Նիկոլ Փաշինյան

Հաջորդ Ամանորը պետք է սկսել պլանավորել արդեն այսօր. Փաշինյանը գոհ է 2019-ից

107
(Թարմացված է 11:39 09.01.2020)
ՀՀ վարչապետը կանխատեսել է, որ 2020թ–ը զբոսաշրջային առումով ավելի լավ տարի է լինելու։ Իսկ դրա համար, ըստ նրա, այն պետք է ծրագրվի նախապես։

ԵՐԵՎԱՆ, 9 հունվարի — Sputnik. 2019թ–ը հաջողված տարի էր, 2018-19թթ–ի ընթացքում հաջողվեց լուծել կարճաժամկետ ծրագրերը։ Կառավարության այս տարվա առաջին նիստն այս հայտարարությամբ սկսեց ՀՀ վարչապետ Նիկոլ Փաշինյանը։

«Եվ 2020թ–ը պետք է մեզ համար արդեն ռազմավարական խնդիրների լուծմամբ ավելի շատ զբաղվելու ժամանակաշրջան դառնա։ Ես կարծում են նաև, որ 2020թ–ը բավականին լավ ենք սկսել, և, ըստ էության, այն նոր կամ նորացված հայեցակարգը, որը մենք առաջարկեցինք ՀՀ քաղաքացիներին և ոչ միայն ՀՀ քաղաքացիներին, արդարացրեց իրեն. Ամանորին, ընդհուպ մինչև հիմա զբոսաշրջիկները տեսանելի էին Երևանի փողոցներում ու ընդհանրապես ՀՀ–ում»,– ասաց Փաշինյանը։

Վարչապետը նշեց, որ տոների ընթացքում Հայաստան ժամանած զբոսաշրջիկների թվերն ամփոփված չեն, բայց վիզուալ պատկերը վկայում է թվի աճի մասին։

Փաշինյանը շեշտեց, որ լավ արդյունքի հասնելու համար հաջորդ Ամանորը պետք է սկսել պլանավորել արդեն այսօր։ Եվ խոսքն, ըստ նրա, ոչ միայն Ամանորի, այլև տարվա ընթացքում բոլոր տոների ու կարևոր իրադարձություների նախապես պլանավորման, մրցութային ընթացակարգերի ու գնումների նախապես նախապատրաստման ու անցկացման մասին է։

Վարչապետը հայտնեց նաև, որ ավանդական դարձած միջոցառումներին ու փառատոներին այս տարի կավելանա ևս մեկը` Յարխուշտայի փառատոնը։

«Մենք բոլորս սպասում ենք, որ 2020թ–ը զբոսաշրջային առումով ավելի լավ տարի է լինելու, և դրա համար կան կոնկրետ ազդակներ դրա մասին մտածելու»,– ասաց նա` հիշեցնելով, որ 2020թ–ից Հայաստանում սկսելու են գործել բյուջետային ավիաընկերությունները, որոնց առաջին չվերթը նախանշված է արդեն հաջորդ շաբաթ։

Բայց զբոսաշրջիկներին Հայաստան բերելու համար այսքանը դեռ բավարար չէ։ Նրանց պետք է նաև բարձր մակարդակով սպասարկել։ Վարչապետը նշեց, որ սպասարկման ոլորտը Հայաստանում բարելավման կարիք ունի։

«Մենք պետք է մտածենք, պարո՛ն Խաչատրյան, թե ինչպես ենք այդ ամենն իրականացնելու։ Տաքսու վարորդներից սկսած, ավարտած մնացած օղակներով, որոնց հետ զբոսաշրջիկներն առնչվում են, մենք պետք է ծրագրեր ունենանք, թե ինչպես ենք շփման որոշակի կուլտուրա սերմանելու և դա սովորական երևույթ դարձնելու համար»,– ասաց վարչապետը` դիմելով ՀՀ Էկոնոմիկայի նախարար Տիգրան Խաչատրյանին։

Այս առումով Փաշինյանը հատկապես շեշտեց Գյումրու օդանավակայանից դեպի Գյումրի կամ Երևան տաքսի ծառայությունների անցանկալի ցածր մակարդակը և ընդհանրապես այն տեսարանները, երբ օդանավակայանից դուրս եկող զբոսաշրջիկը «հարձակման է ենթարկվում» տարբեր ծառայություններ առաջարկող մարդկանց կողմից։

Այս հարցը լուծելու հանձնարարական էլ վարչապետը տվեց ՀՀ տարածքային կառավարման ու ենթակառուցվածքների նախարար Սուրեն Պապիկյանին։

107
թեգերը:
զբոսաշրջություն, տաքսի, Նիկոլ Փաշինյան, Ամանոր, Հայաստան
թեմա:
Նոր տարի (72)
Ըստ թեմայի
Նման բան չկա. Բագրատյանը հերքում է Փաշինյանի գրառումը
«Հիշո՞ւմ եք, որ ԱԺ ամբիոնից հայտարարեցի...». Փաշինյանի կանխատեսումն իրական է դարձել
Փաշինյանի գրառման հետքերով. ինչու չի խոսվում շահումով խաղերի ու առևտրի մասին
Պաշտպանության նախարարն ընդունել է Սասուն Միքայելյանին և ԵԿՄ ներկայացուցիչներին։

Պաշտպանության նախարարն ընդունել է ԵԿՄ պատվիրակությանը՝ Սասուն Միքայելյանի գլխավորությամբ

19
(Թարմացված է 22:31 19.01.2021)
Քննարկվել են ազատամարտիկներին միավորող հասարակական կազմակերպության հետ պաշտպանական գերատեսչության առաջիկա ծրագրերին ու փոխգործակցությանը վերաբերող մի շարք հարցեր:

ԵՐԵՎԱՆ, 19 հունվարի – Sputnik. Հայաստանի պաշտպանության նախարար Վաղարշակ Հարությունյանն ընդունել է Երկրապահ կամավորականների միության վարչության պատվիրակությանը՝ ԵԿՄ վարչության նախագահ Սասուն Միքայելյանի գլխավորությամբ։ Այս մասին տեղեկացնում է ՊՆ կայքը։

Հանդիպման ընթացքում քննարկվել են ազատամարտիկներին միավորող հասարակական կազմակերպության հետ պաշտպանական գերատեսչության առաջիկա ծրագրերին ու փոխգործակցությանը, բանակ-հասարակություն կապերի զարգացմանը վերաբերող մի շարք հարցեր:

ՀՀ պաշտպանության նախարարը վստահություն է հայտնել, որ երկրապահները այսուհետ ևս կշարունակեն իրենց նշանակալի ավանդն ունենալ հայրենիքի պաշտպանությանն առնչվող, ինչպես նաև երիտասարդության հայրենասիրական դաստիարակության գործում:

Հիշեցնենք, որ Սասուն Միքայելյանը Արցախում ոտքերի ու մեջքի հատվածում բեկորային վիրավորումներ է ստացել հոկտեմբերի 19–ին։ Նրան վիրահատել են ՀՀ ՊՆ կենտրոնական կլինիկական զինվորական հոսպիտալում («Մուրացան» հոսպիտալ)։

ՀՀ պաշտպանության նախարարը նոր խորհրդական ունի

19
Ըստ թեմայի
ՌԴ պաշտպանության նախարարությունը պարգևատրել է ՀՀ ԶՈւ մի քանի պաշտոնաթող գնդապետների
ՀՀ պաշտպանության նախարարն այցելել է Գյումրիի ռուսական ռազմակայան
Նախկին ոստիկանապետ Արման Սարգսյանը նոր պաշտոն ունի
Արման Թաթոյան

Դա ընդունելի մոտեցում չէ. Թաթոյանը՝ գերիների թիվը չհրապարակելու պատճառաբանության մասին

14
(Թարմացված է 22:20 19.01.2021)
Ադրբեջանում պահվող հայկական կողմի գերիների թվի հրապարակմամբ առնվազն հնարավորություն կառաջանա զգալիորեն մեծացնել միջազգային ճնշումն Ադրբեջանի նկատմամբ գերիների ազատ արձակման ու վերադարձի հարցով, կբարձրանա Ադրբեջանում պահվող գերիների պաշտպանության աստիճանը։

ԵՐԵՎԱՆ, 19 հունվարի - Sputnik. Ադրբեջանում պահվող հայկական կողմի գերիների վերաբերյալ թվական տվյալներ չհրապարակելը ՀՀ կառավարությունը երեկվա պաշտոնական արձագանքով պատճառաբանել է ընդամենը նշումով այն մասին, որ հարցն ունի «գերզգայուն բնույթ»: Սա ընդունելի մոտեցում չէ: Այս մասին ֆեյսբուքյան էջում հայտարարել է ՀՀ մարդու իրավունքների պաշտպան Արման Թաթոյանը։

Ըստ ՀՀ ՄԻՊ-ի՝ իրավունքի գերակայությունը ենթադրում է հանրային նշանակության ցանկացած տվյալի հրապարակման կանխավարկած. որևէ տվյալի հրապարակում մերժելիս պետությունը պետք է ցույց տա՝ ի՞նչ իրավաչափ շահ է դրանով հետապնդում: Պետության մերժման որոշումը պետք է լինի պատճառաբանված: 

«Իրականում, Ադրբեջանում պահվող հայկական կողմի գերիների թվի հրապարակմամբ առնվազն հնարավորություն կառաջանա զգալիորեն մեծացնել միջազգային ճնշումն Ադրբեջանի նկատմամբ գերիների ազատ արձակման ու վերադարձի հարցով, առաջ կգան Ադրբեջանի նկատմամբ լրացուցիչ պարտավորություններ դնելու հիմքեր, կբարձրանա Ադրբեջանում պահվող գերիների պաշտպանության աստիճանը, հրապարակայնորեն կընդգծվի պետության հարգանքը գերիների ու նրանց ընտանիքների իրավունքների նկատմամբ, հրապարակայնորեն կընդգծվի պետության պատասխանատու վերաբերմունքը հանրային կարևորության այս հարցի նկատմամբ»,-նշված է գրառման մեջ։

Թաթոյանը շեշտել է, որ պետության այդ քայլով կբացառվի կամ էականորեն կնվազեցվի հանրությանը կեղծ տեղեկություններով մոլորեցնելու ու հետևաբար՝ շահարկում իրականացնելու որևէ կողմի փորձ ու հավելել, որ ՀՀ պետական իրավասու մարմինը պետք է հրապարակի հայկական կողմի գերիների այն թիվը, որոնք իր տրամադրության ներքո առկա տվյալների համաձայն կամ իր համոզմամբ՝ ներկայում պահվում են Ադրբեջանում գերության մեջ:

Գերիների վերադարձ և այլ թեմաներ․ Այվազյանն ու Լավրովը հեռախոսազրույց են ունեցել

Հիշեցնենք, որ հունվարի 18-ին փոխվարչապետ Տիգրան Ավինյանի գրասենյակից հայտնել էին, որ Հայաստանում և Ադրբեջանում գտնվող գերիների վերաբերյալ թվական տվյալները խորհրդապահական բնույթի են և ենթակա չեն հրապարակայնացման՝ հաշվի առնելով հարցի գերզգայուն բնույթը:

14
թեգերը:
Ադրբեջան, գերի, Արման Թաթոյան
Ըստ թեմայի
Ինչու չլուծվեց գերիների հարցը. իրավապաշտպանը մատնանշել է խանգարող հանգամանքները և սխալները
Աժ-ում փակ դռների հետևում քննարկել են գերիների վերադարձի հարցը
Ռուսաստանն ուզում է լուծել գերիների հարցը․ Լավրովը մանրամասներ է հայտնել
Սերոբ Անտինյան

Ինչու են պրոֆեսիոնալները խուսափում պետական կառավարման համակարգում պաշտոն ստանձնելուց

0
(Թարմացված է 22:55 19.01.2021)
Հանրային կառավարման փորձագետ Սերոբ Անտինյանը Sputnik Արմենիայի եթերում անդրադարձել է իշխանական թևում իրականացվող կադրային փոփոխություններին և պարզաբանել, թե ինչու են պրոֆեսիոնալ կադրերը խուսափում որևէ պատասխանատու պաշտոնում նշանակվելուց։
Պրոֆեսիոնալները ձեռնպահ են մնում պետական համակարգում պաշտոն ստանձնելուց. Սերոբ Անտինյանը մեկնաբանում է` ինչու

Հանրային կառավարման տեսանկյունից հաճախակի պաշտոնանկություններն ու նշանակումները հատկապես քաղաքական և հայեցողական բարձր պաշտոններում, մեղմ ասած, ողջունելի չեն։ Սա խոսում է ներկայիս կառավարման համակարգի լրջագույն խնդիրների մասին։ Sputnik Արմենիայի հետ զրույցում նման կարծիք հայտնեց կառավարման փորձագետ Սերոբ Անտինյանը` մեկնաբանելով վերջին շրջանում պետական կառավարման համակարգում իրականացվող փոփոխությունները, երբ իշխող թիմի ներկայացուցիչների պաշտոնանկությանը հաջորդում է նրանց մեկ այլ պաշտոնում նշանակելու հրամանը։

«Մեր պետության համար տեղի է ունեցել պետական մասշտաբի աղետ` պատերազմ` պարտության ելքով։ Սա բնականաբար անդրադարձել է պետական կառավարման համակարգի վրա, և այն հայտնվել է լրջագույն ճգնաժամի մեջ»,- ասաց նա։

Լրջագույն ճգնաժամին զուգահեռ իշխող քաղաքական թիմում  նաև կադրային խնդիրներ կան. պրոֆեսիոնալների բացակայությունն ու վստահելի անձանց պակասը միախառնվել են, և ստեղծվել է մի իրավիճակ, որը հաղթահարելու ելքը գործող իշխանությունը տեսնում է միևնույն պաշտոնյային մեկ այլ պաշտոնի նշանակելու մեջ։

Այն, որ պատասխանատու պաշտոններում ոլորտային նեղ մասնագիտացումը պարտադիր է, դրա մասին անգամ խոսք լինել չի կարող, սակայն վերջին շրջանում մենք ականատես ենք լինում նաև քաղաքական կամ հայեցողական պաշտոններում, որոնք այդքան էլ մասնագիտական փորձառություն չեն պահանջում, տևական ժամանակ թափուր հաստիքների առկայությանը։

Պետական կառավարման համակարգը պետության ու պետականության ողնաշարն է և, ըստ Անտինյանի, այն պետք է անխափան աշխատի, նույնիսկ եթե երկիրը քաղաքական ցնցումների փուլում է։

Նա հիշեցնում է ոչ վաղ անցյալում մեր երկրում իրականացված թավշյա հեղափոխության օրինակը, երբ տեղի ունեցան քաղաքական խորքային գործընթացներ, սակայն կառավարման համակարգը կոլապսի առաջ չհայտնվեց։

«Այժմ համակարգը տևական տուրբուլենտության մեջ է։ Այն նաև իր պատճառներն ունի։ Վերջին տարիներին, այսպես կոչված, բարեփոխումների, օպտիմալացումների հետևանքով իրական մասնագետները դուրս մնացին, և համակարգը բախվեց մեկ այլ խնդրի, այն համալրվեց ոչ կոմպետենտ կադրերով. հատկապես բարձրաստիճան պաշտոնատար անձանց մասին է խոսքը, որոնք չէին տիրապետում ոլորտներին և ընդհանրապես պետական կառավարման համակարգում աշխատանքի փորձ չունեին»,- նշեց Անտինյանը։

Նրա խոսքով`օրենքների և ենթաօրենսդրական ակտերի չիմացությունը, փաստաթղթաշրջանառության հետ կապված խնդիրները, մասնագիտական գիտելիքների, կառավարչական տարրական հմտությունների և կարողությունների բացակայությունը խիստ բացասական հետագիծ են թողել համակարգի վրա, որի  մաս է կազմում նաև արտաքին քաղաքական ոլորտը, իսկ արտաքին քաղաքական առումով բազմաթիվ հարցեր անպատասխան են մնում։

Էդուարդ Աղաջանյանն ազատվեց պաշտոնից, նրան կփոխարինի Արսեն Թորոսյանը

«Մենք սահմանե՞լ ենք մեր անելիքները ԵԱՀԿ Մինսկի խմբի վերակենդանացման հարցում, Արցախի միջազգային ճանաչման հարց կա՞ օրակարգում, այս առումով որևէ բան արվու՞մ է, Պոպովի հայտարարության և Լավրովի ասուլիսի հետ կապված ի՞նչ արձագանքներ են հնչել պաշտոնական խողովակներից և, վերջապես, փետրվարին Թուրքիան Ադրբեջանի հետ լայնամասշտաբ զորավարժություններ է նախատեսում, մեր ռազմաքաղաքական ղեկավարությունն այս առումով ասելիք ունի՞»,- շեշտում է փորձագետը։

Անտինյանի դիտարկմամբ`անգամ ստեղծված իրավիճակում ամեն ինչ դեռ կորած չէ, պարզապես պետք է ամեն ինչ անել երկրում առկա քաղաքական ճգնաժամը օր առաջ վերացնելու և ներքաղաքական իրավիճակը կայունացնելու համար։

Նա համոզված է, որ մեր երկրում կան իրենց ոլորտներում պրոֆեսիոնալ մասնագետներ, որոնք քաղաքական անկայունության պայմաններում չեն ձգտում որևէ պաշտոն ստանձնել ու գերադասում են սպասել։

0
թեգերը:
փորձագետ, պաշտոն, Իշխանություն
Ըստ թեմայի
Շիրակի մարզպետ Տիգրան Պետրոսյանը պաշտոնից ազատման դիմում է ներկայացրել
Կաշառք, խաբեություն, և սա դեռ ամենը չէ. Վերմիշյանի անհավանական արկածները նախկին պաշտոնում
Պատճառ չկա, որ Հայաստանի պաշտոնյաները չայցելեն Ղարաբաղ. Լավրով