Մանվել Գրիգորյան

Մանվել Գրիգորյանն ազատվեց կալանքից. նրա կյանքին վտանգ է սպառնում

235
(Թարմացված է 13:30 16.01.2020)
Մանվել Գրիգորյանը կշարունակի մնալ Վերակենդանացման բաժանմունքում։ Բժիշկները չեն բացառում, որ նրա մոտ սրտի կանգ տեղի կունենա։

ԵՐԵՎԱՆ, 15 հունվարի — Sputnik. ԵԿՄ նախկին նախագահ, նախկին պատգամավոր Մանվել Գրիգորյանի նկատմամբ ավելի քան 1.5 տարի առաջ կիրառված կալանքը փոխարինվեց չհեռանալու մասին ստորագրությամբ։

Խափանման միջոցի փոփոխության միջնորդություն ներկայացրել էր դատախազությունը` հանդես գալով այդ հարցով արտահերթ նիստ գումարելու նախաձեռնությամբ։

Արդեն դատական նիստում այդ միջնորդությանը միացան նաև Գրիգորյանի պաշտպանները։

Մեղադրող դատախազը հայտնեց, որ Մանվել Գրիգորյանի վիճակի վատթարացման մասին դատախազությունը «Նաիրի» ԲԿ-ից այսօր գրություն է ստացել, որտեղ մասնավորապես ասված է, որ Գրիգորյանը տառապում է աջ թոքի քաղցկեղով, շաքարային դիաբետի մի շարք բարդացումներով ու այլ ուղեկցող հիվանդություններով։

Իսկ հունվարի 14-ին նրա մոտ տեղի է ունեցել սրտի ռիթմի խանգարում, նրան տեղափոխել են վերակենդանացման բաժանմունք, որտեղ էլ այժմ գտնվում է։ Վիճակը գնահատվել է ծանր։

Մանվել Գրիգորյանը նիստին ներկա չէր։

Ուզում են Նազիկ Ամիրյանի դատավճիռը շուտ կարդալ. պաշտպանը՝ քրգործերն առանձնացնելու մասին

Հիշեցնենք, որ Մանվել Գրիգորյանը մեղադրվում է 6 հոդվածով` ապօրինի զենք-զինամթերք պահելու, ավելի քան 101 միլիոն դրամի գույք յուրացնելու, ավելի քան 1 միլիարդ դրամի հարկերի վճարումից խուսափելու, պետական միջոցներից ավելի քան 1 միլիարդ դրամ վատնելու և շորթմամբ 37 միլիոն դրամ արժողությամբ գույքի հափշտակությունը կազմակերպելու մեջ:

Նրան մեղադրանք է առաջադրվել 2018 թ. հունիսի 19-ին։

2018թ.-ի հունիսի 16-ին կատարված խուզարկություններով, ԱԱԾ–ն Արմավիրի մարզի Արշալույս գյուղի Գրիգորյաններին պատկանող առանձնատներում հայտնաբերել էր 17 606 հատ տարբեր տրամաչափի փամփուշտ, 20 հատ «Փ-1» տեսակի ձեռքի բեկորային մարտական նռնակ, 20 «УЗРГМ-2» տեսակի մարտական պայթուցիչներ, 18 հատ կրակոցներ՝ իրենց բաղկացուցիչ մաս կազմող 13 մեկնարկային վառոդային լիցքերով, հրազեն հանդիսացող 40մմ տրամաչափի «РПГ-7В» տեսակի նռնականետ։

235
թեգերը:
կալանավոր, կալանք, դատապարտյալ, Դատավոր, Դատարան, դատախազ, հիվանդանոց, հիվանդ, Հայաստան, Մանվել Գրիգորյան
թեմա:
Մանվել Գրիգորյանի շուրջ ծավալված իրադարձությունները (228)
Ըստ թեմայի
Նազիկ Ամիրյանի դեմ հարուցված քրգործն առանձնացվեց Մանվել Գրիգորյանի գործից
ՄԻՊ աշխատակիցներն առանձնազրույց են ունեցել Մանվել Գրիգորյանի և նրա փաստաբանների հետ
Մանվել Գրիգորյանի վիճակը լավ չէ. նրան կազատե՞ն կալանքից