Ոստիկաններ. արխիվային լուսանկար

Երևանը նոր ոստիկանապետ ունի

290
(Թարմացված է 11:55 24.01.2020)
Երևան քաղաքի վարչության պետ, ոստիկանության գնդապետ Գարիկ Ղուկասյանն ազատվել է զբաղեցրած պաշտոնից:

ԵՐԵՎԱՆ, 24 հունվարի — Sputnik. Ոստիկանության Երևան քաղաքի վարչության պետ, ոստիկանության գնդապետ Գարիկ Ղուկասյանն ազատվել է պաշտոնից։ Երևանը նոր ոստիկանապետ ունի։ Այսօր՝ հունվարի 24-ին, ՀՀ ոստիկանապետի պաշտոնակատար, ոստիկանության գնդապետ Արման Սարգսյանը ստորագրել է համապատասխան հրամանները։

ՀՀ ոստիկանության ԶԼՄ-ների հետ կապի, վերլուծության և լրատվության բաժնի պետ Էդգար Ջանոյանը Sputnik Արմենիայի հետ զրույցում հայտնեց, որ Սարգսյանի հրամանով ոստիկանության Երևան քաղաքի վարչության պետ է նշանակվել ոստիկանության գնդապետ Արմեն Գասպարյանը։

Հովհաննիսյան. «Ինձ համար մշուշոտ է՝ ինչու՞ հիմա ոստիկանությունն օժտվեց այդ գործառույթով»

Արմեն Գասպարյանը մինչ այս ոստիկանության Տավուշի մարզային վարչության պետն էր։

Նա ծնվել է 1976թ.-ին Երևան քաղաքում: Համակարգում աշխատում է 1996–ից։ Եղել է Երևան քաղաքի վարչության Մաշտոցի, այնուհետև Արմավիրի մարզային վարչության (ՄՎ) Մեծամորի, Կոտայքի ՄՎ Հրազդանի, Արարատի ՄՎ Արտաշատի, Արմավիրի ՄՎ Արմավիրի բաժնի պետ։
ՀՀ ոստիկանության պետի 2019թ. հուլիսի 22-ի հրամանով նշանակվել է ՀՀ ոստիկանության Տավուշի մարզային վարչության պետի պաշտոնում:
Պարգևատրվել է ՀՀ ոստիկանության գերատեսչական մեդալներով և կրծքանշաններով:

Ամուսնացած է, ունի մեկ դուստր և մեկ որդի:

Ոստիկանության 4 աշխատակիցները կազատվե՞ն աշխատանքից. հանձնաժողովը դիմել է Արման Սարգսյանին

290
թեգերը:
Արմեն Գասպարյան, ՀՀ Ոստիկանություն, Ոստիկանություն, Երևան
Ըստ թեմայի
Կաշառք ստանալու պահին ՀՀ ոստիկանության ծառայող է բռնվել
Ոստիկանությունը ստուգում է Սուրեն Աղաջանյանի մասին աղմկահարույց հրապարակումները
Հերթը հասավ Ռուբեն Հայրապետյանի՞ն. ոստիկանությունը նյութեր է պատրաստում