«Գազպրոմ Արմենիայի» Աբովյանի ԳՍՊԿ

«Գազպրոմ Արմենիան» կոնկրետացրել է իր 5 տարվա ներդրումները

76
(Թարմացված է 13:21 18.12.2019)
Կշարունակվի Աբովյանի ստորգետնյա գազապահեստարանի, գազատրանսպորտային համակարգի ընդլայնումը։ Բացի դրանից, ընկերությունն իր ավտոպարկը բենզինից կտեղափոխի գազի։

ԵՐԵՎԱՆ, 18 դեկտեմբերի — Sputnik. «Գազպրոմ Արմենիայի» 2020-2024թթ–ի ներդրումայի ծրագիրը կկազմի 60,8 միլիարդ դրամ։ Ծրագիրն այսօր` դեկտեմբերի 18–ին, հաստատվել է Հայաստանի հանրային ծառայությունները կարգավորող հանձնաժողովի նիստում։

Մասնավորապես, Աբովյանի ստորգետնյա գազապահեստարանի ընդլայման մեջ կներդրվի 36,8 միլիարդ դրամ, գազատրանսպորտային համակարգի ընդլայնման մեջ` 12,6 միլիարդ դրամ, նոր բաժանորդներ միացնելու մեջ` 2,4 միլիարդ դրամ, այլ ուղղություններով ներդրումների մեջ` մոտ 6,4 միլիարդ դրամ։

«Գազպրոմ Արմենիան» վաճառում է իր ընկերություններից մեկի գույքը. հայտնի է գնորդը

Վերջինները ներառում են վթարային փականների փոխարինում, հակահրդեհային սարքավորումների գնում, ինչպես նաև ավտոպարկի վերազինում. բենզինի բաքերի փոխարեն մեքենաների վրա կտեղադրեն գազի բալոններ։ Այսպիսով, «Գազպրոմի» մեքենաները կօգտագործեն սեփական վառելիքը։ Նախատեսվում է վերազինել մոտ հարյուր մեքենա։

«Գազպրոմ» ԲԲԸ–ի դուստր ընկերություն «Գազպրոմ Արմենիային» է պատկանում Հայաստանի գազատրանսպորտային ցանցը։ Այն աշխատում է Հայաստանի ՀԾԿՀ սահմանած կանոններով։

76
թեգերը:
Հանրային ծառայությունները կարգավորող հանձնաժողով (ՀԾԿՀ), Հայաստան, Ներդրում, գազ, «Գազպրոմ Արմենիա» ընկերություն
Ըստ թեմայի
«Գազպրոմ Արմենիան» տուգանվեց 10 մլն դրամով
Գազամատակարարումն ավելի անվտանգ կլինի. «Գազպրոմ Արմենիան» սահմանը շրջանցող գիծ կկառուցի
«Գազպրոմ Արմենիայից» կկրճատվի 1000 աշխատակից. Գարեգին Բաղրամյան