Председатель Конституционного суда Армении Грайр Товмасян отвечает на вопросы журналистов после проведения обыска СК (24 января 2020). Еревaн

Հրայր Թովմասյանը խոսել է ՀՔԾ այցելելու մասին

66
(Թարմացված է 20:53 05.02.2020)
Սահմանադրական դատարանի նախագահը կուզեր իմանալ, թե ով է ԶԼՄ–ներին տեղեկացրել քննչական գործողությունների մասին։

ԵՐԵՎԱՆ, 13 հունվարի – Sputnik. ՍԴ նախագահ Հրայր Թովմասյանը չի կարող ասել ՝ ինչ քննչական գործողությունների է մասնակցելու։ Հատուկ քննչական ծառայություն այցելելուց հետո նա այս մասին ասել է Tert.am–ին։

«Մի մասը նախաքննության գաղտնիք է, մի մասը՝ պետք չէ ինչ-որ բան ասել: Ես կուզենայի իմանալ, թե ով է ձեզ տեղեկացրել այսօրվա քննչական գործողությունների մասին, որովհետև այս ամբողջը պետք է գաղտնիության պայմաններում լինի»,-ասել է Թովմասյանը:

«Փաստինֆո» կայքն ավելի վաղ հայտնել էր, որ Թովմասյանն այսօր հարցաքննվել է Հատուկ քննչական ծառայությունում։ Պետական կառույցից որևէ մեկնաբանություն չեն տվել, իսկ Հրայր Թովմասյանի պաշտպան Ամրամ Մակինյանը չի մեկնաբանել տեղեկությունը՝վկայակոչելով ՍԴ մասին օրենքը, որը որոշակի արգելք է սահմանում դատավորների մասնակցությամբ կատարվող քննչական գործողությունների մասին տեղեկություն տրամադրելու հարցում։

Հիշեցնենք, որ ՀՀ ՍԴ նախագահ Հրայր Թովմասյանին մեղադրանք է առաջադրվել 2019 թվականի դեկտեմբերի 27-ին՝  ՀՀ քրեական օրենսգրքի 308-րդ հոդվածի 2-րդ մասի հատկանիշներով՝ պաշտոնեական լիազորությունները չարաշահելու համար։ Ընդ որում՝ նրան որպես մեղադրյալ ներգրավելու որոշումը կայացրել էր ՀՀ գլխավոր դատախազը՝ դեկտեմբերի 26-ին, ճիշտ այն նույն օրը, երբ ՀՀ նախագահ Արմեն Սարգսյանը ստորագրեց Սահմանադրական դատարանի դատավորներին վաղաժամ թոշակի ուղարկելու մասին օրենքը։

Մեր գերխնդիրը Հրայր Թովմասյանի հրաժարականը չէ. Արարատ Միրզոյան

 

66
թեգերը:
Հատուկ քննչական ծառայություն (ՀՔԾ), Հրայր Թովմասյան, Հայաստան
թեմա:
ՍԴ նախագահ Հրայր Թովմասյանին պաշտոնանկ անելու գործընթացը (91)
Ըստ թեմայի
ՀՔԾ–ն Հրայր Թովմասյանին հարցաքննելու իրավունք ունի. Սասուն Խաչատրյան
Հրայր Թովմասյանն ու նրա գործընկերները կարող են թոշակի գնալ ու վայելել բյուջեի միլիոնները
Իմ ճանաչած որևէ դատավոր չի գնալու վաղաժամ թոշակի. Հրայր Թովմասյան