Արմեն Սարգսյան

«Բարի գալուստ Երուսաղեմ». Հայաստանի նախագահը հատուկ ընդունելության է արժանացել. տեսանյութ

270
(Թարմացված է 14:07 23.01.2020)
Երուսաղեմում ՀՀ նախագահ Արմեն Սարգսյանին ընդունեցին ոչ միայն հայկական դրոշով, այլև հայերեն գրությամբ։

ԵՐԵՎԱՆ, 23 հունվարի — Sputnik. Աշխատանքային այցով Իսրայելի Պետությունում գտնվող ՀՀ նախագահ Արմեն Սարգսյանը instagram-ի իր էջի «սթորի» բաժնում (ցանկացած տեղեկատվություն «սթորիում» պահպանվում է 24 ժամ) տեսանյութ է հրապարակել Երուսաղեմից։ Տեսանյութում երևում է, թե ինչպես են ողջունում ՀՀ նախագահին։

Լուսային էֆեկտների շնորհիվ Երուսաղեմի պարսպի վրա հայտնվում է ՀՀ եռագույն դրոշը, որն ուղեկցվում է գրությամբ. «Բարի գալուստ Երուսաղեմ»։

Հիշեցնենք, որ այսօր ՀՀ նախագահ Արմեն Սարգսյանն Իսրայելի խորհրդարանում բարձրացրեց Հայոց ցեղասպանության ճանաչման հարցը։

Պատմական իրադարձություն. ԱՄՆ Սենատը միաձայն ընդունեց Հայոց ցեղասպանության ճանաչման բանաձևը

Նա շեշտեց, որ Հայոց ցեղասպանության ճանաչումն առաջին հերթին բարոյական պատասխանատվություն է և հարգանքի տուրք` անմեղ զոհերի հիշատակին։ Միաժամանակ նախագահը կարևորեց ցեղասպանությունների և մարդկության դեմ հանցագործությունների կանխարգելման միջազգային ջանքերը։

Քնեսեթի նախագահ Յուլի Էդելշտեյնը նշեց, որ իրենց համար մեծ պատիվ է Իսրայելում ընդունել ՀՀ նախագահին։ Նա վստահություն հայտնեց, որ նախագահ Սարգսյանի այցը, ինչպես նաև Իսրայելում դեսպանություն բացելու՝ Հայաստանի որոշումը կարևոր անկյունաքար կլինեն երկկողմ հարաբերությունների հետագա զարգացման համար:

Հիշեցնենք, որ Արմեն Սարգսյանն Իսրայելի Պետության նախագահ Ռեուվեն Ռիվլինի հրավերով Իսրայելում է՝ մասնակցելու Հոլոքոսթի հիշատակին նվիրված 5-րդ միջազգային համաժողովին:

Հայաստանը երախտապարտ է Հռոմի պապի՝ Հայոց ցեղասպանության ճանաչման ուղերձի համար

270
թեգերը:
Հայաստան, Երուսաղեմ, Նախագահ, Արմեն Սարգսյան
Ըստ թեմայի
Առաջին տպագրատունը և ֆոտոարվեստանոցը. ամերիկյան կայքը` Երուսաղեմի հայկական թաղամասի մասին
Արքայազն Ուիլիամը հայկական խաչ է նվեր ստացել Երուսաղեմի հայոց պատրիարքարանից
Ֆրանկոֆոնիան ու Երուսաղեմը. ինչից են Երևանում խոսում կորեական ու արաբական դիվանագետները
Իսրայելի իշխանությունը ներողություն է խնդրել Երուսաղեմում հայերի վրա հարձակման համար