Սերժ Սարգսյան, Գեորգի Կուտոյան. արխիվային լուսանկար

Կուտոյանն ուզե՞լ է ընդհատել ուսումը դրսում և միանալ Սերժ Սարգսյանի պաշտպանական թիմին. ԶԼՄ

665
(Թարմացված է 14:53 18.01.2020)
Թերթերն անդրադարձել են ԱԱԾ նախկին ղեկավար Գեորգի Կուտոյանի մահվան թեմային։ Մեկը գրել է, որ Սերժ Սարգսյանը ծանր է տարել այդ լուրը, մյուսն էլ տեղեկացրել է, որ նա Կուտոյանի մասին խոսել է ՀՀԿ–ի գործադիր մարմնի նիստում։

ԵՐԵՎԱՆ, 18 հունվարի–Sputnik. «Հրապարակ» թերթը գրում է, որ ըստ ականատեսների` Գեորգի Կուտոյանի մահվան լուրը ՀՀ 3–րդ նախագահ Սերժ Սարգսյանը ծանր է տարել. ժամեր շարունակ ոչ մեկի հետ չի շփվել, իսկ ՀՀԿ գործադիր մարմնի նիստը բավականին կարճ է տևել։

Sputnik Արմենիայի թղթակցի հետ հեռախոսազրույցում ՀՀԿ խոսնակ Էդուարդ Շարմազանովը չցանկացավ մեկնաբանել թերթի տեղեկությունը և հավելեց, որ Սերժ Սարգսյանը երեկ իր ցավակցական խոսքը և ցավը ներկայացրել է իր պաշտոնական ցավակցական ուղերձում։

Հիշեցնենք, որ ՀՀ երրորդ նախագահ Սերժ Սարգսյանը երեկ տարածած իր ցավակցական ուղերձում նշել էր, որ խորապես ցնցված է ԱԱԾ նախկին ղեկավար Գեորգի Կուտոյանի մահվան լուրով։ «Խոսքերն անզոր են արտահայտելու այն մեծ ողբերգությունը, որը ոչ միայն Գեորգի Կուտոյանի՝ անդառնալի և չափազանց ցավալի կորուստ կրած ընտանիքինն է, այլև բոլոր նրանցը, ովքեր երբևէ ճանաչել են մարդկային և մասնագիտական բարձր որակներ ունեցող, բարեկիրթ և պարկեշտ երիտասարդին և պետական պաշտոնյային»,– նշված էր Սերժ Սարգսյանի ցավակցական ուղերձում։

«Հրապարակը» նաև գրել է, որ Սերժ Սարգսյանը Գեորգիի նկատմամբ հատուկ վերաբերմունք ուներ․ «2016-ին նշանակելով նրան ԱԱԾ տնօրեն՝ ի հակառակ շատ ընդդեմ կարծիքների, մեծ սպասումներ ուներ, կարծում էր՝ նա առաջ կգնա, ՊՊԾ գնդի օպերացիայից հետո հատկապես ավելի էր կապվել հետը։ Այնքան ընկճված էր, որ գործադիր մարմնի նիստն էլ անցավ իմիջիայլոց, չնայած ահագին կարևոր հարցեր կային, այդ թվում և՝ ՍԴ-ի շուրջ ստեղծված իրավիճակը։ Կուտոյանի դեպքը փոխեց ողջ օրակարգը»,- նշել է թերթի ՀՀԿ աղբյուրը:

Արմեն Սարգսյանն արտերկրից ցավակցություն է հղել Գեորգի Կուտոյանի մահվան կապակցությամբ

«168 ժամն» էլ իր հերթին գրել է, որ նիստում Սերժ Սարգսյանը Գեորգի Կուտոյանի մահվան դեպքն անվանել է «շատ տարօրինակ» և նիստի ժամանակ պատմել է, որ երբ Կուտոյանն իմացել է Սերժ Սարգսյանի դեմ հարուցված քրեական գործի մասին, ցանկություն է հայտնել ընդհատել ուսումը, վերադառնալ Հայաստան և դառնալ նրա պաշտպանական թիմի անդամ: Սակայն Ս. Սարգսյանը հորդորել է ավարտել ուսումն ու դրանից հետո վերադառնալ: Թերթը հիշեցրել է, որ հեղափոխությունից հետո Գեորգի Կուտոյանը մեկնել էր Մեծ Բրիտանիա՝ Քեմբրիջի համալսարանում մագիստրոսական կրթություն ստանալու համար։

Նշենք` երեկ ՀՀԿ փոխնախագահ Արմեն Աշոտյանը լրագրողներին հայտնել էր, որ ՀՀԿ գործադիր մարմնի նիստը դեռ վաղուց էր ծրագրված։

Երեկ` հունվարի 17–ին, Երևանի Պարույր Սևակի փողոցի բնակարաններից մեկում հայտնաբերվել էր ԱԱԾ նախկին պետ Գեորգի Կուտոյանի դին՝ հրազենային վնասվածքով։ Կուտոյանի դին հայտնաբերել էր նրա կինը։ ՀՀ ՔԿ Հատուկ կարևոր գործերով քննության գլխավոր վարչության պետ Արթուր Մելիքյանը լրագրողների հետ զրույցում ասել էր, որ ԱԱԾ նախկին տնօրեն Գեորգի Կուտոյանի մարմնի վրա հրազենային վնասվածք է եղել քունքի շրջանում։ «Նրա մահվան դեպքի առնչությամբ հարուցվել է քրեական գործ` ՀՀ քրեական օրենսգրքի 110.1–ին մասով` ինքնասպանության հասցնելը։ Բայց բազմաթիվ վարկածներ է առաջ քաշվելու` կարող է լինի ուղղակի սպանություն կամ սպանություն` քողարկված ինքնասպանությամբ»,–ասել էր Մելիքյանը։

Նրա խոսքով`դեպքի վայրում հայտնաբերվել է GLOCK տեսակի ատրճանակ, որը պարգևատրման կարգով ստացած նրա զենքն է։ Այն Կուտոյանին է նվիրել Վրաստանի անվտանգության ծառայության ղեկավարը։ Մելիքյանը նաև հայտնել էր, որ դեպքի վայրում եղել են բազմաթիվ պարկուճներ ու գնդակներ` երեք տասնյակից ավելի, իսկ պատերին կան վնասվածքներ։ Կուտոյանը 38 տարեկան էր, ամուսնացած էր, ուներ մեկ որդի։ ԱԱԾ տնօրեն էր նշանակվել Սերժ Սարգսյանի օրոք` 2016 թ. փետրվարի 12-ին:

665
թեգերը:
ինքնասպանություն, Սպանություն, Գեորգի Կուտոյան (ԱԱԾ նախկին պետ), Սերժ Սարգսյան
թեմա:
ԱԱԾ նախկին տնօրեն Գեորգի Կուտոյանի մահվան դեպքը (25)
Ըստ թեմայի
«Գեորգի Կուտոյանի դին հայտնաբերել է նրա կինը». Մելիքյան
«Սա վատ նշան է պետության համար». Լարիսա Ալավերդյանը` Գեորգի Կուտոյանի մահվան մասին
«Մի մոռացեք, որ Կուտոյանը ԱԱԾ տնօրեն է եղել հեղափոխության ժամանակ...». քաղտեխնոլոգ
Եվգենյա Մեդվեդևա–Բաբասյան

Եվգենյա Մեդվեդևա–Բաբասյանն իր մասին 5 փաստ է ներկայացրել

53
(Թարմացված է 23:01 23.01.2021)
Մեդվեդևան խոստացել է սոցցանցերում հրապարակել իր փայլուն քարերով զգեստը, հենց այն պատրաստ լինի։

ԵՐԵՎԱՆ, 23 հունվարի – Sputnik. Հայտնի ռուսաստանցի գեղասահորդ Եվգենյա Մեդվեդևա–Բաբասյանը Olympic Channel-ի հետ զրույցում իր մասին հինգ արտասովոր փաստ է ներկայացրել։

Աղջիկն ասել է, օրինակ, որ ընդամենը երկու օր առաջ է կանաչ ձիթապտուղ համտեսել։

​«Առաջին բանը, որ անում եմ առավոտյան՝ ստուգում եմ սոցցանցերը։ Նայում եմ լայքերը, բայց միշտ չէ, որ կարդում եմ մեկնաբանությունները, թեև միևնույնն է` հետևում եմ։ Նաև շանս փորը համբուրելու սովորություն ունեմ։ Կարմիր շրթներկի հետքը մնում է», - ասել է Մեդվեդրան Olympic Channel-ի հետ զրույցում։

Նա նաև խոստովանել է, որ յոթ անգամ դիտել է «Շերկոկ» սերիալը, քանի որ շատ է սիրում այն։

«Ես ու մայրս փայլուն քարերով նկարներ ենք անում։ Դա ասես արվեստի գործ լինի, բայց փայլում է ինչպես գեղասահքի համար նախատեսված զգեստ։ Instagram-ում կհրապարակեմ, երբ պատրաստ լինի»,–հավելել է նա։

Նշենք, որ գեղասահորդուհի Եվգենյա Մեդվեդևան հայկական արմատներ ունի: Աղջիկը 2018 թվականի Օլիմպիական խաղերի արծաթե մեդալակիր է, Աշխարհի կրկնակի չեմպիոն (2016, 2017), Աշխարհի գավաթի (2019) բրոնզե մեդալակիր, Եվրոպայի երկակի չեմպիոն (2016, 2017), Եվրոպայի առաջնության արծաթե մեդալակիր։

«Ատոմային զենք ես». Գոհար Ավետիսյանը փայլել է իր շքեղ կազմվածքով

53
թեգերը:
ինստագրամ, Եվգենյա Մեդվեդևա–Բաբասյան
Ըստ թեմայի
Բաժանում և ոչ միայն. Եվգենյա Մեդվեդևա–Բաբասյանն ասել է`ինչպես է պայքարում դեպրեսիայի դեմ
Եվգենյա Մեդվեդևան նկարել է ճապոնացի ընկերոջը
Մեդվեդևան կփոխի՞ քաղաքացիությունը, կամ ինչպես են հայ մարզիչներն օգնում այլոց գեղասահքում
Արխիվային լուսանկար

Խոշոր ավտովթար Արմավիրում. վիրավորների թվում 5–ամյա և 8–ամյա երեխաներ կան

31
(Թարմացված է 21:44 23.01.2021)
Վթարից տուժածները մարմնական տարբեր վնասվածքներով տեղափոխվել են հիվանդանոց։

ԵՐԵՎԱՆ, 23 հունվարի – Sputnik. Երեկ՝ հունվարի 22-ին, Արմավիրի մարզում տեղի ունեցած խոշոր ավտովթարի հետևանքով 3 անձ է տեղափոխվել հիվանդանոց, այդ թվում` երկու երեխա: Տեղեկությունը հայտնում է shamshyan.com–ը։

«Ժամը 23:30-ի սահմաններում Արմավիրի բնակիչ` 28-ամյա Կարեն Թադևոսյանն իր վարած Opel Vectra մակնիշի ավտոմեքենայով Արմավիր-Երևան ավտոճանապարհի 1-ին կմ հատվածում դուրս է եկել ճանապարհի երթևեկելի գոտուց և գլխիվայր հայտնվել դաշտում: Վթարի հետևանքով ուղևորները` Արմավիրի մարզի բնակիչներ` 31-ամյա Աննա Մանուկյանը, 8-ամյա Դավիթ Մանուկյանը և 5-ամյա Իրինա Մանուկյանը մարմնական վնասվածքներով տեղափոխվել են հիվանդանոց»,–գրում է կայքը:

Երեք տուժածներն էլ տեղափոխվել են «Արմավիր» ԲԿ։ Փաստի առթիվ նյութեր են նախապատրաստվում:

Խոշոր վթար Արմավիրում․ 6 հոգու հիվանդանոց են տեղափոխել

31
թեգերը:
երեխա, Վիրավոր, Արմավիր, ավտովթար
թեմա:
Վթար, պատահար, սպանություն, գողություն
Ըստ թեմայի
Ռուս զինծառայողն արձակուրդում է եղել. մանրամասներ Գյումրու վթարից
Առինջում վթարի է ենթարկվել 58 համարի ավտոբուսը
Ողբերգական վթար Գյումրիում. փրկարարներն այրված մեքենայից ռուս զինծառայողի դի են հանել
Մարիա Զախարովա. արխիվային լուսանկար

«Դա միջամտություն է ներքին գործերին». Մարիա Զախարովան պատասխանել է ԱՄՆ դեսպանատանը

81
(Թարմացված է 23:23 23.01.2021)
Ավելի վաղ Ռուսաստանի ԱԳՆ-ն նույնպես արձագանքել էր ԱՄՆ դեսպանատան հայտարարությանը, նշելով, որ դա կանդրադառնա ռուս-ամերիկյան հարաբերությունների վրա։

ԵՐԵՎԱՆ, 23 հունվարի - Sputnik. Ռուսաստանի ԱԳՆ ներկայացուցիչ Մարիա Զարխարովան պատասխանել է Ռուսաստանում չարտոնված միտինգների վերաբերյալ ԱՄՆ դեսպանատան հայտարարությանը։

«Ահա տեսեք՝ ամերիկյան դեսպանատունը տեղեկություն է հրապարակում։ Սա իսկական միջամտություն է ներքին գործերին», - ասել է Զախարովան «Սոլովյով LIVE»-ի եթերում։

Ավելի վաղ ԱՄՆ դեսպանատունը Ռուսաստանում չարտոնված ակցիաների մասին հաղորդագրությունների ֆոնին հայտարարել էր, որ հետևում է «ռուսական 38 քաղաքներում բողոքի ակցիաների մասին հաղորդագրություններին»։ ԱՄՆ դեսպանատնից ավելացրել էին, որ «սատարում են խաղաղ բողոքի բոլոր մարդկանց իրավունքն ու կարծիք արտահայտելու ազատությունը», իսկ ռուս իշխանության քայլերն, իբրև, «ուղղված են այդ իրավունքը ճնշելուն»։

Մոսկվայում չարտոնված միտինգի ժամանակ 39 ուժայիններ են տուժել

ՌԴ ԱԳՆ-ն արձագանքել է այդ հայտարարությանը, ընդգծելով, որ ծայրահեղական տարրերին սատարելու փորձերը երկկողմանի հարաբերությունների համար բացասական հետևանքներ են ունենալու։ Գերատեսչությունում հիշեցրել են, որ դեսպանատունն առաջին անգամ չէ, որ արհամարհական վերաբերմունք է ցուցադրում դիվանագիտական նորմերի ու կանոնների նկատմամբ ու սոցիալական ցանցերում ակտիվ հաղորդագրություններ է հրապարակում՝ աջակցելով ռուսական քաղաքներում չարտոնված բողոքի ակցիաներին։

Ռուսաստանում քրեական պատիժ կսահմանվի դեռահասներին հանրահավաքներում ներգրավելու համար

81
թեգերը:
Բողոքի ակցիա, դեսպանություն, ԱՄՆ, Ռուսաստան, Մարիա Զախարովա
Ըստ թեմայի
Լավրովն ու Զարիֆը Մոսկվայում կքննարկեն Ղարաբաղի հարցը․ Մարիա Զախարովա
Եռակողմ հայտարարության իրականացման համար համալիր աշխատանք է սպասվում․ Զախարովա
Եթե Բաքուն ու Երևանը ցանկանան․ Զախարովան՝ հայերի ու ադրբեջանցիների երկխոսության մասին