Բողոքի ցույց, արխիվային լուսանկար

Մարտի վերջին կպատասխանեն. իրանցի ներդրողներն ուզում են աշխատել «Նաիրիտում»

264
(Թարմացված է 13:54 10.02.2020)
ՀՀ փոխվարչապետ Տիգրան Ավինյանի գրասենյակից վստահեցնում են, որ մարտի վերջից գործարանը կսկսի աշխատել։

ԵՐԵՎԱՆ, 4 փետրվարի — Sputnik. ՀՀ փոխվարչապետի մամուլի խոսնակ Վահան Հունանյանը Sputnik Արմենիային հայտնեց, որ իրանցի ներդրողները մինչև մարտի վերջ «Նաիրիտ» գործարանի վերագործարկման վերաբերյալ հիմնավորում կմշակեն։

Նրա խոսքով` իրանական գործընկերոջ (Tabriz Petrochemical ընկերության) հետ նախնական պայմանավորվածությունը ձեռք է բերվել փոխվարչապետի գրասենյակի ղեկավար Վարագ Սիսեռյանի հետ հանդիպման ժամանակ։ Այդ տեխնիկատնտեսական հիմնավորման հիման վրա իրանցիները ՀՀ կառավարության աջակցությամբ կփորձեն միջոցներ ներգրավել գործարանը վերագործարկելու համար։

Իրանական ընկերությունը պատրաստվում է Հայաստանի կառավարության ու «Նաիրիտի» հետ համագործակցության մասին հուշագիր կնքել։ Քանի որ գործարանի գույքը վաճառվում է, «Նաիրիտը» կներկայացնի սնանկության կառավարիչ Կարեն Ասատրյանը։

Ասատրյանի խոսքով` իրանցիներն արդեն մի քանի ամիս է` հետաքրքրված են գործարանով, այցելել են ու ծանոթացել սարքավորումների վիճակին։ Նա հերքեց այն ենթադրությունը, թե իրանցի գործարարները համագործակցության պատրվակով ուզում են դուրս տանել գործարանի սարքավորումները։

Ըստ Ասատրյանի` դա նրանց պետք չէ. այդ սարքավորումները 30–40 տարեկան են։ Նրանց հետաքրքրում են արտադրության տեխնոլոգիաներն ու մասնագետները։

Փորձել են գողանալ «Նաիրիտի» գաղտնի տեխնոլոգիաների փաստաթղթերը. Կարեն Իսրայելյան

«Կոմերցիոն որոշ գաղտնիքներ կան, որոնք չենք կարող բացահայտել։ Բայց պատրաստ ենք նրանց ցույց տալ այն ամենը, ինչը թույլ կտա որոշում կայացնել ու աշխատել այստեղ», – ասաց կառավարիչը։

Թեև նախորդ տարվա ամռանից «Նաիրիտի» գույքն աճուրդի է հանվել, բայց գնորդը պետք է հիմնավորի, որ սարքավորումը չի վերավաճառելու, այլ աշխատելու է դրանով։

«Իրանցիները պետք է մանրամասն ուսումնասիրեն` ինչ վիճակում է արտադրությունը։ Հնարավոր է` այն չափազանց մաշված թվա։ Բայց մենք ցույց կտանք, որ Հայաստանում տեխնոլոգիաներ ու մասնագետներ կան։ Կարող է` դա համոզի նրանց», – ասաց Ասատրյանը։

«Նաիրիտ» գիտաարտադրական միավորումը ԽՍՀՄ տարածքում քլորոպրենային կաուչուկի մենաշնորհային արտադրողն էր։ 2006թ.-ից գործարանի 90 տոկոս բաժնետոմսերի տերը բրիտանական Rhinoville Property Limited կոնսորցիումն է, բաժնետոմսերի 10 տոկոսը պատկանում է ՀՀ կառավարությանը՝ ի դեմս Էներգետիկայի և բնական պաշարների նախարարության։ Ձեռնարկությունը չի աշխատում 2010 թ.–ի ապրիլից։

Կառավարությունն ընկերությունից գործարանի ոչ բավարար կառավարման մասին պարզաբանում երբեք չի պահանջել։ Միջպետական բանկի վարկը չի մարվել, ու գործարանը սնանկ է հայտարարվել։ Դրանից հետո ԱՊՀ Միջպետական բանկը գործարանը վերադարձրել է Հայաստանի կառավարությանը։ Ներդրող չգտնելով՝ կառավարությունը որոշել է սնանկության կրկնակի գործընթաց սկսել։

Նշենք, որ կառավարությունում «Նաիրիտի», ինչպես նաև ընդհանուր առմամբ արդյունաբերության հարցերը համակարգում է փոխվարչապետ Տիգրան Ավինյանը։

264
թեգերը:
գործարան, Նաիրիտ, Հայաստան
Ըստ թեմայի
Ինստիտուտի փոխարեն հյուրանոց. ո՞վ կհարստանա «Նաիրիտ 2»–ի վաճառքից
Ճակատագրական շաուրման. չինացիները ցանկանում են վերագործարկե՞լ «Նաիրիտը»
Պատրաստ ենք «Նաիրիտի» վերագործարկումը քննարկել բոլոր իրական ներդրողների հետ. Փաշինյան
Сирун Минас

Սիրուն Մինասը մայրանալուց հետո առաջին անգամ ընտանեկան լուսանկար է հրապարակել

15
Լուսանկարում երևում է, որ Սիրունը ամուսնու` Ռաֆայելի հետ, որդուն զբոսանքի է տարել։

ԵՐԵՎԱՆ, 10 օգոստոսի- Sputnik. Նորաթուխ մայրիկ, պլաստիկ վիրաբույժ, «Women’s Сlub»-ի մասնակից Սիրուն Մինասը Instagram-ի իր էջում որդու ծնվելուց հետո առաջին անգամ ընտանեկան լուսանկար է հրապարակել։

Հայտնի է Սիրուն Մինասի առաջնեկի սեռը․ նա լուսանկար է հրապարակել

Լուսանկարում երևում է, որ Սիրունն ամուսնու` Ռաֆայելի հետ, որդուն զբոսանքի է տարել։ Հետևորդները շատ են հավանել լուսանկարը։ Նրանք բազմաթիվ հաճոյախոսություններ են գրել զույգի հասցեին։

«Սիրուն ջան, շնորհավորում եմ, առողջ և հաջողակ բալիկ մեծանա»,« Աստված օրհնի ու պահպանի ձեր ընտանիքը»,« Սիրունի սիրուն ընտանիքը»,«հրաշք զույգ եք»,–գրել են նրանք։

Посмотреть эту публикацию в Instagram

Публикация от Siroon Minas, MD (@siroon.minas)

Հիշեցնենք, Սիրունը մայրիկ է դարձել հուլիսի 14–ին։ Որդու անունը Սիրունը դեռ չի հայտնել։ Ավելի վաղ Սիրունը նշել էր, որ չի ցանկանում վաղաժամ պարզել երեխայի սեռը, ուստի աղջիկ կծնվի, թե տղա, կիմանան երեխայի լույս աշխարհ գալու օրը։ Ամեն դեպքում զույգը երկու սեռի համար էլ անվան տարբերակներ էր առանձնացրել:

«Շքեղ զույգ»․ Սիրուն Մինասն ամուսնու հետ նոր լուսանկար է հրապարակել

Սիրուն Մինասը և Ռաֆայել Վարդանյանն ամուսնացել են 2018 թվականի հունիսին։

15
թեգերը:
դերասանուհի, ամուսին, երեխա, Սիրուն Մինաս, Հայաստան
Ըստ թեմայի
Սիրուն Մինասը գիտի` ինչու է Երևանում խինկալին ավելի համեղ, քան Թբիլիսիում. լուսանկար
«Պտուղը ծառից հեռու չի ընկնում». հղի Սիրուն Մինասը մոր հետ լուսանկար է հրապարակել
Անհավանական գեղեցկություն․ սևամորթ հայ բժշկուհի ու շոուվուման Սիրուն Մինասը հղի է
ՀԴՄ

Արտակարգ դրության պայմաններում տնտեսվարողները սկսել են ՀԴՄ կտրոններ չտրամադրել

5
(Թարմացված է 15:03 10.08.2020)
Վերջին մեկ ամսվա ընթացքում ՊԵԿ-ը ՀԴՄ կանոնների խախտման ավելի շատ դեպք է գրանցել, քան 2018թ-ի հունվարից հետո իրականացրած այլ ստուգումների ընթացքում:

ԵՐԵՎԱՆ, 10 օգոստոսի – Sputnik. Պետական եկամուտների կոմիտեն 2020թ. հուլիսին արձանագրել է ՀԴՄ-ների շահագործման կանոնների խախտման 941 դեպք: Ըստ ՊԵԿ-ի, սա 2018 թվականի հունվարից առ այսօր ամենաբարձր ցուցանիշն է:

Խախտումներն արձանագրվել են կոմիտեի տարբեր ստորաբաժանումների իրականացրած հսկիչ-դրամարկղային մեքենաների կիրառման ճշտության ստուգումների արդյունքում:

Ամփոփելով ստուգումների արդյունքները՝ ՊԵԿ-ը եզրակացնում է, որ արտակարգ դրության պայմաններում տնտեսվարողներն ավելի շատ հարկային անկարգապահություն են դրսևորել:

Հանքեր, ծխախոտ ու կրթություն. ինչպես է ճգնաժամը խմբագրել ՀՀ խոշոր հարկատուների ցանկը

Կոմիտեն զգուշացնում է, որ խնդիրն իր ուշադրության կենտրոնում է, հարկ վճարողներին էլ հորդորում է պահպանել հարկային կարգապահությունը և ստեղծված իրավիճակը չօգտագործել իրացման շրջանառությունները թերհայտարարագրելու կամ ՀՀ հարկային օրենսդրության այլ խախտումներ թույլ տալու համար:

Ֆինանսների նախկին նախարարին և ՊԵԿ–ի ծառայողներին կաշառք են տվել. հարուցվել է քրգործ

5
թեգերը:
Պետական եկամուտների կոմիտե (ՊԵԿ)