ԿԳՄՍ նախարար Արայիկ Հարությունյան

Ի՞նչ հարաբերությունների մեջ է Արայիկ Հարությունյանը Շիրակի մայր բուհի ռեկտորի ԺՊ-ի հետ

209
Ռեկտորի ԺՊ Երվանդ Սերոբյանի նկատմամբ պաշտոնեական դիրքը չարաշահելու հոդվածով հարուցվել է քրեական գործ, սակայն քննությունը ձգձգվում է, իսկ Սերոբյանը` շարունակում պաշտոնավարել։

ԵՐԵՎԱՆ, 25 հունվարի — Sputnik. Կրթության ոլորտում նախարարի մակարդակով հովանավորչություն կամ խնամի-բարեկամ հարաբերություններ չկան: Այսօր`հունվարի 25-ին, Գյումրիում տեղի ունեցած ճեպազրույցի ժամանակ այսպես արձագանքեց ՀՀ ԿԳՄՍ նախարար Արայիկ Հարությունյանը` անդրադառնալով Շիրակի պետական համալսարանի ռեկտորի ժամանակավոր պաշտոնակատար Երվանդ Սերոբյանի հետ ունեցած իր հարաբերություններին:

Բացն ու թափանցիկն էլ չօգնեց. Շիրակի համալսարանը կրկին մնաց առանց ռեկտորի

Обсуждение законопроекта О высшем образовании и науке (25 января 2020). Гюмри
© Sputnik / Armenuhi Mkhoyan
«Բարձրագույն կրթության և գիտության մասին» ՀՀ օրենքի նախագիծի քննարկում Գյումրիում

«Զուտ աշխատանքային հարաբերություններ են, և դուք որևէ տեղ չեք տեսնի, որ նախարարի ու նախարարության գործունեության վրա այլ հարաբերություններ կան, քան գործընկերայինը: Ես ուրախ եմ, որ ինձ վերագրում են այնպիսի մեծ բաներ, որոնք կարող են փոփոխություններ իրականացնել մարզի մակարդակով, բայց իմ լիազորությունները սահմանափակվում են բացառապես կրթության, գիտության, մշակույթի, սպորտի և երիտասարդության ոլորտով»,-նշեց նախարար Արայիկ Հարությունյանը: 

Обсуждение законопроекта О высшем образовании и науке (25 января 2020). Гюмри
© Sputnik / Armenuhi Mkhoyan
«Բարձրագույն կրթության և գիտության մասին» ՀՀ օրենքի նախագիծի քննարկում Գյումրիում

Շիրակի համալսարանը փակելը ծայրահեղ քայլ է. Սերոբյանը` նախարարի հայտարարության մասին

2019 թվականին ՇՊՀ ռեկտորի երկու ընտրություններն էլ տապալվեցին: Բացի այդ, ռեկտորի ԺՊ Երվանդ Սերոբյանի նկատմամբ հարուցվել է քրեական գործ ՀՀ քրեական օրենսգրքի 308-րդ հոդվածի 1-ին մասի հատկանիշներով (պաշտոնեական դիրքի չարաշահում)։ Քննությամբ պարզվել է, որ ռեկտորի պաշտոնակատարի անունով դասաժամեր են գրվել, բայց նա լսարան չի մտել և բարձր աշխատավարձից բացի լրացուցիչ գումար է ստացել: Գործի քննությունը ձգձգվում է, ինչն էլ առիթ է դարձել, որ լուրեր պտտվեն Սերոբյանի` նախարարի մտերիմը լինելու և նրա հովանավորչությունը վայելելու մասին:

«Կրթության ոլորտում մի քանի հարյուր քրեական գործ կա հարուցված: Մենք գոհ չենք այն տեմպերից, որով քննություն է իրականացվում, բայց դրա համար կան օբյեկտիվ ու սուբյեկտիվ պատճառներ: Ես կարծում եմ, որ միջնաժամկետ կտրվածքով բոլոր այդ գործերը քննվելու են, ավարտվելու, և գնահատականը դրանով տրվելու է»,-վստահեցրեց նախարարը:

Հավելենք, որ նախարարը Գյումրիում էր «Բարձրագույն կրթության և գիտության մասին» ՀՀ օրենքի նախագիծի քննարկմանը մասնակցելու համար:

Обсуждение законопроекта О высшем образовании и науке (25 января 2020). Гюмри
© Sputnik / Armenuhi Mkhoyan
«Բարձրագույն կրթության և գիտության մասին» ՀՀ օրենքի նախագիծի քննարկում` Գյումրիում

Շիրակի համալսարանում ուսանողներից մոտ 20 մլն դրամ են հափշտակել. հետախուզվում է պրոռեկտորը

209
թեգերը:
Գյումրի, Հայաստան, Կրթության, գիտության, մշակույթի և սպորտի նախարարություն (ԿԳՄՍ), Արայիկ Հարությունյան, Քրեական գործ, ռեկտոր, Շիրակի պետական համալսարան, Շիրակի մարզ
Ըստ թեմայի
Աթոռակռի՞վ, թե՞ թալան. Շիրակի պետական համալսարանի «ոդիսականը» շարունակվում է
Շիրակի պետական համալսարանի ռեկտորը հրաժարական է տվել
Նախարարի կեսգիշերային հանդիպումները. Շիրակի համալսարանի հակամարտության հետքերով
Մեծ փողերի յուրացում Շիրակի պետական համալսարանում. հարուցվել է քրգործ
Հաղթեց նախկին ռեկտորին. Շիրակի համալսարանի դասախոսն իր իրավունքը վերականգնեց դատարանում