ԵՐԵՎԱՆ, 23 հունվարի – Sputnik. Հայաստանի Անվտանգության խորհրդի քարտուղար Արմեն Գրիգորյանն այսօր կառավարության նիստից հետո լրագրողների հետ զրույցում ասաց, որ երկրում իշխանափոխություն անելու փորձերը ոչնչի չհանգեցրին։
Գրիգորյանը նշեց, որ այսօրվա ընդդիմությունը, որը նախկինում իշխանություն էր, փորձում է խաթարել ներկայիս իշխանության աշխատանքը։ Այդ նպատակով նրանք կիրառել են տարբեր մեխանիզմներ, այդ թվում` քարոզչություն։
«Կային նաև մարդիկ, որոնք տրվեցին գայթակղություններին ու հետևեցին այդ գաղափարներին` փորձելով որոշակի քայլեր ձեռնարկել։ Սակայն նրանք ոչնչի չհասան», – ավելացրեց Գրիգորյանը։
Օրվա կադր. ինչպես են տանում «Էրեբունի պլազայում» կրակողին. տեսանյութ
«Մի շարք դրվագների վերաբերյալ քննություն է իրականացվում, անհրաժեշտության դեպքում քրեական գործեր կբացվեն։ Եղել են մարդիկ, որոնք ազատվել են գործից։ Դեռ զերծ կմնանք հրապարակելուց, թե որ դեպքերում են դրանք կապված եղել իմ թվարկած գործընթացների հետ»,–ավելացրեց նա։
Գրիգորյանն ընդգծեց նաև, Հայաստանում ինչպես նախկինում, այնպես էլ հիմա` կարծիքների բազմազանություն կա։ Իսկ ժողովրդավարության հետ կապված` Հայաստանը բարելավում է դիրքերը միջազգային վարկանշային աղյուսակներում։
Նշենք` խախտումների շարքում էր նաև կեղծ տեղեկությունների տարածումը, այդ թվում` նաև սոցցանցերի միջոցով։
Բռնության որևէ դրսևորում անընդունելի է. Փաշինյանն անդրադարձել է Երևանում հնչած կրակոցներին
