Նիկոլ Փաշինյանն ու Արթուր Վանեցյանը. արխիվային լուսանկար

Այլընտրանքը պետք է վերացվի. Փաշինյանը չի հանդուրժի Վանեցյանի ակտիվությունը

539
(Թարմացված է 18:52 19.01.2020)
ԱԱԾ նախկին տնօրենի` վերջին շրջանի ակտիվացումից հետո, մինչ նրա մուտքը ակտիվ քաղաքականություն` իշխանությունը որոշել է տարատեսակ միջոցներ կիրառել Վանեցյանի վարկանիշը գցելու համար։

ԵՐԵՎԱՆ, 19 հունվարի – Sputnik. ՀՀ վարչապետ Նիկոլ Փաշինյանի կառուցած քաղաքական համակարգը չի հանդուրժի քաղաքական այլընտրանք` ի դեմս ՀՀ ազգային անվտանգության նախկին տնօրեն Արթուր Վանեցյանի։ Այս մասին Sputnik Արմենիայի թղթակցի հետ զրույցում ասաց քաղտեխնոլոգ Արմեն Բադալյանը։

Армен Бадалян
© Sputnik / Andranik Ghazaryan
Արմեն Բադալյան

Հունվարի 12-ին Նիկոլ Փաշինյանի դուստրը` Մարիամ Փաշինյանը, Facebook սոցցանցի իր էջում հրապարակել էր «Հայկական ժամանակ» թերթի հոդվածը, որտեղ նշվում է, որ Վանեցյանն է կազմակերպել և այժմ էլ շարունակում է մամուլում արշավը վարչապետի ընտանիքի դեմ։

«Հայկական ժամանակը» գրել էր, որ վարչապետ Նիկոլ Փաշինյանի ընտանիքի անդամների, մասնավորապես կնոջ` Աննա Հակոբյանի և դստեր` Մարիամ Փաշինյանի դեմ քարոզչական արշավը համակարգվում և կառավարվում է ԱԱԾ նախկին տնօրեն Արթուր Վանեցյանի կողմից, որին էլ աջակցում է «Վստրեչի ապեր» մականունով հայտնի հեղինակություն Արամ Վարդանյանը:

Ավելի ուշ Վանեցյանն Instagram–ի իր էջում հայտարարել էր, որ ընտանիքն իր համար սրբություն է, իսկ մյուսներին վարկաբեկելու համար սեփական ընտանիքն օգտագործելու փորձերն անընդունելի են։ Վերջում ԱԱԾ նախկին տնօրենը հայտնել էր, որ հոդվածն անպատասխան չի մնա, դրանով արդեն զբաղվում են իր փաստաբանները։

Վանեցյանի ակտիվությունն ու բարեփոխումներն ԱԱԾ–ում. ինչո՞ւ իշխանությունը պետք է շտապի

Թերթի վարկածի համաձայն՝ հիմա, երբ Վանեցյանն այլև չի գլխավորում ԱԱԾ-ն, նրան վարչապետի ընտանիքի դեմ քարոզարշավի հարցում օգնում են ՀՀ երրորդ նախագահ Սերժ Սարգսյանի փեսա Միքայել Մինասյանն ու ԱԺ աշխատակազմի նախկին ղեկավար Արա Սաղաթելյանը։  «Ֆեյքերի» բանակի օգնությամբ նրանք իբր թե փորձում են վարկաբեկել վարչապետին ու իշխանափոխության երկարաժամկետ խնդիր են դնում։

Արմեն Բադալյանը նշեց, որ ԱԱԾ տնօրենի պաշտոնից հեռանալու մասին` Վանեցյանի ոչ միանշանակ հայտարարությունից հետո նա քաղաքական դաշտում է գտնվում, թեև` համեմատաբար պասիվ դիրքում։

 «Քաղաքականության մեջ մտնելու համար բավական չէ միայն հայտարարություններ անել։ Դա բարդ գործընթաց է, որը պահանջում է անհրաժեշտ պայմաններ, բարենպաստ հանգամանքներ։ Նախկինում հավաքած կապիտալը կարող է շատ հեշտ ցրվել ու հետո անհնար կլինի հավաքել այն», - նշեց Բադալյանը։

Քաղաքական «շոուի» տարբերակը Վանեցյանի դեպքում չի գործում, այդ միջոցը հակացուցված է նրան։ Ամեն գործիչ իր կերպարն ունի, որը հասկանալի է նրան համակրող մարդկանց համար։

Ինչ վերաբերում է այն փաստին, որ հանրությունը կտրուկ սկսել է քննադատել Վանեցյանին, ապա դա ԶԼՄ-ներում ու սոցցանցերում վերջերս դրսևորված ակտիվությունն է խթանել այդ արձագանքը։ Քաղտեխնոլոգը նշում է, որ հնարավոր խորը պատճառները  թաքնված են սուպերվարչապետական համակարգում, որը ստեղծել է նախկին իշխանությունը։

Այդ ինստիտուտը նպաստում է միահեծան իշխանության ձևավորման։ Փաշինյանն այժմ այդ ճանապարհով  է գնում։

 «Միահեծան իշխանության համակարգը որոշակի կանոններ ունի. այն այլընտրանք չի հանդուրժում։ Այսօր բոլոր կառույցներն այդ համակարգին են ենթարկվում (նույնիսկ համեմատաբար փոքր կառույցները, օրինակ՝ Հայաստանի ֆուտբոլի ֆեդերացիան ու Հանրային խորհուրդը)»,-նշեց Բադալյանը ։

Այժմ իշխանությունը մտադիր է վերացնել Սահմանադրական դատարանի անկախությունը որպես ինստիտուտի, ու Վանեցյանի անկախությունը որպես քաղաքական գործչի։

Դրանից հետո կմնան ևս երեք ինստիտուտ՝ Արցախի իշխանության համակարգը, Հայ առաքելական եկեղեցին ու ԶԼՄ-ները։

 «Հենց այդ պատճառով է հիմա այդպիսի հարձակում իրականացվում Վանեցյանի ու ՍԴ-ի նկատմամբ», -ասաց Բադալյանը։

 Օգտագործվում է նաև կոմպրոմատների տեխնոլոգիան։ Փաշինյանի դստեր հայտարարությունը պետք է «իջեցներ» Վանեցյանի ակտիվության մակարդակը մինչև Մարիամի հետ երկխոսության մակարդակի։ Դա քաղտեխնոլոգիաներում ընդունված պրակտիկա է, սակայն այն չաշխատեց, քանի որ ԱԱԾ նախկին տնօրենը պատասխանեց ոչ թե Մարիամին, այլ Փաշինյանի վերահսկողության տակ գտնվող ԶԼՄ-ին։

Չի բացառվում, որ գաղտնալսման գործի շրջանակում Փաշինյանի ՍԴ գնալն ակնարկ էր Վանեցյանին։

Որտեղից է հրապարակվել Վանեցյանի և Խաչատրյանի գաղտնալսված զրույցը. Գրիգորյանի բացահայտումը

Նշենք նաև, որ օրերս Քննչական կոմիտեն հայտարարել էր՝ քրեական գործը, որի շրջանակում վարչապետ Նիկոլ Փաշինյանին Քննչական կոմիտե էին կանչել, կապված էր ԱԱԾ նախկին տնօրեն Արթուր Վանեցյանի ու ՀՔԾ պետ Սասուն Խաչատրյանի հեռախոսազրույցի գաղտնալսման հետ։

Հիշեցնենք` 2018–ի սեպտեմբերի 11–ին համացանցում հայտնված 8 րոպեանոց հեռախոսազրույցի ընթացքում Վանեցյանն ու Խաչատրյանը քննարկում էին Հայաստանի նախկին նախագահ Ռոբերտ Քոչարյանի կալանքը, ինչպես նաև ՀԱՊԿ գլխավոր քարտուղար Յուրի Խաչատուրովի և ՊՆ նախկին ղեկավար Միքայել Հարությունյանի դեմ հարուցված քրեական գործերը։

Վանեցյանը Հատուկ քննչական ծառայության ղեկավարին պատմում էր դատավորի հետ զրույցի մասին, որին հրահանգ է տրվել ամեն գնով «նստեցնել» Քոչարյանին։ Այնուհետև անցնում էին Խաչատուրովին։ ԱԱԾ պետն ասում էր, որ ՀԱՊԿ գլխավոր քարտուղարին ոչ մի դեպքում չի կարելի ձեռք տալ, քանի որ Ռուսաստանի հետ հարաբերությունները փչացնելու վտանգ կա։

539
թեգերը:
Հայաստան, քաղաքականություն, Արթուր Վանեցյան, «Թավշյա հեղափոխություն», Նիկոլ Փաշինյան
Ըստ թեմայի
Արթուր Վանեցյանը քաղաքական ենթատեքստով ուղերձ է հղել
Պաշտպանել հեղափոխությո՞ւնը. ինչպես կարող է Վանեցյանը համախմբել ընդդիմությանը
Կենցաղային խոսակցություն է. Արարատ Միրզոյանը` Փաշինյան–Վանեցյան ընտանիքների բանավեճի մասին
Ինչ է քննարկվել «Իմ քայլի» փակ նիստում. Իգիթյանը խոսել է նաև Վանեցյանի մասին
 Խոշոր եղջերավոր անասուններ

Հատուկ չվերթ խոշոր եղջերավոր անասունների համար, կամ ինչու են ՀՀ-ում սկսել միս քիչ ուտել

12
(Թարմացված է 20:49 12.07.2020)
Կորոնավիրուսն ու ճգնաժամը խախտել են տնտեսագիտության բոլոր կանոնները.  անասնագլխաքանակն ավելանում է, սպառումը՝ նվազում, բայց գներն առաջվա պես շարունակում են աճել: Հայ գործարարներն էլ իրենց անասուններն Իրաք են հասցնում վրացական ինքնաթիռի հատուկ չվերթով:

ԵՐԵՎԱՆ, 12 հուլիսի - Sputnik, Նելլի Դանիելյան. Կորոնավիրուսի համավարակի ու արտակարգ դրության պայմաններում Հայաստանում նվազել են ընտանի կենդանիների մսի իրացման ծավալները:

Այս մասին են վկայում ՀՀ վիճակագրական կոմիտեի «Արդյունաբերական կազմակերպություններում հիմնական արտադրատեսակների թողարկումը բնեղեն արտահայտությամբ՝ 2020 թվականի հունվար-մայիսին» հետազոտության արդյունքները:

Դրանց համաձայն՝ մսամթերքի բոլոր տեսակների իրացումն այս տարվա 5 ամիսներին  շուրջ 5%-ով անկում է ապրել՝ նախորդ տարվա նույն ժամանակահատվածի համեմատ:

Օրինակ՝ խոշոր եղջերավոր կենդանիների թարմ և սառեցրած մսի իրացման ծավալները կրճատվել են 5.1%-ով, խոզի մսինը՝ 4.8%-ով, ոչխարինը՝ 4.7%-ով:

Թե որն է նվազման պատճառը, Էկոնոմիկայի նախարարությունում չցանկացան մեկնաբանել՝  նշելով, որ այս պահին տիրապետում են միայն 2020 թվականի հունվար-մարտ ամիսներին հանրապետությունում իրականացրած սպանդի վիճակագրական տվյալներին, որոնք նույնիսկ գերազանցում են նախորդ տարվա ցուցանիշները:

Իսկ, օրինակ, թռչնամսի առևտուրը, հակառակը՝ այս տարի ավելացել է 15%-ով: Պատճառն, ամենայն հավանականությամբ, դրա համեմատաբար էժան գինն է:

«Սպանդի համար իրացվել է 15.900 տոննա (կենդանի քաշով) գյուղատնտեսական կենդանի և թռչուն, որը 5.3%-ով գերազանցում է նախորդ տարվա նույն ժամանակահատվածում արձանագրված ցուցանիշին»,- նշված է նախարարության՝ Sputnik Արմենիային ուղղված պատասխանում:

Քաղաքակրթությունն ու գյուղացու կորցրած շահույթը. սպանդանոցների չերևացող կողմը

Աճը, թերևս, բացատրվում է նրանով, որ նախարարությունում ընտանի կենդանիների ու թռչնամսի իրացման ծավալների հաշվարկը ներկայացված է մեկ ցուցանիշով: Արդյունքում՝ թռչնամսի 15%-անոց աճը «ծածկում» է մնացած տեսակների անկումը, և վիճակագրությունն ստացվում է դրական ցուցանիշով:

Իսկ 2020 թվականի՝ ըստ կենդանատեսակների մսի արտադրության ծավալների վերաբերյալ տեղեկությունը, Էկոնոմիկայի նախարարությունը խորհուրդ է տալիս փնտրել արդեն հաջորդ տարի՝ 2021-ին, հրապարակվող Հայաստանի վիճակագրական տարեգրքում։

Պետական մարմինների հրապարակած թվերի տարբերությունը «Ագրարագյուղացիական միավորում» հասարակական կազմակերպության նախագահ Հրաչ Բերբերյանը մեկնաբանում է տեղեկությունների հավաքագրման ոչ վստահելի ու վաղուց իրեն սպառած մեթոդաբանությամբ:

Բանն այն է, որ Հայաստանում առկա անասնագլխաքանակի մասին վիճակագրությունը «վերևներին»  տալիս են գյուղապետերը:

«Կարծում եմ, որ գյուղապետերի ինստիտուտն արատավոր է, և գյուղապետերն իրավունք չունեն վիճակագրություն ներկայացնելու: Նրանք ներկայացնում են մարզպետարաններ, մարզպետներն էլ, բնական է, որ պետք է ավելի լավ թվեր նկարեն ու ներկայացնեն, որ վարչապետի ձեռքը չընկնեն: Արդյունքում՝ ունենում ենք ոչ վստահելի ու անիրական վիճակագրություն»,- ասաց Բերբերյանը:

Նրա համոզմամբ՝ հաշվետվությունը պետք է ներկայացնեն արտադրողները և դրա դիմաց ստանան համապատասխան աջակցություն պետությունից՝ անասնապահության տվյալ ուղղությունը զարգացնելու ծրագրերի կամ սուբսիդիայի տեսքով:

Գործող մեխանիզմի պայմաններում, Բերբերյանի դիտարկմամբ, տնտեսագիտության բոլոր իրողությունները խախտվում են. անասնագլխաքանակն ավելանում է, սպառումը՝  նվազում, բայց գներն առաջվա պես շարունակում են աճել:

Կենդանիների մորթը տարիներ շարունակ իրականացվել է հակասանիտարական պայմաններում. Պետրոսյան

Տնտեսագիտական օրենքներին հակասող այս իրավիճակն իրականում հասկանալու համար Բերբերյանը ոլորտի պատասխանատուներին առաջարկում է անձամբ գնալ գյուղեր ու տեղում պարզել, թե որքանով է իրականում պակասել անասնագլխաքանակը Հայաստանում ու ինչու ժողովուրդը միս չի գնում:

Ստեղծված խառնաշփոթի պատճառը, սակայն, ըստ Բերբերյանի, միայն  վիճակագիրները չեն: Նրա խոսքով՝ միսը թանկացել է, որովհետև Հայաստանում թանկացել է անասնակերը:

Իսկ կորոնավիրուսն ու տնտեսական ճգնաժամն իրենց հերթին ազդել են սպառողների վճարունակության վրա:

«Այսօր մոնիթորինգ ենք արել Երևանի շուկաներից մեկում: 2-3 օրվա միսը չի վաճառվել»,- հայտնեց ՀԿ նախագահը:

Մեծապես կրճատվել է նաև հանրային սննդի կետերի կողմից տարվա այս եղանակին սպառվող մսի ծավալը, ինչը ևս լրացուցիչ խնդիր է ոլորտի արտադրողների համար:

Բայց կա մի հետաքրքիր իրողություն ևս. պարզվում է՝ կորոնավիրուսի հետևանքով փակ սահմանները Հայաստանից արտահանվող մսի ծավալների վրա էապես չեն ազդել: Նույնիսկ այս իրավիճակում հայ գործարարները գտնում են իրենց արտադրանքն արտերկիր հասցնելու ուղիներ:

Վերջերս նման մի հետաքրքիր տեղեկություն չվրիպեց նաև Sputnik Արմենիայի ուշադրությունից: Մեր տեղեկություններով՝ հունիսի 28-ին Հայաստանում  վայրէջք  է կատարել Իրաքից ժամանած բեռնատար ինքնաթիռ, որը որոշ ժամանակ անց՝ արդեն բեռնված, Հայաստանից ուղղություն է վերցրել դեպի Իրաք:

ՀՀ քաղաքացիական ավիացիայի կոմիտեից հաստատեցին այս տեղեկությունը:

Ներում–բեկում չի լինելու. սուպերմարկետներն ու սննդի կետերը միսը կգնեն միայն սպանդանոցներից

Պարզվեց, որ հունիսի 28-ին Իրաքի Սուլեյմանիի օդանավակայանից Երևանի «Զվարթնոց» օդանավակայանում վայրէջք է կատարել վրացական «Easy Charter LLC» ավիաընկերության բեռնատար օդանավը, որն, ի դեպ, Հայաստան է եկել դատարկ: Իսկ արդեն «Զվարթնոց» օդանավակայանից, ըստ ներկայացված փաստաթղթերի, Իրաքի Սուլեյմանիի օդանավակայան է տեղափոխել 38 տոննա խոշոր եղջերավոր անասուն:

Իրացման այս ծավալների մասին վիճակագրական հաշվարկներում առայժմ տեղեկություն չկա: Հունիս ամսվա տնտեսական տվյալները պաշտոնական ամփոփագրերում դեռ ներառված չեն:

 

12
թեգերը:
չվերթ, Միս, Հրաչ Բերբերյան, անասնակեր, Հայաստան
Ըստ թեմայի
ՄԻՊ–ը կզբաղվի անասնաբույծների բարձրացրած խնդիրներով
Մսամթերքն ու շաքարավազն էժանացել են. գները Հայաստանում
Կառավարությունը գյուղացուն առաջարկում է խելացի անասնագոմեր կառուցել
«Խելացի անասնատուն» անվանումն աբսուրդ է և զավեշտի է հասցնում գաղափարը. Հովհաննիսյան
Միքայել Մինասյան

Նիկոլ Փաշինյանը պատերազմ է հայտարարել Հայ առաքելական եկեղեցուն. Միքայել Մինասյան

26
(Թարմացված է 21:05 12.07.2020)
Միքայել Մինասյանը Facebook-յան տեսաուղերձի միջոցով պատասխանել է իր հետևորդների հարցերին: Անդրադարձ է եղել նաև հայաստանյայց եկեղեցու շուրջ ընթացող զարգացումներին:

ԵՐԵՎԱՆ, 12 հուլիսի - Sputnik. ՀՀ պաշտոնաթող նախագահ Սերժ Սարգսյանի փեսա, Վատիկանում Հայաստանի նախկին դեսպան Միքայել Մինասյանը շարունակում է Facebook-ի իր էջում տեսաուղերձների շարքը։ Այս անգամ նա որոշել էր արդեն բացօթյա պատշգամբից պատասխանել օգտատերերի՝ իրեն ուղղված հարցերին։ Տեսանյութի նկարագրությունում նա ասաց, որ վերջին երկու շաբաթում ստացել է բազմաթիվ հարցեր, որոնց հիմքում մարդկանց նեղացվածությունն ու կասկածն է «Ստի վերջը» շարքի դադարեցման կապակցությամբ:

Պատասխանելով օգտատերերից մեկի՝ հայաստանյայց եկեղեցուն վերաբերող հարցին, Մինասյանը նշեց, որ հետևում է կատարվող իրադարձություններին, և դրանք որակեց որպես «պատերազմ»։

«Նիկոլ Փաշինյանը պատերազմ է հայտարարել Հայ առաքելական եկեղեցուն։ Օգտագործելով արդեն ավելի քան տասը տարիների աշխատանքի արդյունքները, որ Հայ առաքելական եկեղեցու եպիսկոպոսները վատն են, կաշառակեր են և այլն, և օգտվելով մարդկանց՝ երևի թե հաճախ օբյեկտիվ զայրույթից, նա քանդում է եկեղեցին և դա անում է անթաքույց»,- հայտարարեց Մինասյանը՝ հավելելով, որ դա Փաշինյանը հետևողական իրականացնում է «իր պատվիրատուների պատվերը»։

Միքայել Մինասյանը բացատրեց` ինչու է «կուխնուց» ելույթ ունենում. տեսանյութ

Մինասյանի պնդմամբ՝ Փաշինյանը պայքարում է եկեղեցու դեմ, որը շատ լավ գիտի՝ հայ հասարակությունը հենման երեք բևեռ ունի՝ լեզուն, պատմությունն ու հիշողությունը, որի հիմքում եկեղեցին է, ընդ որում՝ կապ չունի՝ հավատացյալ ես, թե ոչ։

Նա ցավով արձանագրեց, որ այդ գործում ՀՀ վարչապետին օգնում են հենց եկեղեցականները, որոնք ձևացնում են, թե դա իրենց չի վերաբերում, թող ուրիշները պայքարեն։ Մինասյանի կարծիքով՝ եկեղեցին պետք է արձագանքի, որովհետև սա ազգային ազատագրական պայքար է, որը պետք է ղեկավարի հենց եկեղեցին։

«Իրենք անթաքույց զբաղված են հայերին ատելով։ Իրենք անթաքույց զբաղված են պետությունն ու հասարակությունը քանդելով։ Իրենք ստեղծում են Նոր Հայաստան։ Այո, այդ մի հարցում նրանք ազնիվ են»,- ընդգծեց Մինասյանը՝ նշելով, որ Նոր Հայաստանում ստեղծվում է նոր հայի տեսակ, որը չպետք է ունենա հայրենիք, որովհետև նոր հայի տեսակը ֆեյսբուքահայաստանն է։

Նշենք, որ հետախուզման մեջ գտնվող Միքայել Մինասյանը՝ իր «Ստի վերջը» խորագրով տեսանյութերից մեկում հայտարարել էր, որ Փաշինյանի կինը` Աննա Հակոբյանն ու նրա եղբայրը՝ Հրաչյա Հակոբյանը, ներգրավված են ծխախոտի մաքսանենգության գործում։

26
թեգերը:
Հայ Առաքելական Եկեղեցի, Եկեղեցի, Միքայել Մինասյան
Ըստ թեմայի
Միքայել Մինասյանի տեղեկությունն անիրական է․ ոստիկանությունը ստուգումներ է կատարել
Միքայել Մինասյանը նոր մեղադրանք ներկայացրեց Նիկոլ Փաշինյանին ու Աննա Հակոբյանին
Միքայել Մինասյանի համակարգչի վերականգնված ֆայլերը կուսումնասիրվեն. մեղադրանքը հիմք է
Միքայել Մինասյանի մեղադրանքն ավելացվել է նոր բացահայտումներով. «Սպայկան» և Ռոզա Ստեփանյանը