ԵՐԵՎԱՆ, 16 դեկտեմբերի — Sputnik. Քաղավիացիայի կոմիտեն ստիպված կլինի հաշվետու լինել Օդային տրանսպորտի միջազգային ասոցիացիայի փորձագետներին` Եվրամիության «սև ցուցակում» չհայտնվելու համար. այն առաջարկում է արգելք սահմանել հայկական ավիաընկերությունների թռիչքների վրա։ Այս մասին այսօր լրագրողների հետ զրույցում ասաց կոմիտեի ղեկավար Տաթևիկ Ռևազյանը։

© Sputnik / Asatur Yesayants

Wizz Air–ը չվերթեր է սկսում Երևանից Վիեննա և Վիլնյուս

Ռևազյանի խոսքով` խնդիրը կապված է «Տարոն Ավիա» ավիաընկերության հետ, որի աշխատանքում բացահայտվել են մի շարք լուրջ թերություններ` ԵՄ երկրներում չվերթեր իրականացնելու հայտեր տրամադրելիս։ Այդ փուլում պարզվել է, որ ընկերությունը չի ապահովում թռիչքների անվտանգության պատշաճ մակարդակ։ Ավելի վաղ «Տարոն Ավիան» աշխատել է աֆրիկյան երկրներում։ Օդային տրանսպորտի միջազգային ասոցիացիայում (IATA) համարել են, որ հայկական կոմիտեն պարտավոր էր ավելի վաղ արձանագրել այդ խնդիրները։ Այժմ ընդհանուր առմամբ հարցականի տակ է հայկական ընկերությունների կողմից փոխադրումների անվտանգությունն ապահովելու հարցը։

Ռուսաստանը հետաքրքրված է Վրաստանի հետ ավիահաղորդակցության վերականգնմամբ

Ռևազյանը ստիպված է եղել արդարանալ և ներկայացնել ավելի լայն պատկեր։ Արդյունքում` Օդային տրանսպորտի միջազգային ասոցիացիան ժամանակ է տվել քաղավիացիային թերությունները վերացնելու համար։ Մայիսին ավիափոխադրումների հայկական շուկան կենթարկվի լայնածավալ ստուգումների։

Քաղավիացիայի կոմիտեն նոյեմբերի 6–ին դադարեցրել է «Տարոն Ավիայի» հավաստագրի վավերականությունը։ Պատճառ են հանդիսացել տեսչական ստուգումների ժամանակ բացահայտված թերությունները։

© Photo : press office of the Armenia Airways

Ծաղիկներ և հյուրասիրություն. գործարկվել է Երևան–Անապա ուղիղ չվերթը

«Մենք կարողացանք պայմանավորվել ավիաընկերության հետ և դադարեցնել դրա գործունեությունը։ Փորձագետները կանցկացնեն բազմակողմանի և ընդլայնված ստուգումներ, կայցելեն հայկական ավիաընկերություններ, որից հետո արդեն որոշում կկայացվի։ Պետք է ստուգում անցնենք, մենք այլ ելք չունենք», – ասաց նա։

Ռևազյանը հավելեց, որ Հայաստանում գրանցված Atlantis European Airways–ում նույնպես որոշ խնդիրներ են գրանցել, բայց ընկերությունը ստացել է թույլտվություն։ «Արմենիա» ավիաընկերության մոտ ոչ մի խնդիր չեն գտել, և այն հաջողությամբ անցել է աուդիտը։

Ռևազյանը հավելեց, որ կոմիտեն այսուհետ ավելի խիստ կմոտենա հսկողության հարցերին, սակայն դա չափազանց բարդ կլինի կադրերի խիստ պակասի ֆոնին։

Շուտով շուկա կարող է մուտք գործել հայկական նոր ավիաընկերություն. Տաթևիկ Ռևազյան

«Ռեսուրսները չեն բավականացնում ավելի խիստ ստուգումներ անցկացնելու համար։ Ամենամեծ խնդիրը ցածր աշխատավարձերն են։ Եթե օդաչուն կարող է հայկական շուկայում միջինում ստանալ 4-5 հազար դոլար աշխատավարձ, իսկ արտասահմանում` 10-15 հազար, ապա նա, իհարկե, չի համաձայնի աշխատել կոմիտեում 150 հազար դրամով», – նշեց կոմիտեի ղեկավարը։

© Sputnik / Виталий Аньков

Վրաստան չվերթերի արգելքի պատճառով ռուսական ավիաընկերությունները միլիարդների վնաս են կրել

Հիշեցնենք, որ Տաթևիկ Ռևազյանը հանդես է եկել օրենսդրական շտկումներով` առաջարկելով բարձրացնել կոմիտեի աշխատողների աշխատավարձերը։

Կոմիտեն մտադիր չէ աշխատավարձերը բարձրացնել բյուջետային միջոցների հաշվին։ Ռևազյանը պատրաստվում է կիրառել միջազգային փորձը և ներդնել վճարային ծառայությունների համակարգ. այսինքն` կոմիտեն ինքը գումար կվաստակի` վճար գանձելով որոշակի ծառայություններ տրամադրելու դիմաց։

«Հայաստանում ավիաընկերություն գրանցելու կամ օդաչուի արտոնագիրը երկարացնելու համար գումար չեն վերցնում, բայց դա աշխարհում կիրառվում է և նորմալ է համարվում», – եզրափակեց նա։

Ինչո՞ւ են ղազախստանցիներն ավելի շատ մեկնում Վրաստան. դեսպանը դիմեց հայկական բիզնեսին

Նշենք, որ Տաթևիկ Ռևազյանը, խորհրդարանում ներկայացնելով «Պետական տուրքի մասին» օրենքում փոփոխությունները, առաջարկել է Հայաստանում արդեն աշխատող և նոր ավիափոխադրողներին երեք տարով հարկային արտոնություններ տրամադրել` նոր զբոսաշրջային ուղղություններ բացելու դեպքում։ Մասնավորապես, խոսքը այսպես կոչված «օդի հարկը» վերացնելու մասին է, որն արդյունքում ներառվել է տոմսի արժեքի մեջ։ Այդ հարկը գանձվում է 1997թ–ից և կազմում է 10 հազար դրամ։ Առաջարկված փոփոխություններն ընդունվել են։

ԵՐԵՎԱՆ, 5 մարտի - Sputnik. ՀՀ զինված ուժերի գլխավոր շտաբի պետ Օնիկ Գասպարյանի խնդիրը պետք է լիներ, որ թույլ չտար որևէ մեկին քիթը խոթել բանակի ներքին խնդիրներին։ Եռաբլուրում լրագրողների հետ զրույցում նման կարծիք հայտնեց ԱԺ «Իմ քայլը» խմբակցության պատգամավոր Անդրանիկ Քոչարյանը` ի պատասխան հարցին, թե ի՞նչ գնահատական է տալիս ԳՇ–ի` վարչապետի հրաժարականի պահանջով հայտարարությանը։

«Մեր խնդիրները թողած` բանակի փեշերից են կախվել բոլորը։ Որևէ մեկի մտքով չի անցել բանակը դարձնել պետական գործիք, անգամ Հոկտեմբերի 27-ից հետո որևէ քայլ չի արվել գործող իշխանության դեմ։ Բանակը պետք է միայն արտաքին թշնամի ունենար, այլ ոչ թե ներքին»,–ասաց Քոչարյանը։

Հարցին, թե բոլորին հետաքրքրում է` Օնիկ Գասպարյանն այժմ ԳՇ պե՞տ է, թե՞ ազատվել է աշխատանքից, Քոչարյանը պատասխանեց, որ նախագահ Արմեն Սարգսյանը չի ուղարկել վարչապետի միջնորդությունը ՍԴ–ում վիճարկելու, ինչը նշանակում է, որ Գասպարյանը 3 օր հետո համարվում է աշխատանքից ազատված։ Քոչարյանը ենթադրում է, որ այս ընթացքում վարչապետը կա՛մ նախագահին կներկայացնի նոր թեկնածու, կա՛մ ՊՆ–ի հետ կոնսուլտացիաներ կլինեն և գուցե այդ պարտականությունը դրվի տեղակալներից մեկի վրա։

© Photo : official site of the MoD of RA

ԳՇ–ն միանգամից 3 պետ կունենա՞, կամ ՍԴ–ից բացի ուրիշ ինչ ուղի ունի Օնիկ Գասպարյանը

Մեկ այլ հարցի, թե ի՞նչ ճակատագիր է սպասում այն զինվորականներին, որոնք միացել են ԳՇ–ի հայտարարությանը` Քոչարյանը պատասխանեց, որ զինվորականների 90 տոկոսն այժմ իրականացնում է իր առջև դրված գործը, բացառությամբ ԳՇ պետի առաջին տեղակալ Տիրան խաչատրյանի, որն ազատվեց աշխատանքից։

Անդրադառնալով Տիրան Խաչատրյանի այն քայլին, որ նա Վարչական դատարան է դիմել` վիճարկելով աշխատանքից ազատման փաստը` Քոչարյանը նշեց, որ Խաչատրյանը վարչական դատարան դիմելուց առաջ թող մտածեր` իր այդ քայլով ինչպիսի՞ վտանգ հասցրեց ՀՀ ներքին անվտանգությանը։

Իրադրությունը սրվեց այն բանից հետո, երբ ՀՀ ԶՈւ Գլխավոր շտաբը փետրվարի 25-ին պահանջեց ՀՀ վարչապետ Նիկոլ Փաշինյանի հրաժարականը, ասելով, որ քաղաքական ղեկավարությունը պետությունը տանում է դեպի վտանգավոր սահմանագիծ։ Դա տեղի ունեցավ այն բանից հետո, երբ վարչապետը պաշտոնից հեռացրեց Գլխավոր շտաբի պետի առաջին տեղակալ Տիրան Խաչատրյանին։

Ի պատասխան Նիկոլ Փաշինյանը հայտարարեց ռազմական հեղաշրջման փորձի մասին և քաղաքացիներին կոչ արեց հավաքվել Հանրապետության հրապարակում՝ «հեղափոխությունը պաշտպանելու» համար։

© Photo : official site of the MoD of RA

Փաշինյան vs Գլխավոր շտաբ, կամ ինչ է պակասում ընդդիմությանը հաջողության հասնելու համար

Նա հայտնեց նաև, ստորագրել է Գլխավոր շտաբի պետ Օնիկ Գասպարյանին պաշտոնից հեռացնելու փաստաթուղթը, որը, սակայն, ՀՀ նախագահ Արմեն Սարգսյանը չստորագրեց և հետ ուղարկեց փետրվարի 27–ին։ Նույն օրը վարչապետը կրկին առաջարկությունն ուղարկեց ՀՀ նախագահին։

Գլխավոր շտաբը մարտի 1-ին նոր հայտարարություն տարածեց նշելով, որ կրկին հաստատում է ստեղծված իրավիճակի վերաբերյալ իր գնահատականները և շեշտում, որ, անկախ Զինված ուժերը քաղաքական գործընթացների մեջ ներքաշելու փորձերից, մնում Է անդրդվելի, կշռադատված և հաստատակամ։

Մարտի 2-ին հայտնի դարձավ, որ նախագահը չի ստորագրել Օնիկ Գասպարյանին ԳՇ պետի պաշտոնից ազատելու հրամանագիրը, բայց ՍԴ դիմելու է ոչ թե Նիկոլ Փաշինյանի ներկայացրած հրամանագրի նախագծի սահմանադրականության հարցը պարզելու համար, այլ «Զինվորական ծառայության և զինծառայողի կարգավիճակի մասին» 2017թ. նոյեմբերի 15-ի ՀՀ օրենքի՝ Սահմանադրությանը համապատասխանելու հարցը որոշելու խնդրանքով: