Արթուր Վանեցյանն ու Վալերի Օսիպյանը. արխիվային լուսանկար

Ոմանք լուռ գնացին, ոմանք` սպառնալով. 2019–ի աղմկահարույց պաշտոնանկությունները

263
(Թարմացված է 20:45 02.01.2020)
Հայ լրագրողներն անցած տարի անգործության չէին մատնված։ Տարվա ընթացքում սկսված քաղաքական «ներկայացումը» ժամանակ առ ժամանակ իր գագաթնակետին էր հասնում աղմկահարույց հրաժարականների ձևով։

ԵՐԵՎԱՆ, 2 հունվարի — Sputnik, Աշոտ Սաֆարյան․ Առաջին «հետհեղափոխական» տարին Հայաստանում հետաքրքիր էր լրագրողների համար։ Ամեն ամիս սկանդալային ու արդիական թեմաներ եղան։ Քաղաքացիների աչքի առաջ զարգացող «քաղաքական թատրոնի» հերոսներն էին պատգամավորները, նախարարները, գործարարներն ու օլիգարխները։ Վերջիններիս այժմ անվանում են «խոշոր սեփականատերեր», բայց դա կարևոր չէ։ Կարևորն այն է, որ 2019թ.-ին լրագրողները անգործության չէին մատնված։ Տարվա ընթացքում շարունակվող «ներկայացումը» ժամանակ առ ժամանակ իր գագաթնակետին էր հասնում աղմկահարույց հրաժարականների ձևով։

Հրաժարականների ժամանակագրական ցանկը բացում է ՀՀ արդարադատության նախարար Արտակ Զեյնալյանը։ Հունիսի 7-ին նա Facebook-ի իր էջում հայտարարեց, որ որոշել է  հեռանալ զբաղեցրած պաշտոնից։ Որոշ տվյալներով` նրան դուր չէր գալիս դատական բարեփոխումների «հարվածային» տեմպը։ Զեյնալյանի հեռանալուն նախորդեց Փաշինյանի հայտարարությունը դատավորների «վեթինգի» մասին։ Հետագայում այդ եզրույթից հրաժարվեցին, բայց ասում էին, որ արդարադատության նախարարը պարզապես չի ցանկանում միջամտել բավականին անհասկանալի գործընթացին։ Այնուամենայնիվ, Զեյնալյանը հեռացավ բավականին հանգիստ, առանց սկանդալների։

Օգոստոսի 15–ին ՀՀ վարչապետը հրաժեշտ տվեց իր երկու խորհրդականներին՝ Արսեն Գասպարյանին ու Արամ Ղարիբյանին։ Նա հեռացրեց նաև իր օգնական Մհեր Սահակյանին։ Պաշտոնական մեկնաբանություններ չեղան։ Հետագայում Գասպարյանը հարցազրույցներից մեկի ժամանակ ասաց, որ հեռացել է սեփական դիմումի հիման վրա։

Վարչապետ Նիկոլ Փաշինյանի` թերևս ամենաաղմկահարույց կադրային որոշումն Ազգային անվտանգության ծառայության տնօրեն Արթուր Վանեցյանի հեռացումն էր, որը տեղի ունեցավ սեպտեմբերի 16-ին։ Փաշինյանն ասել էր այդ մասին մամուլի ասուլիսի ժամանակ։ Դրանից գրեթե մեկ ժամ անց Վանեցյանը հայտարարություն արեց։ Այն բավականին կոշտ էր։

Փաշինյանն ու Վանեցյանը փոխադարձ մեղադրանքներ էին հնչեցնում։ Վարչապետի խոսնակը կոչ էր անում ԱԱԾ նախկին տնօրենին չկորցնել սպայի արժանապատվությունը, իսկ հետո Փաշինյանն ասաց, որ Վանեցյանը սպայի ուսադիրներն աղբամանն է նետել։ ԱԱԾ նախկին տնօրենը հետքայլ չարեց, ասաց` ժամանակը ցույց կտա՝ ով կամ ինչը աղբամանում կհայտնվի։

«Երբ հեղափոխությունը դատարկ մի պղպջակ է». Վանեցյանը կրկնել է կաթողիկոսի խոսքը

Վանեցյանի ու երկրի բարձրագույն ղեկավարության միջև «փոխհրաձգությունը» բազմաթիվ քննարկումների և քաղաքական վերլուծությունների առիթ տվեցին։ Սակայն այդպես էլ անհայտ մնաց՝ ինչու այդ մարդկանց ուղիները բաժանվեցին։

Վանեցյանի հրաժարականից երկու օր անց նման ճակատագրի արժանացավ ոստիկանապետ Վալերի Օսիպյանը։ Ու նորից բացատրությունները շատ լղոզված էին։ Սակայն այս դեպքում իրավիճակը մի փոքր այլ էր։ Նույն օրը՝ սեպտեմբերի 18-ին, Օսիպյանը դարձավ վարչապետի գլխավոր խորհրդականը։ Թեև նա նոր պաշտոնում մնաց մինչև հոկտեմբերի 8–ը միայն։ Մեկ ամիս էլ չաշխատած` նա հեռացավ։

Վարչապետն Օսիպյանին ազատել է խորհրդականի պաշտոնից

Հոկտեմբերի 10-ին պաշտոնը լքեց Վայոց Ձորի մարզպետ Տրդատ Սարգսյանը։ Դրան նախորդեց ԶՈՒ սպա Արա Մխիթարյանին ծեծելու հետ կապված պատմությունը։ Ծեծելու մեջ մեղադրվում է Սարգսյանի նախկին խորհրդական Հարություն Գրիգորյանը։ Միջադեպի հետևանքով Մխիթարյանը ծայրահեղ ծանր վիճակում հիվանդանոց է տեղափոխվել։ Նրա վիճակը մինչ օրս ծանր է մնում։ Բավականին դժվար է միանշանակ գնահատական տալ այս իրավիճակին, քանի որ ականատեսների որոշ վկայությունները խոսում են սպայի անպարկեշտ պահվածքի մասին։ Ասում են՝ նա հարբած է եղել ու ինքն է հրահրել այդ ամենը։ Այուամենայնիվ, սկանդալը Սարգսյանին ստիպեց հրաժարական տալ։ Հոկտեմբերի 10-ին կառավարությունը հավանություն տվեց մարզպետին պաշտոնից ազատելու մասին` ՀՀ վարչապետի որոշմանը։

Սարգսյանի պաշտոնանկությունից ութ օր անց աշխատանքից ազատվելու դիմում գրեց ՀՀ կադաստրի պետական կոմիտեի նախկին նախագահ Սարհատ Պետրոսյանը։ Նա ինքնակամ հեռացավ, խոսելով քաղաքականության համակարգում առկա «կոռումպացվածության հասնող թայֆայականության» մասին։ Նրա խոսքով՝ իր բոլոր դիտարկումները, քաղաքաշինության ու անշարժ գույքի վերաբերյալ իր բոլոր դիտողությունները միայն ժամանակավոր ազդեցություն են ունեցել։ Նույն օրը Քաղաքաշինության  կոմիտեի նախագահ Վահագն Վերմիշյանն ասաց, որ կառավարությունում դժգոհ են Պետրոսյանի աշխատանքից, ու որ նա «իր տեղում չէր»։  Պետրոսյանի ու կառավարական պաշտոնյաների լեզվակռիվը հրաժարականից հետո դեռ մի քանի օր էլ շարունակվեց։

Այդ մարդը մի քիչ իր տեղում չէր. Քաղաքաշինության կոմիտեի նախագահը` Սարհատ Պետրոսյանի մասին

Աղմկահարույց հրաժարականների ցանկն ամփոփում է Հանրային խորհրդի նախագահ Վազգեն Մանուկյանի հրաժարականը։ Տարբեր աստիճանի պաշտոնյաները մշտապես քննադատում էին Խորհրդի ու Մանուկյանի գործունեությունը։ Իսկ ԱԺ փոխխոսնակ Ալեն Սիմոնյանը մի անգամ ասել էր, որ Հանրային խորհուրդն «անիմաստ կառույց» է ու լավ կլիներ, որ Վազգենն Մանուկյանն ինքը գիտակցեր իրավիճակն ու հրաժարական տար։ Մանուկյանը «գիտակցեց» ու հեռացավ նոյեմբերի 13-ին։ Եվ իհարկե, ըստ ավանդույթի, եղան քաղաքական գնահատականներ։

 «Նոր իշխանություններն ունեին բացառիկ հնարավորություն մեր երկիրը զարգացման ուղղությամբ տանելու, ժողովրդին համախմբելու համազգային խնդիրների շուրջ, նպաստելու մեր քաղաքացիների բարեկեցությանը՝ կառուցելով ավելի ժողովրդավար ու ավելի արդյունավետ ազգային պետություն: Ցավոք, իշխանությունները գնացին այլ ուղղությամբ, և այսօր մեր երկրում ձևավորվել է անվստահության և ատելության աննախադեպ աստիճանի մթնոլորտ, տեղի է ունեցել հասարակական այնպիսի պառակտում, ինչպիսին երբեք չի եղել», - ասաց Մանուկյանը։

Քաղաքական գործիչն ասաց, որ մի քանի անգամ փորձել է հանդիպել Փաշինյանի հետ՝ հանրության շրջանում առկա լարվածության թուլացման ու երկրի համար վտանգավոր սցենարներից խուսափելու համար ուղիներ գտնելու նպատակով, սակայն հանդիպումն այդպես էլ չի կայացել։

Քոչարյանը որ դուրս եկավ, էլի հանդիպեցինք. Վազգեն Մանուկյանը վերադառնում է քաղաքականություն

Մի քանի օր անց Մանուկյանը հայտարարեց «Վերնատուն» հասարակական-քաղաքական ակումբի ստեղծման մասին, որտեղ ներառվեցին իշխանությունից դժգոհ նախկին պաշտոնյաները, փորձագետներն ու հասարակական գործիչները»։

263
թեգերը:
ՀՖՖ, Հայաստան, Նիկոլ Փաշինյան, Արտակ Զեյնալյան, Սարհատ Պետրոսյան, Վալերի Օսիպյան, Արթուր Վանեցյան, Հրաժարական, պաշտոնյա, պաշտոնանկություն, պաշտոն
Ըստ թեմայի
Կառավարությունն ընդունեց Սարհատ Պետրոսյանի հրաժարականը
Մեր երկրում ձևավորվել է ատելության աննախադեպ մթնոլորտ. Վազգեն Մանուկյանը հրաժարական է տվել
Արտակ Զեյնալյանը խոսեց իր հրաժարականի պատճառների մասին
Ի՞նչ գիտեն ՀՀ քաղաքացիները Արթուր Վանեցյանի հրաժարականի մասին. տեսանյութ
Ինչու Արթուր Վանեցյանը ՀՀ իշխանության դեմ տեղեկությունը չի օգտագործում. փորձագետ
Հայաստանի ազգային գրադարան

Արայիկ Հարությունյանը Ազգային գրադարանի վերաբերյալ 2 լավ լուր է հայտնել

24
(Թարմացված է 23:21 03.06.2020)
Նախարարը հատուկ շնորհակալություն է հայտնել այն մարդկանց, ովքեր օգնել են այս կարևոր գործում։

ԵՐԵՎԱՆ, 3 հունիսի – Sputnik. Հայաստանի ազգային գրադարանի էլեկտրոնային շտեմարանները կրկին հասանելի են: Լավ լուրը Facebook-ի իր էջում հայտնել է ՀՀ ԿԳՄՍ նախարար Արայիկ Հարությունյանը։

«Ազգային գրադարանի թվայնացված նյութերն ամբողջ ծավալով հասանելի են: Եվ սա այն դեպքում, երբ մեկ ամիս առաջ որոշ գորշ շրջանակներ հայտնում էին ամբողջ նյութի ոչնչացման մասին»,–գրել է նա:

Նախարարը հատուկ շնորհակալությունն է հայտնել HP ընկերության պաշտոնական գործընկեր, տեղեկատվական տեխնոլոգիաների ոլորտի հայկական Bi Line ընկերության տնօրեն Լևոն Քեշիշյանին, ընկերության ողջ անձնակազմին ՀԱԳ սերվերները դետալ առ դետալ, մանրակրկիտ կերպով մաքրելու, թեստավորելու և շահագործման պատրաստի վիճակում Ազգային գրադարանին հանձնելու համար։

Ինչպես նաև Dell ընկերության գործընկեր Brand computers ընկերության տնօրեն Զոհրաբ Վարդանյանին տեխնիկական խորհրդատվության, Microsoft-ի պաշտոնական գործընկեր Dom Daniel ընկերության տնօրեն Արտաշես Քալանթարյանին, Softcontract ընկերության տնօրեն Հարություն Համբարձումյանին` աջակցելու պատրաստակամության համար։

Երախտագիտության խոսքերի են արժանացել նաև Ազգային գրադարանի Համակարգչային գրիդ տեխնոլոգիաների բաժնի վարիչ Էդգար Սարգսյանը և բաժնի աշխատակից Կորյուն Շեկոյանը վերականգնման ուղղությամբ տարված բացառիկ աշխատանքի և ծրագրային կարգավորումների համար:

Հովսեփյան. «Սահմանամերձ գյուղում գրադարան բացելով` կրճատում ենք գյուղից գնալու շանսերը»

Հարությունյանի 2–րդ լավ լուրը`շուտով հասանելի կլինի նաև Ազգային գրադարանի նոր կայքը:

Հիշեցնենք, որ մայիսի 14–ին հայտնի դարձավ, որ Հանրային գրադարանի սերվերները հայտնաբերել են ծխեցված վիճակում։ Տեղեկացվում էր, որ մայիսի 10-ին ինտերնետ կապի խափանման և ՀԱԳ էլեկտրոնային շտեմարանների առցանց անհասանելիության պատճառները պարզելու նպատակով ՀԱԳ աշխատակիցները շենքի պահպանությունն իրականացնող ոստիկաններից մեկի ուղեկցությամբ որոշ էլեկտրական սարքեր հայտնաբերել են ծխեցված վիճակում:

24
թեգերը:
գրադարան, Կրթության, գիտության, մշակույթի և սպորտի նախարարություն (ԿԳՄՍ), Արայիկ Հարությունյան
Նիկոլ Փաշինյանի բրիֆինգը

Համաճարակն ու Հայաստանը․ կորոնավիրուսը արագացնո՞ւմ է քաղաքական գործընթացները

274
(Թարմացված է 22:18 03.06.2020)
Հայաստանի քաղաքացիները մեծ մասը դժգոհ է կորոնավիրուսի դեմ պայքարի իշխանության գործողություններից, իսկ հակաճգնաժամային օգնությունը բոլորին չէ, որ հասել է։ Այս ֆոնին քաղաքական գործընթացները նոր երանգներ են ստացել։

Վերջին շրջանում իշխանությունը հաճախ էր խոսում հարկային մուտքերի աճի ու իրականացվող տնտեսական հեղափոխության մասին։ Հնարավոր է՝ այդ պատճառով է, որ կորոնավիրուսի համաճարակին ու գրեթե բոլոր ոլորտների կաթվածահար վիճակին բախվելիս, քաղաքացիները կառավարությունից իրական օգնություն էին ակնկալում։ Առաջին հերթին՝ նյութական, քանի որ շատերը  հատկապես՝ սպասարկման ոլորտում աշխատողները, բառացիորեն գոյատևման եզրին են հայտնվել։  

Կառավարությունը կարծես թե հայտարարել էր բնակչությանն ու բիզնեսին տրամադրվելիք մեծ դոտացիայի՝ 300 միլիոն դոլարի մասին։ Միջոցառումների փաթեթ էր մշակվել, որում մոտ 20 տարբեր թիրախային ծրագրեր կային։ Սակայն ինչ-որ պահի հասկանալի դարձավ, որ այդ ծրագրերը տեղում են դոփում։ Վարչապետն անձամբ հետևում էր դրանց իրականացմանը, կշտամբում էր նախարարներին, զանգում էր քաղաքացիներին։

Այդ պատճառով շատ արդիական է հարցը, թե ինչպես են քաղաքացիներն ընկալում իշխանության կողմից իրենց ցուցաբերված աջակցությունը։ Այսօր արդեն կարելի է գնահատել կառավարության հակաճգնաժամային միջոցառումները, քանի որ դրանց մեծ մասը միանգամյա էին ու ենթակա չէին երկարացման։

«Ժողովրդի ձայնը» փորձագիտական ակումբն առցանց հարցում է անցկացրել այդ թեմայով։ Դրան մասնակցել են 18 տարեկանից բարձր 1700 քաղաքացիներ։ Հարցման հիմք է հանդիսացել այն, որ բազում քաղաքացիներ ահազանգել են, թե այս կամ այն պատճառով կառավարությունից ոչ մի աջակցություն չեն կարողացել ստանալ։

«Կորոնավիրուսի պատճառով ՀՀ–ում գործազուրկների քանակը կհատի 40 000–ի սահմանը». Մակարյան

Բավականին մտահոգիչ պատկեր ստացանք հարցումների արդյունքում։ Պարզվեց՝ քաղաքացիների 75%-ը զգալի տնտեսական խնդիրներ ունի (աշխատանքի, բիզնեսի կամ եկամտի կորուստ)։ Ստեղծված իրավիճակում իշխանության իրական օգնության վրա հույսը դրել են հարցման  մասնակիցների միայն 30%-ը (մնացածը հույսները դրել են իրենց, մտերիմների, մարդասիրական կազմակերպությունների և այլնի վրա)։ Հարցվածների 63%-ը ոչ մի օգնություն չի ստացել, ու միայն 9%-ն են հայտնել, որ գոհ են կառավարության հակաճգնաժամային միջոցառումներից։ Եվս մեկ հատկանշական թիվ՝ քաղաքացիների 56%-ը վստահ է, որ համաճարակը զսպելուն ուղղված կառավարության գործողություններն ակնհայտորեն բավարար չեն։

Ի՞նչ հետևանքներ կունենան այս տրամադրությունները։ Արմավիրի մարզի շուկայում տեղի ունեցած իրադարձությունները ցույց են տալիս, որ «հետհեղափոխական» շրջանը Հայաստանում ավարտվել է։

Եթե ծանր պահին քաղաքացիներին ոչ ոք չի աջակցում, նրանք փորձում են սեփական աշխատանքով ապահովել իրենց գոյությունը՝ անտեսելով համավարակի բերած սպառնալիքները։ Իսկ եթե մարդկանց արգելում են դա անել, նրանք  սկսում են նորից գիտակցել, որ հենց իրենք են իշխանություն տվողը և կարող են փողոց դուրս գալով ու ընտրություններին մասնակցելով, փոխանցել իրենց վստահության մանդատն այդ քաղաքական գործիչների։

Այժմ Հայաստանի քաղաքական կյանքում դեռ պահպանվում է մինչկորոնավիրուսային իներցիան։ Սակայն և՛ մեր հարցումը, և՛ տեղի ունեցած առանձին իրադարձությունները ցույց տվեցին, որ մեր երկրում աստիճանաբար վերակենդանանում է քաղաքական աշխուժությունը՝ կրքեր բորբոքվելով, ծրագրերի ու անձանց մրցակցություն բերելով։ Կորոնավիրուսի համաճարակն այդ անխուսափելի գործընթացի կատալիզատոր դարձավ։

Կամ–կամ. Փաշինյանը խոսեց կորոնավիրուսով պայմանավորված իրավիճակի շուրջ առկա ելքերի մասին

274
թեգերը:
համավարակ, ընդդիմություն, Իշխանություն, քաղաքականություն, կորոնավիրուս, Հայաստան
Ըստ թեմայի
Արցախում կորոնավիրուսով վարակվածների թիվը կրկին ավելացել է
Փարաքարում կորոնավիրուսից երիտասա՞րդ է մահացել. Մինասյանի խոսքով` մահացողը 62 տարեկան է
Կորոնավիրուսից մահացածների տվյալների հրապարակման դեպքով քրեական գործ է հարուցվել
Կաննի կիոնփառատոն

Հայ ռեժիսորի ֆիլմը ներկայացված է Կաննի փառատոնին

54
(Թարմացված է 00:04 04.06.2020)
Կաննի միջազգային 73-րդ կինոփառատոնն արդեն հայտարարել է այս տարվա իր ծրագիրը։

ԵՐԵՎԱՆ, 3 հունիսի – Sputnik. Կաննի միջազգային 73-րդ կինոփառատոնին այս տարի ներկայացված կլինի նաև հայ ռեժիսոր Նորա Մարտիրոսյանի «Եթե քամին վրա հասնի» ֆիլմը։ Տեղեկությունը Facebook–ի իր էջում հայտնել է «Ոսկե ծիրան» միջազգային կինոփառատոնի ծրագրերի տնօրեն Կարեն Ավետիսյանը։

Փառատոնի արտ-տնօրեն Թիերի Ֆրեմոն ու նախագահ Պիեր Լեսկյուրը հայտարարել են՝ ինչ ֆիլմեր են ընտրել Կաննի 73-րդ կինոփառատոնի համար։

The First Features ծրագրին մասնակցում է հայ ռեժիսոր Նորա Մարտիրոսյանի Si Le Vent Tombe (Should the wind fall) «Եթե քամին վրա հասնի» ֆիլմը, որը Բելգիայի, Ֆրանսիայի ու Հայաստանի համատեղ արտադրությունն է։

Գեղեցկության և շքեղության վերջին ակորդը Կաննում. կինոփառատոնի վերջին լուսանկարները

Սյուժեի համաձայն՝ միջազգային աուդիտոր Ալենն Արցախ է գալիս՝ ինքնահռչակ  հանրապետության օդանավակայանը գնահատելու համար, որպեսզի այն բացվի։ Էդգարը` տեղացի տղան, թափառում է օդանավակայանում ու տարօրինակ գործով է զբաղվում։ Վերջիվերջո տղամարդն ու տղան հանդիպում են։

Հիշեցնենք՝ Կաննի փառատոնը նախատեսված էր մայիսին, ինչպես ամեն տարի, սակայն համավարակի պատճառով փառատոնը չի կայանա, բայց կազմկոմիտեն որոշել է հայտարարել ընտրված ֆիլմերը։

54
թեգերը:
ֆիլմ, Արցախ, ռեժիսոր, հայ, Կաննի կինոփառատոն
Ըստ թեմայի
Սա տեսնել է պետք. Կանն եկած աստղերի զարդերն ու հանդերձանքը. լուսանկարներ
Հայտնի են Կաննի 72-րդ միջազգային կինոփառատոնի դափնեկիրները. լուսանկարներ
Դեկամերոն-2020 կամ կարանտինի կաննոնների պահպանման հայկական ձևն ու մեղավորները