Սերգեյ Կոպիրկինը

Ռուսաստանը կարող է հույսը դնել Հայաստանի վրա. դեսպան Կոպիրկին

91
(Թարմացված է 13:06 24.12.2019)
Ռուսաստանում բարձր են գնահատում Եվրասիական միությունում Հայաստանի նախագահությունը, հատկապես մյուս երկրների հետ ԵԱՏՄ–ի հարաբերությունների զարգացման համատեքստում։

ԵՐԵՎԱՆ, 24 դեկտեմբերի — Sputnik. Միջազգային հարթակում համագործակցությունը ցույց տվեց, որ Մոսկվան կարող է հույս դնել Երևանի վրա, հայտարարեց Հայաստանում Ռուսաստանի դեսպան Սերգեյ Կոպիրկինը։

«Այս տարին նշանավորվեց, եթե ոչ աննախադեպ, ապա տարբեր ոլորտներում հարաբերությունների ինտենսիվ զարգացմամբ, այդ թվում` քաղաքական երկխոսության գծով»,- այսօր հրավիրված  ասուլիսի ժամանակ ասաց դեսպանը։

Նա հիշեցրեց, որ այս տարի Հայաստան այցելեցին ՌԴ նախագահը, վարչապետը, ՊՆ և ԱԳՆ ղեկավարները, Պետդումայի նախագահը։

Երկրներին միավորում են ընդհանուր շահերը, քաղաքական կամք կա դաշնակցային հարաբերությունների պահպանման և բարձրացման համար։

Հարաբերությունների ամրացմանն ուղղված գործոնը փոխգործակցությունն էր ընդհանուր ինտեգրացիոն նախագծերում` ՀԱՊԿ, ԵԱՏՄ, ԱՊՀ։

«Ռուսաստանում բարձր են գնահատել ԵԱՏՄ–ում Հայաստանի նախագահության արդյունքները։ Դրանք արտացոլում են Հայաստանի հետաքրքրվածությունն ու պատասխանատու վերաբերմունքը», – նշեց Կոպիրկինը։

Ինչպես «Մոսկվան վրեժ լուծեց Երևանից», կամ ադրբեջանական մի ապատեղեկատվության պատմություն

Նրա խոսքով` Երևանը քայլեր է ձեռնարկել ԵԱՏՄ–ի հեղինակության բարձրացման, մյուս երկրների հետ հարաբերությունների զարգացման համար։

Նույնատիպ մոտեցում է ցուցաբերել Հայաստանը ՀԱՊԿ–ում։ Հայաստանի ղեկավարությունը նաև խնդրահարույց հարցեր է բարձրացրել։ Դրանց քննարկումը, Կոպիրկինի խոսքով, ճանապարհ է դեպի կազմակերպության արդյունավետության բարձրացում։

Ռուսաստանում բարձր են գնահատում տարբեր միջազգային հարթակներում փոխգործակցությունը։ Ռուսաստանի համար սկզբունքային հարցերով քվեարկության արդյունքները վկայում են, որ Հայաստանը մնում է առանցքային, հուսալի գործընկեր, որի վրա Մոսկվան կարող է հենվել բարդ իրավիճակներում։

«Պուտինը` հայերի նախագահ». ինչո՞ւ է լրագրողը ասուլիսին ցուցանակով ներկայացել

Դեսպանը նաև ուշադրություն է հրավիրեց Սիրիայում հայկական մարդասիրական խմբի հաջող գործունեության վրա։

Կոպիրկինը նշեց, որ բարենպաստ նախադրյալներ կան արտաքին քաղաքականության մեջ երկխոսությունը խորացնելու համար։

91
թեգերը:
Անկախ պետությունների համագործակցություն (ԱՊՀ), Հավաքական անվտանգության պայմանագիր կազմակերպություն (ՀԱՊԿ), Եվրասիական տնտեսական միություն (ԵԱՏՄ), Դեսպան, Սերգեյ Կոպիրկին, Ռուսաստան, Հայաստան
թեմա:
Հայաստան-Ռուսաստան համագործակցություն (166)
Ըստ թեմայի
Հայաստանը ԵԱՏՄ–ում արդյունավետ է նախագահել. Փաշինյան
Հայաստանն ուզում է դառնալ ԵԱՏՄ ոսկերչական ապրանքանիշի պատասխանատու
Կարապետյան. «Հայաստանը բարձրացրել է ԵԱՏՄ հեղինակությունը»
Զոհրաբ Մնացականյան

Զոհրաբ Մնացականյանի ու Ադրբեջանի արտգործնախարարի ժնևյան հանդիպումը մեկ օրով հետաձգվել է

325
(Թարմացված է 12:15 29.10.2020)
Հայաստանի և Ադրբեջանի արտգործնախարարները հոկտեմբերի 29-ին Ժնևում պետք է հանդիպում ունենային ԵԱՀԿ Մինսկի խմբի համանախագահների հետ։

ԵՐԵՎԱՆ, 29 հոկտեմբերի - Sputnik. Ադրբեջանի և Հայաստանի արտգործնախարարներ Ջեյհուն Բայրամովի և Զոհրաբ Մնացականյանի հանդիպումը, որը պետք է կայանար այսօր Ժնևում, հետաձգվել է։ Տեղեկությունը հայտնում է ՌԻԱ Նովոստին` հղում անելով Բաքվի դիվանագիտական աղբյուրներին:

«Հանդիպումը, որը պետք է կայանար այսօր, հետաձգվել է և կկայանա վաղը», - ասել է գործակալության զրուցակիցը:

Ավելի վաղ հաղորդվել էր, որ Ժնևում հոկտեմբերի 29-ին տեղի կունենա Հայաստանի և Ադրբեջանի ԱԳ նախարարների հանդիպումը ԵԱՀԿ Մինսկի խմբի համանախագահների հետ:

​Հիշեցնենք` Հայաստանի և Ադրբեջանի արտգործնախարարներ Զոհրաբ Մնացականյանն ու Ջեյհուն Բայրամովը հոկտեմբերի 9–ին Մոսկվա էին մեկնել` խորհրդատվություններ անցկացնելու։ ՌԴ արտգործնախարար Սերգեյ Լավրովի հետ համատեղ հանդիպումը տևեց գրեթե 11 ժամ և ավարտվեց համաձայնագրի ընդունմամբ, որը հակամարտության կարգավորման չորս կետ է պարունակում։

Մասնավորապես, կողմերը պայմանավորվեցին, որ հոկտեմբերի 10-ին, ժամը 12։00-ից սկսած հումանիտար նպատակներով հրադադար կհաստատվի ռազմագերիներին, այլ պահվող անձանց և զոհվածների մարմինները փոխանակելու համար՝ Միջազգային Կարմիր խաչի չափանիշներին համապատասխան։ Հրադադարի վերաբերյալ պայմանավորվածությունից հետո Ադրբեջանը շարունակեց հրետակոծել Արցախը։

Հոկտեմբերի 17-ին ՀՀ արտգործնախարարությունը հայտնեց, որ Հայաստանի Հանրապետությունը և Ադրբեջանի Հանրապետությունը երկրորդ պայմանավորվածությունն են ձեռք բերել. որոշվել է հոկտեմբերի 18-ին, տեղական ժամանակով ժամը 00:00-ից հաստատել մարդասիրական զինադադար։

Արցախի ՊԲ–ն, սակայն, հոկտեմբերի 18-ի առավոտյան տեղեկացրեց, որ 07:20-ի սահմաններում հրետանային ակտիվ կրակից հետո ադրբեջանական զինուժը հարավային ուղղությամբ անցել է հարձակման: Երկուստեք եղել են զոհեր ու վիրավորներ: 

Հոկտեմբերի 26-ին ՀՀ ԱԳՆ–ն հայտարարեց, որ Հայաստանի և Ադրբեջանի արտգործնախարարները հումանիտար հրադադարի հաստատման երրորդ ժամկետի մասին են պայմանավորվել, որը պետք է ուժի մեջ մտներ 2020թ. հոկտեմբերի 26-ին, տեղական ժամանակով 08:00-ին։ Սակայն Ադրբեջանը խախտեց նաև երրորդ պայմանավորվածությունը։

325
թեգերը:
Ջեյհուն Բայրամով, Զոհրաբ Մնացականյան, Ադրբեջան, Հայաստան
Ըստ թեմայի
Ջախջախել են թշնամուն, ԱԹՍ խոցել, վիրավորներին մարտադաշտից դուրս բերել. նորօրյա հերոսները
Ստեփանակերտում ամենաագրեսիվ հարձակման օրն է պատերազմի սկզբից ի վեր․ կան զոհեր․ ԱՀ ՄԻՊ
Ժնևի հանդիպումը հրադադարի հանդիպում չէ. Մարուքյան
Անդրանիկ Քոչարյան

Ժնևի հանդիպումը կարող է և չկայանալ. «Իմ քայլի» պատգամավորը կասկած հայտնեց

66
(Թարմացված է 12:03 29.10.2020)
Անկախ բանակցային գործընթացներից, Անդրանիկ Քոչարյանի համոզմամբ, ԼՂ–ի հակամարտության լուծումը որոշվում է Ղարաբաղում մեր զինվորների հերոսապատումների արդյունքում։

ԵՐԵՎԱՆ, 29 հոկտեմբերի – Sputnik. ԱԺ «Իմ քայլը» խմբակցության պատգամավոր Անդրանիկ Քոչարյանը կասկածում է, որ Հայաստանի ու Ադրբեջանի արտգործնախարարների ժնևյան հանդիպումն այսօր կկայանա։ Նա իր կասկածը հայտնեց այսօր խորհրդարանական ճեպազրույցի ընթացքում։

«Եթե դրանք տեղի ունենան։ Վստահաբար չեմ կարող ասել»,– ասաց նա։

Պատասխանելով Իլհամ Ալիևի ու Նիկոլ Փաշինյանի հնարավոր հանդիպման մասին հարցին`Քոչարյանը նշեց, որ նման հանդիպում դեռ նախատեսված չէ։

Իսկ ինչ վերաբերում է Ալիևի հայտնած պատրաստակամությանը`առանց նախապայմանների բանակցություններ սկսելու մասին,  Քոչարյանը ենթադրում է, որ նրա խոսքը հաղորդագրություններում կոնտեքստից հանված է եղել։

«Բայց մի հատ հասկանանք` պարոն Ալիևն ինչ է ուզում, և հասկանանք` ինքն է ուզում, թե Էրդողանն է ուզում, որովհետև այստեղ ամեն ինչ խառնվել է իրար, ոնց որ թե պարոն Ալիևն իր երկրի կառավարումը հանձնել է պարոն Էրդողանին, ու միջազգային կառույցներում իր եղբոր փոխարեն Էրդողանն է խոսում»,– ասաց Քոչարյանը։

Այդուհանդերձ, ԼՂ–ի հակամարտության լուծումը, Քոչարյանի համոզմամբ, որոշվում է հենց Ղարաբաղում մեր զինվորների հերոսապատումների արդյունքում։

Հիշեցնենք` այսօր Ժնևում նախատեսված է ԵԱՀԿ Մինսկի խմբի համանախագահների և Հայաստանի ու Ադրբեջանի արտգործնախարարների հանդիպումը։

66
Противник применил военную авиацию по городу Мартакерт (29 октября 2020). Карабах

Մարտակերտ քաղաքի վրա թշնամին կիրառել է ռազմական ավիացիա․ օդային տագնապ է հայտարարված

0
Մարտակերտում քաղաքացիական բնակչության շրջանում բարեբախտաբար տուժածներ չկան։ Կան ավերածություններ։

ԵՐԵՎԱՆ, 29 հոկտեմբերի – Sputnik․ Մարտակերտ քաղաքի վրա թշնամին կիրառել է ռազմական ավիացիա։ Տեղեկությունը հայտնում է Արցախի արտակարգ իրավիճակների պետական ծառայությունը։Նշվում է, որ կան ավերածություններ։ Քաղաքացիական բնակչության շրջանում բարեբախտաբար տուժածներ չկան։

Նշենք, որ այս պահին էլ Ստեփանակերտում, Ասկերանում, Մարտունում և Մարտակերտում օդային տագնապ է։

Ադրբեջանը երեկվանից հարվածներ է հասցնում Ստեփանակերտին` հերթական անգամ թիրախ դարձնելով քաղաքացիական օբյեկտները։ Հարվածների հետևանքով ավերվել է Ստեփանակերտի ծննդատունը, խաղաղ բնակչության շրջանում կան տուժածներ:

Այս պահին էլ պաշտպանության բանակը հատկապես թեժ մարտեր է մղում Ասկերանի շրջանի Ավետարանոց, Սղնախ և Ակնաղբյուր հատվածում։ Թշնամին ունի կենդանի ուժի մեծ կորուստներ։

ԱՀ ՊԲ–ն էլ հայտարարություն տարածեց` տեղեկացնելով, որ ներկա պահին թշնամական ուժերի կողմից համազարկային կրակի «Սմերչ» համալիրներից հրթիռակոծության են ենթարկվում Ստեփանակերտ, Շուշի և Մարտակերտ քաղաքները:

 

0
թեգերը:
Ադրբեջան, Ղարաբաղյան հակամարտություն, Լեռնային Ղարաբաղ, Արցախ, Մարտակերտ