Ռուբեն Հայրապետյան. արխիվային լուսանկար

«Հորդորում էր, որ ես փախնեմ Հայաստանից». Ռուբեն Հայրապետյանը` Անդրանիկ Քոչարյանի մասին

244
(Թարմացված է 12:05 14.12.2019)
ՀՖՖ նախկին նախագահ Ռուբեն Հայրապետյանը պատմել է, որ ինքը նախապես իմացել է, որ իր նկատմամբ քրեական գործ է  նախապատրաստվում։ Իսկ իշխանական պատգամավորը նույնիսկ հորդորում էր փախչել Հայաստանից։

ԵՐԵՎԱՆ, 14 դեկտեմբերի — Sputnik. ԱԺ «Իմ քայլը» խմբակցության պատգամավոր Անդրանիկ Քոչարյանը գործարար, ՀՀՖ նախկին նախագահ Ռուբեն Հայրապետյանին օրեր առաջ էր զգուշացրել նրա նկատմամբ նախապատրաստվող իրավական գործողությունների մասին։ Այս մասին Հայրապետյանը հայտնել է երեկ ուշ երեկոյան «168 ժամ» կայքին տված հարազրույցում։

«Անդրանիկ Քոչարյանը, որն իմ նախկին ընկերն է եղել, 10 օր առաջ իմ ընկերներից մեկի միջոցով հորդորում էր, որ ես փախնեմ ՀՀ-ից, որովհետեւ Նիկոլը հրաման է տվել, որ ինձ բռնեն: Տասը oր առաջվա բան եմ ասում: Հասկանո՞ւմ եք՝ սա ինչի համար է արվում՝ նրա համար, որ թողես գնաս, որ միանգամից «մասկի շոու» անեն ու ասեն, թե Ռուբեն Հայրապետյանը հանցագործ է, որը թալանել է ֆուտբոլի ֆեդերացիան և փախել»,-ասել է Հայրապետյանը։

Ռուբեն Հայրապետյանը նշեց, որ Քոչարյանը մտահոգ մարդ է, բայց ինքը փախչելու մտադրություն չունի և երբեք էլ չի ունեցել։ Ասաց, որ սիրում է Հայաստանը ու ազատության, թե անազատության մեջ, մնալու է իր հայրենիքում։

«Հարցերը տվեք նրան, ով այս պատվերը իջեցրել է»․ Ռուբեն Հայրապետյան

«Ձերբակալում են, թող ձերբակալեն: Ոստիկանության աշխատողներն էլ թող չտանջվեն: Թող զանգեն ինձ ու ասեն, որ ձերբակալում են: Ազնվորեն եմ ասում՝ նույն րոպեին կգնամ ոստիկանություն: Ես դրանից չեմ վախենում: Ձերբակալելով մեր տեսակներին չեն վախեցնի»,– ասաց նա։

Հիշեցնենք` նոյեմբերի 13-ին Ոստիկանության 6-րդ վարչության աշխատակիցները խուզարկություններ էին իրականացրել Ռուբեն Հայրապետյանի առանձնատանն ու նրան պատկանող այլ շինություններում։ Մինչ այդ ոստիկանությունը հայտնել էր, որ ՀՖՖ նախկին նախագահին պատկանող բիզնեսների վերաբերյալ նյութեր են  նախապատրաստվում։

Հատուկ ջոկատայինները խուզարկում են Ռուբեն Հայրապետյանի առանձնատունը և շինությունները

Իրավապահները օպերատիվ տեղեկություններ էին ստացել այն մասին, որ Հայաստանի ֆուտբոլի ֆեդերացիայի նախկին նախագահ Ռուբեն Հայրապետյանին պատկանող ընկերություններում հնարավոր են չարաշահումների դեպքեր։

Նշենք, որ մամուլի հրապարակումների համաձայն` Ռուբեն Հայրապետյանը «Զարգացման հայկական բանկի» և «Զեյթունի կահույքի ֆաբրիկա» ԲԲԸ-ի փաստացի սեփականատերն է։ 2012 – 2018 թթ., զբաղեցնելով ՀՖՖ նախագահի պաշտոնը, Հայրապետյանը ՀՀ մի քանի քաղաքներում կազմակերպել է ֆուտբոլի մարզադաշտերի ու մարզադպրոցների կառուցման և վերանորոգման աշխատանքներ, որոնց ընթացքում չի կատարել կամ մասնակի է կատարել պայմանագրերով նախատեսված պարտավորությունները և յուրացրել առանձնապես խոշոր չափերի գումարներ:

244
թեգերը:
Հայաստան, առանձնատուն, հարցազրույց, խուզարկություն, ՀՖՖ, Անդրանիկ Քոչարյան, Ռուբեն Հայրապետյան
Ըստ թեմայի
Ֆուտբոլի ֆեդերացիայի նախագահի պաշտոնում 3 թեկնածու է առաջադրվել. ու՞մ են մերժել և ինչո՞ւ
Սերժ Սարգսյանը վատ ղեկավար է եղել, վատ ընկեր, ինձնից գործարան է խլել. Խաչատուր Սուքիասյան
«Ժողովուրդն ինչ ուզում ա, ստացել ա...». Ռուբեն Հայրապետյանը` Վանեցյանի ու ֆուտբոլի մասին
Տատյանա Բրուխունովա. արխիվային լուսանկար

Եվգենի Պետրոսյանի երիտասարդ կինը փոխել է «այրու կերպարն» ու որոշել գիրք կարդալ

47
(Թարմացված է 01:17 06.07.2020)
Տատյանա Բրուխունովան բաժանորդներին խոստովանել է, որ ամռանը միշտ արևապաշտպան քսուքներ է օգտագործում, քանի որ վախենում է մաշկի քաղցկեղից։

ԵՐԵՎԱՆ, 5 հուլիսի – Sputnik. Երգիծաբան Եվգենի Պետրոսյանի երիտասարդ կինը՝ Տատյանա Բրուխունովան, շարունակում է համացանցի օգտատերերի ուշադրության կենտրոնում մնալ։ Նա երկնագույն շրջազգեստով լուսանկար է հրապարակել Instagram-ում։

Տատյանան հակիրճ է մեկնաբանել լուսանկարը․ «Ամառ է»։

View this post on Instagram

A post shared by Tatyana Brukhunova (@bruhunova) on

Հատկանշական է, որ մի քանի օր առաջ Բրուխունովան բաժանորդների խիստ քննադատությանն է արժանացել, քանի որ սև շորով լուսանկար է հրապարակել։ Շատերը չեն հավանել նրա ընտրությունը։

««Ասես թաղման շոր լինի», «Այրիի կերպար է», «Այսպիսի շորեր մի հագեք։ Երիտասարդ ու գեղեցիկ եք։ Ձեզ վառ գույներն ավելի շատ են սազում»», - գրել էին բաժանորդները։

View this post on Instagram

A post shared by Tatyana Brukhunova (@bruhunova) on

Հավանաբար Տատյանան հաշվի է առել բաժանորդների կարծիքներն ու այս անգամ նուրբ երկնագույն զգեստ է ընտրել։

Պետրոսյանի 31-ամյա կինը վեճի է բռնվել ամռանն արևայրուք ընդունելու թեմայի շուրջ։

«Երբեք չեմ անտեսում արևապաշտպան քսուքը։ Առանց դրա արևայրուքը վտանագավոր է կյանքի համար։ Մելանոման քաղցկեղի ամենատարածված տեսակն է աշխարհում», - գրել է նա։

Բաժանորդները գնահատել են Տատյանայի անկեղծությունը, որը խոստովանել է, որ կարանտինի ընթացքում չի հասցնում կարդալ։ Այնուամենայնիվ նա ցույց է տվել՝ այս ընթացքում ինչ գրքեր է գնել։

Օգտատերերը Պետրոսյանին խորհուրդ են տալիս պարանոցից նետել «օձ Ստեպանենկոյին»

«Այս գրքերը կարանտինի ընթացքում եմ գնել։ Մնում է` ժամանակ գտնեմ ընթերցելու համար», - մեկնաբանել է նա լուսանկարը։

Նկարում ոճի, նորաձևության ու լուսանկարչության մասին գրքեր են։

View this post on Instagram

A post shared by Tatyana Brukhunova (@bruhunova) on

««Ինչ նրբաճաշակ եք», «Այս գրքերն ի նկատի կունենամ»», - գրում են աղջկա երկրպագուները։

Հիշեցնենք, որ անցած տարվա դեկտեմբերին Եվգենի Պետրոսյանն ամուսնացել է իր երիտասարդ օգնականի՝ Տատյանա Բրուխունովայի հետ։ 74-ամյա հումորիստը չափահաս դուստր ունի՝ Վիկտորիան, որը հիմա բնակվում է Մոսկվայում՝ Ելենա Ստեպանենկոյի հետ միասին։ Պետրոսյանի և Ստեպանենկոյի բաժանումից հետո Վիկտորիան պաշտպանում է խորթ մորը և դադարեցրել է հոր հետ շփումը։

«Այսպես գեղեցիկ է». Եվգենի Պետրոսյանի երիտասարդ կինը պարծեցել է իր ճաշակով

47
թեգերը:
ինստագրամ, Կին, Եվգենի Պետրոսյան, Տատյանա Բրուխունովա
Ըստ թեմայի
«Աստված մի արասցե». Ելենա Ստեպանենկոն խոսել է Եվգենի Պետրոսյանի հետ վերամիավորվելու մասին
Պետրոսյանի կինը Ստեպանենկոյին «տարօրինակ» է անվանել և կոշտ արձագանքել բաժանորդներից մեկին
Ստեպանենկոն ասել է, թե ինչպես է վերաբերվում Պետրոսյանին ամուսնալուծությունից հետո
Ոստիկան. արխիվային լուսանկար

Պահանջում ենք բացառել միջամտությունը ԶԼՄ-ների գործունեությանը. հայտարարություն

40
(Թարմացված է 22:04 05.07.2020)
Լրագրողական ազմակերպությունները համոզված են, որ եթերում դիմակ դնել–չդնելու հարցը հնարավոր է լուծել այլ ճանապարհով՝ քննարկումների, պարզաբանումների և փոխհամաձայնությունների միջոցով։

ԵՐԵՎԱՆ, 5 հուլիսի - Sputnik. Լրագրողական մի շարք կազմակերպություններ հայտարարություն են տարածել` ՀՀ կառավարությունից ու պարետատնից պահանջելով չօգտագործել ուժային կառույցները նրանց ոչ բնորոշ գործողություններում և բացառել նրանց միջամտությունը լրատվամիջոցների գործունեությանը, ինչպես նաև հաշվի առնելով լրատվական, հատկապես հեռուստատեսային գործունեության առանձնահատկությունները՝ վերանայել և հստակեցնել համաճարակի հետ կապված՝ ԶԼՄ-ներին վերաբերող աշխատանքային պայմանների սահմանափակումները։

Արդեն տեղեկացրել ենք, որ հուլիսի 3-ին հեռուստաեթերում դիմակ չդնելու համար ոստիկանները վարչական վարույթ են  հարուցել «Արմնյուզ» և «5-րդ ալիք» հեռուստաընկերություններում:

«Նույնիսկ հաշվի առնելով կորոնավիրուսի համավարակի հետ կապված արտակարգ դրության պահանջները՝ տեղի ունեցածը դիտարկում ենք որպես իրավապահ մարմնի կողմից լիազորությունների չարաշահում։ Հասարակության մեջ առկա քաղաքական և հոգեբանական լարվածության պայմաններում իշխանությունները պետք է առավել մեծ նրբանկատություն ցուցաբերեն և խուսափեն անհարկի խիստ քայլեր ձեռնարկելուց։ Համոզված ենք, որ եթերում դիմակ կրելու կամ չկրելու հարցը հնարավոր է լուծել այլ ճանապարհով՝ քննարկումների, պարզաբանումների և փոխհամաձայնությունների միջոցով»,–ասվում է լրագրողական կազմակերպություննեի տարածած հաղորդագրության մեջ։

Ոստիկանության ծառայողներն այցելել են «Արմնյուզ». վարչական վարույթ է հարուցվել

Նրանք նաև հորդորում են լրատվամիջոցներին՝ զերծ մնալ պարետատան որոշումների հնարավոր խախտումներից՝ գիտակցելով սեփական պատասխանատվությունը համաքաղաքացիների, այդ թվում՝ իրենց իսկ աշխատակիցների առողջության համար։

Հայտարարության տակ ստորագրել են հետևյալ կազմակերպությունները.

  • ՄԵԴԻԱ ՆԱԽԱՁԵՌՆՈՒԹՅՈՒՆՆԵՐԻ ԿԵՆՏՐՈՆ
  • ԽՈՍՔԻ ԱԶԱՏՈՒԹՅԱՆ ՊԱՇՏՊԱՆՈՒԹՅԱՆ ԿՈՄԻՏԵ
  • ԵՐԵՎԱՆԻ ՄԱՄՈՒԼԻ ԱԿՈՒՄԲ
  • ԼՐԱԳՐՈՂՆԵՐԻ «ԱՍՊԱՐԵԶ» ԱԿՈՒՄԲ
  • ԻՆՖՈՐՄԱՑԻԱՅԻ ԱԶԱՏՈՒԹՅԱՆ ԿԵՆՏՐՈՆ
  • ԲԱԶՄԱԿՈՂՄԱՆԻ ՏԵՂԵԿԱՏՎՈՒԹՅԱՆ ԻՆՍՏԻՏՈՒՏ – ՀԱՅԱՍՏԱՆ
  • ՀԱՆՐԱՅԻՆ ԼՐԱԳՐՈՒԹՅԱՆ ԱԿՈՒՄԲ
  • «ԼՐԱԳՐՈՂՆԵՐ ՀԱՆՈՒՆ ԱՊԱԳԱՅԻ» ՀԿ
  • «ԼՐԱԳՐՈՂՆԵՐ ՀԱՆՈՒՆ ՄԱՐԴՈՒ ԻՐԱՎՈՒՆՔՆԵՐԻ» ՀԿ
  • ԳՈՐԻՍԻ ՄԱՄՈՒԼԻ ԱԿՈՒՄԲ

Հիշեցնենք, որ մայիսի 25-ից Հայաստանում «դիմակային ռեժիմ» է սահմանվել։ Քաղաքացիներրը պետք է դիմակ կրեն հանրային տրանսպորտում, փակ տարածքներում, տաքսիներում և անձնական ավտոմեքենաներում։

Իշխանությունները կարծում են, որ այդկերպ հնարավոր կլինի կանխել երկրում կորոնավիրուսային վարակի տարածումը։

Հայաստանում արտակարգ դրության ռեժիմը երկարացվել է մինչև հուլիսի 13-ը։

Ոստիկանները «ասֆալտին են փռել» «դիմակային ռեժիմը» խախտողին․ Փաշինյանն արձագանքել է

40
թեգերը:
Հայաստան, ԶԼՄ, ՀՀ Ոստիկանություն, Ոստիկանություն, դիմակ
թեմա:
Կորոնավիրուսը Հայաստանում և Արցախում
Ըստ թեմայի
Ոստիկանները դիմակներ են բաժանում փողոցում և արձանագրություն կազմում. տեսանյութ
Դնե՞լ, թե՞ չդնել. վարչապետը բացահայտեց բժշկական դիմակների շուրջ ստեղծված առեղծվածը
Իրանն անցնում է «դիմակային ռեժիմի». կորոնավիրուսով վարակվածների թիվն աճում է