ԵՐԵՎԱՆ, 17 հունվարի – Sputnik. Ամիսներ առաջ մի երիտասարդ սոցիալական ցանցում ծանոթացել է 29-ամյա տղամարդու հետ ու նրա առաջարկով ուղարկել իր մերկ լուսանկարները։
Այս մասին նա պատմել է ոստիկաններին այն բանից հետո, երբ այդ լուսանկարները չհրապարակելու համար նոր «ընկերը» երիտասարդից 190 հազար դրամ է պահանջել։
Ինչպես հայտնում է ՀՀ ոստիկանությունը, դեպքի առթիվ ոստիկանությունում հարուցվել է քրեական գործ, որի նախաքննական ընթացքում իրականացված օպերատիվ-հետախուզական միջոցառումների ու քննչական գործողությունների արդյունքում դրամաշորթը հայտնաբերվել է։
Էրեբունու ոստիկանները հունվարի 16-ին հայտնաբերել ու բերման են ենթարկել 29-ամյա տղամարդուն, որը, պարզվել է`Եղեգնաձորի բնակիչ է։
Կուտոյանի բնակարանում հայտնաբերվել են պարկուճներ և գնդակներ, պատերին` հետքեր
Դրամաշորթության մեջ կասկածվող տղամարդը ձերբակալված է։
Քրեական գործի նախաքննությունը շարունակվում է։
Տաթևիկ Ռևազյանը 6–ամյա Տիգրանին ժպիտ պարգևելու համար մեկ օրով փոխեց մասնագիտությունը
