Մանվել Գրիգորյանի դատական նիստ. արխիվային լուսանկար

Մանվել Գրիգորյանի խափանման միջոցը փոխելու հարցով արտահերթ նիստ կգումարվի

158
(Թարմացված է 22:13 15.01.2020)
Արտահերթ նիստը Մանվել Գրիգորյանի առողջական վիճակի վատթարացման պատճառով նրա խափանման միջոցը փոփոխելու նպատակահարմարության մասին է։

ԵՐԵՎԱՆ, 15 հունվարի — Sputnik. Երևանի ընդհանուր իրավասության դատարանում այսօր արտահերթ նիստ կգումարվի ԵԿՄ նախկին նախագահ, նախկին պատգամավոր Մանվել Գրիգորյանի խափանման միջոցի քննարկման վերաբերյալ։ Այս լուրը Sputnik Արմենիայի հետ զրույցում հաստատեց ՀՀ գլխավոր դատախազության հանրային կապերի բաժնի պետ Արևիկ Խաչատրյանը։

Նրա խոսքով` նիստը կկայանա այսօր, ժամը 18։00-ին։

«Դատական նիստը հրավիրվել է դատախազության նախաձեռնությամբ՝ քննարկելու Մանվել Գրիգորյանի առողջական վիճակի վատթարացման պատճառով նրա խափանման միջոցը փոփոխելու նպատակահարմարության հարցը»,- ասաց Խաչատրյանը։

Հիշեցնենք, որ Մանվել Գրիգորյանը երեկ` հունվարի 14–ին, տեղափոխվել է վերակենդանացման բաժանմունք։

Գրիգորյանը մեղադրվում է 6 հոդվածով` ապօրինի զենք-զինամթերք պահելու, ավելի քան 101 միլիոն դրամի գույք յուրացնելու, ավելի քան 1 միլիարդ դրամի հարկերի վճարումից խուսափելու, պետական միջոցներից ավելի քան 1 միլիարդ դրամ վատնելու և շորթմամբ 37 միլիոն դրամ արժողությամբ գույքի հափշտակությունը կազմակերպելու մեջ:

Նրան մեղադրանք է առաջադրվել 2018 թ. հունիսի 19-ին։

Ուզում են Նազիկ Ամիրյանի դատավճիռը շուտ կարդալ. պաշտպանը՝ քրգործերն առանձնացնելու մասին

2018թ.-ի հունիսի 16-ին կատարված խուզարկությունների ժամանակ ԱԱԾ–ն Արմավիրի մարզի Արշալույս գյուղի՝ Գրիգորյաններին պատկանող առանձնատներում հայտնաբերել էր 17 606 հատ տարբեր տրամաչափի փամփուշտ, 20 հատ «Փ-1» տեսակի ձեռքի բեկորային մարտական նռնակ, 20 «УЗРГМ-2» տեսակի մարտական պայթուցիչներ, 18 հատ կրակոցներ՝ իրենց բաղկացուցիչ մաս կազմող 13 մեկնարկային վառոդային լիցքերով, հրազեն հանդիսացող 40մմ տրամաչափի «РПГ-7В» տեսակի նռնականետ։

158
թեգերը:
հիվանդ, հիվանդանոց, դատապարտյալ, Դատավոր, Դատարան, Մանվել Գրիգորյան
թեմա:
Մանվել Գրիգորյանի շուրջ ծավալված իրադարձությունները (232)
Ըստ թեմայի
Մանվել Գրիգորյանի մոտ շնչառական անբավարարության նոպա սկսվեց. նա լքեց դատարանի դահլիճը
Մանվել Գրիգորյանը կմնա կալանքի տակ. դատարանը որոշում կայացրեց
Մանվել Գրիգորյանին տեղափոխել են վերակենդանացման բաժանմունք
Արթուր Մեսչյան

Հայկ Մարությանն աշխատանքից ազատել է գլխավոր ճարտարապետին

15
Երևանի քաղաքապետն Արթուր Մեսչյանի հրաժարականի դիմումը բավարարել է արձակուրդում գտնվելու ընթացքում։

ԵՐԵՎԱՆ, 13 օգոստոսի – Sputnik. Երևանի քաղաքապետ Հայկ Մարությանը Երևանի գլխավոր ճարտարապետ Արթուր Մեսչյանին զբաղեցրած պաշտոնից ազատելու որոշում է կայացրել։

Ինչպես նշված է քաղաքապետարանի պաշտոնական կայքում հրապարակված փաստաթղթում, որոշման համար հիմք է ընդունվել Մեսչյանի դիմումը։

«2020 թվականի օգոստոսի 17-ից ազատել Երևան քաղաքի գլխավոր ճարտարապետի պաշտոնից»,– ասված է որոշման մեջ։ Հետաքրքրական է, որ որոշումը Հայկ Մարությանը ստորագրել է օգոստոսի 12-ին, ինչը փոքր–ինչ տարօրինակ է, քանի որ այդ ընթացքում Մարությանը գտնվել է արձակուրդում։

Ինչպես օգոստոսի 11-ին հայտնել էր Երևանի քաղաքապետի խոսնակ Հակոբ Կարապետյանը, Հայկ Մարությանն արձակուրդ էր վերցրել մինչև օգոստոսի 25-ը ներառյալ։

Մեսչյանի հրաժարականի դիմումի մասին Մարությանը հայտարարել էր օգոստոսի 4-ին կայացած մամուլի ասուլիսում`հիշեցնելով, որ Մեսչյանն ի սկզբանե ասել էր, որ գալիս է 2 տարով։

Երգիչ, երգահան, ճարտարապետ Արթուր Մեսչյանը քաղաքապետ Հայկ Մարությանի որոշմամբ Երևանի գլխավոր ճարտարապետ էր նշանակվել 2018թ–ի հոկտեմբերի 23-ին։

Մեսչյանը Երևանի գլխավոր ճարտարապետի պաշտոնում նախկինում աշխատել էր նաև 1996թ–ին` մեկ տարի տևողությամբ։

1997-ին նա պաշտոնից հրաժարվելու դիմում էր ներկայացրել։

15
թեգերը:
Արթուր Մեսչյան, Հայկ Մարության, Հայաստան
Ըստ թեմայի
Հանուն 1 միլիոնի. ինչու է քաղաքապետը «վատամարդ» դառնում Սամվել Ալեքսանյանի և մյուսների մոտ
Երևանի քաղաքապետը պատմեց` որքան գումար է ստանում ու ինչերից է հրաժարվել պաշտոնը ստանձնելով
Աշխատանքից ազատված փոխոստիկանապետն առաջիկայում նոր պաշտոն կստանա՞. «Ժողովուրդ»
Վերացրել ենք սեփականության իրավունքը, տարածքը վերադարձրել համայնքին. Հայկ Մարության
Հրավառություն

Հրավառությունների հարցը կլուծվի՞․Ավինյանը զբաղվում է քաղաքացիներին անհանգստացնող հարցով

8
(Թարմացված է 18:09 13.08.2020)
Բացառությամբ որոշ տոնական օրերին նախորդող ժամանակաշրջանի, հրավառություն ապահովող ապրանքների վաճառքը երկրում սահմանափակ կլինի։

ԵՐԵՎԱՆ, 13 օգոստոսի - Sputnik. Հրավառությունների համար օգտագործվող արտադրանքի ներկրումը և վաճառքը կսահմանափակվի։ Տեղեկությունը գրել է փոխվարչապետ Տիգրան Ավինյանը Facebook-ի իր էջում։

«Ցանկանում եմ նշել, որ համապատասխան գերատեսչությունների հանձնարարվել է նաև քննարկել ու ներկայացնել իրավական ակտերի առաջարկություններ, որոնց միջոցով Հայաստանի Հանրապետության տարածքում հրավառությունների կազմակերպման համար օգտագործվող արտադրանքի ներմուծումն ու վաճառքը հնարավորինս կսահմանափակվի՝ բացառությամբ որոշ տոնական օրերին նախորդող ժամանակաշրջանի», - գրել է փոխվարչապետը։

Նա հիշեցրել է, որ օրեր առաջ համապատասխան գերատեսչություններին հանձնարարել է ուժեղացնել հսկողությունը գիշերային ժամերին հրավառությունների, ՃԵԿ կանոնները չարամտորեն խախտողների, մեքենաների ազդանշանային համակարգերի կիրառման հարցերում։

Նշենք, որ ըստ Հայաստանի վարչական իրավախախտումների օրենսգրքի՝ ժամը 23:00-ից մինչև 07:00-ը լռությունը խախտելը, այսինքն` բարձրաձայն երգելը, երաժշտական գործիքներ նվագելը, ձայնային ազդանշաններ տալը առաջացնում են նախազգուշացում, իսկ հրագործական արտադրատեսակներ օգտագործելն առաջացնում է տուգանքի նշանակում` 100 հազար դրամի չափով։

8
թեգերը:
Հայաստան, Երևան, հրավառություն, Տիգրան Ավինյան
Ըստ թեմայի
Ոստիկանությունը 3 ամսում կվերադարձնի քաղաքացիներից գանձած տուգանքները
Տուգանքը նույնիսկ գյումրեցիներին է ստիպել կարգապահ դառնալ
Դիմակ չկրելու համար տուգանքներն առայժմ չեն բարձրանա. նախագիծը հանվեց