«Տրինիտի կանյոն այգիներ» ընկերության գործադիր տնօրեն Հովակիմ Սաղաթելյանը

«Այս գինիներն այստեղ են, որովհետև ես բարի մարդ եմ». օրգանական գինին «խնդրում են» դրսերում

307
(Թարմացված է 14:21 03.12.2019)
Միջազգային հարթակներում խաղողի հայկական տեսակները հաճախ ներկայացվում են որպես վրացական կամ ադրբեջանական, սակայն հայկական ավանդական գինին շարունակում է գրավել միջազգային շուկան։ 

ԵՐԵՎԱՆ, 3 դեկտեմբերի – Sputnik. Հայաստանում արտադրվել է առանց քիմիկատների մշակված խաղողից ստացված, այսպես կոչված` օրգանական առաջին գինին։

Արտադրողը Վայոց Ձորի մարզի Արենի համայնքում գործող «Տրինիտի կանյոն այգիներ» ընկերությունն է։ Ընկերության գործադիր տնօրեն Հովակիմ Սաղաթելյանը լրագրողների հետ հանդիպմանը եկել էր երկու շիշ գինով։

«Այս գինիներն այստեղ են, որովհետև ես բարի մարդ եմ,– ներկայացնելով իր արտադրանքը` կատակեց գործարարը,– այս գինիների պահանջարկը 3 անգամ ավելի շատ է։ Ինձանից գինիներ են խնդրում դեպի Հոլանդիա մեր արտահանողը, Շվեդիա, Շվեյցարիա արտահանողները։ Ես կրճատել եմ արտահանման քանակը, որպեսզի մեր շուկայում գոնե մի քանի հազար շիշ լինի, որ մեր ժողովուրդն էլ խմի լավ, որակյալ գինի»։

Հայաստանյան առաջին օրգանական գինիները խորհրդանշական անուններ ունեն` «6100» և «Խաչմերուկ»։ Սև արենի տեսակի խաղողից ստացվող «6100»–ը խորհրդանշում է Հայաստանի գինեգործության տարիքը։

Пресс-конференция Органическое виноделие: вызовы и особенности (3 декабря 2019). Еревaн
© Sputnik / Aram Nersesyan
Օրգանական գինիների արտադրության թեմայով ասուլիս

«Խաչմերուկը» ստացվում է 75 տոկոս սիրահ և 25` արենի տեսակներից։

«Գինին հաճախ դառնում է խաչմերուկ մարդկանց համար։ Մարդիկ նստում են, կիսվում իրենց մտահոգություններով, ուրախություններով։ Գինին մշտապես ներկա է եղել բոլոր ծեսերին։ Խաչմերուկի մյուս իմաստն էլ այն է, որ այս գինու մեջ երկու խաղող են հանդիպել»,– մեկնաբանեց գործարարը։

Исполнительный директор компании Сады Тринити Каньон Оваким Сагателян на пресс-конференции Органическое виноделие: вызовы и особенности (3 декабря 2019). Еревaн
© Sputnik / Aram Nersesyan
«Տրինիտի կանյոն այգիներ» ընկերության գործադիր տնօրեն Հովակիմ Սաղաթելյանը

Հայաստանյան առաջին օրգանական գինու առաջին արտադրանքն ընդամենը 14 000 շիշ է, բայց այն  արդեն հասցրել է պահանջված դառնալ Շվեյցարիայում, Շվեդիայում, Գերմանիայում, Ֆրանսիայում, ԱՄՆ–ում։

Գինիների արտահանումն աճել է. Փաշինյանը հայկական նոր բրենդի նախանշաններ է տեսնում

Հովակիմ Սաղաթելյանի խոսքով` օրգանական գինու 1 լիտրի ինքնարժեքը 6-8 դոլար է 3000-4000 դրամ)։ Առանց քիմիական պարարտանյութերի կիրառման 1 հա–ից ստացվում է 5-6 տոննա խաղող։ Համեմատության համար Հովակիմ Սաղաթելյանը հիշեցնում է ոչ վաղ խորհրդային անցյալը։

«Խորհրդային Հայաստանում պլանային տնտեսություն էր և ստիպում էին, որ մարդիկ 1հա–ից 20-22 տոննա խաղող ստանան։ Դա հնարավոր է միայն հողի հերն անիծելով, տալով հսկայական քանակի հերբիցիդներ, պեստիցիդներ, քիմիական պարարտանյութեր»,–նշեց նա։

Пресс-конференция Органическое виноделие: вызовы и особенности (3 декабря 2019). Еревaн
© Sputnik / Aram Nersesyan
«Տրինիտի կանյոն այգիներ» ընկերության գործադիր տնօրեն Հովակիմ Սաղաթելյանը և «Խաղողագործության և գինեգործության հիմնադրամի» տնօրեն Զարուհի Մուրադյանը

Քիմիական նյութերն այսօր էլ Հայաստանում դեռ շարունակում են լայնորեն կիրառվել գյուղատնտեսության մեջ։ Դրանցից առայժմ չեն հրաժարվում նույնիսկ խոշոր արտադրողները։ Բայց գինեգործության ոլորտի մի շարք հայտնի ընկերություններ արդեն առաջին քայլերն են անում դեպի օրգանական արտադրությունը։ Այս մասին լրագրողներին հայտնեց ասուլիսին ներկա «Խաղողագործության և գինեգործության հիմնադրամի» տնօրեն Զարուհի Մուրադյանը։

Директор Фонда виноградарства и виноделия Армении Заруи Мурадян на пресс-конференции Органическое виноделие: вызовы и особенности (3 декабря 2019). Еревaн
© Sputnik / Aram Nersesyan
«Խաղողագործության և գինեգործության հիմնադրամի» տնօրեն Զարուհի Մուրադյանը

Նա նաև նշեց, որ արտերկրում հայկական գինու պահանջարկը շարունակում է բարձր մնալ։ Հիմնադրամի տվյալներով` 2018թ.–ի առաջին կիսամյակի համեմատ, 2019թ–ի նույն ժամանակահատվածում շուրջ 300 000 լիտր գինի ավելի է արտահանվել, բայց արտահանման ամենամեծ ծավալները կանխատեսվում են տարեվերջին։

«Հիմնականում արտահանումն ավելանում է երկրորդ կիսամյակում` Նոր տարվան ընդառաջ։ Մեր ընկերություններն այս պահին ակտիվ պատրաստվում են արտահանման»,– ասաց Մուրադյանը։

Հայկական գինին շարունակում է գրավել չինական շուկան։ Հիմնադրամի տնօրենի խոսքով` Չինաստանն այսօր Ռուսականից հետո հայկական գինու երկրորդ շուկան է։ Ի դեպ, Չինաստան ավելի շատ արտահանվում են ոչ թե խաղողի, այլ մրգային գինիներ։

Պղնձի ու ադամանդի արտահանումը նվազել է, փոխարենը նոր շուկաներ են նվաճում գինին ու շոկոլադը

Միջազգային հարթակներում հայաստանյան գինեգործությունը ներկայացնելիս,  ոլորտի մասնագետները, Զարուհի Մուրադյանի խոսքով, հաճախ ստիպված են լինում պայքարել հանուն խաղողի հնագույն տեսակները հայկական կոչելու իրավունքի։

Բանն այն է, որ հաճախ դրանք ներկայացվում են որպես ադրբեջանական կամ վրացական տեսակներ։

«Մեր Արենին և Ոսկեհատը եվրոպական էլեկտրոնային բազայում նշված էին որպես ադրբեջանական տեսակներ։ Բայց մենք կատարված հետազոտություններով ապացուցել ենք, որ դրանք հայկական հնագույն տեսակներ են, ու արդեն իսկ մեր ստեղծած տեղեկատվական բազայում, որը կցված է միջազգայինին, այդ տեսակները նշված են որպես հայկական»,–ասաց Մուրադյանը։

Մասնագետների խոսքով` նման դեպքերը, ցավոք, եզակի չեն։ Հայկական խաղողի հնագույն խաթուն–խարջի տեսակը դեռևս խորհրդային խաղողագործության մեջ ներկայացվում էր որպես ադրբեջանական։

Հայկական խարջին պահպանելու ու նաև դրանով աշխարհին ներկայանալու համար հաջորդ տարի հիմնադրամը ծրագրում է նոր տնկարաններ հիմնել`հատուկ հայկական խաղողի ամենահին ու ավանդական այդ տեսակի մշակման համար։

307
թեգերը:
Օրգանական գինի, Հայաստան, Գինի
Ըստ թեմայի
Փաշինյանը վիետնամցի գործարարներին առաջարկել է հայկական գինի ու կոնյակ արտահանել Վիետնամ
Հայկական գինին և ջուրը ՌԴ–ում կփոխարինե՞ն վրացականին. ի՞նչ կտա մեզ ռուս-վրացական լարումը
Գինիների արտահանումն աճել է. Փաշինյանը հայկական նոր բրենդի նախանշաններ է տեսնում
Հայկական գինի և Սերժ Թանկյան. վարչապետի ընտանիքը վայելում է կիրակին. լուսանկար
ԱԱԾ

Զինծառայողին զորահավաքից ազատելու համար Covid-19-ի կեղծ եզրակացություն են տվել. տեսանյութ

364
(Թարմացված է 00:40 25.10.2020)
Ձերբակալվել է և՛ զինծառայողը,  և՛ հանցագործությանն օժանդակած բժշկական կենտրոնի ծառայողները:

ԵՐԵՎԱՆ, 25 օգոստոսի – Sputnik. ՀՀ ազգային անվտանգության ծառայությունը պարզել է, որ զորահավաքային զինծառայող Ա. Ս.-ի հայրը` Ն.Ս.-ն, բժշկական կենտրոնի լաբորատորիայի վարիչին և նույն լաբորատորիայի լաբորանտին համոզելու կամ այլ եղանակով դրդել է, որ վերջիններս իրենց  լիազորություններն օգտագործեն կազմակերպության շահերին հակառակ և զորահավաքային զինծառայողի օգտին։ Տեղեկությունը հայտնում է ԱԱԾ մամուլի ծառայությունը։

Նրանք 2020 թվականի հոկտեմբերի 22-ին զորահավաքային զինծառայողի անվամբ կազմել են կեղծ փաստաթղթեր առ այն, որ իրականացրել են Covid-19–ի նմուշառում, մինչդեռ վերջինից փաստացի որևէ նմուշ  չի ստացվել, իսկ լաբորատոր հետազոտության համար համապատասխան փորձաքննության են ուղարկել այլ անձի նմուշ։

2020 թվականի հոկտեմբերի 23-ին զորահավաքային զինծառայողի անվամբ կազմվել և շրջանառության մեջ է դրվել բովանդակությամբ կեղծ եզրակացություն առ այն, որ վերջինիս մոտ իբր հայտնաբերվել է Covid-19 հիվանդություն,  այդ հանգամանքը հնարավորություն է տվել զորահավաքային զինծառայողին ռազմական դրության պայմաններում ապօրինի ժամանակավորապես դադարեցնելու զինվորական ծառայության կամ դրա առանձին պարտականությունների կատարումը:

Դեպքի առթիվ ՀՀ ԱԱԾ քննչական դեպարտամենտում համապատասխան հոդվածների հատկանիշներով հարուցվել է քրեական գործ, որի շրջանակներում զինծառայողի կողմից ռազմական դրության պայմաններում հիվանդության սիմուլյացիայի եղանակով զինվորական ծառայությունը կամ դրա առանձին պարտականությունների կատարումը ժամանակավորապես դադարեցնելու, ինչպես նաև հիշյալ առերևույթ հանցագործությանն օժանդակելու, իրավունք վերապահող կեղծ փաստաթղթեր կազմելու և օգտագործելու կասկածանքներով ձերբակալվել են ինչպես զորահավաքային զինծառայողը,  այնպես էլ՝ հանցագործությանն օժանդակած բժշկական կենտրոնի ծառայողները:

Ձեռնարկվում են անհրաժեշտ քննչական և այլ դատավարական գործողություններ՝ նույն բժշկական կենտրոնի ծառայողների կողմից նույնաբնույթ այլ հանցավոր դրսևորումները բացահայտելու, կոռուպցիոն մեխանիզմում ներգրավված անձանց ամբողջական շրջանակը պարզելու ուղղությամբ:

Ազգային անվտանգության ծառայությունը հորդորում է անմնացորդ կերպով կատարել հայրենիքի պաշտպանության սուրբ առաքելությունը, ցուցաբերել զինվորական պարտքի գիտակցված զգացողություն, զերծ մնալ տարատեսակ խարդավանքների, այդ թվում՝ հիվանդության սիմուլյացիայի միջոցով զինվորական ծառայության պարտականությունները կատարելուց խուսափելու կամ դրան օժանդակելու անթույլատրելի վարքագիծ դրսևորելուց։

ԱԱԾ–ն միաժամանակ խիստ զգուշացնում է, որ հետևողական կերպով շարունակելու է իր լիազորությունների շրջանակում ձեռնարկել իրավիճակից բխող անհրաժեշտ միջոցառումներ՝ ռազմական դրության պայմաններում բժշկական կազմակերպությունների ծառայողների կողմից հիվանդությունների ախտորոշման ընթացքում համանման չարաշահումները բացառելու, զինծառայողների համախմբվածության, մարտական պատրաստվածության, զինվորական կարգապահության կամ բանակի մարտունակության վրա բացասաբար ազդեցություն ունեցող անձանց հայտնաբերելու և նրանց նկատմամբ համարժեք քրեաիրավական ներգործության միջոցներ կիրառելու ուղղությամբ և հիշեցնում է, որ նկարագրված հանցավոր արարքը դասվում է ծանր հանցագործությունների շարքին, որի համար որպես պատիժ նախատեսված է հինգից տասը տարի ժամկետով ազատազրկում:

Ռազմական դրության սահմանափակումները խախտողները կենթարկվեն պատասխանատվության

364
թեգերը:
ՀՀ ազգային անվտանգության ծառայություն. ԱԱԾ, կորոնավիրուս, զինծառայող, Հայաստան
Ըստ թեմայի
«Զինվորը կգա, մի կտոր հաց տվող չլինի՞». France 24-ի ռեպորտաժը Արցախում մնացածների մասին
Տոնոյանն այցելել է ադրբեջանական ստորաբաժանումը ոչնչացրած զինծառայողներին
Ռուսաստանի մուայ թայի չեմպիոնն իր հաղթանակը նվիրել է հայ զինվորներին
«ՏՕՍ 1» խոցելը մի ուրիշ ուրախություն էր. վիրավոր զինծառայողն իրեն հերոս չի համարում
Հումանիտար ուղեբեռ

Կիպրոսից Հայաստան հումանիտար օգնության ինքնաթիռ է ժամանել

96
(Թարմացված է 23:23 24.10.2020)
Հայկական սփյուռքը շարունակում է օգնության ձեռք մեկնել։ Լուսանկարներում երևացող արկղերի վրա գրված է. «Միասնաբար հաղթելու ենք»։

ԵՐԵՎԱՆ, 24 հոկտեմբերի – Sputnik. Կիպրոսի փոքրաթիվ հայկական համայնքից այսօր Հայաստան հասավ հումանիտար օգնության ինքնաթիռ: Տեղեկությունը հայտնում է Սփյուռքի գլխավոր հանձնակատարի գրասենյակը։

«Կիպրահայ համայնքն ակտիվ և կազմակերպված է ինչպես ֆինանսական, այնպես էլ նյութական և քաղաքական աջակցության տեսանկյունից»,– գրված է հաղորդագրության մեջ:

Երեք Հայաստան էր հասել նաև Ֆրանսիայի և Գերմանիայի հայ համայնքների հումանիտար ուղեբեռը, որը «Հայաստան» համահայկական հիմնադրամի կազմակերպած երրորդ նմանատիպ փոխադրումն էր։

Կանադան ԿԽՄԿ–ին 350 հազար դոլար է փոխանցել Արցախում հումանիտար նպատակների համար

96
թեգերը:
Հումանիտար օգնություն, Արցախ, Հայաստան
Ըստ թեմայի
Միներալնիե Վոդի քաղաքի հայ համայնքը հումանիտար օգնություն է ուղարկել Հայաստան
Կանադան ԿԽՄԿ–ին 350 հազար դոլար է փոխանցել Արցախում հումանիտար նպատակների համար
Ադրբեջանը փորձում է խորացնել Արցախի տարածքում հումանիտար աղետը. ՄԻՊ