Ալեն Սիմոնյանն ու Արթուր Վանեցյանը. արխիվային լուսանկար

Մարդակերները ժողովրդավարությունից են խոսում. Ալեն Սիմոնյանը բաց ակնարկներ արեց ԱԺ ամբիոնից

196
(Թարմացված է 17:02 06.02.2020)
Սահմանադրական փոփոխությունների նախագծի քննարկման ժամանակ ԱԺ նախագահ Ալեն Սիմոնյանն իր ելույթը նվիրեց ընդդիմադիրներին հակադարձելուն։

ԵՐԵՎԱՆ, 6 փետրվարի — Sputnik. Այն, ինչ կատարվում է ՀՀ–ում, գժվելու բան է։ Այսօր ԱԺ արտահերթ նիստում Սահմանադրական փոփոխությունների նախագծի քննարկման ժամանակ իր ելույթում հայտարարեց ԱԺ փոխնախագահ Ալեն Սիմոնյանը։

«Գժվելու բան է, որովհետև այսօր ՀՀ–ում լրատվամիջոց կա (և ոչ մեկը), որին գործելու համար գումար է տալիս նա, ով լրատվամիջոց էր փակում, ով ԵԽԽՎ–ին ասում էր «պոլիտբյուրո», ով ՀՀ–ում քաղբանտարկյալներ էր ստեղծում ու գալիս էր ինձ հարցնում էր ԵԽԽՎ–ի զեկույցի մասին` «բա էս ո՞նց է սենց լինելու»։ Երկու քրեական գործ իր վրա ունեցողը քաղաքական խմբակ է բացել ու ինձ հանրորեն կոչեր է անում լրատվամիջոցների հետ պարկեշտ ձևով խոսելու։ Մարդակերները կանգնում են ոստիկանության պատի տակ և խոսում ժողովրդավարությունից։ Աբսուրդ է սա»,– ասաց Սիմոնյանը։

Ալեն Սիմոնյանն ԱԺ ամբիոնից դիմեց նաև ընդդիմադիր գործընկերներին` նրանց առաջ պայման դնելով. «Կա՛մ դուք քաղաքական որոշում եք կայացնում, այրում եք ձեր կամուրջները անցյալի հետ, կանգնում եք հեղափոխության կողքին, ու մենք մաքրում ենք Սերժ Սարգսյանի, Ռոբերտ Քոչարյանի ու նրանց փեսաների և մնացածի պուճուրիկ խմբակները, որոնք փողով փորձում են ատելություն սերմանել ՀՀ–ում, կա՛մ ազնիվ եղեք ու եկեք ասեք` մենք մեր տեղը չենք գտնում ո՛չ դահլիճում, ո՛չ քաղաքական դաշտում»։

ՀՀ իշխանությունն արագացնում է արտահերթ ընտրությունների գործընթացը. Ռոբերտ Քոչարյան

Ազգային անվտանգության ծառայության նախկին տնօրեն Արթուր Վանեցյանը երեկ մի շարք տպագիր լրատվամիջոցների խմբագիրների հետ էր հանդիպել, պատասխանել նրանց հարցերին։ Վանեցյանն ասել էր, որ եթե ինքը գա իշխանության` վերադարձ անցյալին թույլ չի տա։ Նա նաև ասել էր, որ մտահոգիչ է միջազգային կառույցների արձագանքը մեր երկրում տեղի ունեցող իրադարձությունների շուրջ։

ԵԽԽՎ Մոնիթորինգի հանձնաժողովի՝ Հայաստանի հարցերով համազեկուցողներ Անդրեյ Շիրցելը և Կիմմո Կիլջունենը հունվարի 31-ին հայտարարություն են տարածել Հայաստանում ՍԴ-ի շուրջ ստեղծված իրավիճակի վերաբերյալ: Համազեկուցողները մտահոգություն էին հայտնել ՍԴ-ի և վարչապետի աշխատակազմի միջև առկա լարվածության վերաբերյալ։

Փետրվարի 3–ին էլ Վենետիկի հանձնաժողովի նախագահ Ջիանի Բուքիքիոն էր հայտնել, որ իրեն մտահոգում է Հայաստանի Սահմանադրական դատարանին շուրջ ձևավորված բացահայտ կոնֆլիկտը։ Նա ասել էր, որ կիսում է ԵԽԽՎ մոնիտորինգի համազեկուցողների մտահոգությունները կառավարություն-ՍԴ լարվածության վերաբերյալ:

Արթուր Վանեցյանն անցյալի արձագանքն է. Անվտանգության խորհրդի քարտուղար

Հիշեցնենք` 2019–ի սեպտեմբերի 16-ին Փաշինյանը հայտնեց, որ ստորագրել է ԱԱԾ տնօրեն Արթուր Վանեցյանի հրաժարականի միջնորդությունը։ Դրան հաջորդեց Վանեցյանի հայտարարությունը, իսկ ավելի ուշ ՀՀ նախագահ Արմեն Սարգսյանը ստորագրեց հրամանագիրը։ Դրանից հետո Փաշինյան–Վանեցյան հարաբերությունները սրվեցին, քանի որ Վանեցյանն իր հայտարարության մեջ նշել էր` թող իր հրաժարականը լինի «Կանգ առ»-ի սթափեցնող կոչ։

ԱԱԾ նախկին տնօրենը կուսակցություն է ստեղծում. «Ժողովուրդ»

196
թեգերը:
Հայաստան, Իշխանություն, ընդդիմություն, Ռոբերտ Քոչարյան, Սերժ Սարգսյան, ԱԺ, Արթուր Վանեցյան, Ալեն Սիմոնյան
Ըստ թեմայի
Խղճահարության արժանի դրսևորում. Փաշինյանը` Սերժ Սարգսյանի ելույթի մասին
Վանեցյանն առաջարկում է փոխել վարչապետին
«Շոկի մեջ եմ». Փաշինյանը մեղադրում է Թովմասյանին պաշտոնը պահելու փորձի համար
Այլընտրանքը պետք է վերացվի. Փաշինյանը չի հանդուրժի Վանեցյանի ակտիվությունը