Միհրան Պողոսյան. արխիվային լուսանկար

Քոչարյանի և մյուսների գործով նիստը հետաձգվեց. Խաչատուրովի պաշտպանը դժգոհ է վերաբերմունքից

79
(Թարմացված է 14:24 14.01.2020)
Յուրի Խաչատուրովի պաշտպանը դատարանին ուղղված դիմումում նշել էր, որ սույն գործի ընթացքում դատարանը չի ապահովում մրցակցության սկզբունքը։

ԵՐԵՎԱՆ, 14 հունվարի — Sputnik. ՀՀ երկրորդ նախագահ Ռոբերտ Քոչարյանի և մյուս նախկին պաշտոնյաների գործով այսօրվա դատական նիստը հետաձգվեց, քանի որ ՀԱՊԿ նախկին գլխավոր քարտուղար Յուրի Խաչատուրովի պաշտպան Միհրան Պողոսյանը որոշել էր չներկայանալ նիստին: Երևանի ընդհանուր իրավասության դատարանում ընթացող նիստի ժամանակ այս մասին հայտարարեց դատական նիստը նախագահող դատավոր Աննա Դանիբեկյանը։

Ռոբերտ Քոչարյանի աջակիցը Մարտի 1-ի գործով տուժողին ցուցմունքից հրաժարվելու առաջարկ է արել

«Միհրան Պողոսյանը չի ներկայացել նիստին` նախապես տեղեկացնելով այդ մասին դատարանին։ Իր դիմումի մեջ պաշտպանը նշել է, որ հաշվի առնելով այն հանգամանքը, որ սույն գործի ընթացքում դատարանը չի ապահովում մրցակցության սկզբունքը, դատարանը որևէ գործողություն չի իրականացնում պաշտպանների հասցեին հնչող վիրավորական արտահայտությունների առումով, ուստի նա չի ներկայանալու նիստին»,–ասաց Դանիբեկյանը։

Դատավորը հայտնեց, որ դատարանը, ուսումնասիրելով նախորդ նիստի արձանագրությունը, պաշտպաններին ուղղված որևէ սպառնալիք չի արձանագրել։

Մարտի 1-ին կմիանա հոկտեմբերի 27-ը. ըստ Քոչարյանի` գործը ձգձգում են փաստաբանները

Դատարանը հետաքրքրվեց` արդյո՞ք Խաչատուրովը չի ուզում այլ պաշտպանով փոխարինել Պողոսյանին, սակայն ի պատասխան Խաչատուրովը նշեց, որ իր պաշտպանն իրեն լիովին բավարարում է և նրան փոխել չի ուզում։ 

Աննա Դանիբեկյանը հիշեցրեց, որ պաշտպանի` 3 դատական նիստի չներկայանալու դեպքում դատարանն իրավունք ունի այլ պաշտպան նշանակելու։

ՀՀ երկրորդ նախագահ Ռոբերտ Քոչարյանի պաշտպան Հայկ Ալումյանը հայտնեց, որ կիսում է Միհրան Պողոսյանի կարծիքը, որից հետո դատավորը հայտնեց, որ այսօրվա դատական նիստը կհետաձգվի։ Դատական հաջորդ նիստը տեղի կունենա հունվարի 21-ին, ժամը 13։00–ին։ 

Հիշեցնենք, որ Երևանի ընդհանուր իրավասության դատարանում մեկնարկել էր «Մարտի 1»-ի գործի առանձնացված մասով դատական հերթական նիստը: Գործով անցնում են մի շարք նախկին բարձրաստիճան պաշտոնյաներ, այդ թվում` ՀԱՊԿ նախկին գլխավոր քարտուղար Յուրի Խաչատուրովը: Նրան մեղադրանք է առաջադրվել Քրեական օրենսգրքի 300.1-ին հոդվածի 1-ին մասով (այլ անձանց հետ նախնական համաձայնությամբ Հայաստանի Հանրապետության սահմանադրական կարգը տապալելը):

Ռոբերտ Քոչարյանին նույնպես 2008 թ.–ի մարտի 1-ի բողոքի ակցիաները ցրելու ժամանակ սահմանադրական կարգը տապալելու մեղադրանք է առաջադրվել:

Գևորգ Կոստանյանը «Մարտի 1»-ի գործով որպես մեղադրյալ է ներգրավվել 5 հոդվածով

79
թեգերը:
Ռոբերտ Քոչարյան, Ռոբերտ Մլքեյան, Աննա Դանիբեկյան (դատավոր), Յուրի Խաչատուրով, փաստաբան, Դատավոր, Դատարան, Միհրան Պողոսյան
թեմա:
«Մարտի 1»-ի գործը (285)
Ըստ թեմայի
Մարտի 1-ի գործում նախկին պաշտոնյաների շրջանակն ընդարձակվում է. հայտնի է ևս մեկ անուն
«Մարտի 1»-ի գործով դատապարտված Մուշեղ Սաղաթելյանն արդարացվեց
«Դու ձենդ կտրիր». «Մարտի 1-ի» դատավարությանը փաստաբանն ու դատախազը վիճեցին
Կոստանյան. «Շոու են կազմակերպում, ուզում են Մարտի 1-ի գործի քննության իմիտացիա ցույց տալ»
Արխիվային լուսանկար

Հրդեհ Փանիկ գյուղի տներից մեկում. 2–րդ հարկի 2 սենյակն ու գույքն այրվել են

5
(Թարմացված է 10:17 31.07.2021)
Հրդեհի ահազանգի հետքերով մեկնել են ԱԻՆ ՓԾ մարզային փրկարարական վարչության հրշեջ-փրկարարական ջոկատներից երկու մարտական հաշվարկ։

ԵՐԵՎԱՆ, 31 հուլիսի – Sputnik. Շիրակի մարզի Փանիկ գյուղում հրդեհ է բռնկվել երկհարկանի տանը։ Տեղեկությունը հայտնում է ՀՀ ԱԻՆ մամուլի ծառայությունը։

Հաղորդագրության համաձայն` հուլիսի 30-ին` ժամը 23:34-ին, Շիրակի մարզային ճգնաժամային կառավարման կենտրոն ահազանգ է ստացվել, որ Փանիկ գյուղի փողոցներից մեկում այրվում է տուն:

Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատներից երկու մարտական հաշվարկ։

Հրդեհը մեկուսացվել է հուլիսի 31-ին, ժամը 00:36-ին, մարվել՝ 01:37-ին:

Այրվել են երկհարկանի տան երկրորդ հարկում գտնվող երկու սենյակների (յուրաքանչյուրը՝ մոտ 12 քմ) փայտե հատակը, կահույք, կենցաղային տեխնիկա՝ մասնակի։

Սատկած կենդանիներ, մոխրացած տներ ու անտառներ. հրդեհի ճիրաններում հայտնված Թուրքիան

5
թեգերը:
հրդեհ, ՀՀ արտակարգ իրավիճակների նախարարություն (ԱԻՆ), Շիրակի մարզ, տուն
Ըստ թեմայի
Երևանի Մինսկի փողոցի թիվ 16 շենքի բնակարաններից մեկում հրդեհ է բռնկվել
Երևանի Մոլդովական փողոցի բնակարաններից մեկում հրդեհ է բռնկվել
Հրդեհ` Երևանի բնակարաններից մեկում. կա զոհ
Տիգրան Աբրահամյան

Ընդդիմադիր դաշինքները համաձայնության են եկել պաշտոնների հարցում. անուններ են հայտնի

102
(Թարմացված է 09:52 31.07.2021)
Արդեն որոշված է նաև, թե ում կառաջադրի ընդդիմությունը Ազգային ժողովի փոխնախագահի պաշտոնում։

ԵՐԵՎԱՆ, 31 հուլիսի – Sputnik. Ընդդիմադիր դաշինքները՝ «Հայաստանն» ու «Պատիվ ունեմ»-ը, ԱԺ–ի իրենց հասանելիք պաշտոնների հարցում համաձայնության են եկել։ Այս մասին գրում է «Հրապարակ» թերթը։

Ընդդիմության ԱԺ փոխնախագահի պաշտոնում կառաջադրվի ՀՅԴ-ական Իշխան Սաղաթելյանը, «Պատիվ ունեմ»-ը կաջակցի դրան։

«Դրա դիմաց՝ եթե ընդդիմությանը մշտական հանձնաժողովների 3 նախագահի պաշտոն բաժին ընկնի, մեկը կզիջեն Արթուր Վանեցյանի խմբակցությանը, հնարավոր է՝ առաջադրվի Տիգրան Աբրահամյանը, ում 2 դաշինքում էլ լավ են վերաբերվում»,–գրում է թերթը։

Հանձնաժողովներից մեկի (հավանաբար՝ տնտեսական հարցերի) նախագահ կդառնա դաշինքի 3 ուժերից մեկի՝ «Վերածնվող Հայաստանի» ղեկավար Վահե Հակոբյանը, մյուսի նախագահը կլինի ՀՅԴ-ից։

Նիկոլ Փաշինյանը շնորհավորեց «Հայաստան» և «Պատիվ ունեմ» դաշինքներին

Հավանաբար, կա՛մ տարածքային կառավարման, կա՛մ սոցիալական հարցերի։ Խոսք է գնում ՀՅԴ-ական 2 նախկին մարզպետների մասին՝ Արթուր Խաչատրյանի և Աշոտ Սիմոնյանի:

«Հայաստան» դաշինքը որոշել է վերցնել պատգամավորական մանդատները. հայտարարություն

Հիշեցնենք` հունիսի 20–ին կայացած ԱԺ արտահերթ ընտրությունների ձայների վերջնահաշվարկի արդյունքում «Քաղաքացիական պայմանագիր» կուսակցությունը ստացել էր  658 761 ձայն կամ  ընտրողների ձայների 53.91%–ը, «Հայաստան» դաշինքը ստացել է  269 481 ձայն կամ 21.09%–ը, «Պատիվ ունեմ» դաշինքը  66 650 քվե կամ 5.22%։

Այս երեք ուժերը կձևավորեն ութերորդ  գումարման Ազգային ժողովը։

102
թեգերը:
Տիգրան Աբրահամյան, «Հայաստան» դաշինք, «Պատիվ ունեմ» դաշինք, ԱԺ, Հայաստան
Ըստ թեմայի
«Հայաստան» և «Պատիվ ունեմ» դաշինքները ստեղծված իրավիճակի վերաբերյալ դիրքորոշում են հայտնել
Կքննարկենք ԱԺ փոխնախագահի պաշտոնը «Պատիվ ունեմ» դաշինքին տալու հարցը. Ալեն Սիմոնյան
«Հայաստան» ու «Պատիվ ունեմ» դաշինքները հանդես կգան ԱԺ փոխխոսնակի միասնական թեկնածուով