Գագիկ Բեգլարյան. արխիվային լուսանկար

Հայտնի է` ինչ կաշառք է տվել «Ոսկու աշխարհի» սեփականատերը Գագիկ Բեգլարյանին. «Ժողովուրդ»

211
(Թարմացված է 10:39 06.02.2020)
«Ոսկու աշխարհի» տնօրենը հայտնել էր, որ Գագիկ Բեգլարյանն իրենից կաշառք է ուզել։ Վերջինս կարծում է, որ ծիծաղելի է կաշառքի մասին խոսելը։

ԵՐԵՎԱՆ, 6 փետրվարի — Sputnik. «Ժողովուրդ» օրաթերթը գրում է, որ Երևանի նախկին քաղաքապետ Գագիկ Բեգլարյանը «Ոսկու աշխարհի» սեփականատեր Վաղարշ Աբրահամյանին Երևանի համար տոնածառ է գնել «տվել»։

Հայտնի է` ինչ կաշառք է տվել «Ոսկու աշխարհի» սեփականատերը Գագիկ Բեգլարյանին. «Ժողովուրդ»

Օրեր առաջ լուրեր տարածվեցին, որ կաշառք ստանալու համար քրգործ է հարուցվել Գագիկ Բեգլարյանի դեմ` «Վաղարշ և որդիներ» սահմանափակ պատասխանատվությամբ ընկերության հիմնադիր Վաղարշ Աբրահամյանի՝ «Ոսկու աշխարհի» սեփականատիրոջ դիմումի փաստով։ Աբրահամյանը հայտնել էր, որ 75 հազար ԱՄՆ դոլար է փոխանցել Բեգլարյանին` շենք կառուցելու թույլտվություն ստանալու համար։

«Ընդամենն ասել եմ՝ քաղաքի տոնածառներից մեկն էլ ինքը գնի որպես գործարար: Ու այդպես իմ շատ գործարար ընկերներ են Երևանի համար տոնածառեր գնել, դպրոց ու մանկապարտեզ վերանորոգել: Հիմա ի՞նչ, բոլորը գնան կաշառքի հաղորդում տա՞ն: Աբսուրդ»,–«Ժողովուրդի» հետ զրույցում ասել է Բեգլարյանը։

Բեգլարյանն ասել է, որ ծիծաղելի է կաշառքի մասին խոսելը։

Հիշեցնենք, որ Վաղարշ Աբրահամյանն ԱԱԾ քննչական վարչությանը հայտնել էր, որ իր ընկերությունը Երևանի Անտառային փողոցի թիվ 144/3 հասցեում ժամանակին իրականացրել է բազմաբնակարան շենքի կառուցում, այդ ժամանակ Երևանի քաղաքապետ Գագիկ Բեգլարյանի (Երևանի քաղաքապետ է եղել 2009-10թթ.)կողմից անհիմն կասեցվելու որոշում է կայացվել։ Աբրահամյանը շինղեկի՝ Արամ Վարդանյանի միջնորդությամբ կապ է հաստատել Գագիկ Բեգլարյանի եղբոր՝ Յուրա Բեգլարյանի հետ ու վերջինիս միջոցով մաս-մաս նրան են փոխանցել 75 հազար ԱՄՆ դոլար, որից հետո շինարարության վերսկսման հետ կապված խոչընդոտները վերացել են:

ՀՀ ԱԱԾ մամուլի բաժնից Sputnik Արմենիային հայտնել էին, որ այս պահին այդ թեմայով դեռևս մեկնաբանություն չեն կարող տալ։

ԱԱԾ նախկին տնօրենը կուսակցություն է ստեղծում. «Ժողովուրդ»

211
թեգերը:
Հայաստան, Կաշառք, Գագիկ Բեգլարյան
Ըստ թեմայի
Գագիկ Բեգլարյանի ու Մհեր Սեդրակյանի անուններն էլ հայտնվեցին քրեական գործում
Գագիկ Բեգլարյանը կհայտնվի քրեական գործերի կիզակետում. «Փաստ»
Փաշինյանի ակնարկած մարդը, որ 250 անշարժ գույք ունի, Գագիկ Բեգլարյանն է. «Հրապարակ»
Գագիկ Բեգլարյանի դեմ քրեական գործ կհարուցվի՞. գործարարը դիմել է ԱԱԾ