ԱԺ «Իմ քայլը» դաշինքի պատգամավորներ. արխիվային լուսանկար

«Իմ քայլն» ընդմիջում է խնդրել դատավորներին թոշակի ուղարկելուց առաջ

58
(Թարմացված է 14:00 11.12.2019)
ԱԺ իշխող խմբակցությունը որոշեց չշտապել ու ընդմիջում վերցնել ՍԴ դատավորների վաղ կենսաթոշակի օրենքի քվեարկությունից առաջ։

ԵՐԵՎԱՆ, 11 դեկտեմբերի — Sputnik. ՍԴ դատավորների վաղ կենսաթոշակի օրենքի քվեարկությունից անմիջապես առաջ ԱԺ «Իմ քայլը» խմբակցությունը 20 րոպե ընդմիջում խնդրեց։ Խմբակցության որոշումը հնչեցրեց խմբակցության ղեկավար Լիլիթ Մակունցը։

Դատարանների նկատմամբ վստահության պակասի մեղավորը քաղաքական իշխանությունն է. ՍԴ դատավոր 

Հիշեցնենք` խորհրդարանն այսօր քննարկում է օրենքը հատուկ ընթացակարգով և երկրորդ ընթերցմամբ։

Հետևաբար այս քվեարկությամբ է որոշվելու օրենքի ու իշխանության` ՍԴ կազմը փոխելու նախաձեռնության ճակատագիրը։

Նշենք, որ երեկ առաջին ընթերցմամբ օրենքի նախագծին կողմ էին քվեարկել 74 պատգամավոր, դեմ` 27, ձեռնպահ` 3։

ՍԴ անդամներին Ավինյանը խորհուրդ է տալիս ևս մեկ անգամ կարդալ վաղաժամ կենսաթոշակի նախագիծը

Նախագիծը նախատեսում է ՍԴ դատավորների կամավոր թոշակի անցման դրույթ, որի դեպքում նրանց վճարվելու է ներկայիս ամսական աշխատավարձի չափով կենսաթոշակ` ավելի քան 1 մլն դրամ։

58
թեգերը:
Դատավոր, նախագիծ, Թոշակ, Օրենք, Սահմանադրական դատարան, «Իմ քայլը» դաշինք, ԱԺ, ՀՀ Ազգային ժողով
Ըստ թեմայի
Ես Սահմանադրական դատարանի նախագահ եմ. Հրայր Թովմասյանը` ՍԴ դատավոր–ՍԴ անդամ լինելու մասին
«5 րոպե Արմեն Դուլյանի հետ». Սահմանադրականը պատերա՞զմ է հայտարարում պառլամենտին
Չհեռացող դատավորների գույքը կստուգե՞ն. նախարարը խոսել է սահմանադրական ճգնաժամի մասին
Артур Алексанян празднует победу над Николозом Нахелашвили (Италия) в финальном поединке Чемпионата Европы по греко-римской борьбе (12 февраля 2020). Рим

«Բոլորս զինվոր ենք ու հաղթանակն էլ մերն է լինելու»․ Արթուր Ալեքսանյան

4
(Թարմացված է 15:46 27.09.2020)
Ճանաչված հայ ըմբիշը վստահ է, որ մենք միասնական ազգ ենք ու հաղթանակը մերն է լինելու։

ԵՐԵՎԱՆ, 27 սեպտեմբերի - Sputnik. Ռիո 2016-ի օլիմպիական չեմպիոն, աշխարհի եռակի ու Եվրոպայի քառակի չեմպիոն, հունահռոմեական ոճի ըմբիշ, «Սպիտակ արջ» մականունը ստացած Արթուր Ալեքսանյանը Instagram-ի իր էջում գրառում է կատարել և անդրադարձել ադրբեջանական զինուժի կողմից Արցախի խաղաղ բնակչությանը թիրախավորելուն։

«Հայաստանի և Արցախի համար այս բախտորոշ պահին մեկ բան կասեմ՝ բոլորս մեկ ենք, բոլորս զինվոր ենք ու հաղթանակն էլ մերն է լինելու»,-գրել է Ալեքսանյանը։

Посмотреть эту публикацию в Instagram

Публикация от Artur Aleksanyan (@arturaleksanyan_)

Հիշեցնենք, որ այսօր վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով:

Արցախի պաշտպանության նախարարությունը տեղեկացրել էր, որ ճշտված տեղեկություններով` ադրբեջանական զինուժը կորցրել է 2 ուղղաթիռ, 14 անօդաչու թռչող սարք, ինչպես նաև ունի զրահատեխնիկայի կորուստներ:

Հայտնի է, որ հակառակորդի կրակոցների հետևանքով Մարտունիում մեկ կին և մեկ երեխա են մահացել։

Արցախում և Հայաստանում ռազմական դրություն և համատարած զորահավաք է հայտարարվել։

4
թեմա:
Ադրբեջանական ագրեսիա Արցախում. 2020
Գարեգին կաթողիկոս և Հռոմի պապ

Գարեգին Բ–ն հանդիպել է Հռոմի պապի հետ և ներկայացրել Ադրբեջանի սանձազերծած ագրեսիան

11
(Թարմացված է 15:44 27.09.2020)
Վատիկանում Հռոմի պապի հետ հանդիպման ժամանակ Գարեգին Բ–ն և Հռոմի պապը աղոթել են խաղաղության վերականգնման համար։

ԵՐԵՎԱՆ, 27 սեպտեմբերի - Sputnik. Ամենայն Հայոց Կաթողիկոսը Ն.Ս.Օ.Տ.Տ. Գարեգին Երկրորդ հանդիպել է Հռոմի Սրբազան Քահանայապետ Ֆրանցիսկոս Պապի հետ` ներկայացնելով Ադրբեջանի կողմից արցախա-ադրբեջանական շփման գծի ողջ երկայնքով սարձազերծված գործողությունները։

«Ռազմական գործողությունների դադարեցման և հակամարտության խաղաղ կարգավորման հարցում Ամենայն Հայոց Կաթողիկոսը կարևորել է Կաթոլիկ Քույր Եկեղեցու և նրա հովվապետի ձայնը։ Դատապարտելով Ադրբեջանի կողմից դրսևորած ագրեսիան՝ Գարեգին Բ Կաթողիկոսը հաստատել է, որ Արցախի ժողովրդի իրավունքների հարգմամբ և արդարության հռչակումով միայն հնարավոր կլինի վերահաստատել խաղաղությունն ու կայունությունը»,–ֆեյսբուքյան իր էջում գրել է Մայր աթոռ Սուրբ Էջմիածնի տեղեկատվական համակարգի տնօրեն տեր Վահրամ քահանա Մելիքյանը։Լ
Երկու հովվապետերը աղոթել են խաղաղության վերականգնման համար։

Առավոտյան Ամենայն Հայոց Կաթողիկոսը Սուրբ Պետրոսի տաճարում ներկա է գտնվել Սուրբ Պատարագի արարողությանը։ Պատարագիչ Լանզարի արքեպիսկոպոսը, ողջունելով Վեհափառ Հայրապետի ներկայությունը սրբազան արարողությանը, մասնակից եկեղեցականներին և հավատացյալներին տեղեկացրել է վաղ առավոտյան վերսկսված հակամարտության մասին։ Լանզարի արքեպիսկոպոսը ներկաների անունից զորակցություն է հայտնել Հայոց Եկեղեցուն և հայ ժողովրդին՝ աղոթելով Արցախի և արցախահայության անվտանգ ու ապահով կյանքի վերահաստատման համար։

ԱԺ-ն հատուկ նիստ կգումարի. ՀՀ-ում հայտարարվում է ռազմական դրություն և ընդհանուր զորահավաք

Հիշեցնենք, որ այսօր վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով:
Հայտնի է, որ հակառակորդի կրակոցների հետևանքով Մարտունիում մեկ կին և մեկ երեխա են մահացել։
Արցախում և Հայաստանում ռազմական դրություն և համատարած զորահավաք է հայտարարվել։

11
թեգերը:
հայ-ադրբեջանական, Հռոմի պապ, կաթողիկոս
թեմա:
Ադրբեջանական ագրեսիա Արցախում. 2020