Վլադիմիր Պողոսյան

Գեորգի Կուտոյանի մահվան պատճառ կարող էին լինել արխիվային փաստաթղթերը. Պողոսյան

850
(Թարմացված է 17:16 22.01.2020)
Հատուկ ծառայությունների վետերանը կարծում է, որ Գեորգի Կուտոյանի մահվան գործում կարևորը դրդապատճառները պարզելն է։

ԵՐԵՎԱՆ, 20 հունվարի – Sputnik. Ազգային անվտանգության ծառայության նախկին ղեկավար Գեորգի Կուտոյանի մահվան պատճառների վարկածներից մեկը ինքնասպանության հասցնելն է։ Ու եթե դա իսկապես այդպես է, ապա, ամենայն հավանականությամբ, խոսքն արխիվային փաստաթղթերի մասին է, իսկ ավելի ճիշտ` գործակալական փաստաթղթերի։ Sputnik Արմենիայի հետ զրույցում այս կարծիքը հայտնեց Հայաստանի հատուկ ծառայությունների վետերան, 90–ականների սկզբին հատուկ գործողությունների ղեկավար Վլադիմիր Պողոսյանը։

Հունվարի 17–ին հայտնել էինք, որ Երևանի Պարույր Սևակի փողոցի բնակարաններից մեկում հայտնաբերվել է ԱԱԾ նախկին ղեկավար Գեորգի Կուտոյանի դին՝ հրազենային վնասվածքով։ Կուտոյանի մահվան դեպքի առնչությամբ հարուցվել է քրեական գործ` ՀՀ քրեական օրենսգրքի 110 հոդվածի 1–ին մասով (ինքնասպանության հասցնել)։

«Սա բավականին լուրջ բան է, լուրջ դիտարկում է պահանջում։ Կարևորը դրդապատճառները պարզելն է. ամենայն հավանականությամբ, խոսքը և՛ հին, և՛ գործող ագենտուրայի մասին է։ Պատկերացնո՞ւմ եք, եթե հանկարծ գործակալական, վարկաբեկող նյութեր կան նաև ներկայիս իշխանության ներկայացուցիչների վերաբերյալ։ Սա բավականին լուրջ հարց է», – ասաց փորձագետը։

Պողոսյանի խոսքով` «թավշյա հեղափոխության» օրերին ինքը կոչ էր անում կնիք դնել Բաղրամյան 26–ի ու ԱԱԾ–ի չհրկիզվող պահարանների վրա, որպեսզի արխիվային նյութերը չտարածվեն, քանի որ դա կարող է աղետալի հետևանքներ ունենալ։

«Չէ՞ որ մենք չգիտենք` ինչ մակարդակի փաստաթղթերի մասին է խոսքն ու ինչպես դրանք կարող են ազդել նախորդ կառավարության կամ պաշտոնյաների վրա։Սրանք բավականին լուրջ հարցեր են, ու այստեղ արդեն կարող է ազգային անվտանգության հարց լինել», – ասաց Պողոսյանը։

Նշենք, որ Կուտոյանն ԱԱԾ ղեկավար է եղել 2016–2018 թվականներին, աշխատել է նաև Գլխավոր դատախազությունում, մարդու իրավունքների պաշտպանի գրասենյակում ու Հայաստանի մի շարք համալսարաններում։ Եղել է Սերժ Սարգսյանի օգնականը։ Ամուսնացած էր, ուներ 4 տարեկան որդի։

Ովքեր էին եկել հրաժեշտ տալու Գեորգի Կուտոյանին. լուսանկարներ

850
թեգերը:
Գեորգի Կուտոյան (ԱԱԾ նախկին պետ), Հայաստան
թեմա:
ԱԱԾ նախկին տնօրեն Գեորգի Կուտոյանի մահվան դեպքը (25)
Ըստ թեմայի
Գեորգի Կուտոյանը դեկտեմբերին էլ է կրակել պատին. նոր մանրամասներ
Գեորգի Կուտոյանի մահվան առնչությամբ առայժմ ոչ մի վարկած մերժված չէ. Միրզոյան
«Ոչ մի հարց չպետք է մնա»․ ԱԱԾ նախկին ղեկավար Արթուր Վանեցյանը` Կուտոյանի մահվան մասին
«Չգիտեմ` ինչի հետ կապեմ Կուտոյանի մահը, պատրաստ չէի նման բան տեսնել». Բաբլոյան
Вице-премьер Мгер Григорян на заседании правительства Армении (30 июля 2020). Еревaн

Հայաստանի, Ադրբեջանի և Ռուսաստանի փոխվարչապետների հանդիպման կոնկրետ օրը Երևանում չգիտեն

0
Հանդիպումը ենթադրում է տարածաշրջանային տրանսպորտային ապաշրջափակման հետ կապված տարբեր հարցերի քննարկում։

ԵՐԵՎԱՆ, 26 հունվարի – Sputnik. ՀՀ փոխվարչապետ Մհեր Գրիգորյանի գրասենյակից Sputnik Արմենիայի հարցմանն ի պատասխան ասացին, որ Հայաստանի, Ադրբեջանի և Ռուսաստանի փոխվարչապետների հանդիպման հստակ ամսաթիվը և ժամը դեռ ճշտվում են, այն կայանալու է մոտ օրերս:

«Հանդիպման օրակարգում ընդգծված չէ որևէ կոնկրետ ուղղություն կամ ենթակառուցվածք, այն ենթադրում է տարածաշրջանային տրանսպորտային ապաշրջափակման հետ կապված տարբեր հարցերի քննարկում»,–ասացին գրասենյակից:

Ավելի վաղ տեղեկացրել էինք, որ Մոսկվայում վաղը` հունվարի 27–ին, նախատեսված է Հայաստանի, Ադրբեջանի և Ռուսաստանի փոխվարչապետների հանդիպում։

Տեղեկացվում էր, որ փոխվարչապետները պետք է քննարկեն միանգամից մի քանի հնարավոր նախագծեր, մասնավորապես, Հայաստանի տարածքով երկաթուղու կառուցումը, որը կկապի Ադրբեջանը և Նախիջևանը, ինչպես նաև Հայաստանն ու Ռուսաստանը:
Հիշեցնենք, որ փոխվարչապետների մակարդակով այս հարցի քննարկման շուրջ Հայաստանի, Ռուսաստանի և Ադրբեջանի ղեկավարները համաձայնության էին եկել հունվարի 11-ի մոսկովյան եռակողմ հանդիպման ժամանակ, երբ Փաշինյանը հայտարարեց, որ գերիների հարցով առաջընթաց չի գրանցել, բայց ստորագրել է տնտեսական համագործակցության հուշագիր:

0
թեգերը:
Նախիջևան, Ադրբեջան, Ռուսաստան, Հայաստան, Մհեր Գրիգորյան
Ելենա Մալիշևա

Մալիշևան ասել է՝ ովքեր պետք է «գլխապատառ» գնան COVID-19-ի դեմ պատվաստում ստանալու

10
(Թարմացված է 12:17 26.01.2021)
Բժիշկը թվարկել է այն գործոնները, որոնք վկայում են մարդու մոտ պատվաստում ստանալու անհրաժեշտության մասին։

ԵՐԵՎԱՆ, 26 հունվարի — Sputnik. Ռուս հաղորդավարուհի, բժիշկ Ելենա Մալիշևան ռուսական «Առաջին ալիքի» եթերում ասել է` որ խմբի ներկայացուցիչները պետք է անպայման պատվաստում ստանան կորոնավիրուսի դեմ։

«Պետք է գլխակորույս վազել պատվաստում ստանալու, քանի որ կորոնավիրուսով ծանր հիվանդանալու ու մահանալու ռիսկերը միլիոն անգամ ավելի մեծ են, քան պատվաստման ցանկացած ռիսկերը», - նշել է Մալիշևան՝ դիմելով ռիսկային խմբերի մարդկանց։

Բժիշկը թվարկել է այն գործոնները, որոնք վկայում են մարդու մոտ պատվաստում ստանալու անհրաժեշտության մասին։ Այդ գործոններն են՝ 65-ից բարձր տարիքը, ճարպակալությունը, երիկամների խրոնիկ հիվանդությունները, թոքերի հիվանդությունները, քաղցկեղային հիվանդությունները (ոչ սուր փուլում), սրտանոթային հիվանդությունները։

«Կաթվածաբեր» պատվաստանյութը. Հայաստանը պատրաստվո՞ւմ է կորոնավիրուսի դեմ պայքարել Pfizer–ով

Worldometer համաշխարհային վիճակագրական կայքի համաձայն` հունվարի 26-ի դրությամբ աշխարհում կորոնավիրուսի հաստատված դեպքերի ընդհանուր թիվը հասել է 100,2 միլիոնի։ Համավարակի զոհ է դարձել ավելի քան 2,1 մլն մարդ։

Առողջապահության համաշխարհային կազմակերպությունը (ԱՀԿ) 2020 թվականի մարտի 11-ին նոր COVID-19 կորոնավիրուսի բռնկումը հայտարարել էր համավարակ։

10
թեգերը:
պատվաստումներ, կորոնավիրուս, Ելենա Մալիշևա
Ըստ թեմայի
Ֆրանսիայում պատվաստվելուց հետո 9 մարդ է մահացել, սակայն կապը պատվաստման հետ ապացուցված չէ
Կալիֆոռնիայում հորդորել են հրաժարվել Նուբար Աֆեյանի ընկերության պատվաստանյութի խմբաքանակից
Ո՞րն է այլ պատվաստանյութերի համեմատ «Սպուտնիկ V»-ի «ինովացիոն» տարբերությունը