«Ճիշտը ժամանակին ծառայության մեկնելն է». Գյումրուց նորակոչիկների 1–ին խումբը մեկնեց բանակ
(Թարմացված է 16:47 16.12.2019)
Զորակոչի գործընթացը վերահսկում են ՀՀ պաշտպանության նախարարությունը, ԶՈւ ԳՇ ղեկավարությունն ու իրավապահ մարմինները:ԵՐԵՎԱՆ, 16 դեկտեմբերի — Sputnik. Այսօր` դեկտեմբերի 16–ին, մեկնարկել է 2019 թվականի ձմեռային զորակոչը: Պարտադիր ժամկետային զինվորական ծառայության են մեկնում առաջին նորակոչիկները: Այս մասին տեղեկացնում է ՀՀ ՊՆ մամուլի ծառայությունը։
Գյումրուց նույնպես այսօր ճանապարհեցին նորակոչիկների առաջին խմբին։ Գյումրու զինկոմիսար, գնդապետ Արսեն Համբարձումյանը Sputnik Արմենիային տեղեկացրեց, որ այսօրվա խմբից միայն մեկ երիտասարդ չի մեկնի հավաքակայան։ Նա առողջական խնդիրներ ունի։
©
Sputnik / Armenuhi Mkhoyan
Գյումրու զինկոմիսար, գնդապետ Արսեն Համբարձումյան
Զինկոմը նշեց, որ մարզում կան նորակոչիկներ, ովքեր ցանկություն են հայտնել ծառայության մեկնել «Պատիվ ունեմ» ծրագրով:
Գեղեցիկ դիմագծեր և 180-190 սմ հասակ. ՊՆ–ն զորակոչիկների ընտրություն է իրականացնելու
Գյումրեցի նորակոչիկներին, ավանդույթի համաձայն, Հայոց բանակ ճանապարհեցին Գյումրու «Մայր Հայաստան» հուշահամալիրի տարածքից:
©
Sputnik / Armenuhi Mkhoyan
Գյումրի, զորակոչ
«Թոռնիկիս՝ Ղազարյան Հարությունին եմ ճանապարհում, խաղաղ ու անփորձանք ծառայություն բոլոր տղաներին եմ մաղթում, ոչինչ, որ Նոր տարին մեզ հետ չի լինի, կարևորն անփորձանք իրենց պարտքը կատարեն ու վերադառնան»,– Sputnik Արմենիային ասաց տիկին Արեգնազանը` զսպելով հուզմունքը:
©
Sputnik / Armenuhi Mkhoyan
Գյումրի, ձմեռային զորակոչ
Նոր տարին տնեցիներից հեռու անցկացնելու հեռանկարից փորձում են չտխրել նաև ծառայության մեկնող տղաները։
«Շուտ կգնանք, շուտ կգանք: Հոգ չէ, Նոր տարին հարազատներիս հետ կնշեմ 2 տարի անց»,–նշեց Գառնիկը։ Նա կարծում է, որ ճիշտը ժամանակին ծառայության մեկնելն է:
Ընդգծված բարձր տրամադրություն ուներ Արտյոմ Խաչատրյանը։ Նա նշեց, որ Արցախում 1994 թվականին հերոսաբար զոհված հորեղբոր անուն է կրում, և հպարտությամբ է գնում սահմանը։ Արտյոմը խոստովանեց, որ շատ է կարոտելու հատկապես կրտսեր եղբորը:
©
Sputnik / Armenuhi Mkhoyan
Արտյոմ Խաչատրյանը` կրտսեր եղբոր հետ
Հիշեցնենք, որ ՀՀ պաշտպանության նախարարի հրամանով ՀՀ պաշտպանության նախարարին առընթեր հասարակական խորհրդի հովանու ներքո ստեղծվել է 2019թ. ձմեռային զորակոչի ընթացքում քաղաքացիների դիմումների և բողոքների քննարկման հանձնաժողով: Տեղեկությունների համար կարելի է զանգահարել 010-52-34-82 հեռախոսահամարով:
ՀՀ–ում շատանում է կորոնավիրուսով վարակվածների թիվը. մահճակալային ֆոնդը կրկին ավելացվել է
(Թարմացված է 14:01 05.03.2021)
Վերջին օրերին կորոնավիրուսով վարակվածության դեպքերի աճ է նկատվում։ ՀՀ առողջապահության նախարարությունը հիշեցնում է, որ երկրի մահճակալային հզորությունները սահմանափակ են։ԵՐԵՎԱՆ, 5 մարտի - Sputnik. Երկրում ստեղծված համաճարակային իրավիճակից ելնելով` ՀՀ առողջապահության նախարարությունը այսօր վերաբացել է շուրջ 250 մահճակալ հզորությամբ «Սուրբ Աստվածամայր» բուժկենտրոնի ինֆեկցիոն մասնաճյուղը: Տեղեկությունը հայտնում է ՀՀ առողջապահության փոխնախարար Գևորգ Սիմոնյանը։
«Հանրապետության մահճակալային հզորությունները սահմանափակ են»,– Facebook–ի իր էջում գրել է նա։
Հիշեցնենք, որ ՀՀ առողջապահության նախարար Անահիտ Ավանեսյանը երեկ հայտնել էր, որ այժմ վիրուսի առկայությունը հաստատվում է թեստավորվածների 16 տոկոսի մոտ։
Հայաստանում կորոնավիրուսով վարակվածների թիվը վերջին մեկ օրում ավելացել է 442–ով և դարձել 173 749։
«Բանակի փեշերից են կախվել». Քոչարյանն ասաց` ինչպես է լուծվելու Օնիկ Գասպարյանի հարցը
(Թարմացված է 13:49 05.03.2021)
Անդրանիկ Քոչարյանը պատասխանեց հարցին` ի վերջո Օնիկ Գասպարյանն այժմ աշխատանքից ազատվա՞ծ է համարվում, թե ոչ։
ԵՐԵՎԱՆ, 5 մարտի - Sputnik. ՀՀ զինված ուժերի գլխավոր շտաբի պետ Օնիկ Գասպարյանի խնդիրը պետք է լիներ, որ թույլ չտար որևէ մեկին քիթը խոթել բանակի ներքին խնդիրներին։ Եռաբլուրում լրագրողների հետ զրույցում նման կարծիք հայտնեց ԱԺ «Իմ քայլը» խմբակցության պատգամավոր Անդրանիկ Քոչարյանը` ի պատասխան հարցին, թե ի՞նչ գնահատական է տալիս ԳՇ–ի` վարչապետի հրաժարականի պահանջով հայտարարությանը։
«Մեր խնդիրները թողած` բանակի փեշերից են կախվել բոլորը։ Որևէ մեկի մտքով չի անցել բանակը դարձնել պետական գործիք, անգամ Հոկտեմբերի 27-ից հետո որևէ քայլ չի արվել գործող իշխանության դեմ։ Բանակը պետք է միայն արտաքին թշնամի ունենար, այլ ոչ թե ներքին»,–ասաց Քոչարյանը։
Հարցին, թե բոլորին հետաքրքրում է` Օնիկ Գասպարյանն այժմ ԳՇ պե՞տ է, թե՞ ազատվել է աշխատանքից, Քոչարյանը պատասխանեց, որ նախագահ Արմեն Սարգսյանը չի ուղարկել վարչապետի միջնորդությունը ՍԴ–ում վիճարկելու, ինչը նշանակում է, որ Գասպարյանը 3 օր հետո համարվում է աշխատանքից ազատված։ Քոչարյանը ենթադրում է, որ այս ընթացքում վարչապետը կա՛մ նախագահին կներկայացնի նոր թեկնածու, կա՛մ ՊՆ–ի հետ կոնսուլտացիաներ կլինեն և գուցե այդ պարտականությունը դրվի տեղակալներից մեկի վրա։
©
Photo : official site of the MoD of RA
Մեկ այլ հարցի, թե ի՞նչ ճակատագիր է սպասում այն զինվորականներին, որոնք միացել են ԳՇ–ի հայտարարությանը` Քոչարյանը պատասխանեց, որ զինվորականների 90 տոկոսն այժմ իրականացնում է իր առջև դրված գործը, բացառությամբ ԳՇ պետի առաջին տեղակալ Տիրան խաչատրյանի, որն ազատվեց աշխատանքից։
Անդրադառնալով Տիրան Խաչատրյանի այն քայլին, որ նա Վարչական դատարան է դիմել` վիճարկելով աշխատանքից ազատման փաստը` Քոչարյանը նշեց, որ Խաչատրյանը վարչական դատարան դիմելուց առաջ թող մտածեր` իր այդ քայլով ինչպիսի՞ վտանգ հասցրեց ՀՀ ներքին անվտանգությանը։
Իրադրությունը սրվեց այն բանից հետո, երբ ՀՀ ԶՈւ Գլխավոր շտաբը փետրվարի 25-ին պահանջեց ՀՀ վարչապետ Նիկոլ Փաշինյանի հրաժարականը, ասելով, որ քաղաքական ղեկավարությունը պետությունը տանում է դեպի վտանգավոր սահմանագիծ։ Դա տեղի ունեցավ այն բանից հետո, երբ վարչապետը պաշտոնից հեռացրեց Գլխավոր շտաբի պետի առաջին տեղակալ Տիրան Խաչատրյանին։
Ի պատասխան Նիկոլ Փաշինյանը հայտարարեց ռազմական հեղաշրջման փորձի մասին և քաղաքացիներին կոչ արեց հավաքվել Հանրապետության հրապարակում՝ «հեղափոխությունը պաշտպանելու» համար։
©
Photo : official site of the MoD of RA
Նա հայտնեց նաև, ստորագրել է Գլխավոր շտաբի պետ Օնիկ Գասպարյանին պաշտոնից հեռացնելու փաստաթուղթը, որը, սակայն, ՀՀ նախագահ Արմեն Սարգսյանը չստորագրեց և հետ ուղարկեց փետրվարի 27–ին։ Նույն օրը վարչապետը կրկին առաջարկությունն ուղարկեց ՀՀ նախագահին։
Գլխավոր շտաբը մարտի 1-ին նոր հայտարարություն տարածեց նշելով, որ կրկին հաստատում է ստեղծված իրավիճակի վերաբերյալ իր գնահատականները և շեշտում, որ, անկախ Զինված ուժերը քաղաքական գործընթացների մեջ ներքաշելու փորձերից, մնում Է անդրդվելի, կշռադատված և հաստատակամ։
Մարտի 2-ին հայտնի դարձավ, որ նախագահը չի ստորագրել Օնիկ Գասպարյանին ԳՇ պետի պաշտոնից ազատելու հրամանագիրը, բայց ՍԴ դիմելու է ոչ թե Նիկոլ Փաշինյանի ներկայացրած հրամանագրի նախագծի սահմանադրականության հարցը պարզելու համար, այլ «Զինվորական ծառայության և զինծառայողի կարգավիճակի մասին» 2017թ. նոյեմբերի 15-ի ՀՀ օրենքի՝ Սահմանադրությանը համապատասխանելու հարցը որոշելու խնդրանքով: