Գյումրու մաքսակետ. արխիվային լուսանկար

Ինչ մաքսային արտոնություններ են նախատեսվում ՀՀ–ում մշտական բնակություն հաստատողների համար

139
(Թարմացված է 13:57 20.01.2020)
Երեք տարի երկրից բացակայած, սակայն մշտական բնակության նպատակով Հայաստան վերադարձածները կազատվեն մաքսատուրքերից։

ԵՐԵՎԱՆ, 20 հունվարի – Sputnik. ԱԺ «Իմ քայլը» խմբակցության պատգամավոր Սիսակ Գաբրիելյանը հանդես է եկել օրենսդրական նախաձեռնությամբ, ըստ որի` ավելի է հեշտացվել ՀՀ մշտական բնակության համար վերադարձողների անձնական իրերը մաքսատուրքերից և հարկերից ազատելու պրոցեսը։ Լրագրողների հետ հանդիպման ժամանակ այս տեղեկությունը հայտնեց Գաբրիելյանը` ներկայացնելով, թե ինչ փոփոխություններ են նախատեսվում։

Հայրենադարձությունը՝ առաջնային խնդիր. Զարեհ Սինանյանն աշխատում է ռուսաստանաբնակ հայերի հետ

«ՀՀ մաքսային գործող օրենքը որոշակի արտոնություն է սահմանում ՀՀ մշտական բնակություն հաստատողների համար։ Սակայն գործող օրենքը որոշակի խնդիրներ է առաջացնում հայրենադարձների համար։ Օրենքը սահմանում էր, որ եթե 5 տարի բացակայել ես երկրից, ապա վերադառնալու դեպքում կարող ես անձնական գույքդ առանց մաքսատուրքի ներմուծել, բայց պետք է հաշվառված չլինես ՀՀ–ում»,–ասաց Գաբրիելյանը։

Այժմ Գաբրիելյանն առաջարկում է 5–ի փոխարեն 3 տարի սահմանել ՀՀ–ից բացակայելու և հետ վերադառնալու դեպքում արտոնություններից օգտվելու ժամկետը։ Բացի այդ, կսահմանվի, որ եթե անձը երեք տարի անընդմեջ չի բնակվել ՀՀ–ում, նա հաշվառումից ինքնըստինքյան դուրս կգա, որպեսզի կարողանա օգտվել արտոնությունից։

Հայրենադարձ ինժեները գերդիմացկուն անօդաչու սարք է ստեղծել

Իսկ արտոնությունը վերաբերում է անձնական գույքը և մեկ տրանսպորտային միջոցն առանց մաքսատուրքի ՀՀ ներմուծելուն։ Գաբրիելյանը կարծում է, որ տարեկան 2000-3000 ընտանիք կօգտվի այդ իրավունքից։

ՊԵԿ նախագահի տեղակալ Շուշանիկ Ներսիսյանն էլ հայտնեց, որ այս արտոնությունից յուրաքանչյուրն իրավունք ունի օգտվել մեկ անգամ։ Նրա խոսքով` օրենքում սահմանված է նաև, որ մեկ տարի ՀՀ–ից բացակայողները և ՀՀ–ում մշտական բնակություն հաստատողները կարող են առանց մաքսատուրքի մինչև 5000 եվրո արժողությամբ ապրանք ներմուծել։

Բացի այդ, արտոնությունից օգտվելու համար անհրաժեշտ փաստաթղթերի քանակն է վերանայվել ու վարչարարությունը քչացվել է։

«Սակայն օրենքը նաև ունի մեխանիզմներ` խարդախությունները կանխարգելելու համար։ Օրինակ` վերջերս 80–ն անց մի կին Վրաստանից Հայաստան է եկել ու իր հետ 2019 թվականի «Բենլթի» էր բերում, իբր` իր գույքն է։ Բնականաբար, նման դեպքերը կանխվում են»,–ասաց Ներսիսյանը։

Հիշեցնենք, որ ՀՀ վարչապետ Նիկոլ Փաշինյանը նախորդ տարի հայտնել էր, որ 2018թ.–ին Հայաստան ժամանածների թիվը 15 313–ով գերազանցել է մեկնածների թվին. նման բան առաջին անգամ է արձանագրվել վերջին 12 տարում։ 2019թ.–ի արտագաղթ–ներգաղթի տվյալները դեռ ամփոփված չեն։

139
թեգերը:
հայեր, հայ, մաքսատուրք, Սփյուռք, Հայաստան
Ըստ թեմայի
Հայրենադարձության կոչ. ի՞նչ դժվարությունների կարող է բախվել Հայաստանը
Փաշինյանի ֆրանսահայ բժիշկը ներդրում է արել Հայաստանում և մտածում է հայրենադարձության մասին
Հայրենադարձությունն ու օպերային արվեստը. ովքե՞ր են ՀՀ «դեսպանները»
«Ջավախքից չես, վճարիր»․ ինչպես է հայրենադարձը հիասթափվում Հայաստանից և կրկին սիրում
Գոհար Ավետիսյան

Գոհար Ավետիսյանի առաջնեկը ծնվել է. լուսանկար

81
(Թարմացված է 00:15 04.07.2020)
Երկրպագուները վաղուց էին սպասում հայտնի դիմահարդարի փոքրիկի ծնվելուն։ Գոհարն էլ ծննդաբերությունից հետո լուսանկար է հրապարակել։

ԵՐԵՎԱՆ, 4 հուլիսի – Sputnik. Հանրահայտ դիմահարդար Գոհար Ավետիսյանը, որին Ռուսաստանում և Հայաստանում հաճախ «մեյքափի գուրու» են անվանում, ծննդաբերել է։

«Բարի գալուստ այս գեղեցիկ աշխարհ, իմ փոքրիկ հսկա, 4 կգ երջանկություն և անիրական սեր առաջին վայրկյանից։ Սա, թերևս, իմ ծննդյան օրվա լավագույն նվերն է (այն կլինի վաղը, բայց ես, միևնույնն է, բոլորին ցանկանում եմ զգալ այդ երջանկությունը)», - գրել է նա Instagram–ում:

Посмотреть эту публикацию в Instagram

Публикация от Goar Avetisyan (@goar_avetisyan)

Մաղթանքներն ու շնորհավորանքները չեն ուշացել։ Մաքսիմ Գալկինը երջանկություն է մաղթել փոքրիկին, իսկ երգչուհի Ժասմինը ապագա տղամարդուն հրահանգել է, որ ամեն օր ու ամեն ժամ ուրախացնի մայրիկին:

«Ուռա։ Շնորհավոր։ Մի հրաշալի հայ էլ ավելացավ»,- գրել է ռեժիսոր Սարիկ Անդրեասյանը:

Գոհար Ավետիսյանը ծնվել է Մարտունիում, նրա ընտանիքը տեղափոխվել է Մոսկվա, երբ Գոհարը մեկ տարեկան է եղել։ Ավետիսյանը Ռուսաստանում ամենահայտնի բյութի բլոգերն է։ Հիմա նա Instagram-ում ավելի քան 5 միլիոն բաժանորդ ունի, իսկ նրա «Կերպարանափոխություն» նախագիծը քննարկվել է անգամ Daily Mail-ի էջերում։

Գոհարն ինքնուրույն է հասել հաջողության։ Նա ինքնուս դիմահարդար է: Այս ոլորտում առաջին փորձերն արել է 11-12 տարեկանում: 16 տարեկանում ընդունվել է Ժողտնտեսության և պետական ծառայության ռուսական ակադեմիայի տնտեսագիտական ֆակուլտետ:

Գոհար Ավետիսյանը տոնական մեյքափի հեշտ ու արագ տարբերակ է առաջարկում․ տեսանյութ

Արդեն առաջին կուրսում Գոհարը սկսել է դիմահարդարել բոլոր ընկերուհիներին և ծանոթներին: Հետաքրքրությունը դարձել է աշխատանք, և նա թողել է ուսումը:

2012թ.-ին սկսել է դասախոսել, դիմահարդարման վարպետության դասեր անցկացնել։ Հիմա արդեն հայտնի դիմահարդարը Մոսկվայի կենտրոնում սեփական դպրոց և ստուդիա ունի:

Նշենք, որ առաջին ամուսնուց բաժանվելուց հետո Գոհարը գրեթե կես տարի դեպրեսիվ վիճակում էր։ Ամուսնալուծությունից հետո նա 43 կգ նիհարեց և նոր սեր գտավ։ 

«Ո՞վ կմտածեր, որ...». Գոհար Ավետիսյանի հուզիչ գրառումը

81
թեգերը:
երեխա, Գոհար Ավետիսյան
Ըստ թեմայի
«Որքան գեղեցիկ ես». դիմահարդարման վարպետ Գոհար Ավետիսյանը՝ Վարդայի նոր կերպարի մասին
«Ես քեզ կդարձնեմ ուժեղ». Գոհար Ավետիսյանը հերթական անգամ զարմացրել է երկրպագուներին
Դիմահարդար Գոհար Ավետիսյանը որոշել է երգչուհի դառնալ «միամիտ» երգով. տեսանյութ
Երևան, արխիվային լուսանկար

Ողբերգական դեպք Երևանում. վարորդը վրաերթի է ենթարկել 2 հետիոտնի, մեկը մահացել է

28
(Թարմացված է 00:15 04.07.2020)
Դեպքը տեղի է ունեցել «Մեգամոլ» առևտրի կենտրոնի դիմաց։ Հավաքվածներն ասել են, որ վրաերթի ենթարկվածներն ամուսիններ են։

ԵՐԵՎԱՆ, 3 հուլիսի – Sputnik. Այսօր վրաերթ է տեղի ունեցել Երևանում: Ժամը 22:15-ի սահմաններում Երևանի բնակիչ, 32-ամյա Աշոտ Ավետիսյանը իր վարած «Nissan» մակնիշի ավտոմեքենայով Գայի պողոտայում՝ «Մեգամոլ» առևտրի կենտրոնի հարևանությամբ, վրաերթի է ենթարկել 2 հետիոտնի, որոնք փողոցը որոշել են հատել հետիոտների համար չնախատեսված հատվածով։ Տեղեկությունը հայտնում է shamshyan.com–ը։

Վարորդն ահազանգել է Երևանի 1-03 շտապօգնություն, դեպքի վայր ժամանած շտապօգնության բժիշկները վրաերթի ենթարկվածներին ծայրահեղ ծանր ախտորոշմամբ տեղափոխել են թիվ 1 համալսարանական հիվանդանոց:

Վարորդը տեղում ենթարկվել է սթափության փորձաքննության, պարզվել է, որ նա եղել է սթափ:

Դեպքի վայրում հավաքվածներն ասել են, որ վրաերթի ենթարկվածներն ամուսիններ են:

Երևանի գերեզմանատներից մեկի մոտ 40-ամյա տղամարդը հոսանքահարվել է ու մահացել

Մինչ դեպքի վայրում աշխատել է հետաքննիչը, հիվանդանոցից հայտնել են, որ վրաերթի ենթարկվածներից 41-ամյա Արթուր Շ.-ն գիտակցության չգալով ՝ մահացել է:

Փաստի առթիվ հարուցվել է քրեական գործ՝ ՀՀ ՔՕ 242 հոդվածի 2-րդ մասի (ճանապարհատրանսպորտային պատահար, որն անզգուշությամբ առաջացրել է մարդու մահ) հատկանիշներով:

Կրակոցներ Երևանում. մեկ մարդ գլխի շրջանում վնասվածքներ է ստացել

28
թեգերը:
Մահ, հետիոտն, Վրաերթ, Հայաստան
թեմա:
Վթար, պատահար, սպանություն, գողություն
Ըստ թեմայի
Երևանում վրաերթի են ենթարկել հեծանվով երեխային
Իրինդ գյուղի ջրամբարում 36–ամյա քաղաքացի է խեղդվել
25-ամյա երիտասարդը սպանվել է տան մուտքի մոտ արձակած կրակոցից