Հրայր Թովմասյան. արխիվային լուսանկար

Հրայր Թովմասյանն ու նրա գործընկերները կարող են թոշակի գնալ ու վայելել բյուջեի միլիոնները

172
(Թարմացված է 12:02 17.12.2019)
Իշխանությունը խոստանում է ապահովել կամավոր թոշակի անցած դատավորների` ավելի քան 1 մլն դրամ կենսաթոշակ ստանալու իրավունքը։

ԵՐԵՎԱՆ, 11 դեկտեմբերի – Sputnik. Ազգային ժողովը երկրորդ ընթերցմամբ ու ամբողջությամբ ընդունեց ՍԴ դատավորներին վաղ կենսաթոշակի ուղարկելու մասին օրինագիծը։

Դատարանների նկատմամբ վստահության պակասի մեղավորը քաղաքական իշխանությունն է. ՍԴ դատավոր 

Նախագծին կողմ քվեարկեցին 82 պատգամավոր, դեմ` 34։

 

Մինչ քվեարկությունը «Բարգավաճ Հայաստան» խմբակցության անդամ Միքայել Մելքումյանը հայտարարեց, որ 7 հոգու կենսաթոշակ տալը չի կարող դրվել պետության զարգացման հիմքում, ինչպես ներկայացնում է իշխանությունն իր նախաձեռնությունը։

Մինչ քվեարկությունը ելույթ ունեցավ նաև «Լուսավոր Հայաստան» խմբացկության անդամ Տարոն Սիմոնյանը, որը ևս հայտարարեց, որ ԼՀ–ն դեմ է նախագծին։

Թանկարժեք ճգնաժամ. Թովմասյանին ու ՍԴ դատավորներին որքան գումարի դիմաց կուղարկեն թոշակի

Հիշեցնենք` «Սահմանադրական դատարանի մասին» օրենքում կառավարության առաջարկած փոփոխությունները բուռն քննարկման էին արժանացել ԱԺ–ում։ Ընդդիմությունն ու իշխանությունը նախագծի քննարկման ժամանակ փոխադարձ մեղադրանքներ էին հնչեցրել միմյանց հասցեին։

Նշենք, որ ընդունված օրենքը թույլ է տալիս ՍԴ գործող դատավորներին մինչ կենսաթոշակային տարիքը լրանալն անցնել կենսաթոշակի ու դրա դիմաց առաջարկում է բարձր կենսաթոշակ` ներկայիս աշխատավարձերի չափով (ավելի քան 1 մլն դրամ)։

Ի դեպ, գործող օրենքը ևս թույլ է տալիս դատավորներին վաղաժամ կենսաթոշակի անցնել, բայց այդ դեպքում նրանք կստանան ՀՀ–ում սահմանված կենսաթոշակի չափով։

Ինչ վերաբերում է նախագծի նպատակին, դրա քննարկման ժամանակ Ռուստամ Բադասյանը նշեց, որ դրանով կառավարությունն այսպիսով փորձում է ապահովել 2015թ.–ին ընդունված Սահմանադրությամբ նախատեսված ՍԴ մոդելը, որով ՍԴ դատավոր կարող են առաջադրել ՀՀ նախագահը, կառավարությունը և դատավորների ընդհանուր ժողովը։ Մինչդեռ ՍԴ–ի գործող 7 դատավորները, որոնց թվում` Հրայր Թովմասյանը, նշանակվել են նախկին Սահմանադրության համաձայն։

Չհեռացող դատավորների գույքը կստուգե՞ն. նախարարը խոսել է սահմանադրական ճգնաժամի մասին

Ընդունված նոր օրենքը ուժի մեջ կմտնի պաշտոնական հրապարակումից 10 օր հետո։ Այլ կերպ ասած`ՍԴ դատավորները կկարողանան 1 մլն–անոց թոշակ ստանալու որոշում ընդունել արդեն 2019թ.-ի վերջին, 2020թ.–ի սկզբին։

Ի դեպ, եթե ՍԴ 7 դատավորներն էլ որոշեն ընդունել իշխանության առաջարկը, պետությունը ստիպված է լինելու ամեն տարի պետբյուջեից նրանց հատկացնել 630 մլն դրամ, ինչպես ընդդիմությունն է բնորոշում` ոչինչ չանելու համար։

172
թեգերը:
Դատավոր, Հրայր Թովմասյան, բյուջե, Թոշակ, Սահմանադրական դատարան, ՀՀ Ազգային ժողով, ԱԺ
Ըստ թեմայի
ԵԺԿ–ին մտահոգել է Հրայր Թովմասյանի և ՍԴ–ի շուրջ ստեղծված իրավիճակը
Վենետիկի հանձնաժողովի նախագահը Հայաստանի ՍԴ–ի հետ կապված հայտարարություն է արել
ՍԴ անդամներին Ավինյանը խորհուրդ է տալիս ևս մեկ անգամ կարդալ վաղաժամ կենսաթոշակի նախագիծը
ՌԴ–ում Հայաստանի դեսպանություն

Դավիթ Տոնոյանը Մոսկվա չի մեկնել. ՌԴ-ում ՀՀ դեսպանությունը հերքում է լուրը

4
(Թարմացված է 13:49 27.09.2020)
Ավելի վաղ տեղեկություն էր տարածվել, թե Հայաստանի պաշտպանության նախարարը Ղարաբաղյան հակամարտության գոտու լարվածության ֆոնին մեկնել է Մոսկվա։

ԵՐԵՎԱՆ, 27 սեպտեմբերի - Sputnik. ՌԴ-ում ՀՀ դեսպանությունը հերքում է այն տեղեկությունը, թե  ՀՀ պաշտպանության նախարար Դավիթ Տոնոյանն այսօր մեկնել է Մոսկվա։ Այս մասին ՌԻԱ Նովոստիին ասել է դիվանագիտական առաքելության խորհրդական Էդվարդ Ջամբազյանը։

Ավելի վաղ telegram ալիքներում տեղեկություն էր տարածվել, որ Տոնոյանը ՌԴ է մեկնել Ղարաբաղյան հակամարտության լարվածության ֆոնին։

«Մենք չենք հաստատում այդ տեղեկությունը, դեսպանատանը հերքել են»,— ասել է Ջամբազյանը:

4
Կամավորներ, Հանրապետության հրապարակ

«Գնալու ենք այդ հարցը վերջնական լուծելու». ՀՅԴ–ականները կազմ–պատրաստ սպասում են հրամանի

19
(Թարմացված է 13:49 27.09.2020)
ՀՅԴ–ականները հավաքվել են Գարեգին Նժդեհի արձանի մոտ ու կամավորականների ցուցակներն են ճշգրտում` սահման մեկնելու համար։

ԵՐԵՎԱՆ, 27 սեպտեմբերի - Sputnik. Հազարավոր կամավորականներ այս պահին կազմ–պատրաստ սպասում են՝ առաջնագիծ մեկնելու։ Այս մասին Sputnik Արմենիայի հետ զրույցում հայտնեց ՀՅԴ–ական, «Կամավորական շարժում» ՀԿ–ի խորհրդի անդամ, պահեստազորի գնդապետ Արտաշես Մխիթարյանը։

Այս պահին Հանրապետության հրապարակի մոտ` Գարեգին Նժդեհի արձանի մոտակայքում, ՀՅԴ–ական կամավորականներն են հավաքվել, որոնք ամեն պահի պատրաստ են մեկնել առաջնագիծ։

«Հենց այս պահին առնվազն 100 հոգի կարող է մեկնել ճակատ։ Մեր բոլոր երիտասարդներն անցել են պատրաստվածություն։ ՊՆ–ի հետ կապը կա և առաջին իսկ անհրաժեշտության դեպքում շատերը կմեկնեն սահման»,–ասաց Մխիթարյանը` հավելելով, որ մեր հաղթանակի վրա երբեք չի կասկածել։

ՀՅԴ Երիտասարդական միության ատենապետ Արգիշտի Գևորգյանն էլ տեղեկացրեց` առաջին վաշտն արդեն վերջնական ցանկն է ճշտում և սպասում են հրամանի` ուր գնալ։

«Ինչպես ապրիլյան պատերազմին մեկնեցինք մարտական ոգով, այնպես էլ հիմա ենք։ Գնալու ենք այս հարցը վերջնական լուծելու։ Պետք է բոլորը՝ անկախ քաղաքական հայացքներից, կամավորագրվեն ու միահամուռ լինենք»,–ասաց Գևորգյանը։

ՀՅԴ–ական կանայք նույնպես պատրաստվում են մեկնել ճակատ` ցանկացած հարցով օգնելու։ ՀՅԴ–ական Օֆելյա Գրիգորյանի խոսքով` ամուսինը գումարտակի բժիշկ է, ինքն էլ հետը մեկնելու է օգնության։ Այս պահին առաջին անհրաժեշտության իրեր են հավաքագրում, որ տանեն Արցախ։

Հիշեցնենք, որ այսօր վաղ առավոտից Ադրբեջանը լայնածավալ օդային ու հրթիռահրետանային հարձակում է սկսել շփման գծի ողջ երկայնքով՝ թիրախավորելով նաև քաղաքացիական բնակավայրերն ու ենթակառուցվածքները, այդ թվում՝ մայրաքաղաք Ստեփանակերտը:

Հակառակորդի կրակոցների հետևանքով Մարտունիում մեկ կին և մեկ երեխա են մահացել։ Կան նաև վիրավորներ։

ՊԲ առաջապահ ստորաբաժանումները հաջողությամբ հետ են մղում հակառակորդի բոլոր գրոհները: Ճշտված տեղեկություններով` ադրբեջանական զինուժը կորցրել է 2 ուղղաթիռ, 14 անօդաչու թռչող սարք, ինչպես նաև ունի զրահատեխնիկայի կորուստներ:

Մարտերը շարունակվում են:

19
թեգերը:
Արցախ, Հայ Յեղափոխական Դաշնակցություն (ՀՅԴ), կամավոր, Հայաստան
թեմա:
Ադրբեջանական ագրեսիա Արցախում. 2020
Ըստ թեմայի
Ադրբեջանական տանկերը հերթով խոցվում են. ՊՆ–ն նոր տեսանյութ է հրապարակել
Ադրբեջանի ագրեսիան նախապես ծրագրված էր. Նիկոլ Փաշինյանը մեղադրել է Ադրբեջանին
Օդային տագնապ Շուշիում. տեսանյութ
Բոլոր փաստերը կհավաքենք ու կներկայացնենք. ինչպես է իրականում Ադրբեջանը հարձակումը սկսել