Լարիսա Մինասյան

Իրարանցում Սորոսի հիմնադրամում. կոչ են անում չմասնակցել «հակահեղափոխությանը»

1632
(Թարմացված է 23:31 29.01.2020)
Հայաստանում Սորոսի հիմնադրամի մասին նոր սկանդալային հայտարարությունները ստիպել են նրա ներկայացուցիչներին արձագանքել:

ԵՐԵՎԱՆ, 29 հունվարի — Sputnik. «Բաց հասարակության հիմնադրամներ – Հայաստանի» (Սորոսի հիմնադրամ) ղեկավարությունը վաղուց ասուլիս չէր կազմակերպել՝ չնայած մի շարք ակտիվիստների և նախկին իշխանության ներկայացուցիչների քննադատություններին։ Նման ակտիվությանը հիմնականում արձագանքում էին հիմնադրամի կողմից ֆինանսավորվող կազմակերպությունների առանձին ներկայացուցիչներ։ Սակայն վերջին մի քանի օրերին հիմնադրամի շուրջ աղմուկը մեծացավ։

Հունվարի 25-ին Կապանում հրավիրված ասուլիսի ժամանակ վարչապետ Նիկոլ Փաշինյանը կտրուկ արձագանքեց «սորոսականների» մասին հարցին։ Նա հայտարարեց, որ նման ոչ կոռեկտ արտահայտություններ թույլ չի տա ՀՀ քաղաքացիների հասցեին, և պատասխանատվությունը գցեց նախկին իշխանության ներկայացուցիչների վրա, հենց որոնց օրոք էլ Հայաստանում սկսեցին գործել Ջորջ Սորոսի կազմակերպությունները։ «Եթե Սորոսը սպառնալիք էր, ինչո՞ւ հիմնադրամը չէին փակում»,–ասաց Փաշինյանը լրագրողներին։

Երկու օր անց Սորոսի երևանյան գրասենյակի մամուլի ասուլիս հայտարարվեց, իսկ նախօրեին ձերբակալվեց նույն այդ «սորոսականների» դեմ պայքարող ակտիվիստներից մեկը` ՎԵՏՈ շարժման հիմնադիր Նարեկ Մալյանը։

Շուտով «ասֆալտին փռելու» օպերացիայի շրջանակում Մալյանին ընկերակցեցին գաղափարական համախոհները` «Ադեկվադ» կուսակցության հիմնադիրներ Կոնստանտին Տեր–Նակալյանն ու Արթուր Դանիելյանը, ինչպես նաև «Քաղաքացիական գիտակցություն» ՀԿ–ի նախագահ, ակտիվիստ Նարեկ Սամսոնյանը։ Ավելի ուշ նրանց բոլորին ազատ արձակեցին. զենք և թմրանյութ չհայտնաբերեցին։ Սակայն սկսեցին խոսել ոստիկանության «դիմակներով շոուի» մասին։

Մալյանն ազատ արձակվելուց հետո հայտարարեց, որ Հայաստանում Սորոսի հիմնադրամի գործադիր տնօրեն Լարիսա Մինասյանը կոշտ զրույց է ունեցել ՀՀ վարչապետ Նիկոլ Փաշինյանի հետ և պահանջել է ճնշում գործադրել ՎԵՏՈ–ի և մյուսների վրա, որպեսզի նրանք չխանգարեն իր «ադրբեջանասեր, տրանսվեստիտամարմնավաճառասիրական» գործունեությանը։

Директор Фонда Открытого Общества Армении Лариса Минасян на пресс конференции (29 января 2020). Еревaн
© Sputnik / Asatur Yesayants
«Բաց հասարակություն» հիմնադրամի նախագահ Լարիսա Մինասյան

Դատելով ամեն ինչից՝ զայրույթն է ստիպել Սորոսի հայկական հիմնադրամի «մայրիկին» դիմել ԶԼՄ–ներին և հանրությանը։ Լարիսա Մինասյանն այսօր հայտարարեց, որ մինչ օրս իրենք չեն արձագանքել ստին և իրենց հասցեին հնչած մեղադրանքներին՝ այդ արշավը համարելով «ռևանշիստական և հետադիմական ուժերի սադրանք՝ կեղծիքը ներմուծելու հանրային դիսկուրս»։ Սակայն «լայնածավալ հակաքարոզն ու աննախադեպ տեղեկատվական արշավը» սկսել է մտահոգել Մինասյանին։

«Այն ուղեկցվում է ատելության քարոզով ու հաճախ բռնության անթաքույց կոչերով: Այդ արշավի հեղինակները նենգափոխում են հիմնադրամի գործունեությունն ու դրա առաքելությունը, զրպարտում են Ջորջ Սորոսին և խեղաթյուրում մեր և մեր գործընկերների աշխատանքին վերաբերող փաստերը»,–ասաց Մինասյանն ու հերքեց մի շարք դրույթներ, որոնք կիրառվում են հիմնադրամի դեմ, այդ թվում` Մալյանի հայտարարությունները։

Այն է` Սորոսի հայկական հիմնադրամը Ադրբեջանի նկատմամբ խաղաղասիրության միակողմանի քարոզ չի ֆինանսավորել, որևէ կերպ կապված չէ «Սասնա ծռեր» կուսակցության հետ, Հայ առաքելական եկեղեցու դեմ ագիտացիա չի տարել (նույնիսկ մեկ անգամ դրամաշնորհ է հատկացրել), չի ֆինանսավորել Ամուլսարի շահագործման հակառակորդներին, աբորտների, մարմնավաճառության և տրանսգենդերների քարոզը, չի ֆինանսավորել մեծ աղմուկ բարձրացրած «Մել» ֆիլմը և մի շարք այլ սկանդալային գրքեր և ներկայացումներ։

Նրանք կարծես թե նույնիսկ դեմ չեն քննադատությանը, բայց ուզում են, որ այն խելամիտ լինի։ Մինասյանը վստահեցրեց, որ Փաշինյանի հետ չի զրուցել, և այդ տեղեկությունը կեղծ է համարում։

Մինասյանը կոչ արեց ԶԼՄ–ներին չներգրավվել այդ «հակապետական», «հակահայկական» և որ ամենահետաքրքիրն է` «հակահեղափոխական» գործունեությանը։ Նա խոսեց ռազմավարության մասին և որոշեց զերծ մնալ դավադրական թեորիաներից` մեջբերելով միայն Վլադիմիր Վիսոցկուն. «Նա ստրատեգ է, մարտավար, պարզապես մասնագետ» (օրիգինալում` «Он стратег, он даже тактик, словом, спец»,–խմբ.)։

Sputnik Արմենիան հետաքրքրվեց Մինասյանից` իսկ ինչպե՞ս կարելի է լինել իշխանության տարբեր բևեռների հետ` քաղաքացիական և քաղաքական։

Հարցին հայկական հիմնադրամի ղեկավարն ուղիղ չպատասխանեց՝ հայտարարելով, որ հասարակությունը բևեռների բաժանելը բոլոր չարիքների հիմքն է, որ «դա վախ, ատելություն տարածելու և ճակատ ճակատի բախվելու ամենահեշտ ճանապարհն է»։

Գուցե մոռացել է, թե ով է հասարակությանն առաջինը բաժանել «սևերի» և «սպիտակների»։

Ճշգրտող հարցին, թե իշխանության ներսում տարբեր ուժերի բևեռացում կա՞, Սորոսի հայկական հիմնադրամի ղեկավարը նշեց, որ երբեք նման դրսևորումներ չի փնտրել։

«Շատ ուրախ կլինեմ, եթե իշխանության շրջանում լինի որակյալ քաղաքական դիսկուրս տարբեր հարցերի շուրջ, և դա լինի հնարավորինս բաց ու թափանցիկ»,–ասել է նա։

Ազգային ժողովի, կառավարության նիստերի ուղիղ հեռարձակումների առկայությունը հիմք է տալիս կարծելու, որ նման դիսկուրս տեղի է ունենում։ Ինչ–որ բանի հետ կապված՝ Մինասյանը հիշեց «կուսակցության գլխավոր գիծը»։ Թեև մեզ այդպես էլ չհաջողվեց ըմբռնել Մինասյանի մտքերի ընթացքը։

«Բաց հասարակություն» հիմնադրամի փոխտնօրեն Դավիթ Ամիրյանն իր հերթին շեշտը դրեց ոչ թե բուն իշխանության ներսում առկա փոխհարաբերությունների վրա, այլ պետական մարմիններ և հակառակ ուղղությամբ քաղաքացիական հասարակության ներկայացուցիչների անցման թեմային։

Заместитель директора Фонда Открытого Общества Армении Давид Амирян на пресс конференции (29 января 2020). Еревaн
© Sputnik / Asatur Yesayants
«Բաց հասարակություն» հիմնադրամի փոխտնօրեն Դավիթ Ամիրյան

Վերջին 15 տարվա ընթացքում քաղաքացիական հասարակության տարբեր ներկայացուցիչներ պետական պաշտոններ են զբաղեցրել, պատգամավորներ դարձել։ Եվ հակառակը` պետական ոլորտից մարդիկ մասնավոր հատված են տեղափոխվել։

Նրա խոսքով` քաղաքացիական հասարակության բազմաթիվ ներկայացուցիչներ երազում են որոշ գաղափարներ իրականացնելու մասին, և երբ հնարավորություն է ստեղծվում որոշումների կայացման դաշտ անցնել, նորմալ է, որ նրանք պետական ծառայության կամ ԱԺ են գնում։

Երկրում արմատական փոփոխությունների ժամանակ նման գործիչների պահանջարկը մեծանում է, և դրանից վախենալ պետք չէ։

Ջորջ Սորոսը ամերիկացի ներդրող բանկիր է, որի անունն ընդգրկված է աշխարհի 30 ամենահարուստ մարդկանց ցանկում։ Իր գլխավոր առաքելությունը Սորոսը համարում էր փակ տեսակի հասարակությունների փոխարինումը «բաց հասարակություններով» (այդպես էլ կոչվում է նրա հիմնադրամը), որոնք կկարողանան նորմալ փոխգործակցել արևմտյան աշխարհի հետ։ Առաջին հիմնադրամը` Open Society Fund–ը, (OSF) ստեղծվել է 1979 թվականին։

Հայաստանում հիմնադրամը գործում է 1997 թվականից։ Հայաստանում Սորոսի հիմնադրամի կողմից ֆինանսավորվող կազմակերպությունների հետ ավելի մանրամասն կարելի է ծանոթանալ մեր անցած տարվա հոդվածում։

1632
թեգերը:
ընդդիմություն, Իշխանություն, «Թավշյա հեղափոխություն», Հայաստան, ասուլիս, Սորոսի հիմնադրամ
Ըստ թեմայի
Սորոսն ինձ հետ հանդիպելու ցանկություն էր հայտնել. Փաշինյան
Արևմտյան «բլիթներ» հայերի համար. ուսանողների դասադուլն արդյո՞ք միայն Սորոսն է հովանավորում
Բլոգեր Նարեկ Մալյանի վրա հարձակումից հետո Սորոսի հիմնադրամը հայտարարություն է տարածել
Բողոքի ակցիա Երևանում. ակտիվիստները պահանջում են փակել «Սորոսի հիմնադրամը». լուսանկարներ
Արխիվային լուսանկար

Ադրբեջանի ՊՆ–ն կրկին ապատեղեկատվություն է տարածել, Հայաստանի ՊՆ–ն կրկին հերքում է

44
(Թարմացված է 19:29 25.07.2021)
Ադրբեջանի պաշտպանական գերատեսչությունից հաղորդել էին, որ վիրավորներ ու կորուստներ չունեն։

ԵՐԵՎԱՆ, 25 հուլիսի – Sputnik․ ՀՀ ՊՆ-ը հերքում է Ադրբեջանի ՊՆ-ի տարածած հաղորդագրությունն այն մասին, թե իբր այսօր, ժ. 15:30–ին,  Գեղարքունիքից Քելբաջարի ուղղությամբ կրակոցներ են արձակվել։ 

«Հերթական ապատեղեկատվությունն է։ Հայկական կողմը ադրբեջանական դիրքերի ուղղությամբ կրակ չի բացել», - Sputnik Արմենիային ասացին ՊՆ-ից։

Նշենք` ադրբեջանական ՊՆ-ն նշել էր, որ վիրավորներ ու կորուստներ չունեն։

Հիշեցնենք` հայ–ադրբեջանական սահմանի որոշ հատվածներում իրավիճակը շարունակում է անկայուն լինել։ Ադրբեջանի պաշտպանության նախարարությունը վերջին օրերին պարբերաբար հաղորդագրություններ է տարածում, իբր, մեր զինվորականները կրակում են իրենց դիրքերի ուղղությամբ։

Ադրբեջանցի զինվորականները մայիսի 12-ից Հայաստանի Սյունիքի մարզում գտնվող Սև լճի տարածքում են և փորձում են ամրապնդվել այնտեղ։ Նմանատիպ իրավիճակ է նաև Գեղարքունիքի մարզի Կութ, Վերին Շորժա և Նորաբակ գյուղերի հատվածում։

Ռազմաքաղաքական ղեկավարությունը հայտարարում է, որ ցանկանում է խնդիրը լուծել խաղաղ ճանապարհով, բայց չի բացառում նաև ուժի կիրառման տարբերակը, եթե բանակցությունները արդյունք չտան։

Հուլիսի 14-ին հայ-ադրբեջանական Երասխի հատվածում ադրբեջանական ԶՈւ ստորաբաժանումները մարտական դիրքերի առաջխաղացման նպատակով փորձել էին ինժեներական տեխնիկայի կիրառմամբ ամրաշինական աշխատանքներ իրականացնել: Հայկական կողմի՝ նշված աշխատանքները դադարեցնելուն միտված հակազդող գործողություններից հետո ադրբեջանցի զինծառայողները նշանառու կրակ էին բացել հայկական դիրքերի ուղղությամբ: Ծավալված փոխհրաձգության հետևանքով ՀՀ ԶՈւ զինծառայող էր մահացել:

Ադրբեջանի զինված ուժերը Երասխի հայկական դիրքերի ուղղությամբ կրակ էին բացել նաև հուլիսի 16-ին և 17-ին։

Հուլիսի 23-ին ադրբեջանի զինված ուժերը կրակ են բացել հայ-ադրբեջանական սահմանի Գեղարքունիքի հատվածում տեղակայված հայկական դիրքերի ուղղությամբ։

Ադրբեջանական կողմի հերթական սադրանքի հետևանքով ինտենսիվ փոխհրաձգության ժամանակ հրազենային թեթև վիրավորում են ստացել ՀՀ ԶՈւ 3 զինծառայող։

Հուլիսի 23-ին` ժամը 23:00-ի սահմանում, ՀՀ ԶՈւ ՀՕՊ ստորաբաժանումները համապատասխան գործողություններով կասեցրել են հայ-ադրբեջանական սահմանի հարավարևմտյան ուղղությամբ ԱԹՍ-ով ՀՀ օդային տարածք մուտք գործելու փորձը:

44
թեգերը:
ՀՀ Պաշտպանության նախարարություն (ՊՆ), կրակոց, Սահման, հայ-ադրբեջանական, Ադրբեջան
Ըստ թեմայի
Հայ–ադրբեջանական սահմանին շարունակում են անկանոն կրակահերթեր հնչել. ՀՀ ՊՆ
Ադրբեջանը տարածել է` իբր Գեղարքունիքից կրակ են բացել իրենց ուղղությամբ. ՀՀ ՊՆ–ն հերքում է
ՀՀ ՊՆ-ն սերտ համագործակցելու է ՌԴ ԶՈւ-ի հետ. փաստաթուղթ է ստորագրվել

Հռոմի պապը մաղթել է, որ Օլիմպիադան համաճարակի ժամանակ հույսի խորհրդանիշ դառնա

8
(Թարմացված է 19:27 25.07.2021)
Վատիկանում ավանդական կիրակնօրյա ուղերձի ժամանակ Հռոմի պապը նաև այլ ուղերձներ է հղել։

ԵՐԵՎԱՆ, 25 հուլիսի-Sputnik. Հռոմի Ֆրանցիսկոս պապը ողջունել է Տոկիոյի 32–րդ ամառային օլիմպիական խաղերի կազմակերպիչներին ու մասնակիցներին և մաղթել, որ Օլիմպիադան կորոնավիրուսի համավարակի ժամանակ հույսի խորհրդանիշ դառնա: Նա ասել է դա Վատիկանում ավանդական կիրակնօրյա ուղերձի ժամանակ։

«Թող համաճարակի ժամանակ այդ խաղերը դառնան հույսի խորհրդանիշ, համընդհանուր եղբայրության խորհրդանիշ՝ առողջ սպորտային ոգու դրոշի ներքո։ Աստված օրհնի կազմակերպիչներին, մարզիկներին ու բոլոր նրանց, ովքեր աշխատում են սպորտի այս մեծ տոնի համար», - ասել է նա:

Կիրակնօրյա քարոզի ընթացքում Ֆրանցիսկոս Պապը հիշեցրել է սովի ողբերգության մասին, որը միլիոնավոր մարդիկ ապրում են աշխարհում բարիքների անարդար բաշխման պատճառով:

Հիշեցնենք` Տոկիոյի 32–րդ օլիմպիական խաղերը մեկնարկել են հուլիսի 23–ին և կավարտվեն օգոստոսի 7–ին։Երկրորդ փուլում Կարեն Խաչանովի մրցակիցն է լինելու ավստրալացի Ջեյմս Դակվորտը։

«Վաղը նավթ չենք վաճառելու, այլ...». ՀՀ նախագահը պատմել է` ում հետ ինչ է խոսել Տոկիոյում

Օլիմպիական խաղերն անցկացվում են մեկ տարի ուշացումով կորոնավիրուսի համավարակի պատճառով:

Օլիմպիադային կմասնակցի 206 երկրի 12500 մարզիկ։ Նրանք կմրցեն 33 մարզաձևում՝ պայքարելով 339 մեդալի համար։

Սպորտային այս տոնին Հայաստանը ներկայացնում են 17 մարզիկներ 8 մարզաձևերում:

Օլիմպիական հավաքական. ովքեր կներկայացնեն Հայաստանը Տոկիոյում

8
թեգերը:
օլիմպիադա, Օլիմպիական խաղեր, Հռոմի Սրբազան Քահանայապետ Ֆրանցիսկոս պապ, Հռոմի պապ
Ըստ թեմայի
Հովհաննես Բաչկովը հաղթանակով սկսեց Տոկիոյի օլիմպիական խաղերը. լուսանկարներ
Արթուր Դալալոյանը պատմել է` ինչու է արտասվել օլիմպիական խաղերի որակավորման փուլում
«Երկրորդ ցատկով բերեցի, սաղ դզեցի». Արթուր Դավթյանը` իր օլիմպիական ելույթի մասին
Հայազգի Կարեն Խաչանովը հաղթանակով մեկնարկեց 32–րդ օլիմպիական խաղերում. լուսանկարներ