ՀԴՄ. արխիվային լուսանկար

ՀԴՄ–ների դեֆիցիտը շարունակվում է. ՊԵԿ–ը չգիտի, թե երբ կլուծվի խնդիրը

39
(Թարմացված է 14:09 17.12.2019)
Մասնավոր անձանց Հայաստան ներկրած ՀԴՄ–ները ՊԵԿ–ը չի գրանցել տեխնիկական անհամապատասխանության պատճառով։

ԵՐԵՎԱՆ, 17 դեկտեմբերի — Sputnik. Թե երբ կլուծվի ՀԴՄ–ների հետ կապված խնդիրը` չգիտեն։ Այսօր` դեկտեմբերի 17–ին, լրագրողների հետ հանդիպմանն այս մասին ասաց ՊԵԿ փոխնախագահ Էդուարդ Հովհաննիսյանը` պատասխանելով լրագրողների հարցերին։

«Այս պահի դրությամբ կան տնտեսվարողներ, ովքեր ՀԴՄ սարքեր են ներկրել և դրանք հիմա տեխնիկական ապահովման փուլում են գտնվում։ Ներկրված ՀԴՄ-ների հետ կապված տեխնիկական բնութագրերի խնդիր է առաջացել. դրանք չեն համապատասխանել սահմանված բնութագրերին և սերտիֆիկացումը մերժվել է»,– ասաց Հովհաննիսյանը։

Շուկայում առաջացած խնդիրը, ՊԵԿ նախագահի խոսքով, կլուծվի, թեևս միայն այն ժամանակ, երբ Հայաստան կներկրվեն տեխնիկական համապատասխան բնութագրերով ՀԴՄ–ներ ու դրանք նախատեսված գրանցման գործընթացներից հետո կհանվեն վաճառքի։

Ասել է, թե` ոլորտն ազատականացվել է, բայց ՊԵԿ–ը չի գրանցում բոլոր ներկրված ՀԴՄ սարքերը։

Հիշեցնենք` նոյեմբերի 14-ին ՀՀ վարչապետ Նիկոլ Փաշինյանը հայտարարել էր, որ Հայաստանում ՀԴՄ–ների պակաս կա, որն ի հայտ է եկել ՀԴՄ–ների ներկրման բացառիկ իրավունքը պետությունից տնտեսվարողներին վերապահելու արդյունքում։

Փաշինյանը դարձյալ անդրադարձել է ՀԴՄ–ների թեմային

Խնդրի առկայությունը հաստատել էր նաև ՊԵԿ նախագահ Դավիթ Անանյանը` նշելով, որ ոլորտի ազատականացման մասին որոշում ընդունելուց հետո ՊԵԿ–ում առկա ՀԴՄ–ների քանակը սկսել է չբավարարել պահանջարկը։

ՀԴՄ–ների ներկրումն ու վաճառքն ազատականացնող որոշումը ՀՀ կառավարությունն ընդունել էր 2019թ–ի մայիսին։

39
թեգերը:
Հայաստան, Պետական եկամուտների կոմիտե (ՊԵԿ), ՀԴՄ
Ըստ թեմայի
Չարաշահում կա, կոռուպցիա` դեռ պարզ չէ. ՊԵԿ–ը` ՀԴՄ–ների ձեռքբերման գործարքի մասին
Գրիգորյան․ «Նոր սերնդի ՀԴՄ-ների սպասող տնտեսվարողներին տուգանելն անընդունելի է»
Երկու քարի արանքում. ՊԵԿ–ը ՀԴՄ սարք չունեցողներին ծայրահեղ դեպքերում կտուգանի