* ՀԱՅԱՍՏԱՆ *, սերժ սարգսյան, մեղադրանք, գյուղացիներ, դիզվառելիք, novsti armenii, serj sargsyan, mexadranq, gyuxaciner
Սերժ Սարգսյան

Օգնություն գյուղացիներին, կամ ինչ ծրագրի համար են մեղադրում Սերժ Սարգսյանին

192
(Թարմացված է 16:50 11.12.2019)
Հայաստանի նոր կառավարությունը չեղարկել է ծրագիրը, որը մշակել և իրականացրել են Սերժ Սարգսյանի նախագահության տարիներին: Դրանով լիովին փոխվել էր գյուղացիների աջակցության տրամաբանությունը։

ԵՐԵՎԱՆ, 6 դեկտեմբերի — Sputnik, Արամ Գարեգինյան. Հայաստանի երրորդ նախագահ Սերժ Սարգսյանին մեղադրանք է առաջադրվել գյուղացիներին դիզելային վառելանյութ հատկացնելիս ֆինանսական խախտումներ իրականացնելու համար։

Սարգսյանին մեղադրում են, որ 2013թ.-ին հովանավորություն է ցուցաբերել «Ֆլեշ» ընկերությանը։ Այդ ՍՊԸ–ն հաղթել է դիզելային վառելիք առաքելու պետական մրցույթում, թեև առավել բարձր գին է առաջարկել, քան նրա մրցակիցը (մոտավորապես մեկ միլիոն դոլար տարբերությամբ)։

Sputnik Արմենիան ներկայացնում է, թե դա ինչ ծրագիր էր և ինչու է այն չեղարկվել։

Ըստ այդ ծրագրի, որը գործել է մինչ իշխանափոխությունը, գյուղացիները դիզելային վառելիք են ստացել գարնանացանի աշխատանքները կատարելու համար և դրա դիմաց վճարել են աշնանը։ Նույնպիսի սխեմա է գործել հացահատիկի (ցորեն, գարի) սերմնացուի և անասնակերի (առվույտ և կորնգան), ինչպես նաև ազոտային պարարտանյութերի դեպքում։

Տարիներ շարունակ դիզվառելիքի առաքման մրցույթներում հաղթել է նույն ընկերությունը` «Ֆլեշ» ՍՊԸ–ն` Հայաստան նավթամթերքի երկու խոշորագույն ներկրողներից մեկը (պատկանում է խոշոր գործարար Բարսեղ Բեգլարյանին)։ Իսկ ազոտային պարարտանյութերի մրցույթներում հաղթել է «Մասիսի պտղաբերություն» ընկերությունը, որը պատկանում է ՊԵԿ նախկին նախագահ Գագիկ Խաչատրյանին։

Համաձայն ծրագրի` գյուղացիներին բաժանել են մի քանի հազար տոննա դիզելային վառելիք։ Օրինակ`2012թ.-ին` 12,6 հազար տոննա, 2013թ.–ին` ավելի քան 17 հազար տոննա։ Նույն 2013-ին ծրագրով չեն օգտագործել 3,3 հազար տոննա, բայց 298 միլիոն դրամ սուբսիդիան բյուջե չեն վերադարձրել։

«Խաղի կանոնները» խախտվել են, կամ նախազգուշական քայլ Սերժ Սարգսյանի համար

Ավելի ուշ` Կարեն Կարապետյանի կառավարության օրոք, վառելիքի գնումը կրճատել են, իսկ չծախսված գումարները վերադարձրել են բյուջե։ Այսպես` 2016թ.-ի արդյունքներով ծախսվել է 5 հազար տոննա, 330 միլիոնից տնտեսել են 24 միլիոն դրամ։

Գեղարքունիքի մարզի նախկին մարզպետ Ռաֆիկ Գրիգորյանը հիշում է, որ վառելիքը բաժանել են գյուղացիներին ըստ դիմումների։ Այդ դիմումները գյուղապետները հավաքել են և ուղարկել մարզպետարան, որն էլ տվյալներն ուղարկել է գյուղատնտեսության նախարարություն։

«Իսկ աշնանը, երբ վճարել են վառելիքի համար, մենք արդեն ոչ մի գործառույթ չենք կատարել։ Գյուղապետները գումար են հավաքել գյուղացիներից և փոխանցել առաքող ընկերության բանկային հաշիվներին», – նշեց Գրիգորյանը։

2018թ–ին` իշխանափոխությունից հետո, այդ ծրագրերը որոշել են չեղյալ համարել։ Ընդ որում, այդ որոշումն ընդունել է այն ժամանակվա գյուղատնտեսության նախարար Արթուր Խաչատրյանը, որը ներկայացնում է «Դաշնակցությունը»։ Վարչապետ Նիկոլ Փաշինյանը համաձայնել է այդ որոշման հետ։

«Ես տեսա, որ ծրագիրը տնտեսական արդյունք չի տալիս և որոշեցի հրաժարվել դրանից», –Sputnik Արմենիայի հետ զրույցում նշեց Խաչատրյանը։

Դեռ Կարեն Կարապետյանի կառավարության օրոք գյուղատնտեսությունն էքստենսիվից (այսինքն` ավանդականից) սկսել են փոխել ինտենսիվի (այսինքն` նոր տեխնոլոգիաների կիրառմամբ)։ Այժմ այդ աջակցության ծրագրերը հետևողականորեն զարգանում են։ Ներկա իշխանությունների կարծիքով` որքան շատ գնել գյուղացու փոխարեն, այնքան շատ կլինեն կոռուպցիոն ռիսկերը։ Գյուղացուն պետք է աջակցություն տրամադրել, իսկ թե նա ինչ կգնի այդ միջոցներով, պետք է որոշի նա ինքը։

«Սաղ հեղափոխությունը նրա համար էր...». ի՞նչ կապ ունի Սերժ Սարգսյանը «ժեշտի կուզովների» հետ

Դեկտեմբերի 4–ին հայտնի դարձավ, որ ՀՔԾ–ն Սերժ Սարգսյանին մեղադրանք է առաջադրել ՀՀ քրեական օրենսգրքի 38-179-րդ հոդվածի 3-րդ մասի 1-ին կետով` յուրացնելու կամ վատնելու համար։ Ըստ ՀՔԾ–ի` ՀՀ նախկին նախագահ Սերժ Սարգսյանի կազմակերպմամբ` պաշտոնատար մի խումբ անձինք պետությունից հափշտակել են ընդհանուր առմամբ 489.160.310 ՀՀ դրամ։

Սարգսյանի նկատմամբ խափանման միջոց է ընտրվել չհեռանալու մասին ստորագրությունը: Քրեական գործով նախաքննությունը շարունակվում է:

192
թեգերը:
Արթուր Խաչատրյան, վառելիք, Գյուղապետ, գյուղացի, Գյուղ, Մեղադրանք, Հատուկ քննչական ծառայություն (ՀՔԾ), Սերժ Սարգսյան
Ըստ թեմայի
ՀՀԿ–ն Սերժ Սարգսյանին առաջադրված մեղադրանքի կապակցությամբ հայտարարություն է տարածել
Զուրաբյան. «Մենք դեռ 2013-ին բացահայտել էինք Սերժ Սարգսյանին առնչվող կոռուպցիոն գործարքը»
Գլխավոր դատախազությունը ստացել է Սերժ Սարգսյանի պաշտպանի բողոքը
Քվեաթերթիկներ

ԿԸՀ-ն ներկայացրել է ևս 3 տեղամասերի վերահաշվարկի արդյունքները

15
(Թարմացված է 21:30 24.06.2021)
Վերահաշվարկի աշխատանքներին ներկա են գտնվել ընտրական հանձնաժողովների անդամները, ընտրություններին մասնակացող կուսակցությունների վստահված անձինք, զանգվածային լրատվության միջոցների ներկայացուցիչներ և դիտորդներ:

ԵՐԵՎԱՆ, 24 հունիսի – Sputnik. Կենտրոնական ընտրական հանձնաժողովը տեղեկացնում է, որ այսօր թիվ 9, 23, և 34 տարածքային ընտրական հանձնաժողովներում շարունակվել են տեղամասերում քվեարկության արդյունքների վերահաշվարկի աշխատանքները:

Վերահաշվարկվել է ընդհանուր թվով 16 տեղամասերի քվերակության արդյունքները, որի արդյունքում 4 տեղամասում թեկնածուներին տրված կողմ ձայների որևէ փոփոխություն չի արձանագրվել, որից 1-ում ընդհանրապես որևէ տվյալի փոփոխություն չի արձանագրվել:

Նշվում է, որ վերահաշվարկի աշխատանքներին ներկա են գտնվել համապատասխան տեղամասային ընտրական հանձնաժողովների անդամները, ընտրություններին մասնակացող կուսակցությունների վստահված անձինք, զանգվածային լրատվության միջոցների ներկայացուցիչներ և դիտորդներ:

Վերահաշվարկված մյուս տեղամասերի արդյունքներով արձանագրվել են կողմ ձայների հետևյալ փոփոխությունները (- նվազում, + ավելացում):

  1. «Արդար Հայաստան» կուսակցություն -1
  2. «Հայ ազգային կոնգրես» կուսակցություն 0
  3. «Քաղաքացիական պայմանագիր» կուսակցություն -5
  4. «Զարթոնք» ազգային քրիստոնեական կուսակցություն -1
  5. «Ազատություն» կուսակցություն 0
  6. «Պատիվ ունեմ» դաշինք –2
  7. «Միասնական հայրենիք» կուսակցություն 0
  8. «Համահայկական ազգային պետականություն կուսակցություն» 0
  9. «Լուսավոր Հայաստան» կուսակցություն -1
  10. «Մեր տունը Հայաստանն է» կուսակցություն –1
  11. «Հանրապետություն» կուսակցություն 0
  12. «Հայոց հայրենիք» կուսակցություն 0
  13. «Ազատ հայրենիք» դաշինք -2
  14. «Բարգավաճ Հայաստան» կուսակցություն +20
  15. «Հայաստանի դեմոկրատական կուսակցություն» –1
  16. «5165 ազգային պահպանողական շարժում» կուսակցություն +2
  17. «Քաղաքացու որոշում» սոցիալ-դեմոկրատական կուսակցություն –2
  18. «Շիրինյան-Բաբաջանյան ժողովրդավարների դաշինք» –2
  19. «Ազգային օրակարգ» կուսակցություն -1
  20. «Վերելք» կուսակցություն -2
  21. «Ազատական» կուսակցություն -0
  22. «Հայաստանի եվրոպական կուսակցություն» 0
  23. «Հայաստան» դաշինք -2
  24. «Ազգային-ժողովրդավարական բևեռ» համահայկական կուսակցություն 0
  25. «Ինքնիշխան Հայաստան» կուսակցություն 0

Նշենք, որ երեկ`հունիսի 24–ին, Կենտրոնական ընտրական հանձնաժողովը վերահաշվարկ էր իրականացրել, որի արդյունքում «Հայաստան» դաշինքի ձայներն ավելացել են 744-ով, «Քաղաքացիական պայմանագիր» կուսակցության ձայները՝ 659-ով, իսկ «Պատիվ ունեմ» դաշինքինը` 5-ով։
Վերահաշվարկվել էր ընդհանուր թվով 65 տեղամասերի քվեարկության արդյունքները, արդյունքում 27 տեղամասերում թեկնածուներին տրված կողմ ձայների որևէ փոփոխություն չէր արձանագրվել, 15-ում ընդհանրապես որևէ տվյալի փոփոխություն չէր արձանագրվել:

15
թեգերը:
ԱԺ, Ընտրություններ, Կենտրոնական ընտրական հանձնաժողով (ԿԸՀ), Վերահաշվարկ, քվեարկություն
Արխիվային լուսանկար

Պուտինն ու Էրդողանը քննարկել են իրավիճակը Լեռնային Ղարաբաղում

27
(Թարմացված է 21:09 24.06.2021)
Ռուսաստանի և Թուրքիայի ղեկավարները հաստատել են գործողությունների համակարգումը շարունակելու փոխադարձ պատրաստակամությունը, այդ թվում՝ «ի շահ տարածաշրջանի տնտեսական զարգացման և տրանսպորտային ենթակառուցվածքի վերականգնման»:

ԵՐԵՎԱՆ, 24 հունիսի – Sputnik. Ռուսաստանի և Թուրքիայի նախագահներ Վլադիմիր Պուտինն ու Ռեջեփ Թայիփ Էրդողանն այսօր հեռախոսազրույց են ունեցել՝ քննարկելով մի շարք հարցեր, այդ թվում նաև իրավիճակը Լեռնային Ղարաբաղում:

Ինչպես հաղորդում է Կրեմլի մամուլի ծառայությունը՝ կողմերը պայմանավորվել են շարունակել համագործակցությունը տարածաշրջանի տրանսպորտային ենթակառուցվածքները վերականգնելու համար:

«Շարունակվել է մտքերի փոխանակումը Լեռնային Ղարաբաղի շուրջ ստեղծված իրավիճակի շուրջ։ Դրական է գնահատվել կրակի դադարեցման վերահսկողության ռուս-թուրքական համատեղ կենտրոնի աշխատանքը», - ասված է հաղորդագրության մեջ:

Նշվում է, որ Թուրքիայի նախագահը աջակցություն է հայտնել Ռուսաստանի, Հայաստանի և  Ադրբեջանի ղեկավարների 2020 թ․-ի նոյեմբերի 9-ի և 2021 թ․-ի հունվարի 11-ի հայտարարություններում ամրագրված պայմանավորվածությունների ամբողջական իրականացումն ապահովելու Ռուսաստանի ջանքերին:

«Հաստատվել է համակարգումը շարունակելու փոխադարձ պատրաստակամությունը, այդ թվում՝ տարածաշրջանի տնտեսական զարգացման և տրանսպորտային ենթակառուցվածքի վերականգնման շահերից ելնելով», - նշում է Կրեմլի մամուլի ծառայությունը:

Բացի այդ, Պուտինն ու Էրդողանը քննարկել են Սիրիայում հակամարտության կարգավորման հարցերը։ Ռուսաստանի նախագահը նաև փոխանցել է իր տպավորությունները ԱՄՆ նախագահ Ջո Բայդենի հետ վերջերս կայացած բանակցություններից:

Սա խաղաղության համաձայնագիր չէ, հրադադարի մասին հայտարարություն է. Սարգսյանը` Արցախի մասին

Կողմերը պայմանավորվել են շարունակել անձնական շփումները և համատեղ աշխատանքը այլ մակարդակներում:

Հիշեցնենք, որ Լեռնային Ղարաբաղի հակամարտության գոտում հրադադարի վերահսկողության ռուս-թուրքական համատեղ կենտրոնը բացվել է Քիյամադինլի բնակավայրի շրջանում՝ 2020 թ․-ի նոյեմբերի 11-ին Ռուսաստանի և Թուրքիայի պաշտպանական գերատեսչությունների ղեկավարների կողմից ստորագրված հուշագրի համաձայն:

Համատեղ կենտրոնի անձնակազմը ներկայացված է պարիտետային հիմունքներով՝ յուրաքանչյուր կողմից մինչև 60 զինծառայող: Կենտրոնն ուղիղ գծով կապ ունի հակամարտության կողմերի ռազմական կառավարման մարմինների և ռուսական խաղաղապահ զորակազմի շտաբի հետ:

27
թեգերը:
Արցախ, Ռեջեփ Թայիփ Էրդողան, Վլադիմիր Պուտին
Ըստ թեմայի
«Մեծ հաճույքով Արցախում կծառայեի»․ Հայաստանում ամառային զորակոչ է
Անփութությունից ծնված պարտություն, կամ Հայրենականի սկզբի և Արցախյան պատերազմի նմանությունը
Արցախում 500 000 դրամ կտրամադրվի այն վիրավորներին, որոնք աջակցություն չեն ստացել ՀՀ–ում