Սերժ Սարգսյանն ու Գագիկ Խաչատրյանը

2019–ի քրեական քրոնիկոնը. Սերժ Սարգսյանի դեմ քրգործից մինչև Հրայր Թովմասյան

454
(Թարմացված է 19:52 03.01.2020)
Նախորդ տարի ձերբակալությունների և քրեական գործերի պակաս չզգացվեց. աղմկոտ մի գործը հաջորդեց մյուսին։ Sputnik Արմենիան առանձնացրել է 2019–ին հարուցված ամենաաղմկոտ 18 քրեական գործերը։

ԵՐԵՎԱՆ, 3 հունվարի – Sputnik. Իրավական ոլորտի համար 2019-ը բավական բուռն էր. մարդիկ «չէին հասցնում» հայտնի դեմքերից մեկի դեմ հարուցված քրեական գործը քննարկել, երբ պարզ էր դառնում, որ քրգործ է հարուցվել հասարակությանը հայտնի մեկ ուրիշ գործչի հանդեպ։ Sputnik Արմենիան ներկայացնում է նախորդ տարվա ամենաաղմկահարույց քրեական գործերը։

Սեդրակ Քոչարյան

2019–ի փետրվարի 19–ին ԱԱԾ–ն քրգործ հարուցեց ՀՀ երկրորդ նախագահ Ռոբերտ Քոչարյանի որդու` Սեդրակ Քոչարյանի դեմ։ Նրան մեղադրանք առաջադրվեց առանձնապես խոշոր չափերով հարկ չվճարելու և առանձնապես խոշոր չափերով հանցավոր ճանապարհով ստացված եկամուտներն օրինականացնելու համար։ Ս. Քոչարյանը, սակայն, բողոք ներկայացրեց դատարան` հայտնելով, որ խախտվել է իր անմեղության կանխավարկածը, քանի որ ԱԱԾ–ն ի սկզբանե հաղորդագրություն էր տարածել «Սեդրակ Քոչարյանի վերաբերյալ քրեական գործով հաղորդագրություն» վերնագրով։

Ապրիլի 5-ին Երևանի ընդհանուր իրավասության դատարանը որոշեց, որ ԱԱԾ-ն խախտել է նրա անմեղության կանխավարկածը։ Դատախազությունը բողոքարկեց այս որոշումը, սակայն սեպտեմբերի 2–ին Վերաքննիչ քրեական դատարանը մերժեց դատախազության բողոքը։ Սեդրակ Քոչարյանի դեմ հարուցված քրգործը դեռ քննվում է։

Седрак Кочарян в зале суда перед началом заседания по делу 1 марта (18 мая 2019). Еревaн
© Sputnik / Aram Nersesyan
Սեդրակ Քոչարյան

Հրազդանի նախկին քաղաքապետ Արամ Դանիելյան

ՀՀ Քննչական կոմիտեն փետրվարի 26–ին հայտնեց Հրազդանի նախկին քաղաքապետ Արամ Դանիելյանին ձերբակալելու մասին։ Նրան մեղադրանք էր առաջադրվել յուրացման կամ վատնման համար։ Նա 2015-2018թթ. ընթացքում համայնքապետարանի աշխատակազմի հողի հարկի և գույքահարկի գումարներից առանձնապես խոշոր չափերի յուրացումներ և վատնումներ էր կատարել։

Մարտի 1–ին հայտնի դարձավ, որ Դանիելյանն ընդունել է մեղքը, վերականգնել պետությանը պատճառված ամբողջ վնասը և ազատվել արգելանքից:

Арам Даниелян
Արամ Դանիելյան

Փաշինյանի մտերիմ ազգական

Ապրիլի 5–ին ՀՀ վարչապետ Նիկոլ Փաշինյանը Facebook սոցիալական ցանցի իր էջում գրեց, որ իր ցուցումով քրգործ է հարուցվել մերձավոր ազգականներից մեկի ենթադրյալ չարաշահման փաստով։ Ավելի ուշ հայտնի դարձավ, որ Փաշինյանի ազգականի (նա, ըստ մամուլի, վարչապետի մորեղբոր որդին է)` Մամիկոն Հովհաննիսյանի դեմ քրգործ է հարուցվել` բուհի դիպլոմը կեղծելու փաստով։ Օգոստոսի 30–ին դատարանը որոշեց նրան մեղավոր ճանաչել ու տուգանել 200 000 դրամով։

Դատական ակտերի հարկադիր կատարման ծառայության նախկին ղեկավար Միհրան Պողոսյան

ԴԱՀԿ ծառայության նախկին ղեկավար Միհրան Պողոսյանն ապրիլի 15–ին ՀՔԾ–ում քննվող օֆշորի գործով ներգրավվեց որպես մեղադրյալ։ Նրան մեղադրանք առաջադրվեց հանրորեն վտանգավոր այն արարքների կատարման համար, որ նա, օգտագործելով պաշտոնեական դիրքը, վատնման եղանակով առանձնապես խոշոր չափերով գույք է հափշտակել և չարաշահել իր պաշտոնեական լիազորությունները, ինչն առաջացրել է ծանր հետևանքներ: Նրան կալանավորելու որոշում կայացվեց ու հետախուզում հայտարարվեց։

Ապրիլի 19–ին ՀՔԾ–ն հայտնեց, որ Պողոսյանը հայտնաբերվել է Կարելիայի Հանրապետությունում և ձերբակալվել Ռուսաստանի իրավապահների կողմից։ Պողոսյանին 40 օրով կալանավորեցին ՌԴ–ում, հետո կես տարով տնային կալանք սահմանեցին։ ՀՀ գլխավոր դատախազությունը միջնորդություն ներկայացրեց ՌԴ գլխավոր դատախազությանը` Պողոսյանին արտահանձնելու համար, սակայն նրան չարտահանձնեցին։ Նոյեմբերին հայտնի դարձավ, որ Պողոսյանի տնային կալանքն էլ է վերացել։ Դրանից հետո ՀՀ գլխավոր դատախազ Արթուր Դավթյանը հայտնեց, որ Պողոսյանին շուտով նոր մեղադրանք կառաջադրվի, ու նա հույս հայտնեց, որ ՌԴ գործընկերները «արդար մոտեցում» կցուցաբերեն։

Депутат от фракции РПА Мигран Погосян на внеочередном заседании НС (28 августа 2018). Еревaн
© Sputnik / Aram Nersesyan
Միհրան Պողոսյան

Պետական վերահսկողության ծառայության պետ Դավիթ Սանասարյան 

Պետական վերահսկողության ծառայության պետ Դավիթ Սանասարյանին (լիազորությունները դադարեցված են) ապրիլի 18–ին ԱԱԾ–ն մեղադրանք առաջադրեց պաշտոնեական լիազորությունները չարաշահելու համար։ Վերջինիս նկատմամբ որպես խափանման միջոց կիրառվեց չհեռանալու մասին ստորագրությունը:Նրա պաշտպանները վերջերս Սանասարյանի նկատմամբ քրեական հետապնդումը դադարեցնելու միջնորդություն են ներկայացրել դատարան. միջնորդությունը կքննարկվի 2020–ի փետրվարի 14-ին:

Кандидаты от блока Мой Шаг следят за онлайн трансляцией подсчета голосов досрочных выборов в НС РА (9 декабря 2018). Еревaн
© Sputnik / Aram Nersesyan
Դավիթ Սանասարյան 

Սյունիքի նախկին մարզպետ Սուրիկ Խաչատրյան

Սյունիքի նախկին մարզպետ Սուրիկ Խաչատրյանի դեմ հունիսի 18–ին քրգործ հարուցվեց` ԱԱԾ–ն Խաչատրյանին մեղադրանք առաջադրեց, ըստ որի` նա պաշտոնեական լիազորություններ էր չարաշահել, պաշտոնեական կեղծիք կատարել։ Խաչատրյանը կեղծ աճուրդ է կազմակերպել, ինչպես նաև Նորավանին պատկանող մետաղական խողովակներն անօրինական ձևով իր եղբորը հանձնել:

Նոյեմբերի 9–ին Խաչատրյանի նկատմամբ հայտարարվեց հետախուզում. նրա նկատմամբ որպես խափանման միջոց ընտրվեց կալանավորումը:

Լուրեր էին շրջանառվում, որ Խաչատրյանն առողջական խնդիրներ ունի, կոմայի մեջ է, սակայն նոյեմբերի 26–ին ՀՔԾ պետ Սասուն Խաչատրյանը հայտնեց` Խաչատրյանի պաշտպանի ներկայացրած բոլոր փաստաթղթերը ներկայացվել են փորձագետին։ Փորձագետը եկել է այն եզրակացության, որ Խաչատրյանին կարելի է տեղափոխել Հայաստան։ Նա, սակայն, մինչ օրս Հայաստան չի տեղափոխվել։

Сурик Хачатрян
© Photo : Blognews
Սուրիկ Խաչատրյան

Սամվել Կարապետյանի եղբորորդի Նարեկ Կարապետյան

Հուլիսի 15–ին ՀՀ քննչական կոմիտեն հայտնեց, որ «Տաշիր» ընկերության սեփականատեր Սամվել Կարապետյանի եղբորորդուն՝ Նարեկ Կարապետյանին և նրա ընկերոջը մեղադրանք է առաջադրել առանձնապես խոշոր չափերով շորթում կատարելու համար: Ըստ քննության տվյալների՝ Նարեկ Կարապետյանը բռնություն գործադրելու սպառնալիքով պահանջել է 10.000.000 եվրո գումար: Քրեական գործն ընթացքի մեջ է։

Нарек Карапетян перед началом интервью агенству Sputnik Армения (17 июля 2019). Еревaн
© Sputnik / Asatur Yesayants
Նարեկ Կարապետյան

Արմեն Աշոտյանի վարորդ

ՀՔԾ–ում քննվող քրեական գործի շրջանակում վատնման եղանակով խոշոր և առանձնապես խոշոր չափերի գույքի հափշտակությանն օժանդակելու կասկածանքով օգոստոսի 15–ին ձերբակալվեց Հանրապետական կուսակցության փոխնախագահ Արմեն Աշոտյանի վարորդ-օգնական Արամ Բարսեղյանը: Նույն օրը նա ցուցմունք էր տվել, ընդունել իր մեղքը և ազատ արձակվել։ Աշոտյանի վարորդը մի քանի ուսումնական հաստատություններում գրանցված է եղել որպես բանվոր, պահակ կամ վարորդ: Նախաքննության ընթացքում ամբողջությամբ հատուցվել է պետությանը պատճառված վնասը։ Նրա գործն ուղարկվել է դատարան։

ՊԵԿ նախկին նախագահ Գագիկ Խաչատրյան

Հատուկ քննչական ծառայությունում քննվող գործի շրջանակում օգոստոսի 27 –ին մեղադրանք առաջադրվեց ՊԵԿ նախկին նախագահ Գագիկ Խաչատրյանին` առանձնապես խոշոր չափերի վատնում կազմակերպելու համար: Խաչատրյանն արդեն վերականգնել է պետությանը պատճառված 800 միլիոն դրամի վնասը։ Նա ձերբակալվել է։ Քննությունը շարունակվում է։

Председатель КГД Гагик Хачатрян на итоговом заседании 2012 года (28 декабря 2012). Еревaн
Գագիկ Խաչատրյան

Երևանի նախկին քաղաքապետ Երվանդ Զախարյան

Սեպտեմբերի 4–ին Հատուկ քննչական ծառայությունըԵրևանի նախկին քաղաքապետ Երվանդ Զախարյանի դեմ քրեական գործ հարուցեց։ Նա մեղադրվում է պաշտոնեական լիազորությունները չարաշահելու մեջ։ Ըստ ՀՔԾ–ի` 2008-ին Զախարյանի ապօրինի որոշմամբ օտարվել է «Հաղթանակ» զբոսայգու 10 000 քմ տարածքը, որտեղ կառուցվել է «Գոլդեն Փելես» հյուրանոցը։ Այս պահին նրա խափանման միջոցը չհեռանալու մասին ստորագրությունն է։

Ерванд Захарян
© Photo
Երվանդ Զախարյան

ՀՀ երրորդ նախագահ Սերժ Սարգսյանի ավագ եղբայր Լևոն Սարգսյան

Քննչական կոմիտեում քննվող «Հյուսիս-Հարավ» մայրուղու շինարարության գործընթացում թույլ տրված առերևույթ չարաշահումների դեպքերի առթիվ հարուցված քրեական գործով սեպտեմբերի 10–ին մեղադրանք առաջադրվեց Սերժ Սարգսյանի եղբորը` Լյովա Սարգսյանին։ Նրան կալանավորելու որոշում է կայացվել, նրա հանդեպ հետախուզում հայտարարվել։

Ըստ մեղադրանքի` Սարգսյանը հանցավոր ճանապարհով ստացված եկամուտներն է օրինականացրել։

Левон Саргсян на открытии кинофестиваля Золотой абрикос (9 июля 2017). Еревaн
© Sputnik / Aram Nersesyan
Լևոն Սարգսյան

ՀՀ նախկին ոստիկանապետ Վլադիմիր Գասպարյան

Քննչական կոմիտեն սեպտեմբերի 18–ին մեղադրանք առաջադրեց նախկին ոստիկանապետ Վլադիմիր Գասպարյանին: Նա մեղադրվում է իշխանությունը չարաշահելու, ինչպես նաև իշխանազանցության կամ իշխանության անգործության համար, որոնք անզգուշությամբ նյութական ծանր հետևանքներ են առաջացրել: Նրա նկատմամբ որպես խափանման միջոց է ընտրվել ստորագրություն չհեռանալու մասին:

Начальник Полиции Армении Владимир Гаспарян
© Sputnik / Asatur Yesayants
Վլադիմիր Գասպարյան

«Մուլտի Գրուպ» կոնցեռնի տնօրեն Սեդրակ Առուստամյան

ՀՔԾ–ում քննվող «Հյուսիս-Հարավ» ճանապարհի շինարարությանն առնչվող քրեական գործի շրջանակում սեպտեմբերի 19–ին մեղադրանք առաջադրվեց «Մուլտի Գրուպ» կոնցեռնի տնօրեն Սեդրակ Առուստամյանին. նրան կալանավորելու որոշում կայացվեց։ Սակայն սեպտեմբերի 22–ին Առուստամյանը 20 մլն դրամ գրավով ազատ արձակվեց։ «Մուլտի Գրուպի» տնօրենին մեղադրանք առաջադրվեց առանձնապես խոշոր չափերով փողերի լվացման, ֆինանսական բուրգ ստեղծելու կամ ղեկավարելու, ինչպես նաև հարկային պարտավորություններից խուսափելու համար։ Քրգործի քննությունը շարունակվում է։

Седрак Арустамян
© Photo : Multi Group
Սեդրակ Առուստամյան

Արսեն Բաբայան և Արա Բաբլոյան

Հոկտեմբերի 22–ին ՀՔԾ–ն ԱԺ աշխատակազմի ղեկավարի նախկին տեղակալի պաշտոնակատար Արսեն Բաբայանին մեղադրանք առաջադրեց, և նույն քրգործով կասկածյալ ներգրավվեց ԱԺ նախկին նախագահ Արա Բաբլոյանը։ Արսեն Բաբայանին մեղադրանք է առաջադրվել Բաբլոյանի և այլ պաշտոնատար անձանց կողմից ՀՀ ՍԴ լիազորություններին տիրանալուն օժանդակելու, ինչպես նաև պաշտոնեական կեղծիք կատարելու մեջ: Արսեն Բաբայանին հոկտեմբերի 24–ին կալանավորեցին, իսկ նոյեմբերի 12–ին ազատ արձակեցին։

Пресс-конференция Арсена Бабаяна (14 ноября 2019). Еревaн
© Sputnik / Aram Nersesyan
Արսեն Բաբայան

Հոկտեմբերի 28–ին Արա Բաբլոյանը մեղադրանք առաջադրվեց` մի խումբ պաշտոնատար անձանց հետ ՀՀ սահմանադրական դատարանի լիազորություններին տիրանալու, ինչպես նաև պաշտոնեական կեղծիք կատարելու համար: Բաբլոյանի խափանման միջոց ընտրվեց ստորագրությունը չհեռանալու մասին։

Դեկտեմբերի 24–ին դատախազությունը հայտարարեց, որ Բաբլոյանի և Բաբայանի գործը լրացուցիչ քննության կուղարկի, քանի որ մեղադրական եզրակացությունը չի հաստատվել:

Ара Баблоян на приеме для прессы (11 января 2019). Еревaн
© Sputnik / Aram Nersesyan
Արա Բաբլոյան

Գլխավոր դատախազ Գևորգ Կոստանյան

Նոյեմբերի 25–ին նախկին գլխավոր դատախազ Գևորգ Կոստանյանը «Մարտի 1-ի» գործով ներգրավվեց որպես մեղադրյալ: Նրա նկատմամբ հետախուզում է հայտարարվել և կալանավորելու որոշում կայացվել։ Նրան մեղադրանք է առաջադրվել ՀՀ քրեական օրենսգրքի 5 հոդվածներով` պաշտոնեական կեղծիք կատարելու, պաշտոնեական լիազորությունները չարաշահելուն դրդելու, պաշտոնեական կեղծիք կատարելուն դրդելու, ծանր կամ առանձնապես ծանր հանցագործությունը պարտակելուն դրդելու և ապացույցների կեղծմանը դրդելու հոդվածներով։ Ըստ այդ մեղադրանքի` 2008–ի մարտի 1-ին և 2-ին Երևանում տեղի ունեցած իրադարձություններից հետո Կոստանյանը պահանջել է հետին ամսաթվով կազմել և շրջանառության մեջ դնել մարտի 1-ին և 2-ին ոստիկանության կատարած գործողությունների իրավաչափությունը հիմնավորող փաստաթղթեր:

Депутат от фракции РПА Геворг Костанян на внеочередном заседании НС (7 июня 2018). Еревaн
© Sputnik / Asatur Yesayants
Գևորգ Կոստանյան

ՀՀ երրորդ նախագահ Սերժ Սարգսյան

Հատուկ քննչական ծառայությունը դեկտեմբերի 4–ին մեղադրանք առաջադրեց ՀՀ երրորդ նախագահ Սերժ Սարգսյանին։ Ըստ մեղադրանքի` Սարգսյանի կազմակերպմամբ` պաշտոնատար մի խումբ անձանց կողմից պետությունից վատնելու եղանակով հափշտակվել է ընդհանուր առմամբ 489.160.310 ՀՀ դրամ։ Նրա նկատմամբ խափանման միջոց է ընտրվել չհեռանալու մասին ստորագրությունը։

Серж Саргсян на форуме Армения-Диаспора
© Sputnik / Asatur Yesayants
Սերժ Սարգսյան

ՀՖՖ նախկին նախագահ Ռուբեն Հայրապետյան

Քննչական կոմիտեն դեկտեմբերի 16–ին քրեական գործ հարուցեց ՀՖՖ նախկին նախագահ Ռուբեն Հայրապետյանի դեմ։ Նա մեղադրվում է մի քանի հոդվածներով` պաշտոնեական անփութության համար, որն անզգուշությամբ առաջացրել է ծանր հետևանքներ, խոշոր չափերով յուրացում կատարելու մեջ, մի խումբ անձանց կողմից փաստաթղթեր կեղծելու, ինչպես նաև առևտրային կամ այլ կազմակերպությունների ծառայողների կողմից լիազորությունները չարաշահելու մեջ: Հարուցված քրեական գործն ընդունվել էր ՀՀ քննչական կոմիտեի վարույթ։ Ռուբեն Հայրապետյանի նկատմամբ խափանման միջոց կալանքի միջնորդություն չէր ներկայացվել։

Рубен Айрапетян
© Sputnik / Asatur Yesayants
Ռուբեն Հայրապետյան

ՍԴ նախագահ Հրայր Թովմասյան

Դեկտեմբերի 27–ին ՀՔԾ–ն հարցաքննելուց հետո մեղադրանք առաջադրեց ՍԴ նախագահ Հրայր Թովմասյանին։ Նրան մեղադրանք առաջադրվեց պաշտոնեական լիազորությունները չարաշահելու համար, որն անզգուշությամբ առաջացրել է ծանր հետևանքներ: Թովմասյանի նկատմամբ խափանման միջոց է ընտրվել ստորագրություն չհեռանալու մասին։

Председатель Конституционного суда Грайр Товмасян после допроса встретился с журналистами (27 декабря 2019). Еревaн
© Sputnik / Asatur Yesayants
Հրայր Թովմասյան
454
թեգերը:
Դավիթ Սանասարյան, Միհրան Պողոսյան, Գագիկ Խաչատրյան, Սուրիկ Խաչատրյան, Արսեն Բաբայան, Արա Բաբլոյան, Հրայր Թովմասյան, Ռուբեն Հայրապետյան, Սեդրակ Քոչարյան, Նարեկ Կարապետյան, Սերժ Սարգսյան, Հայաստան
Ըստ թեմայի
Հարկային բարեփոխումները Հայաստանում․ ինչ սպասել նոր տարում
Ոմանք լուռ գնացին, ոմանք` սպառնալով. 2019–ի աղմկահարույց պաշտոնանկությունները
Կտրված թաթիկներ, «օրենքով գողեր», սատանայի հետ կապ. Փաշինյանի` 2019թ-ի հայտարարությունները
Դրվահ Հովհաննես Բաչկովի և Ջավիդ Չալաբիևի մենամարտից

Հովհաննես Բաչկովը Տոկիո-2020-ում փայլուն հաղթանակ տարավ ադրբեջանցու նկատմամբ

40
(Թարմացված է 08:55 31.07.2021)
Հովհաննես Բաչկովը մտավ մտավ Տոկիո-2020 32–րդ օլիմպիական խաղերի քառորդ եզրափակիչ։

ԵՐԵՎԱՆ, 31 հուլիսի – Sputnik. Հայաստանի օլիմպիական հավաքականի անդամ, Եվրոպական խաղերի չեմպիոն, 63 կգ քաշային Հովհաննես Բաչկովը Տոկիո-2020-ի բռնցքամարտի մրցաշարի 1/8 եզրափակիչում մենամարտեց ադրբեջանցի Ջավիդ Չալաբիևի հետ և փայլուն հաղթանակ տարավ։

Մրցավարների որոշեցին 4-1 հաշիվ, և մեր բռնցքամարտիկը դուրս եկավ Օլիմպիադայի բռնցքամարտի մրցաշարի քառորդ եզրափակիչ։

Այստեղ արդեն Բաչկովը կմենամարտի Ուզբեկստանի ներկայացուցիչ Էլնուր Աբդուրալինովի հետ։ Քառորդ եզրափակիչի մենամարտը կկայանա օգոստոսի 3-ին։

Նշենք, որ Ջավիդ Չալաբիևը 2013 թվականի աշխարհի չեմպիոն է: Նա նախկինում հանդես է եկել 56 կգ քաշային կարգում և 2016 թվականի օլիմպիական խաղերի վարկանիշային մրցաշարում Սամսունում հաղթել է Արամ Ավագյանին։

ՀՀ նախագահը Տոկիոյում անձամբ է շնորհավորել Հովհաննես Բաչկովին. լուսանկարներ

Հիշեցնենք՝ Հովհաննես Բաչկովը տպավորիչ հաղթանակով մեկնարկեց Տոկիոյում ընթացող օլիմպիական խաղերում։

Հայ բռնցքամարտիկը հսկայական առավելությամբ պարտության մատնեց Անտիգուան ներկայացնող Ռայան Ալստոնին։

Տոկիոյի 32–րդ օլիմպիական խաղերը մեկնարկել են հուլիսի 23–ին և կավարտվեն օգոստոսի 7–ին։

«Վաղը նավթ չենք վաճառելու, այլ...». ՀՀ նախագահը պատմել է` ում հետ ինչ է խոսել Տոկիոյում

Օլիմպիական խաղերն անցկացվում են մեկ տարի ուշացումով կորոնավիրուսի համավարակի պատճառով:

Օլիմպիադային կմասնակցի 206 երկրի 12500 մարզիկ։ Նրանք կմրցեն 33 մարզաձևում՝ պայքարելով 339 մեդալի համար։

Սպորտային այս տոնին Հայաստանը ներկայացնում են 17 մարզիկներ 8 մարզաձևերում:

Օլիմպիական հավաքական. ովքեր կներկայացնեն Հայաստանը Տոկիոյում

40
թեգերը:
Հովհաննես Բաչկով, ադրբեջանցի, Տոկիո, Օլիմպիական խաղեր, օլիմպիադա
Ըստ թեմայի
Վարսենիկ Մանուչարյանն ավարտեց ելույթը Տոկիո-2020–ում
Ինչպես Արման Դարչինյանը Տոկիոյում հաղթեց եվրոպական խաղերի փոխչեմպիոնին. լուսանկարներ
Արման Դարչինյանը հաղթեց Տոկիոյում ու դուրս եկավ քառորդ եզրափակիչ
Դավիթ Դավիթյան

Ռուսական ակումբը պայմանագիր կկնքի Հայաստանի հավաքականի ֆուտբոլիստի հետ

55
(Թարմացված է 23:43 30.07.2021)
23-ամյա Դավիթ Դավթյանի ու Երևանի «Ալաշկերտի» պայմանագիրն ավարտվում է այս տարվա օգոստոսի 2-ին:

ԵՐԵՎԱՆ, 30 հուլիսի - Sputnik. Երևանի «Ալաշկերտի» և Հայաստանի հավաքականի կիսապաշտպան Դավիթ Դավիթյանն առաջիկայում պայմանագիր կկնքի ռուսական «Խիմկի» ֆուտբոլային ակումբի հետ: Տեղեկությունը հայտնում է «Մատչ TV»–ն։

Նշվում է, որ Դավիթյանը բուժզննում է անցնում և շուտով մարզումներ է անցնելու մերձմոսկովյան ակումբում:

«Ալաշկերտի» կազմում Դավիթյանն անցած մրցաշրջանում դարձել է Հայաստանի չեմպիոն, անցկացրել է 19 հանդիպում ՝ աչքի ընկնելով 5 գոլով և 3 գոլային փոխանցմամբ: 23-ամյա Դավիթյանը հրավիրվել էր Հայաստանի հավաքական՝ մասնակցելու Խորվաթիայի և Շվեդիայի հետ ընկերական հանդիպումներին:

Դավիթյանի պայմանագիրը «Ալաշկերտի» հետ ավարտվում է 2021 թվականի օգոստոսի 2-ին։

«Արարատ» -«Շլենսկն» ավարտվեց ոչ–ոքի, բայց հայկական թիմը դուրս մնաց Կոնֆերենցիաների լիգայից

55
թեգերը:
Հայաստան, Ռուսաստան, ֆուտբոլիստ
Ըստ թեմայի
Արցունք, ճիչ ու թենիսի կոտրված ռակետ. օլիմպիական խաղերի ամենավառ կադրերը
12-ից մինչև 66. Տոկիոյի Օլիմպիադայի ամենաերիտասարդ և ամենատարեց մարզիկները. լուսանկարներ
Մահանալ կորտո՞ւմ. Խաչանովին զայրացրել է, որ օլիմպիական խաղերը ցերեկվա շոգին են անցկացվում