Արմեն Գրիգորյան

Ռուբեն Հայրապետյանն իր ասածի պատասխանը կզգա ոչ միայն շորերի, այլև մարմնի վրա. Գրիգորյան

318
(Թարմացված է 14:03 06.02.2020)
Արմեն Գրիգորյանը լրագրողների հետ զրույցում անդրադարձել է Ռուբեն Հայրապետյանի հայտարարությունը, թե մի օր ինքն էլ ներկա իշխանության ներկայացուցիչներին կպառկեցնի ասֆալտին ու ոտքերը կսրբի նրանց վրա։

ԵՐԵՎԱՆ, 6 փետրվարի — Sputnik. ՀՖՖ նախկին նախագահ Ռուբեն Հայրապետյանը կզգա իր իսկ հայտարարության պատասխանը. կառավարության նիստից հետո լրագրողների հետ զրույցում իր կարծիքը հայտնեց Անվտանգության խորհրդի քարտուղար Արմեն Գրիգորյանը` անդրադառնալով Հայրապետյանի վերջին ասածներին։

Փետրվարի 4–ին, երբ Ռուբեն Հայրապետյանը բերման էր ենթարկվել և որոշ ժամանակ անց ազատ արձակվել, հայտնել էր, որ ամոթ չէ ոստիկանության կողմից ասֆալտին պառկեցնելը։ Սակայն, ըստ Հայրապետյանի, մի գեղեցիկ օր էլ ինքն է նրանց ասֆալտին պառկեցնելու և ոտքերը վրաները սրբելու։

«Հայրապետյանի արածն անպատասխանատու հայտարարություն է։ Կարծում եմ` դրա պատասխանն այլ ձևով նա կզգա ոչ միայն իր շորերի, այլ նաև մարմնի վրա»,– ասաց ԱԽ քարտուղարը։

Գրիգորյանի խոսքով` Հայրապետյանն այդ հայտարարությամբ տարրական կուլտուրայի և էթիկայի բոլոր սկզբունքները խախտել է։ Այդ խոսքերի համար, ըստ ԱԽ քարտուղարի, ոստիկանությունը նույն ձև պատասխանել չի կարող, սակայն նա անպայման այլ ձևով կստանա իր պատասխանը։

Հիշեցնենք` Ռուբեն Հայրապետյանը բերման էր ենթարկվել ապօրինի զենք–զինամթերք պահելու կամ կրելու կասկածանքով։ Սակայն 3 ժամ անց նրան ազատ էին արձակել։

Իսկ 2019–ի նոյեմբերի 13-ին Ոստիկանության 6-րդ վարչության աշխատակիցները խուզարկություններ էին իրականացրել Ռուբեն Հայրապետյանի առանձնատանն ու նրան պատկանող այլ շինություններում։ Մինչ այդ ոստիկանությունը հայտնել էր, որ ՀՖՖ նախկին նախագահին պատկանող բիզնեսների վերաբերյալ նյութեր են նախապատրաստվում։ Իրավապահները օպերատիվ տեղեկություններ էին ստացել, որ Հայաստանի ֆուտբոլի ֆեդերացիայի նախկին նախագահ Ռուբեն Հայրապետյանին պատկանող ընկերություններում հնարավոր են չարաշահումների դեպքեր։

Ծախած խաղեր, կերած փողեր. Ռուբեն Հայրապետյանը պատմել է ՀՖՖ–ի «կեղտոտ սպիտակեղենի» մասին

Հայրապետյանի նկատմամբ քրեական գործ է հարուցվել ՀՀ քրեական օրենսգրքի մի քանի հոդվածներով՝ 315-րդ հոդվածի 2-րդ մաս (պաշտոնեական անփութություն, որն անզգուշությամբ առաջացրել է ծանր հետևանքներ), 179-րդ հոդվածի 3-րդ մաս (խոշոր չափերով յուրացում), 325-րդ հոդվածի 2–րդ մաս (մի խումբ անձանց կողմից փաստաթղթեր կեղծելը) և 214-րդ հոդվածի 2-րդ մաս (առևտրային կամ այլ կազմակերպությունների ծառայողների կողմից լիազորությունները չարաշահելը):

Գագիկ Խաչատրյանը կմնա կալանքի տակ. դատարանը որոշում կայացրեց

318
թեգերը:
Ռուբեն Հայրապետյան, Արմեն Գրիգորյան, Հայաստան
Ըստ թեմայի
«Չեմ պատրաստվում քար նետել ամեն հաչացող շան վրա». Սուքիասյանը պատասխանել է Հայրապետյանին
«Հարցերը տվեք նրան, ով այս պատվերը իջեցրել է»․ Ռուբեն Հայրապետյան
«Մի հատ ՍՈՒ– 35 սամալյոտ են գտել, մի հատ էլ Տ–90 տանկ». Ռուբեն Հայրապետյան
Լևոն Ղասաբօղլյան

Ինչն է եղել 34–ամյա Լևոն Ղասաբօղլյանի մահվան պատճառը. նա կորոնավիրուսով չի վարակվել

48
(Թարմացված է 14:18 10.08.2020)
Ղասաբօղլյանն իր թիմի հետ կորոնավիրուսի թեստ է հանձնել։Նրա մոտ վարակ չի հայտնաբերվել։

ԵՐԵՎԱՆ, 10 օգոստոսի - Sputnik. Նախկին ֆուտբոլիստ և մարզիչ Լևոն Ղասաբօղլյանը չի հիվանդացել կորոնավիրուսով, մահվան պատճառը սրտի կանգն է է եղել, ինչին հանգեցրել է թրոմբի խցանումը։ Տեղեկությունը հայտնում է Sputnik Ղազախստանը։

«Ղասաբօղլյանը թիմի հետ պարբերաբար թեստավորվել է։ Բոլորի թեստերի արդյունքները բացասական են եղել», - «Օնտուստիկ» ակադեմիայից ասել են Sputnik Ղազախստանի թղթակցին։

Հիշեցնենք` երեկ 34 տարեկան հասակում կյանքից հեռացել է Լևոն Ղասաբօղլյանը:

Ղասաբօղլյանը հանդես է եկել «Արարատ», «Կիլիկիա» և «Ուլիս» թիմերի կազմում։ Դրան զուգահեռ ընդգրկվել է նաև Հայաստանի ֆուտբոլի երիտասարդական հավաքականի կազմում։ Խաղային գործունեությունն ավարտել է էստոնական «Նարվա-Տրանս» ակումբում, որի հետ դարձել է Էստոնիայի ֆուտբոլի առաջնության բրոնզե մրցանակակիր։ Ֆուտբոլիստի կարիերան ավարտելուց հետո անցել է մարզչական աշխատանքի: Աշխատում էր «Փյունիկի» սպորտդպրոցում։ Փորձում էր Հայաստանում իրագործել ֆուտբոլի զարգացման մի քանի ծրագրեր:

Այս տարվա սկզբից Լևոն Ղասաբօղլյանը նշանակվել էր Ղազախստանի առաջին խմբում հանդես եկող «Օնտուստիկ» ակադեմիայի գլխավոր մարզիչ:

Մարզիկի հայրը՝ Սամվել Ղասաբօղլյանը, անվանի մարզիչ է։ Եղբայրը՝ Միքայել Ղասաբօղլյանը, ևս զբաղվում է ֆուտբոլով։

48
թեգերը:
Մահ, Լևոն Ղասաբօղլյան
Ըստ թեմայի
Ողբերգական վթար Սիսիանում. անչափահաս երեխաներն ու նրանց ծնողները տեղում մահացել են
Ողբերգական ավտովթարի հետևանքով մահացել է Արմեն Մարությանի և Ալլա Վարդանյանի դստեր ընտանիքը
Կորոնավիրուսի հետևանքով 5 մարդ է մահացել. ամենաերիտասարդը 67 տարեկան է
Հոգեկան առողջության պահպանման ազգային կենտրոն

Կենտրոնը գերբեռնված է. ՄԻՊ–ի աշխատակիցներն  անակնկալ այցելել են Նուբարաշենի հոգեբուժարան

10
(Թարմացված է 14:05 10.08.2020)
ՄԻՊ–ի աշխատակիցներն ու փորձագետները մի շարք խնդիրներ են հայտնաբերել «Հոգեկան առողջության պահպանման ազգային կենտրոնում»։

ԵՐԵՎԱՆ, 10 օգոստոսի - Sputnik. Մարդու իրավունքների պաշտպանի գրասենյակից հայտնում են, որ ՄԻՊ աշխատակիցներն ու փորձագետները չհայտարարված այց են իրականացրել «Հոգեկան առողջության պահպանման ազգային կենտրոն» (Նուբարաշենի հոգեբուժարան), որտեղ մի շարք խնդիրներ են հայտնաբերել։

«Կենտրոն ընդունվող պացիենտների նկատմամբ  կորոնավիրուսի տարածումը կանխարգելելու նպատակով 14-օրյա մեկուսացում չի իրականացվում։ Բացի այդ, կենտրոնը գերբեռնված է, և պացիենտներն ապահովված չեն բավարար անձնական տարածությամբ։ Ավելին, հոգեբուժական կազմակերպություն այցելուների մուտքի ժամանակ ջերմաչափման գործընթացը պատշաճ չի իրականացվում»,–նշված է հաղորդագրության մեջ։

Կորոնավիրուսային իրավիճակով պայմանավորված անհրաժեշտ նորմերի խախտումներից բացի, ՄԻՊ–ի աշխատակիցներն արձանագրել են` կենտրոնի բաժանմունքները, ներառյալ՝ հիվանդասենյակները, լոգարանները, ճաշասրահները և խոհանոցներն, ունեն լուրջ վերանորոգման կարիք։ Իսկ ինչ վերաբերում է կենտրոնում գտնվող պացիենտների զսպման միջոցներին, ապա ֆիզիկական զսպումը երբեմն իրականացվում է հիվանդասենյակներում մյուս պացիենտների ներկայությամբ։

Արման Թաթոյանը ՀԿ-ների հետ քննարկման արդյունքներն ուղարկել է պարետատուն

Բացի այդ, արձանագրվել է, որ պացիենտներից ոմանք կազմակերպական տարբեր խնդիրների պատճառով հնարավորություն չունեն ստանալ իրենց կենսաթոշակը։ Իսկ նրանց  հագուստը հիմնականում չի անհատականացվում և լվացվելուց հետո բաժանվում է պատահականության սկզբունքով։

Նշվում է նաև, որ դեպի կենտրոն չկա հասանելի հասարակական տրանսպորտային հաղորդակցություն այն դեպքում, երբ այնտեղ 407 պացիենտ կա:

Այցի ընթացքում, մյուս կողմից, արձանագրվել են նաև դրական տեղաշարժեր,  մասնավորապես՝ հոգեբուժական կազմակերպությունն ապահովված է եղել կորոնավիրուսի համար անհատական պաշտպանիչ և ախտահանիչ միջոցներով։

ՄԻՊ–ի աշխատակիցները ֆիքսել են նաև, որ բաժանմունքներում տեղադրվել են տաքսոֆոններ, ներդրվել է ինտերնետ հաղորդակցության ներքին ցանց, իսկ փաստաթղթաշրջանառությունը թվայնացվել է։

Հոգեկան առողջության կենտրոնում արձանագրվել է կորոնովիրուսային հիվանդության 8 դեպք

Այցի ընթացքում վերհանված խնդիրները ՄԻՊ–ի աշխատակիցները քննարկել են կազմակերպության տնօրինության հետ: Դրանք կամփոփվեն և առաջարկների հետ կներկայացվեն ոլորտի իրավասու մարմիններին:

10
թեգերը:
փորձագետ, հիվանդ, Հայաստան, խախտում, ՀՀ ՄԻՊ
Ըստ թեմայի
Հոգեկան առողջության կենտրոնը 100%–ով ծանրաբեռնված է. ինչո՞ւ մարդկանց տուն չեն տանում
«Հոգեկան առողջության պահպանման կենտրոնի» նախկին տնօրենի դեմ քրեական գործ է հարուցվել
Հարձակվել են Գյումրու հոգեկան առողջության կենտրոնի վրա, «դեղ» պահանջել
«Ձորակ» հոգեկան առողջության խնդիրներ ունեցողների կենտրոնում կորոնավիրուսի դեպք է հաստատվել

Վոլգոգրադում գազի ցիստեռն է այրվում, կան տուժածներ. ականատեսները տեսանյութ են հրապարակել

0
(Թարմացված է 14:32 10.08.2020)
Լենինի պողոտայում պայթյուն է որոտացել։ Հարակից շենքերի ապակիները կոտրվել են։ Տուժածներից մեկի վիճակը ծանր է։

Վոլգոգրադում` Լենինի պողոտայում, բենզալցակայանի մոտ գազի ցիստեռն է բռնկվել։ Արտակարգ իրավիճակների նախարարության տվյալներով` տուժել է յոթ մարդ: Մեկի վիճակը ծանր է։

ԱԻՆ–ն ահազանգը ստացել է ժամը 11։40-ին։ Դեպքի վայր են մեկնել հրշեջ-փրկարարական ստորաբաժանումները։

Բացառիկ կադրեր Ախալքալաքի ծեծկռտուքից․ մի քանի հոգով մահակներով ծեծում են մի տղամարդու

Պարզվել է, որ գազի ցիստեռն է այրվում: Ճանապարհի որոշ հատվածը փակ է։ Այլ մանրամասներ առայժմ հայտնի չեն։

«Վահանները ցա՛ծ դրեք». ինչ էր կատարվում գիշերը Մինսկում. տեսանյութ

0
թեգերը:
տեսանյութ, հրդեհ, Ռուսաստան
Ըստ թեմայի
Երևանում մեքենա է այրվել ավտոտնակում. այրվածքներով հոսպիտալացվածներից մեկը երեխա է
Վառելիք՝ թափոններից, կամ աղբը ոչ թե աղբանոցներում է, այլ մարդկանց գլխում
Միքայելյան վիրաբուժության ինստիտուտի տարածքում հրդեհ է բռնկվել․ մարդկանց տարհանել են