոլ Փաշինյան

Ո՞ր դատավորներն են գնացել Նիկոլ Փաշինյանի հետ հանդիպման. «Ժողովուրդ»

25
(Թարմացված է 10:17 02.12.2020)
Դատական համակարգում ասում են, որ վարչապետի հետ հանդիպման գնացած դատարանների նախագահների ցանկացած որոշում պետք է կասկածի տակ դրվի։

ԵՐԵՎԱՆ, 2 դեկտեմբերի – Sputnik. «Ժողովուրդ» օրաթերթին մանրամասներ են հայտնի դարձել ՀՀ վարչապետ Նիկոլ Փաշինյանի և դատական համակարգի մի քանի ներկայացուցիչների հանդիպումից: Ըստ օրաթերթի տեղեկությունների` դատական համակարգում խոսակցություններ կան, որ Փաշինյանը հանդիպման հրավիրել է այն դատարանների դատավորներին, որոնցից շատերը շահագրգռվածություններ ունեն:

«Օրինակ՝ Վճռաբեկ դատարանի նախագահի թեկնածու Լիլիթ Թադևոսյանին համարում են աղմկահարույց դատական գործերով իշխանահաճո որոշումներ կայացնող դատավոր։ Մասնավորապես, նա ՀՀ երկրորդ նախագահ Ռոբերտ Քոչարյանի մասով քննվող քրեական գործի պարագայում այն հետ ուղարկեց Վերաքննիչ դատարան՝ նոր քննություն իրականացնելու: Այսինքն՝ այնպիսի որոշումներ է կայացրել, որ իշխանությանը դեմ չի գնացել»,–գրել է թերթը։

Մյուս դատավորը, որը ներկա է եղել վարչապետի հետ հանդիպմանը, եղել է Հովսեփ Բեդևյանը, որը Վճռաբեկ դատարանի դատավոր է ցանկանում դառնալ. այդ հաստիքը թափուր է Երվանդ Խունդկարյանի՝ ՍԴ անդամ դառնալուց հետո: Ընդ որում` այդ թեկնածուին ընտրելու է իշխանական «Իմ քայլը» խմբակցությունը:

Սերժ Սարգսյանի եղբորորդին ընդունեց զենք պահելու և թմրանյութեր շրջանառելու մեղադրանքը

Բացի այդ, Վիգեն Քոչարյանին արդարադատության փոխնախարարի պաշտոնից ազատեցին, սակայն առանց աշխատանք չթողեցին, և նա դարձավ ԲԴԽ անդամ։ Իսկ Անի Մխիթարյանն ու Արմեն Չիչոյանն էլ եղել են ՍԴ նախկին նախագահ Գագիկ Հարությունյանի կադրերից, սակայն նրա հեռանալուց հետո պատրաստ են անել ամեն բան, միայն թե իրենց չնեղացնեն:

Ըստ թերթի` ստացվում է՝ վարչապետի հետ հանդիպմանը գնացել են հիմնականում այնպիսի մարդիկ, որոնք ինչ-ինչ հավակնություններ ունեն, դատական համակարգում եկել են այն եզրակացության, որ Փաշինյանի հետ հանդիպմանը կոնկրետ գնացել են այն մարդիկ, որոնք շահ ունեն կամ ինչ-որ բանից կախված են:
Եվ հիմա դատական համակարգում ասում են, որ այս դատարանների նախագահների ցանկացած որոշում պետք է կասկածի տակ դրվի, քանի որ վարչապետի հետ հանդիպման գնացած դատավորները չեն կարող այսուհետ խոսել անկախության մասին:

Հիշեցնենք, որ նոյեմբերի 30-ին Փաշինյանն իրավապահ համակարգի ղեկավարների ու ներկայացուցիչների մասնակցությամբ խորհրդակցություն էր անցկացրել։

Վարչական դատարանը բավարարել է նախկին պաշտոնյայի հայցն ընդդեմ Նիկոլ Փաշինյանի

25
թեգերը:
Դատավոր, Նիկոլ Փաշինյան
Ըստ թեմայի
Նիկոլ Փաշինյանն Արայիկ Հարությունյանին գործուղել է Սյունիքի մարզ
«Լուսավոր Հայաստանը» Փաշինյանի հրաժարականի պահանջով խորհրդարանական լսումներ կանցկացնի
Ինչու Փաշինյանը հրաժարական չի տալիս, կամ վարչապետի ինքնապաշտպանվելու տարբերակը
Արխիվային լուսանկար

Կորոնավիրուսին հաղթեցի՞նք. այս իրավիճակում դպրոցները բացելը, ըստ փորձագետի, հիմնավոր չէ

62
(Թարմացված է 18:59 01.12.2020)
Հաջորդ շաբաթվանից աշակերտները ոչ թե հեռավար կանցկացնեն դասերը, այլ դպրոց կհաճախեն։ Կրթության ոլորտի փորձագետն անդրադարձել է հարցերին, թե որքանո՞վ է հիմնավոր դպրոցները տարեվերջին բացելն ու արդյո՞ք ուսումնական հաստատությունները պատրաստ են դրան։

ԵՐԵՎԱՆ, 2 դեկտեմբերի – Sputnik. Դեկտեմբերի 7-ից դպրոցներում առկա ուսուցման անցնելու` կրթության, գիտության, մշակույթի և սպորտի նախարարության որոշումը հիմնավոր չէ։ Sputnik Արմենիայի հետ զրույցում նման կարծիք հայտնեց կրթության հարցերով փորձագետ Սերոբ Խաչատրյանը։

Դասերը հետաձգելը ճիշտ որոշում էր, բայց կոտրած տաշտակի առաջ հայտնվելն անթույլատրելի է

ԿԳՄՍ–ն հայտարարել է, որ դեկտեմբերի 7-ից հանրակրթական ուսումնական հաստատություններում դասերն առկա կկազմակերպեն։ Հանրակրթական ուսումնական հաստատությունները պարտավոր են պահպանել կորոնավիրուսային իրավիճակով պայմանավորված անվտանգության կանոնները։

«Կուզենայի, որ նախարարությունն ասեր, թե ինչո՞ւ են որոշել բացել դպրոցները, ի՞նչն է պատճառը։ Կորոնավիրուսային իրավիճակի առումով առանձնապես առաջընթաց չունենք` թեստավորվածների 30 տոկոսի մոտ հայտնաբերվում է վարակը։ Բացի այդ, մի նոր տենդենց էլ կա` ընտանիքից միայն մեկն է թեստավորվում, այսինքն` վարակվածների իրական թիվը ստանալու համար եղածը պետք է 2-3–ով բազմապատկենք»,–ասաց Խաչատրյանը։

Сероб Хачатрян
© Sputnik / Andranik Ghazaryan
Սերոբ Խաչատրյան

Նա նշեց, որ պետք է հաշվի առնել նաև` այս պահին մի շարք բողոքի ակցիաներ են ընթանում և սոցիալական հեռավորություն, բնականաբար, չի պահպանվում։ Խաչատրյանն ասաց, որ այս ամենը հաշվի առնելով` որևէ հիմնավորում չկա, թե ինչու պետք է առկա ուսուցման անցնեն։ Նրա խոսքով` կարող ենք միայն ենթադրել, որ հեռավար կրթությունից կան դժգոհություններ, և ծնողները գուցե ճնշում են գործադրում նախարարության վրա, կամ էլ գուցե կիսամյակի ավարտին որոշել են երեխաներին դպրոց ուղարկել, որ գնահատական ունենան։

Հարցին, թե որքանո՞վ են դպրոցները պատրաստ առկա ուսուցման անցնելու` Խաչատրյանը պատասխանեց, որ դպրոցների համար, իհարկե, ավելի հարմար է կազմակերպել առկա ուսուցումը, սակայն հարց է` որքանով կանոնները կպահպանվեն։ Որպես օրինակ կրթության փորձագետը նշեց` այս սեզոնին դժվար է պատկերացնել, որ դպրոցներում նորմալ օդափոխություն կիրականացվի` հաշվի առնելով ցուրտ եղանակը։

«Իսկ տեսակետը, թե հեռավար համակարգում երեխաները վատ են սովորում, իսկ առկայում` լավ, մի փոքր ուռճացված է։ Սովորողը սովորում է` ինչ համակարգ էլ ուզում ես դնես։ Առկա համակարգը, սակայն, մի առանձնահատկություն ունի` ուսուցիչը կարողանում ավելի լավ վերահսկել երեխաներին։ Մյուս կողմից, եթե դու վերահսկում ես աշակերտների վարքը, դեռևս չի նշանակում, որ նրանք շատ լավ սովորում են»,–ասաց Խաչատրյանը` հավելելով, որ ինքն էլ դասավանդում է (ուսանողներին), և առկայից հեռավար ուսուցման արդյունքում սովորելու առումով ոչինչ չի փոխվել։

Հիշեցնենք, որ դպրոցների համար պարտադիր պահանջներ են պահանջվել, ըստ որի` պետք է ապահովել ախտահանիչ և ձեռքերի լվացման միջոցներ, ձեռքերի լվացման հնարավորություն հոսող ջրով (անհնարինության դեպքում՝ ախտահանման հնարավորությամբ), թափոնների հեռացման համար փակվող կափարիչով աղբամաններ, հեռահար ջերմաչափում։

Ի դեպ, բարձր ռիսկի խմբի, 65 և բարձր տարիքի աշխատողները կարող են աշխատանքն իրականացնել հեռավար` իրենց գրավոր համաձայնության դեպքում։ Ռիսկի խմբում գտնվող երեխաները նույնպես կշարունակեն հեռավար ուսուցումը՝ կենտրոնացված հեռավար ուսուցման միջոցով:

Արցախցի դպրոցականներն ու ուսանողներն առանց կրթության չեն մնա․ ի՞նչ քայլեր են ձեռնարկվում

10 տոկոսից ավելի վարակվածության ցուցանիշ ունենալու դեպքում, ըստ սահմանված առողջապահական կանոնների, դպրոցը կրկին կանցնի հեռավար ուսուցման։

62
թեգերը:
Սերոբ Խաչատրյան, դպրոց, կորոնավիրուս
Ըստ թեմայի
Հայտնի է` երբ կվերսկսվի 5-12-րդ դասարանների աշակերտների առկա ուսուցման գործընթացը
Կրթությունը` սկանդալների ոլորտ. ի՞նչ ելք է տեսնում փորձագետը ստեղծված իրավիճակից
«Իմ քայլում» կան մարդիկ, որոնք կրթության չափորոշիչները բացասական են գնահատում. Հովսեփյան
Օգնություն

Ռուսաստանից մարդասիրական օգնության նոր խմբաքանակ է ուղարկվել Արցախ

0
(Թարմացված է 10:31 02.12.2020)
ՌԴ ԱԻՆ աշխատակիցներն անվտանգության բաց դասեր են անցկացրել Ասկերանի շրջանի Իվանյան գյուղի դպրոցում։

ԵՐԵՎԱՆ, 2 դեկտեմբերի – Sputnik. Ռուսաստանից Ղարաբաղ մարդասիրական օգնության հերթական խմբաքանակն է ուղարկվել։ Տեղեկությունը հայտնում է Ռուսաստանի ԱԻՆ–ը։

Նշվում է, որ մինչ ցրտերն ընկնելը տեղի բնակիչները տաք ծածկոցներ և տների վերականգնման համար շինանյութ կստանան։

«ՌԴ ԱԻՆ–ը հերթական մարդասիրական օգնությունն է հասցրել ԼՂ–ի տուժած բնակչության համար։ Ավելի քան 3 հազար տաք վերմակներն ուղարկվել են Ստեփանակերտի մարդասիրական օգնության տրամադրման կետ և առաջիկայում կփոխանցվեն քաղաքի բնակիչներին», – նշված է հաղորդագրության մեջ։

Մարտունի է հասցվել շուրջ 8 տոննա շինանյութ՝ 6.5 տոննա մետաղական պրոֆիլ և ավելի քան 1.2 տոննա շինարարական տախտակ։

Բացի այդ, Ռուսաստանի ԱԻՆ աշխատակիցներն անվտանգության բաց դասեր են անցկացրել Ասկերանի շրջանի Իվանյան գյուղի Օնիկ Գրիգորյանի անվան վերականգնված հանրակրթական դպրոցում։

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվել է Ռուսաստանի Դաշնության խաղաղապահ զորակազմը ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:

Ռուսաստանի Դաշնության խաղաղապահ զորախումբը տեղակայմանը զուգահեռ դուրս են բերվում հայկական զինված ուժերը։ Ռուսաստանի Դաշնության խաղաղապահ զորակազմը տեղակայվում է 5 տարի ժամկետով` 5 տարվա ժամանակահատվածով ավտոմատ երկարաձգմամբ, եթե կողմերից որևէ մեկը ժամկետի ավարտից 6 ամիս առաջ չհայտարարի այդ դրույթի կիրառումը դադարեցնելու մտադրության մասին:

Ղարաբաղում խաղաղապահ գործողության գինն ու վարկանիշը. թվերն ավելի քան խոսուն են

0
թեգերը:
Արցախ, Ռուսաստան
Ըստ թեմայի
Անորոշության շեմին. բերձորցիները լքում են իրենց տները
ՌԴ դեսպանատունը հայտարարություն է տարածել անհետ կորածների հարցով դիմումների վերաբերյալ
Եթե հայ-թուրքական սահմանը բացվի, մենք բավականին առաջ կընկնենք. Եղիշե Հովհաննիսյան