Իրանի քաղաքացի, որի մոտ արգելված արտադրանք է հայտնաբերվել, արխիվային լուսանկար

Ո՞ր երկրներից է թմրանյութ հասնում ՀՀ, կամ 1 կգ թմրանյութ` Երևանի գիշերային ակումբի համար

247
Հայաստանը տարանցման երկիր է Եվրոպա արտահանվող թմրամիջոցների համար։ 2019թ–ին ՀՀ սահմանային անցակետերում հայտնաբերվել են 3 մլն դոլարի թմրանյութեր ու հոգեմետ դեղեր։

ԵՐԵՎԱՆ, 24 հունվարի – Sputnik. 11 կգ ափիոն, 8.2 կգ մեթամֆետամին, 3 կգ կետամին, 1.3 կգ մարիխուանա և հաշիշ, հաշիշի յուղի պարունակությամբ 74 էլեկտրոնային սիգարետ և մուշտուկ, թմրամիջոց և հոգեմետ նյութեր պարունակող 16 500 դեղահաբ։ Սա թմրանյութերի այն ծավալն է, որ 2019թ–ի ընթացքում Հայաստանի սահմանին հայտնաբերել ու առգրավել է ՀՀ ՊԵԿ մաքսանենգության դեմ պայքարի վարչությունը։ Վարչության պետ, գնդապետ Վարդան Վարդանյանն այսօր լրագրողների հետ հանդիպմանն ասաց, որ 2018թ–ի համեմատ այս որոշ թմրամիջոցների ծավալներն ավելացել են ավելի քան 10 անգամ։

«ՀՀ տարածքը տարանցիկ ճանապարհ է թմրանյութերն ԻԻՀ–ից այլ երկրներ փոխադրելու համար։ Եվ այս խնդիրն ավելի մեծ կարևորություն է ստանում»,– ասաց նա։

2019թ–ի ընթացքում հայտնաբերված թմրամիջոցների շուկայական արժեքը կազմել է շուրջ 3 մլն ԱՄՆ դոլար։ Դրանց տեղափոխման համար մաքսանենգները շատ հաճախ տարբեր խորամանկ միջոցների են դիմում։

Օրինակ` Իրանից Կանադա ափիոն տեղափոխելու համար մաքսանենգներն այն ներծծել են Իրանի ազգային հագուստների մեջ ու այդպես փորձել անցնել սահմանը։ Ընդ որում` ափիոնի հետ նախապես նաև սուրճ են խառնել` փորձելով բարդացնել հատուկ վարժեցրած շների կողմից ափիոնի բացահայտումը։ Մեկ այլ դեպքում թմրանյութը թաքցվել է ավտոմեքենայի պահեստամասերի մեջ։ Թմրանյութերի մի քանի կիլոգրամ էլ հայտնաբերվել է Թեհրան–Երևան ավտոբուսի իրանցի ուղևորների ճամպրուկների գաղտնարաններում։ Իսկ Ռուսաստանից Հայաստան հասած ավտոմեքենայում հայտնաբերված կոնֆետների հետ մաքսանենգները հոգեմետ դեղահաբեր են խառնած եղել։

Բացահայտվել է նաև Իրանից շուրջ 1 կգ թմրանյութերի ներկրման դեպք, որոնք նախատեսված են եղել Երևանի գիշերային ակումբներից մեկում վաճառելու համար։

«Հայտնաբերվել և ձերբակալվել են նաև կազմակերպիչները, որոնք Իրանի քաղաքացիներ են եղել»,– ասաց Վարդանյանը։

Հայաստանը, նրա խոսքով, տարանցիկ ճանապարհ է ոչ միայն իրանական, այլև նաև աֆղանական ծագմամբ թմրանյութերը, մասնավորապես` հերոինը, Իրանի տարածքով դեպի Եվրոպա հասցնելու համար։

Իսկ Հայաստանի շուկայում սպառման համար նախատեսված թմրամիջոցները, մաքսանենգության դեմ պայքարի վարչության պետի տվյալներով, Հայաստան են առաքվում հիմնականում եվրոպական երկրներից` փոստային կամ սուրհանդակային միջազգային առաքմամբ։

«Բացահայտվել է փոստային առաքումների միջոցով Հայաստան տեղափոխված թմրամիջոցների ու հոգեմետ նյութերի 85 դեպք, որից 52-ը եղել է ԱՄՆ–ից, 20-ը` Ֆրանսիայից, 13-ը` Գերմանիայից, Իսպանիայից, Ավստրիայից, Իսրայելից և Լեհաստանից»,– ասաց Վարդանյանը։

Ընդ որում` ԱՄՆ–ից ներմուծվել են հիմնականում հաշիշի յուղի պարունակությամբ էլեկտրոնային սիգարետներ ու մուշտուկներ։

Եվրոպական երկրներից փոստային առաքմամբ Հայաստան եկող հոգեմետ դեղերի մեծ մասը, Վարդանյանի մեկնաբանմամբ, ուղարկվում են ոչ թե հանցավոր նպատակով, այլ որպես դեղամիջոց` հիվանդների համար։ Բայց այս դեպքերով ևս հարուցվում են քրեական գործեր, ուստի նման իրավիճակներից խուսափելու համար Վարդանյանը խորհուրդ է տալիս ձեռնպահ մնալ փոստով դեղամիջոցներ առաքելուց ու ստանալուց։

Հատկանշական է, որ թմրանյութերի ապօրինի շրջանառության դեպքերի աճ գրանցվում է ոչ միայն Հայաստանում, այլև ամբողջ աշխարհում։

Համաշխարհային վերջին զեկույցի տվյալներով` 2017թ–ին աշխարհում 271 մլն մարդ թմրամիջոց է օգտագործում։ Դրանից 35 միլիոնն ունեն առողջական լուրջ խանգարումներ։

247
թեգերը:
Աֆղանստան, Իրանի Իսլամական Հանրապետություն, թմրանյութ, Հայաստան
Ըստ թեմայի
Կոնֆետների մեջ «բուպրենորֆին» թմրամիջոցի դեղահաբեր է թաքցրել. Բագրատաշենում հայտնաբերել են
Թմրամիջոցների ապօրինի ներկրման պատճառով Հայաստանում 3 անձ է կալանավորվել
ԱԱԾ-ն բացահայտել է առանձնապես խոշոր չափերով թմրամիջոցների ներկրման դեպք
Երևան

Լույս չի լինի Երևանի և 2 մարզի որոշ հատվածներում

7
(Թարմացված է 09:48 13.08.2020)
Հանրապետության տարածքում հոսանքազրկումները կատարվում են պլանային նորոգման աշխատանքներ իրականացնելու նպատակով։

ԵՐԵՎԱՆ, 13 օգոստոսի — Sputnik. «Հայաստանի էլեկտրական ցանցեր» ընկերությունը տեղեկացնում է, որ օգոստոսի 13-ին պլանային նորոգման աշխատանքներ իրականացնելու նպատակով ժամանակավորապես կդադարեցվի հետևյալ հասցեների էլեկտրամատակարարումը`

Երևանում՝

10:00-16:00 Գարեգին Նժդեհ փ․27/2 շենք, 11:00-17:00 Աբովյան փ 41, Հերացու փ. 10-16 շենքերը, Այգեստան 7փ. 1-18; 11փ. 11-61 սեփական տներ, Վարդանանց փ. 93-127 սեփական տներ, Ալեք Մանուկյան փ. 10, 15, 15ա, 17 շենքեր, Հ․ Շահինյան 1փ. 2, 11, 12 սեփական տներ, Մաշտոցի պող. 42, 42ա շենքեր, Թումանյան փ. 25, 27ա, 29 շենքեր, Կողբացի փ. 83, Սարյան փ. 29, 31, 40 շենքեր, Վարդանանց փ. 10 շենք և հարակից ոչ բնակիչ-բաժանորդներ, Քոչար փ. 16, Ռայնիսի փ. 88, 90, Բաբայան փ. 36, 38 շենքեր, Կիևյան փ. 2բ, Բաղրամյան պող. 23, 66 շենքեր,Ա.Ավետիսյան փ. 25 շենք, Սունդուկյան փ. 7 շենք 1 մուտք, Արղության փողոցի սեփական տներ և հարակից ոչ բնակիչ-բաժանորդներ, Քանաքեռ 9, 10 փողոցների սեփական տներ և հարակից ոչ բնակիչ-բաժանորդներ, Մանթաշյան փ․4/2, 6, 8, 10, 10ա, 12 շենքեր, Մանթաշյան փողոցի 1-ին նրբանցքի սեփական տներ, Արշակունյաց պող․30, 32 շենքեր, Լազոյի փ․6 շենք, Լազոյի փողոցի և նրբանցքի սեփական տներ,

«Արգո» ՍՊԸ, Ձիասպորտի կենտրոն, «Ծատուրյան» ԱՁ, «Հայր և որդի Կարապետյաններ» ՍՊԸ և հարակից ոչ բնակիչ-բաժանորդներ, Մարգարյան փ. 12 շենք, Դավթաշեն 2 թաղ. 46/4 շենք; 3 թաղ. 7Ա շենք, Շիրազի փ. 36 շենք, Նազարբեկյան փ. 3/1 շենք և հարակից ոչ բնակիչ-բաժանորդներ, Նոր-Արեշ 1փ. 69-183; 2փ. 1-14; 7փ. 1-10; 24փ. 1-40 սեփական տներ և հարակից ոչ բնակիչ-բաժանորդներ, Նոր-Նորքի 2-րդ զանգ.՝ Թոթովենցի փ. 14, Ն․ Ստեփանյան փ. 13 շենքեր, Նոր-Նորքի 3-րդ զանգ.՝ Բաղյան 2-րդ նրբ․ 3 շենք, «Սուրբ Գրիգոր Լուսավորիչ» բժշկական կենտրոնի ծննդատան շենք, «Սուրբ Գրիգոր Լուսավորիչ» պոլիկլինիկայի շենք, Գյուրջյան փ. 8՝ «Նորք» ՇՇ շենք և հարակից ոչ բնակիչ-բաժանորդներ, Նոր-Նորքի 4-րդ զանգ.՝ Գյուլիքևխյան փ․ 1 շենք, Նոր-Նորքի 6-րդ զանգ.՝ Շոպրոնի փ․ 4, 12 շենքեր, Նոր-Նորքի 7-րդ զանգ.՝ Կարախանյան փ. 18 շենք, Նոր-Նորքի 8-րդ զանգ.՝ Մինսկի փ. 5 շենք, Նոր-Նորքի 9-րդ զանգ.՝ Վիլնյուսի փ. 87 շենք, Ավան՝ Թումանյան թաղ․ 13/3 շենք, Ավան Առինջ 1-ին միկրո.՝ 3/9 շենք, Ավան Առինջ 2-րդ միկրո.՝ Տաշքենդի փ. 26 (2/8) շենք և հարակից ոչ բնակիչ-բաժանորդներ,

Արագածոտնի մարզում՝

10:00-14:00 Աշտարակ քաղաքի Մուղնի թաղամաս,

Կոտայքի մարզում՝

11։00-14։00 Պռոշյան համայնքի հարավարևելյան թաղամաս, «ՍԼԼ գազ», «ԱԻՍԱ», «Հ․ Բալյան» ՍՊԸ-ներ և Զին-մաս, 11։00-16։00 Եղվարդ համայնք՝ Շահումյան, Սպանդարյան փողոցներ և Կալեր թաղամաս, 11։00–17։00 Աբովյան քաղաք՝ 4-րդ միկրոշրջան 4 շենք; 3-րդ միկրոշրջան 10 շենք, Գեղաշեն և Կամարիս գյուղեր՝ մասնակի:

Ատոմակայանին հարվածելն այնքան էլ հեշտ չէ, Հայաստանի երկինքը պաշտպանված է. Պապիկյան

Սպառած էլեկտրաէներգիայի, անջատումների, Ձեր իրավունքներին կամ պարտականություններին վերաբերող, ինչպես նաև այլ հարցերի առնչությամբ կարող եք զանգահարել 1-80 և 0 8000 0 180 շուրջօրյա գործող հեռախոսահամարներով:

7
թեգերը:
Արագածոտնի մարզ, Կոտայք, էլեկտրաէներգիա, Լույս, Երևան, Հայաստան
Ըստ թեմայի
Եվրոպական օմբուդսմանի ինստիտուտին մտահոգել է Ադրբեջանի` ԱԷԿ–ի հետ կապված հայտարարությունը
Պապիկյանն ԱԷԿ–ին հարվածելու թեմայով խոսել է Ատոմային էներգիայի գործակալության տնօրենի հետ
Ալիևի խորհրդականը վստահեցրել է, որ Մեծամորի ԱԷԿ-ին հարվածելու հարց օրակարգում չի եղել
Կանգառ, Երևան, արխիվային լուսանկար

Կարճատև անձրևները վերադառնում են. եղանակի տեսություն

21
(Թարմացված է 16:26 12.08.2020)
Հանրապետության առանձին շրջաններում կարճատև անձրևները կգրանցվեն հատկապես կեսօրից հետո և գիշերային ժամերին:

ԵՐԵՎԱՆ, 13 օգոստոսի - Sputnik. ՀՀ արտակարգ իրավիճակների նախարարության մամուլի ծառայությունը հայտնում է, որ օգոստոսի 13-17-ը Հայաստանի առանձին շրջաններում գիշերը և կեսօրից հետո սպասվում է կարճատև անձրև և ամպրոպ, ամպրոպի ժամանակ՝ քամու ուժգնացում՝ 15-20 մ/վ, առանձին վայրերում սպասվում է նաև կարկուտ:

Օդերևութաբանական կանխատեսումներ
Օդերևութաբանական կանխատեսումներ

Օդի ջերմաստիճանն օգոստոսի 13-17-ն աստիճանաբար կնվազի 4-5 աստիճանով:

Օգոստոսի 13-17-ը մայրաքաղաքի առանձին հատվածներում գիշերը և երեկոյան ժամերին սպասվում է կարճատև անձրև և ամպրոպ: Երևանում այսօր ցերեկային ժամերին կգրանցվի +31-ից +33, երեկոյան՝ +27-ից +29 աստիճան տաքություն:

Կորոնավիրուսի հետևանքները մեղմելու ծրագրերով 144 մլրդ դրամ է տրամադրվել

Նշենք, որ երեկ՝ օգոստոսի 12-ին, Շրջակա միջավայրի նախարարության Հիդրոօդերևութաբանության և մոնիտորինգի կենտրոնի տնօրենի տեղակալ Գագիկ Սուրենյանն էլ Facebook-ի իր էջում հայտնել էր, որ օդի ջերմաստիճանն օգոստոսի 12-17-ին աստիճանաբար կնվազի 4-5 աստիճանով:

 

21
թեգերը:
Անձրև, եղանակ, ՀՀ արտակարգ իրավիճակների նախարարություն (ԱԻՆ), օդի ջերմաստիճան, Երևան, Հայաստան
թեմա:
Եղանակը Հայաստանում
Ըստ թեմայի
Դպրոցների բացվելը կարող է համաճարակի 2-րդ ալիքի պատճառ դառնալ. ի՞նչ կանի կառավարությունը
Բնության գրկում ու սեփական ավտոմեքենայում դիմակ դնելու արգելքը կվերանա
Հայաստանի ցամաքային սահմանը կշարունակի փակ մնալ. Իրանի ու Վրաստանի հետ թեման չի քննարկվում
Քաղաքացին խառնարային լճից ջրառ է անում. նախարարությունը գնացել է ահազանգի հետքերով