Ռոբերտ Քոչարյան

Ռոբերտ Քոչարյանին կրկին վիրահատե՞լ են. Սողոմոնյանը խոսել է նրա առողջական վիճակի մասին

137
(Թարմացված է 13:39 13.12.2019)
Հիմնական տեղեկատվությունը Վիկտոր Սողոմոնյանը ստանում է Քոչարյանի փաստաբանների և հարազատների միջոցով։

ԵՐԵՎԱՆ, 13 դեկտեմբերի — Sputnik. ՀՀ 2–րդ նախագահ Ռոբերտ Քոչարյանն արդեն իրեն լավ է զգում, քիչ–քիչ ապաքինվում է։ Այս մասին այսօր լրագրողների հետ զրույցում ասաց Քոչարյանի գրասենյակի ղեկավար Վիկտոր Սողոմոնյանը։ 

Ավելի վաղ հայտնել էինք, որ նախկին նախագահին տեղափոխել Իզմիրլյան բժշկական կենտրոն, նա ստացիոնար բուժում է անցնում:

«Օրերի հարց է, կկազդուրվի և հիվանդանոցից դուրս կգրվի։ Ես վստահ չեմ, որ նոր վիրահատություն է եղել. պետք է տեղեկանամ։ Ենթադրում եմ, որ եղել է, բայց պետք է լրացուցիչ ճշտեմ։ Լրացուցիչ կտեղեկացնենք, թե ինչ է եղել», - ասաց նա։

Սողոմոնյանն ասաց, որ ավելի մանրամասն տեղեկությունների չի տիրապետում, որովհետև ինքն իրավունք և հնարավորություն չունի շփվելու նախագահի հետ, քանի որ նա կալանքի տակ է։

Հիմնական տեղեկատվությունը Սողոմոնյանը ստանում է Քոչարյանի փաստաբանների և հարազատների միջոցով։

Արցախը պետք է նախաձեռնությունն իր ձեռքը վերցնի. Ռոբերտ Քոչարյան

Նշենք, որ Ռոբերտ Քոչարյանին վիրահատել են հոկտեմբերի 9–ին «Իզմիրյան» բժշկական կենտրոնում։ Ավելի ուշ` նոյեմբերի 5–ին, Քոչարյանի որդին` Լևոն Քոչարյանը, լրագրողների հետ զրույցում ասել էր, որ հոր մոտ ուռուցք է հայտնաբերվել, որը վիրահատել են։ Լևոն Քոչարյանի խոսքով` ուռուցքը բարորակ է եղել։

137
թեգերը:
վիրահատություն, հիվանդանոց, հիվանդ, Ռոբերտ Քոչարյան
թեմա:
Ռոբերտ Քոչարյանի գործը (378)
Ըստ թեմայի
Քոչարյանի գործով դատախազը վստահեցնում է` ցանկալի դատավոր չունեն. ինչ է պնդում պաշտպանը
Գյումրիում բերման են ենթարկել «Շեկոյին». պատճառը Ռոբերտ Քոչարյանի ուղարկած ծաղկեպսա՞կն է
Գագիկ Ջհանգիրյանը դատական հայց է ներկայացրել Ռոբերտ Քոչարյանի դեմ