Գաղտնալսում

Զգույշ խոսեք. ԱԺ–ն ընդունեց գաղտնալսումների մասին օրինագիծը

239
(Թարմացված է 19:14 21.01.2020)
ԱԺ պատգամավորները որոշեցին ոստիկանությանը թույլ տալ առանց հատուկ թույլտվության գաղտնալսել ՀՀ քաղաքացիների հեռախոսային խոսակցությունները։

ԵՐԵՎԱՆ, 21 հունվարի — Sputnik. ՀՀ Ազգային ժողովը երկրորդ ընթերցմամբ և ամբողջությամբ ընդունեց «Օպերատիվ-հետախուզական գործունեության մասին» օրենքում փոփոխությունների օրենքի նախագիծը, որն ավելի հայտնի է որպես «գաղտնալսումների մասին օրենք»։

Կառավարությունն ԱԺ–ին կոչ է անում դեմ քվեարկել գաղտնալսումների մասին օրինագծին

Նախագիծն ընդունվեց 97 կողմ, 20 դեմ և 1 ձեռնպահ ձայներով:

Այս փոփոխություններով ՀՀ ոստիկանությանն իրավունք է տրվում օպերատիվ–հետախուզական աշխատանքների շրջանակում գաղտնալսում կատարել առանց դրա համար հատուկ թույլտվություն ստանալու։

Բանն այն է, որ մինչ օրենքի փոփոխությունը հեռախոսային խոսակցությունների գաղտնալսման իրավունք էր վերապահված միայն ԱԱԾ–ին, ոստիկանությանը` ԱԱԾ–ի թույլտվությամբ, և ՔԿՀ–ին` միայն հիմնարկի տարածքում ու միայն դատապարտյալների նկատմամբ։

Մոխրոտիկի գործը. ինչպես է հայուհին գաղտնալսող սարք տեղադրել դեսպանի աշխատասենյակում 

Հիշեցնենք` հունվարի 20-ին ՀՀ արդարադատության նախարարի տեղակալ Սրբուհի Գալյանն ԱԺ–ում նախագծի քննարկման ժամանակ կառավարության անունից ԱԺ պատգամավորներին կոչ էր արել դեմ քվեարկել «Իմ քայլը» խմբակցության անդամներ Արմեն Խաչատրյանի ու Սիփան Փաշինյանի հեղինակած` գաղտնալսումների մասին նախագծին։ Փոխարենը կառավարությունը սեփական առաջարկն էր ներկայացրել` հեռախոսային խոսակցությունների գաղտնալսումների իրավունքը վերապահել մասնավոր կազմակերպությանը։

Բայց, փաստորեն, խորհրդարանը որոշեց չսպասել կառավարության օրենսդրական նախաձեռնությանն ու ընդունեց իր գործընկերների հեղինակած օրինագիծը։

Աշխատող ուսանողների եկամտահարկը վերադարձնելուն մեկ քայլ է մնում. օրինագիծը մտավ ԱԺ օրակարգ

239
թեգերը:
ՀՀ Ոստիկանություն, Ոստիկանություն, գաղտնալսում, Հայաստան, նախագիծ, Օրենք, ԱԺ
Ըստ թեմայի
Հայ մասնագետները նոր ծրագիր են ստեղծել. նույնիսկ ԱԱԾ-ն չի կարող գաղտնալսել
Որտեղից է հրապարակվել Վանեցյանի և Խաչատրյանի գաղտնալսված զրույցը. Գրիգորյանի բացահայտումը
ՔԿ-ն հերքում է. Վանեցյան–Խաչատրյան սկանդալային գաղտնալսման գործով որևէ անձ չի ձերբակալվել