Նիկոլ Փաշինյանը` «թավշյա հեղափոխության» օրերին

Էյֆորիան նվազել է, բայց դա չի մեծացնում նախկին իշխանության շանսերը. քաղաքագետ

184
(Թարմացված է 23:05 12.12.2019)
Հայաստանի նախկին նախագահ Ռոբերտ Քոչարյանը հարցազրույցներից մեկում կանխատեսել է արտահերթ ընտրություն։ Փորձագետները համաձայն չեն նրա գնահատականի հետ` մի շարք գործոններից ելնելով։

ԵՐԵՎԱՆ, 12 դեկտեմբերի — Sputnik, Աշոտ Սաֆարյան. Հայաստանի երկրորդ նախագահ Ռոբերտ Քոչարյանի կանխատեսումները արտահերթ խորհրդարանական ընտրության վերաբերյալ չեն արտացոլում իրականությունը։ Այդ մասին Sputnik Արմենիային ասաց քաղաքագետ Սուրեն Սուրենյանցը։

Сурен Суренянц
© Sputnik / Andranik Ghazaryan
Քաղաքագետ Սուրեն Սուրենյանց

Նա չբացառեց, որ նախկին նախագահը, մի շարք հանգամանքներից ելնելով, դուրս է մնացել տեղեկատվական դաշտից, և հիմա նրա կանխատեսումներն ավելի շատ հիմնված են ցանկությունների, քան իրական քաղաքական իրավիճակի վրա։

Ավելի վաղ «Հրապարակ» թերթին տված հարցազրույցում նախկին նախագահը հայտարարել է, որ արբեցնող էյֆորիայից հետո վերականգնվում է հասարակության ադեկվատությունը: Մյուս կողմից՝ իրեն Հիսուս Քրիստոս երևակայող անձնիշխան վարչապետը կորցնում է ադեկվատությունը: Դա բազմապատկում է նրա ժողովրդականության անկման արագությունը և թույլ է տալիս վստահ լինել, որ այս ամենը կավարտվի արտահերթ ընտրություններով:

Թավշյա վերմակ՝ ծծմբական թթվում լողալ կարողացողների համար. հավակնորդները շատ են

Սուրենյանցը հիշեցնում է, որ դեռ մի քանի ամիս առաջ Քոչարյանը «թեժ քաղաքական աշուն» էր կանխատեսել։ Բայց հիմա արդեն ձմեռ է, և քաղաքացիներն այդպես էլ թեժ աշուն չտեսան։ Քաղաքագետը համաձայն է, որ հասարակությունում էյֆորիան զգալիորեն նվազել է, և Քոչարյանն այդ առումով ճիշտ է։ Սակայն նրա կարծիքով` հասարակական տրամադրությունների այդ փոփոխությունն օրինաչափ բնույթ է կրում. հետհեղափոխական էյֆորիան չի կարող նույն մակարդակի վրա մնալ հեղափոխությունից մեկուկես տարի անց։ Քաղաքագետի խոսքով` պետք է հասկանալ, որ գործող իշխանությունների վարկանիշի անկումը չի մեծացնում նախկին իշխանությունը վերականգնելու շանսերը։

«Այո, եթե կես կամ մեկ տարվա ընթացքում երկրում չլինեն իրական ինստիտուցիոնալ բարեփոխումներ, կարող է առաջանալ քաղաքական ճգնաժամ և հասունանալ վաղաժամ բարեփոխումների անհրաժեշտություն։ Բայց դա ոչ մի կերպ կապված չէ նախկին իշխանությունների ցանկությունների և նկրտումների հետ»,–ասաց Սուրենյանցը։

Նա զարմանք հայտնեց այն առիթով, որ Քոչարյանի նման փորձառու քաղաքական գործիչը կարևորում է «Վերնատուն» քաղաքական ակումբը, որը վերջերս է ստեղծվել Հանրային խորհրդի նախկին նախագահ, անկախ Հայաստանի առաջին վարչապետ Վազգեն Մանուկյանի կողմից։ «Վերնատան» տանիքի ներքո հիմա հավաքվել են ներկա իշխանությունից դժգոհ նախկին պաշտոնատար անձինք, քաղաքական գործիչներ և փորձագետներ։ Սուրենյանցի գնահատականով` «Վերնատունը» քաղաքական թոշակառուների ակումբ է։

Արցախը պետք է նախաձեռնությունն իր ձեռքը վերցնի. Ռոբերտ Քոչարյան

«Այդ մարդիկ տարբեր պատճառներով` տարիք, նախկին բացթողումներ, սխալներ, փաստացի «դուրս են գրվել» քաղաքական համակարգից։ Մանուկյանի և մյուսների հանդեպ ամենայն հարգանքով հանդերձ` նրանց գնացքը գնացել է», –ասում է Սուրենյանցը։

Նրա խոսքով` հնարավոր է, որ նախկին նախագահն ուղղակի այլ ելք և այլ քաղաքական հենարան չունի։

Արտահերթ ընտրությունների մասին կանխատեսման օգտին չեն խոսում երկու առանցքային հանգամանքներ` վարչապետ Փաշինյանի բավական բարձր վարկանիշը և իշխող ուժի այլընտրանքի բացակայությունը։ Սուրենյանցը կարծում է, որ արտահերթ ընտրությունների մասին կարելի է խոսել միայն իրական այլընտրանք հայտնվելուց հետո։

184
թեգերը:
քաղաքականություն, Հայաստան, Սուրեն Սուրենյանց, Ընտրություններ, ընդդիմություն, Իշխանություն, Ռոբերտ Քոչարյան, Նիկոլ Փաշինյան
Ըստ թեմայի
Փաշինյանի «Քաղաքացիական պայմանագիրը» Հայաստանում իսկական ընդդիմություն կծնի. Քոչարյան
«Հեղափոխությունից հետ ընդդիմություն լինելը սարսափելի դժվար գործ է». Մարուքյան
Հայաստանում պահանջվում է ընդդիմություն. քաղտեխնոլոգը հուշեց, թե որտեղ փնտրել
«Հակահեղափոխական» սև կատու է անցել, կամ Փաշինյանին անհրաժեշտ է «նոր ընդդիմություն»
Նիկոլ Փաշինյանի իշխանությունը չի կարող ունենալ ընդդիմություն. Թումանյան
Ընդդիմություն պետք է, բայց ոչ Սերժ Սարգսյանը ու Ռոբերտ Քոչարյանը. Ալեն Սիմոնյան
ՀԱՊԿ ուժեր. արխիվային լուսանկար

Խոսքը ՀԱՊԿ-ի մասին չէ. Հայաստանն աջակցության համար Ռուսաստանին է դիմել․ Տողանյան

25
(Թարմացված է 14:08 31.10.2020)
Լեռնային Ղարաբաղի հակամարտության կարգավորման գործում ՀԱՊԿ-ի մասնակցության անհրաժեշտության հարցը քննարկվում է պատերազմի սկզբից։ Երևանն ավելի վաղ ասել էր, որ դեռ չի դիմել ՀԱՊԿ-ին։

ԵՐԵՎԱՆ, 31 հոկտեմբերի - Sputnik. Երևանն անվտանգության գծով խորհրդատվությունների է դիմել ՌԴ-ին երկկողմանի համաձայնագրերի շրջանակում. խոսքը ՀԱՊԿ-ի մասին չէ։ ՌԻԱ Նովոստիի հետ զրույցում այս մասին ասել է Ռուսաստանում Հայաստանի դեսպան Վարդան Տողանյանը։

Ավելի վաղ նա չէր բացառել, որ խորհրդատվությունների ժամանակ կքննարկվի Ռուսաստանի կողմից Հայաստանին ռազմական օգնություն տրամադրելու հարցը։

«Խոսքը ՌԴ նախագահին դիմելու մասին է՝ հղում անելով մեր երկկողմանի պայմանագրին», - ասել է դեսպանը, պատասխանելով հարցին՝ արդյո՞ք Երևանի դիմումն առնչություն ունի ՀԱՊԿ-ի հետ, թե՞ խոսքը երկկողմանի ձևաչափի մասին է։

ՀՀ արտգործնախարարի տեղակալ Շավարշ Քոչարյանը նույնպես ավելի վաղ մեկնաբանել էր ՀԱՊԿ-ին Երևանի դիմելու հարցը։

«ՀԱՊԿ-ին դիմելու համար Հայաստանը պետք է ագրեսիայի ենթարկվի։ Այժմ վաղ է գնահատել Ադրբեջանի գործողությունները որպես այդպիսին։ Եթե ագրեսիա լինի, սկզբում կդիմենք ՄԱԿ-ին՝ ագրեսիայի փաստն ու ինքնապաշտպանությունն արձանագրելու համար։ Կդիմենք նաև ՀԱՊԿ։ Ամեն ինչ կարգավորված է՝ ՀԱՊԿ-ը կհայտնի ՄԱԿ-ին արդեն հավաքական ինքնապաշտպանության մասին», - ասել էր Քոչարյանը։

Հիշեցնենք` հաշվի առնելով մարտական գործողությունների` Հայաստանի սահմանին մոտենալը, ՀՀ տարածքի նկատմամբ արդեն իսկ տեղի ունեցած ոտնձգությունների փաստերը, այսօր` հոկտեմբերի 31–ին, ՀՀ վարչապետ Նիկոլ Փաշինյանը նամակով դիմել էր ՌԴ նախագահ Վլադիմիր Պուտինին` սկսելու անհապաղ խորհրդակցություններ, դրանց միջոցով սահմանելու աջակցության տեսակները և չափը, որը Ռուսաստանը կարող է հատկացնել Հայաստանին իր անվտանգության ապահովման համար՝ հիմք ընդունելով Հայաստանի և Ռուսաստանի միջև դաշնակցային հարաբերությունները և 1997թ. օգոստոսի 29-ի պայմանագիրը։

Ռուսաստանի ԱԳՆ–ն ի պատասխան հայտնել էր, որ համաձայն ՀՀ-ի և ՌԴ-ի միջև կնքված համաձայնագրի՝ Ռուսաստանն անհրաժեշտ օգնություն կցուցաբերի, եթե ռազմական բախումները տեղափոխվեն անմիջապես ՀՀ տարածք։

ՌԴ ԱԳՆ պաշտոնական ներկայացուցիչ Մարիա Զախարովան էլ իր հերթին հայտնել էր, որ անվտանգության խորհրդատվություն ստանալու համար Հայաստանի՝ Ռուսաստանին դիմելու հետ կապված բոլոր մանրամասները` այդ թվում կոնկրետ ձևաչափերը, լրացուցիչ են քննարկվելու։

25
թեգերը:
Վարդան Տողանյան, Ռուսաստան, Պատերազմ, Հայաստան, Հավաքական անվտանգության պայմանագիր կազմակերպություն (ՀԱՊԿ)
թեմա:
Ադրբեջանական ագրեսիան Արցախում - 2020
Ըստ թեմայի
Ինչո՞ւ Հայաստանը ՀԱՊԿ–ին չի դիմում. պարզաբանում է ՀՀ ԱԳ փոխնախարարը
«Դաշնակիցներին տեղեկացնում ենք». Զոհրաբ Մնացականյանը` ՀԱՊԿ-ին ներգրավելու մասին
Քանի դեռ հակամարտությունը Ղարաբաղում է, ՀԱՊԿ-ի օգնության մասին խոսելը կոռեկտ չէ. ՌԴ ԱԳՆ
Զորահավաք. արխիվային լուսանկար

Զորահավաքի ենթակա անձի մոտ կորոնավիրուսի առկայության հավանականությունը վերստուգվելու է

29
(Թարմացված է 13:53 31.10.2020)
Առողջապահության փոխնախարարը կորոնավիրուսային հիվանդության նմուշառում և լաբորատոր թեստավորում իրականացնող կազմակերպություններին հորդորում է զերծ մնալ իրավախախտ գործունեությունից:

ԵՐԵՎԱՆ, 31 հոկտեմբերի - Sputnik. ՀՀ առողջապահության նախարարի տեղակալ Արտյոմ Սմբատյանը տեղեկացնում է, որ զորահավաքի ենթակա անձի մոտ կորոնավիրուսային հիվանդության դրական պատասխանի դեպքում մեծ հավանականությամբ վերստուգվելու է։

«Վերստուգվելու է թե՛ անձի նմուշին համապատասխանությունը և թե՛ նմուշի ՊՇՌ թեստավորման պատասխանի իսկությունը»,–Facebook սոցցանցի իր էջում գրել է Սմբատյանը։

Նա հորդորել է կորոնավիրուսային հիվանդության նմուշառում և լաբորատոր թեստավորում իրականացնող կազմակերպություններին, համապատասխան ստորաբաժանումներին զերծ մնալ իրավախախտ գործունեությունից:

Ավելի վաղ ԱԱԾ-ն հայտնել էր, որ զորահավաքի ենթակա քաղաքացու հայրը դիմել է բժշկական կենտրոններից մեկն և հորդորել լաբորատորիայի աշխատակիցներին կեղծ եզրակացություն կազմել, որ իր որդին վարակվել է կորոնավիրուսով:

Դրա համար կազմվել են լաբորատոր թեստերի եզրակացություններ՝ ուրիշի անալիզների հիման վրա։ Հարուցվել է քրեական գործ, ձերբակալվել է զորահավաքի ենթակա քաղաքացին և բժշկական կենտրոնի աշխատակիցները:

Զինծառայողին զորահավաքից ազատելու համար Covid-19-ի կեղծ եզրակացություն են տվել. տեսանյութ

29
թեգերը:
Պատերազմ, թեստ, կորոնավիրուս, զորահավաք
Ըստ թեմայի
Արցախում ռազմական դրություն և համատարած զորահավաք է հայտարարվել
Հանրապետության հրապարակում զորահավաք է, ազատամարտիկները հավաքվում են. տեսանյութ
ՀՀ կառավարությունն առաջարկում է փոխել Հայաստանում հաստատված զորահավաքային պլանը

«Բառերը քիչ են, որ նկարագրեմ». ռազմաճակատից եկած հոր ու նորածին դստեր 1–ին հանդիպումը

0
Նորածնի մայրիկն ասում է` լավ կլիներ, որ Արցախում ծնվեր իր աղջիկը, բայց վստահ է` շուտով այնտեղ են վերադառնալու։

Ռազմաճակատում գտնվող տղամարդն անակնկալ է արել կնոջը, որն այս օրերին երեխա է ունեցել, ու նորածնի դուրսգրմանը եկել է Երևան։ Հայկական միասնական տեղեկատվական կենտրոնը տեսանյութ է հրապարակել` ներկայացնելով ռազմաճակտից վերադարձած հոր ու նորածնի առաջին հանդիպումը

Նորածնի հայրն էլ պատերազմի սերնդից է, բայց ասում է, որ ամեն ինչ անելու է գալիք սերնդի համար խաղաղ ապագա ապահովելու համար։

«Ծնվել եմ 1993-ին` պատերազմական տարիներին, և չեմ ցանկանա, որ մեր երեխաները նույնը տեսնեն։ Իմ հրաշք բալիկը ծնվել է... Բառերը քիչ են, որ նկարագրեմ, թե ինչ եմ հիմա զգում»,–ասում է նորածին աղջնակի հայրը։

Նորածնի մայրիկն էլ նշում է, որ հույս էր փայփայում, որ ամուսինն այս օրն իր կողքին կլինի, ինչն էլ եղավ։ Նա ասում է` լավ կլիներ, որ Արցախում ծնվեր իր բալիկը, բայց վստահ է` շուտով այնտեղ են վերադառնալու։

Երեխայի հայրը, ի դեպ, նորից առաջնագիծ է մեկնելու։

0
թեգերը:
դուստր, նորածին, Պատերազմ, զինծառայող
թեմա:
Ադրբեջանական ագրեսիան Արցախում - 2020