Նիկոլ Փաշինյան. արխիվային լուսանկար

«Հիշո՞ւմ եք, որ ԱԺ ամբիոնից հայտարարեցի...». Փաշինյանի կանխատեսումն իրական է դարձել

235
(Թարմացված է 11:05 07.01.2020)
Արժույթի միջազգային հիմնադրամի տվյալներով՝ Հայաստանն առաջ է անցել Վրաստանից։ Փաշինյանը վստահ է, որ Հայաստանը հաջորդ տարի առաջ կանցնի նաև Ադրբեջանից։

ԵՐԵՎԱՆ, 6 հունվարի — Sputnik. 2019 թվականի արդյունքներով՝ 1 շնչին ընկնող ՀՆԱ-ի ցուցանիշով Հայաստանը դարձել է Հարավային Կովկասի առաջատար երկիրը։ Այս մասին ՀՀ վարչապետ Նիկոլ Փաշինյանը գրառում է կատարել Facebook-ի իր պաշտոնական էջում` նշելով, որ Հայաստանն այդ ցուցանիշին հասել է` առաջ անցնելով հարևան Վրաստանից և Ադրբեջանից: 

«Ժողովուրդ ջան, հիշո՞ւմ եք, որ ԱԺ ամբիոնից հայտարարեցի, որ 2019 թվականի արդյունքներով՝ 1 շնչին ընկնող ՀՆԱ-ի ցուցանիշով կանցնենք Վրաստանին, իսկ 2020 թվականի արդյունքներով՝ նաև Ադրբեջանին»,- նշված է գրառման մեջ: 

Որպես ասվածի ապացույց` Փաշինյանը կից ներկայացրել է Արժույթի միջազգային հիմնադրամի պաշտոնական կայքի հղումը։ Արձանագրված տվյալները պաշտոնապես հրապարակել է հիմնադրամը։

Ավելի ուշ Փաշինյանը խմբագրեց գրածը` նշելով, որ իր գրառման նախորդ վարկածն անճշտություն էր պարունակում։

«Արժույթի միջազգային հիմնադրամը պաշտոնապես հաստատել է այս գնահատականը. 2019 թվականի արդյունքներով անցել ենք Վրաստանին, 2020 թվականին կանցնենք Ադրբեջանին՝ դառնալով Հարավային Կովկասի առաջատար երկիրը։ Հ.Գ. Գրառման նախորդ վարկածը անճշտություն էր պարունակում, ինչի համար ներողություն եմ խնդրում: Ըստ ամենայնի՝ Ադրբեջանին դեռ չենք անցնել, բայց ամենաուշը տարվա վերջին կանցնենք: Իրար հետ: Դուխով»,– գրեց նա

Հիշեցնենք, որ նախորդ տարվա դեկտեմբերի սկզբին ԱԺ–ում 2020թ.–ի բյուջեի նախագծի քննարկման ժամանակ ՀՀ վարչապետ Նիկոլ Փաշինյանն անդրադարձել էր Հայաստանում 1 շնչին բաժին ընկնող ՀՆԱ–ի ցուցանիշին։ 

«Այս սանդղակում Հայաստանը եթե ոչ միշտ, առնվազն վերջին տասնամյակներում եղել է վերջինը։ 2020թ.–ին Հայաստանի Հանրապետությունը լինելու է առաջինը»,– ասել էր Փաշինյանը։

Հակոբյան. «Որտեղի՞ց են թվերը, որոնք Փաշինյանը պարբերաբար ներկայացնում է հանրությանը»

Վիճակագրական կոմիտեի հրապարակած տվյալներով` 2019 թվականի երրորդ եռամսյակում ՀՀ բնակչության մեկ շնչին բաժին ընկնող ՀՆԱ-ն կազմել է 616 220 հազար դրամ, որը համարժեք է շուրջ 1312 ԱՄՆ դոլարի։

235
թեգերը:
ՀՆԱ (համախառը ներքին արդյունք), Վրաստանի Հանրապետություն, Ադրբեջան, Հայաստան, Նիկոլ Փաշինյան
Ըստ թեմայի
«Եվ այսպես...». Փաշինյանը տնտեսության ոլորտում դրական փոփոխության նոր թվեր է հրապարակել
Մենաշնորհների հաղթահարման շնորհիվ գները նույնիսկ նվազել են. Փաշինյանը թվեր ներկայացրեց
Քանի աշխատատեղ է ստվերից դուրս եկել. Նիկոլ Փաշինյանը նոր թվեր է հրապարակել
Մարգարյան. «Ամբողջ հարցն այն է, թե ինչ կա Փաշինյանի ներկայացրած թվերի հետևում»
Հայ–թուրքական սահման

«Մենք դատապարտված ենք հարևանության. միակ ուղին երկխոսությունն է». թուրքահայ հոդվածագիր

84
(Թարմացված է 21:19 19.01.2021)
Սևան Դեյիրմենճյանի հետ մենք զրուցել ենք Հրանտ Դինքի սպանության տարելիցի առթիվ, անդրադարձել նաև Արցախի պատերազմի ընթացքում և հետո թուրքահայ համայնքի կյանքին, թուրք ազգայնականների հետ առկա լարվածությանը և ազգերի միջև երկխոսություն ստեղծելու կարևորությանը։

ԵՐԵՎԱՆ, 19 հունվարի – Sputnik. Հրանտ Դինքն անում էր ամենադժվարը` պատերազմի կոչերի մեջ խոսում էր խաղաղության և երկխոսության մասին։ Ստամբուլում բնակվող թուրքահայ հոդվածագիր, «Ակօս» շաբաթաթերթի սյունակագիր, Թուրքիայի խորհրդարանի պատգամավոր Կարո Փայլանի խորհրդական Սևան Դեյիրմենճյանը Sputnik Արմենիայի հետ զրույցում այսպես բնորոշեց Դինքի կերպարը։ 14 տարի առաջ այս օրը «Ակօսի» հիմնադիր և գլխավոր խմբագիր Հրանտ Դինքը սպանվեց իր խմբագրատան դիմաց։

«Երբ քո շուրջը բոլորը պատերազմի կոչեր են հնչեցնում, շատ բարդ է խոսել խաղաղության և երկխոսության մասին, բայց մեկը պիտի լինի, որ դրա մասին խոսի և նման երկխոսություն ստեղծի։ Հրանտ Դինքը իր կյանքով, նաև մահով ցույց տվեց, թե որքան կարևոր է հաստատել այդ երկխոսությունը։ Երկխոսություն` նշանակում է զրուցակցի դերի մեջ մտնել, նայել մեզ նրա աչքերով։ Դինքը դուր չէր գալիս նաև շատ հայերի, քանի որ կոչ էր անում խոսել թուրքերի հետ, ասում էի` ինչպես մենք ցավ ունենք, թերևս նրանք էլ ունեն», – ասաց Դեյիրմենճյանը։

Նա նշեց, որ Հրանտ Դինքի գաղափարները հատկապես կիրառելի են Արցախի պատերազմից հետո, որքան էլ դրանք բարդ է իրականացնել։

«Հայաստանը նոր է պատերազմից դուրս եկել։ Բարդ է կոչ անել հայ հանրությանը խոսել ադրբեջանցի հանրության հետ. երկու կողմերն էլ զոհեր են տվել։ Բայց մենք անխուսափելիորեն դատապարտված ենք հարևանության, մենք պարտավոր չենք սիրել իրար, բայց մենք պարտավոր ենք գտնել իրար հետ ապրելու, համակեցության ուղիները։ Ուրիշ ճանապարհ չունենք, ուղղակի չունենք։ Մենք երկխոսություն պետք է սովորենք, բարդը սա է, և այդ բարդը պետք է անենք հանուն Հայաստանի, հանուն մեր երկրների ու հանրությունների առողջացման»,–ասաց հոդվածագիրը։

Նա հաստատեց, որ արցախյան պատերազմի շրջանը շատ բարդ էր թուրքահայ համայնքի համար։ Թեև որոշ թուրք պաշտոնյաներ ու գործիչներ նշում էին, որ խնդիր չունեն հայ համայնքի, իրենց խոսքով` «մեր հայերի» հետ, բայց թուրքահայերն օբյեկտիվորեն անհանգիստ էին։

«Հայերը խռովքի մեջ էին, հանգիստ չէին, մտածում էին` արդյո՞ք հարձակում կլինի, սպառնալիք կլինի։ Պատերազմի օրերին Ստամբուլի Գում Գափի թաղամասով, որտեղ հայկական պատրիարքարանն է և շատ հայաստանցիներ են ապրում, շքերթ անցավ Ադրբեջանի ու Թուրքիայի դրոշներով։ Նրանք անցան Հրանտ Դինքի հիշատակման վայրով, Ակօսի նախկին խմբագրատան մոտով։ Սրանք բոլորն անհանգստացնող դեպքեր էին, բայց որևէ շոշափելի հարձակում հայերի հանդեպ չեղավ, ամեն ինչ մնաց վերացական։ Սակայն դա նորից ցույց տվեց, որ թուրքահայ համայնքը, փոքրամասնությունները որքան հեշտ կարող են հայտնվել նման ազգայնականների թիրախում։ Նրանք վտանգված են` եթե անգամ խոսեն, ասեն իրենց կարծիքը, իրերը կոչեն իրենց անունով», – ասաց նա։

Տնտեսական կապերի ապաշրջափակումը «թոզփչոցի» է. տնտեսագետը զգուշացնում է վտանգների մասին

Պատերազմի օրերին Ստամբուլի հայկական հաստատությունների` դպրոցների, եկեղեցիների, խմբագրությունների մոտ հերթապահում էին ներքին գործերի և ոստիկանության աշխատակիցները։ Նրանք տրամադրված էին պետության կողմից` ապահովության համար։ Հայկական հաստատությունների դեմ հարձակումներ տեղի չունեցան։

«Անշուշտ, Թուրքիայի անմիջական մասնակցությունը պատերազմին` քանդեց այն բոլոր ձեռքբերումները երկխոսություն ստեղծելու հարցում, որ կային։ Բայց կարծում եմ` հանրությունը կգտնի իրար հետ խոսելու ճանապարհը։ Գործարարները կգտնեն, գրողները կգտնեն, հանրային գործիչները կգտնեն», – ասաց նա։

Սևան Դեյիրմենճյանն անդրադարձավ նաև օրեր առաջ` հունվարի սկզբին, Հրանտ Դինքի սպանության գործով երկու նոր մեղավորների ներգրավվածությանը` ասելով, որ նրա սպանության հետևում կանգնած իրական մեղավորները դեռ պատժված չեն։

«Սա չի կարելի գործի առաջընթաց որակել, քանի որ 14 տարի դատավարության քաղաքականությունը ձգձգելու և ոչ թե լուծման հանգեցնելու մեջ է։ Շատ է եղել այդպես, որ մարդիկ են բերման ենթարկվել, հետո ազատ արձակվել, բայց երբեք գործի հետևում կանգնած բուն դերակատարները իրենց պատիժը չեն ստացել, նման ձերբակալությունները «աչքին թոզ փչելու» համար են», – ասաց նա։

Հոդվածագիրը նաև վստահեցրեց, որ թեև իր անունից է խոսում, բայց իր նման մտածող մարդիկ թուրքահայ համայնքում շատ կան։

Սևան Դեյիրմենճյան

Նշենք, որ ամեն տարի Հրանտ Դինքի սպանության տարելիցի օրը կատարվում են ոգեկոչման միջոցառումներ։ Այս տարի կորոնավիրուսային իրավիճակով պայմանավորված` միջոցառումներից շատերը կատարվում են առցանց։ Ավանդական միջոցառումների շարքում է Հրանտ Դինքի հիմնադրամի կողմից ձեռնարկված հիշատակի միջոցառումը Դինքի սպանության վայրում, նրա սպանության ժամին` երեք անց հինգ։

Հիշեցնենք` Հրանտ Դինքը 2007 թվականի հունվարի 19–ին սպանվել է թուրք ազգայնամոլ ծայրահեղականների կողմից։ Նրա սպանության քրգործով անցնող 76 մեղադրյալի թվում կան մի շարք նախկին բարձրաստիճան պաշտոնյաներ` Ստամբուլի անվտանգության նախկին պետ Ջելալէթթին Ջերահը, Ստամբուլի հետախուզության բաժնի նախկին տնօրեն Ահմեթ Իլհան Գյուլերը, անվտանգության գլխավոր վարչության հետախուզության բաժնի նախկին տնօրեններից Ռամազան Աքյուրեքը, Սաբրի Ուզունը, Էրգին Դինչ, Տրապիզոնի ժանդարմերիայի հրամանատար, գնդապետ Ալի Օզը և այլք։

Սակայն վերջիններից ոչ մեկը ճաղերի հետևում չէ։

Ծակ կոշիկներով հարուստը. ինչպե՞ս են հիշում Հրանտ Դինքին

84
թեգերը:
Սևան Դեյիրմենճյան, Հրանտ Դինք, Թուրք, հայ
Ձմեռը Երևանում

Հայաստանի մեծ մասում ձյուն է տեղում. կան փակ ու դժվարանցանելի ճանապարհներ

75
(Թարմացված է 20:33 19.01.2021)
Ստեփանծմինդա–Լարս ավտոճանապարհը ձնահյուսի վտանգի պատճառով փակ է բոլոր տիպի տրանսպորտային միջոցների համար, 730 բեռնատար է կուտակվել։

ԵՐԵՎԱՆ, 19 հունվարի – Sputnik. Հայաստանի տարածքում կան փակ ավտոճանապարհներ, հայտնում է Հայաստանի արտակարգ իրավիճակների նախարարությունը։

Փակ են Արագածոտնի մարզում «Ամբերդ» բարձր լեռնային օդերևութաբանական կայանից դեպի Ամբերդ ամրոց և դեպի Քարի լիճ տանող ավտոճանապարհները, Վարդենյաց լեռնանցքը։ Բեռնատարների համար փակ են Տավուշի մարզի Նոյեմբերյան-Ջուջևան ավտոճանապարհը և Դիլիջանի ոլորանները։

Դժվարանցանելի են Կոտայքի մարզի Աբովյան քաղաքի ավտոճանապարհները, Երևան-Սևան ավտոճանապարհի 13-27-րդ կմ-երը, Գեղարքունիքի մարզի բոլոր ճանապարհները, Սյունիքի մարզի Սիսիան-Զանգեր կոչվող հատվածը։

Արագածոտնի, Արարատի, Սյունիքի, Կոտայքի, Վայոց ձորի, Գեղարքունիքի, Տավուշի, Լոռու, Շիրակի մարզերում, Սարավան-Զանգեր կոչվող հատվածում տեղում է ձյուն, առկա է մերկասառույց և մառախուղ։

Հաղորդագրությունում նշվում է նաև, որ Ստեփանծմինդա-Լարս ավտոճանապարհը ձնահյուսի վտանգի պատճառով փակ է բոլոր տիպի տրանսպորտային միջոցների համար։ Ռուսական կողմում կա կուտակված 730 բեռնատար ավտոմեքենա: 

Սպասվում է ձյուն, բուք, ճանապարհներին՝ մերկասառույց. եղանակի տեսություն

75
թեգերը:
Հայաստան, ձմեռ, Ճանապարհ
Ըստ թեմայի
Առանց երգ ու պարի, բայց Ձմեռ պապով․ Ամանորին հայաստանյան հանգստավայրերում ազատ տեղ չկա
«Ասաց՝ մամ, ծաղկեպսակը դու սարքի». Եռաբլուրում ծաղիկները ձյունից շատ էին ու անիմաստ թանկ
Բելգիայում ծերանոցի 18 բնակիչ է մահացել կորոնավիրուսով հիվանդ Ձմեռ պապի այցից հետո
Ստեփան Դանիելյան

Երկրում փոփոխություններին առնչվող հայտարարությունները վերածվել են անհեթեթության. քաղաքագետ

0
(Թարմացված է 21:14 19.01.2021)
Քաղաքագետ Ստեփան Դանիելյանը Sputnik Արմենիայի եթերում անդրադարձել է այն հարցին, որ արցախյան նախորդ պատերազմի մասնակից քաղաքական հայտնի գործիչների ու նախկին պաշտոնյաների դատավարությունը շարունակվում է։
Ստեփան Դանիելյան. «2,5 տարի մենք փաստացի լսել ենք դատարկ խոսքեր ու կարգախոսներ»

Ստեփան Դանիելյանի դիտարկմամբ` գործող իշխանությունը դատական գործընթացով հայտնվել է շատ ծանր իրավիճակում, որովհետև 2018 թվականից ի վեր նրա հիմնական դիսկուրսը հին ու նոր Հայաստանն էր, և քանի որ հին Հայաստանը հայտարարվել էր ահավոր կոռումպացված, բազմաթիվ մեղքերի մեջ խրված, որոնցից հիմնականը մարտի մեկի գործն էր, իսկ երկրում 2,5 տարվա ընթացքում իրական փոփոխություններ տեղի չունեցան և ամեն ինչ ավարտվեց արցախյան պատերազմում կրած պարտությամբ, հետևաբար հիշյալ դատական գործընթացը քաղաքական իմաստով կորցրել է իր բովանդակությունը։ 

«Բայց քանի որ դատական պրոցեսը շարունակվում է և այն կանգնեցնել հնարավոր չէ, ուստի այժմ այն կրում է ֆարսի բնույթ և կարող է մյուս կողմից ունենալ հակառակ ազդեցություն, որովհետև այդ պրոցեսը կարող է շարունակվել նաև իշխանափոխությունից հետո, իսկ այդ ժամանակ դատական գործընթացի բնույթը կփոխվի, ի հայտ կգան նոր հանգամանքներ, ու քանի որ գործող վարչապետը կարևոր դեմք էր այդ դատական պրոցեսում, ապա ավարտը կարող է շատ վատ լինել հենց Փաշինյանի համար»,– նշեց քաղաքագետը։ 

Դանիելյանի կարծիքով` 2,5 տարի մենք փաստացի լսել ենք դատարկ խոսքեր ու կարգախոսներ, և եթե առաջ որոշ մարդիկ հավատում էին, որ երկրում պետք է լինեն ինչ–որ փոփոխություններ, ապա դրանց առնչվող հայտարարություններն այժմ վերածվել են անհեթեթության։ Ըստ նրա` քանի որ Փաշինյանը դեռ մնում է վարչապետ, բայց երկար չի պաշտոնավարի, ուստի նրա խոսքերին էլ պետք է վերաբերվել նույն կերպ` որպես դատարկաբանության։   

Պետական կառավարման համակարգը շոկի մեջ է, ռեստարտի կարիք կա. Նիկոլ Փաշինյան

Քաղաքագետի համոզմամբ` Հայաստանի ներքաղաքական կյանքում ընթանում է ճահճացման գործընթաց, ինչի համար մեղավոր են նաև ընդդիմադիր կուսակցությունները, քանի որ չեն բացվում հասարակության առաջ, չեն ներկայացնում իրենց ապագա ծրագրերը, հանրային համերաշխության բանաձևերը, տնտեսական կարևոր հարցերի պատասխաններն ու ապագա կառավարության կազմը, և այդ անորոշության պատճառով է, որ հասարակությունն ակտիվություն չի ցուցաբերում։     

Վազգեն Մանուկյանը ճիշտ արե՞ց, որ մարզեր գնաց. Արմեն Բադալյանի տեսակետը

0
թեգերը:
Իշխանություն, ընդդիմություն, քաղաքագետ, Ստեփան Դանիելյան
Ըստ թեմայի
Հայաստանը կարող է դառնալ տարածաշրջանի դուռը. Դանիելյանը`ապաշրջափակման մասին
Արևմուտքի ծրագիրը չաշխատեց, որովհետև տարածաշրջան մտան ռուս խաղաղապահները. Ստեփան Դանիելյան
Ատելության մթնոլորտը պահպանվում է, պառակտումը` խորանում. քաղաքագետն ամփոփում է տարին