Ռոբերտ Քոչարյանի դատական նիստերից մեկը. արխիվային լուսանկար

Քոչարյանի պաշտպաններին չեն տրամադրի Մարտի 1–ի բոլոր նյութերը. Վերաքննիչի որոշումը

74
(Թարմացված է 11:24 06.02.2020)
Վերաքննիչ քրեական դատարանը որոշում կայացրեց բեկանել Առաջին ատյանի դատարանի որոշումը, ըստ որի` Քոչարյանի պաշտպաններին պետք է տրամադրվեր «Մարտի 1»–ի ամբողջ նյութերը։

ԵՐԵՎԱՆ, 6 փետրվարի — Sputnik. ՀՀ երկրորդ նախագահ Ռոբերտ Քոչարյանի պաշտպաններին չի տրամադրվի «Մարտի 1»-ի գործի ամբողջական նյութերը։ Նման որոշում կայացրեց Վերաքննիչ քրեական դատարանի դատավոր Արմեն Դանիելյանը։

«Դատարանը որոշեց դատախազի` Վերաքննիչ դատարան ներկայացրած բողոքը բավարարել` բեկանելով Առաջին ատյանի դատարանի որոշումը»,–հայտնեց Դանիելյանը;

Դատարանի որոշումը ենթակա է բողոքարկման 15-օրյա ժամկետում` Վճռաբեկ դատարանում։

Որոշման հրապարակմանը ներկա չէր պաշտպանական կողմը, ինչի մասին հայտնել էին դեռ նախորդ նիստի ժամանակ` ասելով, որ դատարանից օբյեկտիվ որոշում չեն սպասում։

Քոչարյանի դեմ հարուցված գործով դատախազ Պետրոս Պետրոսյանից լրագրողները հետաքրքրվեցին` ինչպես կմեկնաբանի Քոչարյանի պաշտպանների ասածը, ըստ որի` «Մարտի 1»–ի նյութերը չտրամադրելով` իրենցից թաքցնում են մի շարք մանրամասներ` Պետրոսյանը նշեց, որ թաքցնելու որևէ հանգամանք չի կարող լինել։

«Մենք մտավախություններով չենք առաջնորդվում։ Կա ընթացակարգ, թե երբ են այդ նյութերը տրամադրվում պաշտպաններին։ Վերաքննիչը որոշեց, որ այս փուլում այդ նյութերը չպետք է տրամադրվեն պաշտպաններին»,–ասաց դատախազը։

Հիշեցնենք, որ ՀՀ երկրորդ նախագահ Ռոբերտ Քոչարյանի պաշտպան Հովհաննես Խուդոյանը նախաքննության ընթացքում միջնորդություն էր ներկայացրել, որով պահանջել է ներկայացնել «Մարտի 1»-ի մայր գործով բոլոր, ոչ թե առանձնացված մասի նյութերը, ինչը քննիչը մերժել էր:

Քոչարյանը նույնիսկ բանտում էական ազդեցություն ունի գործընթացների վրա. Վարդանյան

Փաստաբանը բողոք էր ներկայացրել դատարան և Երևանի ընդհանուր իրավասության դատարանը՝ դատավոր Արման Հովհաննիսյանի նախագահությամբ, բավարարել էր Հովհաննես Խուդոյանի բողոքը, պարտավորեցնելով ՀՔԾ-ին Ռոբերտ Քոչարյանի պաշտպաններին տրամադրել «Մարտի 1»-ի գործով բոլոր նյութերը։

Դատախազությունը բողոքարկել է դատարանի նշված որոշումը, որը մակագրվել է Վերաքննիչ քրեական դատարանի դատավոր Արմեն Դանիելյանին:

Քոչարյանին մեղադրանք է առաջադրվել 2008 թ.–ի մարտի 1-ի բողոքի ակցիաները ցրելու ժամանակ սահմանադրական կարգը տապալելու համար։ Նա իրեն ուղղված մեղադրանքները քաղաքական հետապնդում է համարում։ 2018թ.-ին Քոչարյանին երկու անգամ ձերբակալեցին: 2019 թվականի հունիսի վերջին նա ձերբակալվեց երրորդ անգամ:

ՀՀ իշխանությունն արագացնում է արտահերթ ընտրությունների գործընթացը. Ռոբերտ Քոչարյան

74
թեգերը:
պաշտպան, Դատարան, դատախազ, Դատավոր, «Մարտի 1–ի» գործով դատավարություն, Ռոբերտ Քոչարյան
թեմա:
«Մարտի 1»-ի գործը (241)
Ըստ թեմայի
Գևորգ Կոստանյանը «Մարտի 1»-ի գործով որպես մեղադրյալ է ներգրավվել 5 հոդվածով
Ռոբերտ Քոչարյանի աջակիցը Մարտի 1-ի գործով տուժողին ցուցմունքից հրաժարվելու առաջարկ է արել
Մարտի 1-ին կմիանա հոկտեմբերի 27-ը. ըստ Քոչարյանի` գործը ձգձգում են փաստաբանները